تعالو وصلحولى معتقدات عمتى
و
20-11-2007 | 04:49 AM
مشكورة عروس الموج صح انى مقهورة منها بس والله يوم قريبت ردوكم يالسه اضحك
ع
20-11-2007 | 08:54 AM
وهوووج لا تنقهرين منها ترا لولاها جان ما خذتي حبيب الألب مزولا ههههههههههههه الله يحفظكم
و
20-11-2007 | 09:17 AM
ضحكتيني والله ..........ز
*
20-11-2007 | 09:38 AM
هلا اختي
بالنسبة لاسئلتج:
1_ الطفل يوم يخاف يحطوله ماي وملح في فمه (طشووووووونه بس) على قولتها يمكن تستويله حمى او اي مرض من الخوف.
(أول مرة اسمع هالشي)
2_لازم اخليه يمسك اللهايه (المصاصه او السهايه )
(والله اذا الطفل كان هادي فما انصحج باللهاية لانها تضر بالاسنان في المستقبل اذا كانت دايما بفم الطفل)
3_لازم اكل بما انى ارضع وااااااااااااااايد واكل على فترات منتظمه يعني اليوم اتغديت الساعه 2 لازم باجر اكل في نفس الوقت .
(بالنسبة للاكل هو صح لازم تاكلين بس مب في الوقت المحدد بالضبط)ما ادري احس صعبة تلتزمين بوقت محدد
4 _الطفل اكله في نفس الوقت مااغير.
(ونفس الشي بالنسبة للوقت اللي تأكلين البيبي فيه صعبه انج تتقيدين فيه أهم شي اتقسمين له الاكل على ثلاث وجبات فطور - غدا - عشا)
_ولدى بدا يمص اصبعه اتقول خليه عادي يوم بيكبر فهميه انه غلط .
(عادة مص الاصبع ترى مشكلة انا عندي ولد اخوي من يوم انولد كان يمص صبعه والحين عمره 8سنوات ولحد الحين يمص صبعه وقت النوم فحاسبي عليه لاتخلينه لان مع الوقت الصبع يضعف)الله يحفظ ولدج ويبعد عنه كل مكروه)
6_ لاتحاولين اتنظميين نومه يوم يكبر اشوي بينظم نومه .(بالنسبة للنوم الحين ماتقدرين تتحكمين بنوم الطفل لازم يكبر شوي لاتنسين ان الطفل في هالسن لازم ياخذ نومه كفايه عشان صحته )
7_ يوم يتثاوب اتحطب السبابه في حلجه بس بالعرض بس انا احس انه صبعها يلامس لسان ولدى .(والله مادري بس احنا انحط صبعنا بس ما كنت ادقق في امي وجدتي اي صبع اللي يحطونه)
8_ اتحب اتشل ولدى ورميه واترد تتلقفه (اتشله فوق وترد ايوده )يعني تمسكه من تحت باطه وترميه فوق في الهوا وترد تمسكه ..على قولتها عشان يكبر مايخاف (على فكره ولدى يخاف من اي شي او صوت مرتفع من يوم يبته )يعني اعتقد هذا ماله خص بس هى اتقول لازم اتشيلينه فوق في الهوا وترد تمسكيه جي مابيخاف .(هو تلعبين الياهل واتنططينه بس مب لدرجة انج تحذفينه لا اتلعبينه بالمعقول)..
9_ في شي اسمه نيل ماعرف هذا شو بس اعتقد لونه ازرق لازم الولد بعد مايتقرع يحطوله منه ولازم كل فتره اقرع ولدى .
(مادري عن هالنقطة عمرنا ماسويناها)
10_لازم مارضع وانا طايحه الولد مايكبر ولا يقدر يرضع عدل .
(بعد ما اقدر افيدج)
11_ككل يوم لازم اعطيه ينسون وتمر .
(والله انا كنت اعطي عيالي بس مب بششكل يومي بس كنت اعطيهم ماي التمر وشاي ميلوبا)
12_الولد مايتختن واهو مولود صغير (علما انى تنت ولدى 3 يوم الولاده ) .
(إحنا انطهر عيالنا أول ماينولدون )
(بالنسبة لتطهير البنت أول مرة أسمع هالشي مادري من وين جابت هالشي بس اسمحي لي...)
14_يوم اترقد ولدى واايد اتم اتهز فيه يعني راسه واايد يتحرك على قولتها عاادي .
(لا احنا الصراحة نعطي الياهل حليب ونحطه في السرير وينام بروحه بدون هالحركات)
15_اتعلق رقبته يوم يكون على ريولها اتقول لازم جي يشلون الولد.
(أول مرة اسمع هالشي)
16_ لازم اصلب ظهره انا واصلبه يعني تقصد لازم وواايد اخلي ولدى على بطنه واحاول ايلسه وظهره مستقييييم مب كله طايح على ظهره او اتيلسيينه على العربه اللى ظهره اشووووووووويه مرتفع على قولته الولد مايصلب نفسه بنفسه لازم انا اصلبه بهالطريقه .
(الا بهالطريقة بيتعور ظهره ورقبته بعد بتتعور هو لين الحين فديته صغير)
17 ولدى يحب يرقد على صوب وااحد اهو اليمين وبس كل ماشافته راقد على اليمين ورقبته اغلب الوت على اليمين اتقول ودوه المستشفى رقبته معواايه (علما انه واايد احاول اخليه يرقد على اليسار ويرقد عادي بس احيااانا يجلب على اليمين ).
(عادي انا ولدي يوم صغير كان ينام على طرف واحد وما اشوف فيه اي شي الحمدلله)
الولد لازم تربطينه وخاصه ريوله عشان تستوي سيده ويوم يرقد لازم تربطيه هذي انا سألت فيها دكتورة قالت خطر تربطوه ريولهم لانه الغازات ماتقدر تطلع.
بالنسبة لربط البيبي احنا نمهد الطفل بس نمهده عدل عشان ينام وقت أطول)
18_لازم الولد ياكل (تركه صالح )من العين هي عباره عن مادة بنيه يبيعها العطار عندنا او في السوق واتكون حامضه وااايد في كل دول الخليج موجودة بس باسامي مختلفه .هي اتطون شكلها نفس الحصاه بس لينه غااامقه مايله للسواد بس هي بنيه شوي .
(الصراحة مادري)
لازم مايرضع الا كل ساعتين حتى لو يصيح .
(عاد هاذي قوية الصراحة يمكن الطفل يجوع قبل الساعتين)
19 لازم اسحه كل يوم حتى لو برد واحطله بودره وزبوت كل يوم ودهن عود .
(احنا الصراحة كنا نسبح الياهل يوم ورا يوم اذا كان الجو حار اما اذا كان الجو بارد انسبحه كل عقب يومين مرة هو صغير مابيطلع يلعب برع )...
20 لازم البسه دبدوب هذا اللى يكون كامل يغطي الريول.
(هو هاللبس اريح للبيبي عشان حركته تكون اخف بس مب اجباري)...
21 لازم مااقول انه اك او شرب لاي احد مهما كان حتى لو اخت ريلي على قولتها مب زين والام اكثر وحدة تحسد ولدها.
(في هالنقطة يمكن اتكون خايفة عليه من العين هو صح عين الناس ماترحم )...
22 لازم اقلل اعطيه من صدري لانه حليبي كل مايكبر الطفل يقل فلازم يتعود على المرضعه اكثر (علما انه يشرب مرضعه بس مرة وحدة باليوم )
(بالنسبة للحليب أول مرة الصراحة اسمع هالكلام أصلا كل مارضعتي البيبي كل ما زاد الحليب)...
23 مب زين انكحل الولد بالاثمد ماعرف انتو شو اتسموه بس هو ماده اتكون نفس البودره لازم اكحله بكحل الى يكون نفس العجيين االلى الهنود يستخدموه .
(وانا بعد سمعت ان احسن كحل للاطفال الهندي)
24لازم اعصرله من حليبي في اذنه وفي عيونه لو صابها التهاب او اذا كانوا يعورونه (هي بليييز لازم اتردولى علييها لانها حشرتني كل مااستواله شي قالت اعصريه من حليبج )
(مادري)
25 لازم مااقص اظافره فليل ولا اسبحه فليل مب زين .
(حتى جدتي الله يرحمها كانت اتقول هالكلام)
26 لازم ابدله الحفاظ في الحمام يعني في المغسله مش بالقطن مثل ما انا اسوي (على قولتها عشان جي الولد مايصلب لين الحين رقبته علما انه ولدى ماكمل 3 شهور )
(لأ في هالسن احنا نبدل البيبي في الغرفة لحد مايكمل الثلاث شهور طبعا اذا كان بالليل بس طول اليوم عادي)...
27_ ولدى متاخر عن الاولد الثانيين اللى بعمره يقلب ويصلي رقبته وظهره ...
(عادي لاتهتمين لها النقطة أختي مب شرط كل اليهال نفس الشي عادي في ياهل يمشي وهو له 10شهور وياهل يمشي وعمره سنة وشوي)...
والله يخلي لج ولدج ان شالله
بالنسبة لاسئلتج:
1_ الطفل يوم يخاف يحطوله ماي وملح في فمه (طشووووووونه بس) على قولتها يمكن تستويله حمى او اي مرض من الخوف.
(أول مرة اسمع هالشي)
2_لازم اخليه يمسك اللهايه (المصاصه او السهايه )
(والله اذا الطفل كان هادي فما انصحج باللهاية لانها تضر بالاسنان في المستقبل اذا كانت دايما بفم الطفل)
3_لازم اكل بما انى ارضع وااااااااااااااايد واكل على فترات منتظمه يعني اليوم اتغديت الساعه 2 لازم باجر اكل في نفس الوقت .
(بالنسبة للاكل هو صح لازم تاكلين بس مب في الوقت المحدد بالضبط)ما ادري احس صعبة تلتزمين بوقت محدد
4 _الطفل اكله في نفس الوقت مااغير.
(ونفس الشي بالنسبة للوقت اللي تأكلين البيبي فيه صعبه انج تتقيدين فيه أهم شي اتقسمين له الاكل على ثلاث وجبات فطور - غدا - عشا)
_ولدى بدا يمص اصبعه اتقول خليه عادي يوم بيكبر فهميه انه غلط .
(عادة مص الاصبع ترى مشكلة انا عندي ولد اخوي من يوم انولد كان يمص صبعه والحين عمره 8سنوات ولحد الحين يمص صبعه وقت النوم فحاسبي عليه لاتخلينه لان مع الوقت الصبع يضعف)الله يحفظ ولدج ويبعد عنه كل مكروه)
6_ لاتحاولين اتنظميين نومه يوم يكبر اشوي بينظم نومه .(بالنسبة للنوم الحين ماتقدرين تتحكمين بنوم الطفل لازم يكبر شوي لاتنسين ان الطفل في هالسن لازم ياخذ نومه كفايه عشان صحته )
7_ يوم يتثاوب اتحطب السبابه في حلجه بس بالعرض بس انا احس انه صبعها يلامس لسان ولدى .(والله مادري بس احنا انحط صبعنا بس ما كنت ادقق في امي وجدتي اي صبع اللي يحطونه)
8_ اتحب اتشل ولدى ورميه واترد تتلقفه (اتشله فوق وترد ايوده )يعني تمسكه من تحت باطه وترميه فوق في الهوا وترد تمسكه ..على قولتها عشان يكبر مايخاف (على فكره ولدى يخاف من اي شي او صوت مرتفع من يوم يبته )يعني اعتقد هذا ماله خص بس هى اتقول لازم اتشيلينه فوق في الهوا وترد تمسكيه جي مابيخاف .(هو تلعبين الياهل واتنططينه بس مب لدرجة انج تحذفينه لا اتلعبينه بالمعقول)..
9_ في شي اسمه نيل ماعرف هذا شو بس اعتقد لونه ازرق لازم الولد بعد مايتقرع يحطوله منه ولازم كل فتره اقرع ولدى .
(مادري عن هالنقطة عمرنا ماسويناها)
10_لازم مارضع وانا طايحه الولد مايكبر ولا يقدر يرضع عدل .
(بعد ما اقدر افيدج)
11_ككل يوم لازم اعطيه ينسون وتمر .
(والله انا كنت اعطي عيالي بس مب بششكل يومي بس كنت اعطيهم ماي التمر وشاي ميلوبا)
12_الولد مايتختن واهو مولود صغير (علما انى تنت ولدى 3 يوم الولاده ) .
(إحنا انطهر عيالنا أول ماينولدون )
(بالنسبة لتطهير البنت أول مرة أسمع هالشي مادري من وين جابت هالشي بس اسمحي لي...)
14_يوم اترقد ولدى واايد اتم اتهز فيه يعني راسه واايد يتحرك على قولتها عاادي .
(لا احنا الصراحة نعطي الياهل حليب ونحطه في السرير وينام بروحه بدون هالحركات)
15_اتعلق رقبته يوم يكون على ريولها اتقول لازم جي يشلون الولد.
(أول مرة اسمع هالشي)
16_ لازم اصلب ظهره انا واصلبه يعني تقصد لازم وواايد اخلي ولدى على بطنه واحاول ايلسه وظهره مستقييييم مب كله طايح على ظهره او اتيلسيينه على العربه اللى ظهره اشووووووووويه مرتفع على قولته الولد مايصلب نفسه بنفسه لازم انا اصلبه بهالطريقه .
(الا بهالطريقة بيتعور ظهره ورقبته بعد بتتعور هو لين الحين فديته صغير)
17 ولدى يحب يرقد على صوب وااحد اهو اليمين وبس كل ماشافته راقد على اليمين ورقبته اغلب الوت على اليمين اتقول ودوه المستشفى رقبته معواايه (علما انه واايد احاول اخليه يرقد على اليسار ويرقد عادي بس احيااانا يجلب على اليمين ).
(عادي انا ولدي يوم صغير كان ينام على طرف واحد وما اشوف فيه اي شي الحمدلله)
الولد لازم تربطينه وخاصه ريوله عشان تستوي سيده ويوم يرقد لازم تربطيه هذي انا سألت فيها دكتورة قالت خطر تربطوه ريولهم لانه الغازات ماتقدر تطلع.
بالنسبة لربط البيبي احنا نمهد الطفل بس نمهده عدل عشان ينام وقت أطول)
18_لازم الولد ياكل (تركه صالح )من العين هي عباره عن مادة بنيه يبيعها العطار عندنا او في السوق واتكون حامضه وااايد في كل دول الخليج موجودة بس باسامي مختلفه .هي اتطون شكلها نفس الحصاه بس لينه غااامقه مايله للسواد بس هي بنيه شوي .
(الصراحة مادري)
لازم مايرضع الا كل ساعتين حتى لو يصيح .
(عاد هاذي قوية الصراحة يمكن الطفل يجوع قبل الساعتين)
19 لازم اسحه كل يوم حتى لو برد واحطله بودره وزبوت كل يوم ودهن عود .
(احنا الصراحة كنا نسبح الياهل يوم ورا يوم اذا كان الجو حار اما اذا كان الجو بارد انسبحه كل عقب يومين مرة هو صغير مابيطلع يلعب برع )...
20 لازم البسه دبدوب هذا اللى يكون كامل يغطي الريول.
(هو هاللبس اريح للبيبي عشان حركته تكون اخف بس مب اجباري)...
21 لازم مااقول انه اك او شرب لاي احد مهما كان حتى لو اخت ريلي على قولتها مب زين والام اكثر وحدة تحسد ولدها.
(في هالنقطة يمكن اتكون خايفة عليه من العين هو صح عين الناس ماترحم )...
22 لازم اقلل اعطيه من صدري لانه حليبي كل مايكبر الطفل يقل فلازم يتعود على المرضعه اكثر (علما انه يشرب مرضعه بس مرة وحدة باليوم )
(بالنسبة للحليب أول مرة الصراحة اسمع هالكلام أصلا كل مارضعتي البيبي كل ما زاد الحليب)...
23 مب زين انكحل الولد بالاثمد ماعرف انتو شو اتسموه بس هو ماده اتكون نفس البودره لازم اكحله بكحل الى يكون نفس العجيين االلى الهنود يستخدموه .
(وانا بعد سمعت ان احسن كحل للاطفال الهندي)
24لازم اعصرله من حليبي في اذنه وفي عيونه لو صابها التهاب او اذا كانوا يعورونه (هي بليييز لازم اتردولى علييها لانها حشرتني كل مااستواله شي قالت اعصريه من حليبج )
(مادري)
25 لازم مااقص اظافره فليل ولا اسبحه فليل مب زين .
(حتى جدتي الله يرحمها كانت اتقول هالكلام)
26 لازم ابدله الحفاظ في الحمام يعني في المغسله مش بالقطن مثل ما انا اسوي (على قولتها عشان جي الولد مايصلب لين الحين رقبته علما انه ولدى ماكمل 3 شهور )
(لأ في هالسن احنا نبدل البيبي في الغرفة لحد مايكمل الثلاث شهور طبعا اذا كان بالليل بس طول اليوم عادي)...
27_ ولدى متاخر عن الاولد الثانيين اللى بعمره يقلب ويصلي رقبته وظهره ...
(عادي لاتهتمين لها النقطة أختي مب شرط كل اليهال نفس الشي عادي في ياهل يمشي وهو له 10شهور وياهل يمشي وعمره سنة وشوي)...
والله يخلي لج ولدج ان شالله
و
20-11-2007 | 09:55 AM
مشكورة جوهرة الدوحه يعطيج العافيه ويخلييلج كتاكيتج