معكـــــــــــــــرونة باللحم المفروم مع صلصة الخضار من مطبخي بالصور ..

السلام عليكم ورحمة اللــــــــــه و بركاته..
هـــــــــذا الغدا اللي سويتـــــــــــــه اليوم عالســــــــريع و هي اكلــــــــــــــة طعمهــــــــــــــــــا وايـــــــــــــــد حلو و صحية ..انا مرات احط عليهـــــــــا جبن و بشميـــــــــل بس اخاف على الصحة و احاول اقــــطع قدر المستطــــــــــاع بس لو في ضيوف اكيـــــد ازيد عليها الجبن و البشاميل في الاخير و احطهـــــــــــا في الفرن ..

معكـــــــــــــــرونة باللحم المفروم مع صلصة الخضار ..

المكونات :-
معكرونة
لحم مفروم كمية شوي كبيرة
بصل
جزر
كوسا
ملفوف احمر او العادي
فلفل اخضر و رومي
بروكلي
ثوم
كزبرة
بهارات :كزبرة مطحونة-كمون-مكعبات ماجي

الطريقة :

نقطع البصل و نحمره في زيت الزيتون



نقطع الجزر و نحمرة مع البصل لين ما يحمرون شوي



نقطع الفلفل الاخضر و الرومي شرائح صغار و نضيفهم بعد ما البصل و الجزر يحمرون



معاهم الكزبرة



و نضيف البروكلي و الكوسا اللي قطعناها شرائح




نضيف شرائح الملفوف



بعدين نضيف اللحم المفرم

و نسكــــــــــر عليه عشان اللحم ينطبخ و يصير بهالشكل ..



نضيف مكعبين ماجـــــــــي



نضيف معجون الطماطم



و بعدين البهارات



فنفس الوقت انا اخلي المعكرونة عالنار و الطبخة كلها تكون جاهزة نفس الوقت

و هذي و انا اضيفلها كل شي





ونخلــــــــــط كل شي مع بعض



وهني غطيتها و خليتها على نار هــــــــــــــــــــادية جدا عشان المكونات تدخل في المعكرونة عدل



طلعــــــــــــت لذيـــــــــــذة بشكل مو طبيعي .. و ابو الشباب اكلها مرتين لين ما بطنه عوره حليله هههههههههه


بالصحة و العافيــــــــــــــة