صدمه حياتي ذاك اليوم .. يا بنات شورو علي

الله يهدى لكى الحال مع خطيبك ويكملك على خير

الله يهديكم لبعض

ولو تتفاهمين معاه بالين وبالسياسة افضل من المصارحة

لانة شكله عصبي وعنيد

الله يتمم رواجكم على خيـــــــر يـــــارب....

يالغاليه لاتزعلين من كلامي ..
مدام أهو جذب عليج بالسفره من الاول شلون تصدقين أنه مو رايح عشان ............ ( وانتي فاهمه ) وماتدرين يمكن خيره لج انج عرفتي حقيقته قبل العرس والحمدالله ما أكتشفتي بعد العرس ..
أستخيري ربج والحمدالله

انا اتفق مع كلام نسرينا_67 لانه عين العقل..

انا زوجي بعد ما كتبنا كتابنا راح بانكوك و هو على وجع عرس.. و بعد ما اتزوجنا في الصيف بعد راح و كل طلعته مع اصدقاءه المقربين و انا اعرفهم زين..
حتى انه مرات جدام ربعه يقول شوفوني انا اتزوجت و زوجتي ما قالتلي شي بالنسبه للسفى لانها واثقه مني.. صح مرات احس ان كثير بنات يخافون و يرتعبون من هاي المشكله بس والله ترا عندهم طبيعه حلوه و الجزر هناك حلوه و الرييال ما تمشيه حرمه وهذا معروف.. عشان كذا اوثقي فيه و ترا الرييال كله ولا كرامته و الثقه..

اتهني بكلامه الحلو احين و على قولتهم اقعدي معاه و اثقلي عليه بس بحساب.. وقت كتب الكتاب بيبين كل شي..

اختج ليلي دبي

أحلى شرقاويه ..

هو سافر ويا ربعه .. يعني اكيد ما بيرد عليج لما ربعه بيكونون وياه ..

و لازم ما تشكين فيه لهذي الدرجه دام انج تحبينه و متأكده انه يحبج ..

و تراج لو تميتي اتشكين فيه و تسئلينه انت خنتني؟ او احلف انك ما خنتني ؟ آخر شي بيطفر و بيخونج صدق .. !!

لان ماظن ان في انسان في الدنيا يحب ان حد يشك فيه .. ؟

حطي نفسج في مكانه .. ؟!

و لو هو متغير عليج الحين .. هذا لانج انتي تغيرتي عليه ..

لانج حاطه في بالج انه راح بانكوك عشان الخرابيط و مادري شو ..

بس ترا مب كل اللي يروحون بانكوك يروحون حق هذي السوالف .. !

و دام انج انتي متأكده من اخلاقه و تصرفاته .. مافي شي يخليج تشكين فيه ..

انا مالومج انج تشكين فيه .. لانج تحبينه و تخافين عليه ..

بس يكون أحسن انج ما تبينين له هالشكوك عشان ما يتغير عليج ..

و لو انه يسهر ويا ربعه الحين .. سئليه اليوم الثاني .. شو سويت امس ؟ وين رحت ؟ استانست ؟ يعني جيه سوالف عاديه جنج تسئلينه شحالك و لا اخبارك .. !

و انا اشوف ان مدة الخطوبه سنه و نص واااايد طويله ..

يعني ربيعتي كانت مخطوبه و كملت سنه تقريبا .. و المشاكل وايد تزايدت بينها و بين خطيبها ..

انا ماقول لج مووووول لا تشكين فيه .. يعني تعطينه ثقه عميا نفس ما يقولون ..

بس لا تشكين فيه دامج تحبينه و هو يحبج .. و دام انج ما شفتي منه شي غلط ..

لان الشك هو اللي بيهدم الثقه اللي بينكم ..

اتمنى اني اكون ساعدتج ^_^

و الله يوفقكم و يخليكم لبعض ..

السموحه ..

بغض النظر اذا سوا شي والا لا !!

الكلام ليه يكذب ؟؟ ليه خايف من الصراحه !! بأسلوبه ارتكب اكبر غلط زرع فيك الشك

وفيه مثل يقول قابل الصياح بصياح تسلم !! الظاهر هو اتبع هذي المقوله

عجبي من الرجال اللي يغلطون واذا حد واجههم يصرفون الموضوع ويقلبونها على الطرف الثاني !!

حاولي تعرفين ليه كذب عليك وواجهيه بكل قوه ولاتهتمين ببلبلته لأنها مجرد تخويف ولاتتركين له مجال يحملك الغلط بطريقة معرفتك الحقيقه لأنه كذب عليك ومن حقك تعرفين ليه !!

حبيبتي المشكلة مش فيه بل في اصدقائه
انا متأكدة مليون بالمية ان اصحابه اللي سافر معاهم مش متزوجين وهذي المشكلة هو واعي و عاقل و خاطب و مسئول عن وحده لكنه شاب يبغى يطلع و يستانس مع اصدقائه عاد المشكلة اذا كانوا (صايعين) و اكيد ان لهم حركات هناك و زوجك يراقب و ينقدهم فقط صدقيني عشان كذا ما قالك هو واثق من نفسه و مدرك انه مسئول عن بيت لكنه يعرف بنية اصحابه و حركاتهم عشان كذا خبا الموضوع عنك و اكيد ما قال لأهلك عن وجهته..صح؟
والله ماعندي حلول لكني حاسة بالنااااااااااااااااااااار اللي في قلبك

ريـــم البــوادي;4608264:
حبيبتي قولي له مافي زواج الا لين رحت تفحص ويجيب لج تقرير الفحص وحطي بالج هذا كلام جد مو بس كلام على الفاضي هذي صحتج محد بيخاف عليها كثرج مو يروح يلعب واطيح في راسج واذا كان رايح للطبيعه على قولته ليش ما صبر لين اتزوجون وتروحون شهر العسل وتشوفون الطبيعه مع بعض
انه مو قاعده اترس قلبج عليه بس لازم تنتبهين لهالشي ما تخلينه يلعب عليج بالكلام
وسامحني

انا مع الاخت ريم لان اولا هو ما كان صريح و الصراحة في نظري اهم شى و اساس العلاقة الزوجية
و بعدين هو كذب و قال انه رايح ديرة ثانية و حق يومين!!!
و دام انه بعد تحسين انه متغير و مطنش و ما يرضى يراضيك باقل شي و يريحك بأنه يحلف انه ما خانك... معناها السالفة فيها شك...
أنا ما اقول اتركيه على طول لكن حاولي تعرفين.. لانه اذا لا سمح الله كان خانك و صابه شي.. فليش يكون في احتمال اصابتك بامراض (استغفرالله) واردة؟؟؟ خليه يفحص و هو اذا برئ بتعرفين اكيد و تتطمنين انشاءالله..

انا مع الاخت نسرينا والله يكون بعونك ان شاء الله