اللي تبي خطه لتفتيش شغالتها تدخل هنا

شغالة صديقتي من سيريلانكا
طيبة ويحبونها
وتحبهم
ويوم السفر بكوا عليها وبكت معاهم
وكانت مسوية بالفرن كيكة تبي تاخذها معاها لعيالها واهلها(لأنهم فقارة وعايشين بعشش هناك مايعرفون الكيك ولا ذاقوه)
المهم الخدامة نست الكيكة بالفرن ماخذتها وهي طالعة..وبعد ما طلعت من البيت بساعتين ام صديقتي فتحت الفرن ولقت الكيكة وتذكرت الخدامة وكسرت خاطرها لأنها نستها وبكت عليها مرة ثانية..
بالليل خذوا العيال الكيكة وقطعوها بياكلونها..

تخيلوا؟؟؟
ايش شافوا؟؟




قطعة ذهب كبيرة داخل الكيك سارقتها من امهم وحاطتها بصينية الكيك وبعدين صبت الكيك وخبزته بالفرن والذهب بقاع الصينية وكانت قصة الكيكة حيلة من حيلها علشان تسرق الذهب بس ربي خسرها وفضحها عند الناس اللي حبوها وبكوا عليها
والحين صاروا يتحسبوا ويدعوا عليها

يالله الله عليهم افكار مدري منين يجبونها

والله لو يستخدمون عقلهم بديرتهم كان مااحتاجو يشتغلون خدم عند حد

ذكرتني بقصه الخاتم الذهبي اللي بالكيكه اللي بسالي " افلام الكارتون"

كانت اخت الانسه منشن مسويه كيكه حاطه خاتم فيها يوم كان فيه حفله بالمعهد

اكيد الشغاله خذت الفكره منهم





























مشكووووووووووووورين لاضافتكم

انا عن نفسي اول مره تجيني شغاله لان توني متزوجه .. اذا سافرت بفتشها جدامها بقول لها بطلي اغراضج وبفتشها عادي

الله يستر من بلاويهم اللي ما تخلص ويغنينا عنهم يا كريم

بقولكم سالفتي ويا شغالتنا الفلبينية حسبي الله عليها

قبل لا تسافر طبعاً انا ويهي صار لوووووووح من الشغالات ما أخاف منهم كلش.. قلت لها يوم السفر تعالي لحظة بطلي الكرتون قبل لا تشحنينه بالباخرة والله يا بنات حاطة أغراضها بكرتون ثلاجتنا اليديد وايد كبير وقلت لها يلااااا أشوف جدامي بسرررعة.. وهي تقول لي لا لا ما في شئ .. تعرفون قلت لها يلااااا انا بفتش بروحي وطلعت كل شئ والله ما خلت شئ ابسط شئ شالته معاها تتخيلون دبابيس الدباسة واقلام الرصاص ومساحات ومساطر والصابون والمعاجين وحتى صياني العزايم وصحون العيد شكثر غالية هالاغراض.. وطلعتهم وهي متقفطة والله يا بنات ما يبين عليها كان شغلها وايد اوكي .. ورجعت بلادها بخفي حنين تستاهل

انا بشكارتي امس مسافره بس تدرون ان ها الخدامه غيييييير عن كل الخدامات :up:تدرون اني اخلي ذهبي ع التسريحه تنظف غرفتي وتطلع وماتاخذ شي :no:


انا بقولكم ليش؟

اول مايتني الخدامه حطيتلها عشر ريال في الصاله رميتها ع الارض وحطيت كيمره فيديو :21_129: وقعدت اسجل يوم شافت العشر رفعته ع الطاوله وجربت وياها اشياء وايد اشوفها تسر ق ولا ماتسرق مثل احط خمس ريال في كندورة زوجي واعطيها الثياب اتغسلهن ويوم تحصل فلوس تيني وتعطيني اياهن والحمدالله روحت عني وماعندي نقص في البيت وقبل ماتسافر قلتلها انتي زينه وماتسرقين نفس باقي البشاكير وانا بشتريلج الحين الاغراض حق اهلج هدايا والله استانست وقبل ماتروح عيالي الصغار تمو يصيحون عليها وهيه تصيح وياهم وقالتلهم يوم برد بشتريلكم العاب انشالله عقب شهرين بترجع إلنا

marshmellow

مبروك على الزواج وعلى الشغاله الجديده

انصحك تعاملينها زين وبنفس الوقت ماتعطينها وجهه كثير اذا مسختها بالميانه














اكبر قلب


الله يستر من بلاويهم اللي ما تخلص ويغنينا عنهم يا كريم

امين يارب العالمين

Terminal Manager


والله ذكرتني بشغالتنا اللي انحاشت الله يرحمها ما خلت شي الا وهفته معها حتى غطيان علب الببسي خذته

مدري وش بتسوي فيه بس احنا يوم جينا بنسفرها عيت تسافر مع انه تزن الا تبي تسافر من رابع شهر جات فيه

وبعد ما سوت لنا حفله وحوسه بالمطااار ونراكض ورها الادوار كلها 3 ادوار بالمطار والشررطه تدور عليها ومندوب

سفارتها جااا وهي عاد قامت تستقوي علينا يوم شافت المندوب" حست بعيال ديرتها واقفين معها" وبعدها

طاح وجهم يوم درو انا احنا مبلغين عنها بالشرطه وعن السرقه اللي صارت

والله اذكر ذاك اليوم كنا رايحين المطار بنسفرها يعني من بيتنا الى المطار اللين نرجع المفروض ساعتين ونرجع

لكن السالف الللي سوتها والفلم الهندي حقها جلسنا من 7 المفرب اللين 3 الفجر

وبالاخير ماتسفرت جعلها الريح " بسسسسسس من جد ذاك اليوم حسيته اكشن ووناسه خصوصا انه خواتي معصبين وانا الرايقه ذاك اليوم

الورده البيضا"

عجبني المسمى الثاني للشغالات " بشكارات"

انا من رائي انها تتفتش حتى لو كانت ما سرقت شي

قولي ليه قلت لي لييييييييييييييييييييييييييييييييه

شغالاتنا بشكارتنا اللي اللحين اللي عندنا زي شغالتك بس وش اكتشفنا انه كل شي معاد نبغاه من ملابس

اثاث اي شي ببالك نحطه باكياس ولا كراتين وبالاخير نجهزه علشان نتبرع فيه طبعا الشي الصالح للتبرع احنا

ونجهزه ونخلي السواق ياخذهم يوديهم للجمعيه طلعت البشكاره تخليه ياخذ شغلات بسيطه والباقي تخزنه

بالمخززززن المستودع بالبيت المهم المخزن عندنا صاير ماتشوفين الجدار من الاغراض هي حاه ببالها انها

بتاخذهم بس مستحيل خصوصا الملابس وخصوصا انه ما استاذنت ولا اسمعت الكلام اللي قلناه لها بس احنا

ناوين لا راح الكسل منا نفضي المخزن بيوم من الايام بس متى مدري

بشكارتنا=====>نحن مانقول خدامه نقوووووووول بشكاره(بالهجه الاماراتيه)



ع فكره يو م كملت عدنا البشكاره=====> الخدامه سنه فتشت اغراضها وكنت( لابسه قفازات)ههههه:dd:ههههه بس ماحصلت شي

ورده بيضا


انتوو اصلا ياهل الامارات رمسكم كله واحليله يهبل برشاااااااااااااااا << مدري وش دخلها برمسكم

الشغالات يبغالهم رابطه لحالهم

بسم الله .. سلام عليكم يا عرايس..

سالفتكم هذه لي فيها فلم.
خادمت أمي سوت فلم.. يوم جات الخادمة من المطار .. توليت أنا مسؤولية تفتيشها .. لأن معروف عن الأندونيسيا .. بلد سحر وشعوزة.
المهم فتشتها .. كانت شنطتها عبارة عن بطلونين .. 3 قطع ملابس داخلية .. 4 جلابيات ... 2 تيشرت .. وسدال للصلاة.. معجون أسنان .. كريم لليد .. وكيس بودة بيضا [COLOR="RoyalBlue"]ما عرفتها خذيتها منها ورميتها .. قالت لي إنها شبه للإبط .. بس ريحتها كان كلش مو زنه. ودوا حبوب فيه أربح حبات قالت للصداع .. هم شليته عنها...

بنت الناس إشتغلت وراحت وجت وأحسن ما يمكن بعد السنه بدت بالسانها الطويل والمسبات وتأذي الصغار .. بنت أختي عمرها سنه ونص ... كانت تجيب إبرت الخياطة وكل ما البنت تحركت غزتها .. تخيلوااا

صبرنا عليها على بال ما نطلع فيزا شغالة ثانية .. هذي تجي وهذي تروح ..
صبحت الصبح .. قالت لأمي أنا مريضة اليوم وما أبي أشتغل .. اليوم أنا إيجازة ..
أمي طيبة .. ما إعترضت .. ثاني يوم .. ما طلعت من حجرتها .. ثالث يوم نفس الشي .. تنادي عليها أمي تقول لها خليني أنا ما خذه إجازة إسبوع.. ( على كيفها )
المهم إمي قالت خلاص سفروها دامها ما تبي تشتغل ..
الصبح ذهبت نفسها للسفر .. وطالعة .. أمي تقولها على وين .. قالت لها إنتي قلتي بتسفريني .. إنزين بس محد حجز لك تذكرة ولا شي .. يومين وبنسفرج ...لا ماما أنا أليحين يبي يسافر .. ( يه على كيفك )
أمي قالت لها إنزين بس يرجع ولدي من الشغل بخليه يوديج المكتب .. أوكيه.
غسلي الثياب صال لج أربع أيام ما غسلتي .. إنزين ماما.
تروح أمي تشوفها إلا الإخت متسدحة بوسط المطبخ ..
إيش صار ..
لا ماما : أنا شوي تعبانه .
تقوم تكمل الغسيل وأمي تطالعها .. إلا الإخت تشنجت وجسمها كله صار يرتعش ..
إمي إرتعبت .. قالت حق إختي وديها المستشفه.. ما رضت تنزل .. ويا أختي
طلبنا لها الإسعاف .. تضرب الرجال بالسطار .. وتغمض عيونها غصب ..
حط المقياس في حلجها عضت عليه لين إنكسر .. المهم بالهوش والطاخ وطيخ ويا المسعفين ... إنتقلت إلى المستشفى .. وتم إجراء اللآزم ...
إرتفاع حاد في درجة الحرارة أدي إلى إغماء البشكاره في المستشفى شهر كامل .
قررت الوالدة تفتيش حقيبة السفر أثناء تواجد الخادمة في المستشفى ..
بغض النظر عن المسروقات إلي هي من كل شي من أتفه شيء لأثمن شيء .... تم العثور على : دواااء للقلب
دواء للضغط
دواء للكلى
أكياس بهى بودرة بنية
في الحال تم إبلاغ المستشفى ...
بعد ما فاقت من الغيبوبة .. إتهمتنا بإنا إحنى ضاربينها ومعزبينها .. لكن الحقيقة إنكشفت .. والتقرير الطبي .. في صالحنا طبعاً .. لأنها كانت ماخذه خلطة هالحبوب ..ولأنها سلميه ومافيها شي .. الدوا حق القلب من آثاره الجانية إرتفاع درجة الحرارة ... .. شدعوة حتى لو ضربناها حرارتها ما بترتفع .. غبية ..ما عرفت تتهمنا عدل ..

المهم الله جزاها وسافرت على بلادها مسنده على عجازة لإن إرتفاع درجة حرارتها أثر على الدماغ.. وأثر على حركة رجولها شوي..

_________________

الحمد لله إللي فك أمي منها...
_________________________________

بس خاطي أعرف البودة البنيه كانت شنو .. والبودة اللي كانت وياها من أول ما جات هم كانت شنو ... ومنوين جابت الأدوية الفتاكه هذي ؟؟؟؟؟!!!!!!!!!!!!!!
_________________

الله يستر علينا ويكفينا شرهم.[/COLOR]

بدخل سيده

نطرشها اي مكان وبعدين مع الشغاله الي معاها وماشي يوقفنا سيده الحجره

انا تعقدت من هالشغالات جد جد

خلاص قررت لما اتزوج .. ويصير عندي بيت

اني اخذ بيت على قدي مابي بيت شكبره

ابي ابيت اقدر اتحمل مسؤوليته .. لا شغاله ولا عوار راس

لا سرقات .. لا سحر .. لا تدخل في خصوصياتي .. لا انتحار وادويه .. ولا تغربل عيالي

ماني بمكسره والحمد لله .. راح اتحدى روحي واشتغل بنفسي

<< مضربه عن الشغالات

[B][COLOR="RoyalBlue"]سالفت الخدامات تصرف هنا ولاهنا ويكون قبل سفرهابساعات
يااما سوق لان اغلبهم يبون السوق قبل لايسافرون او اي مكان ثاني
بعد التفتيش والفرز تجهز لها شنطه جديده
تبعد الاشياء المشكوك فيها والاشياء المسروقه ويوضع الباقي بالشنطه
(ويفضل انك تبدلين كل اغراضها باغراض تشترينها حتى ترتاحين عن سالفة السحر ومالسحر)

وانا سمعت انا البودره البيضا اللي يجيبونها معهم
اغلب الخدامات تكون معهم لما يجون ان لم يكن كلهم وهي للعطف.
.يعني تحطها في اكل اوشراب اهل البيت او الاطفال عشان يحبونها ويدللونها

قبل كانو الناس عادي يشوفون البودره ويتركونها اما اللحين تثقفوا وصاروا يفهمون حركات الشغالات وياخذونها منهم ولازم اذا شفتوا اي شي غريب لا تتركونه ليما تعرفون حقيقته مو منها لا لا لالا لانها راح تكذب اكيد حتى تبرر موقفها
ويفضل ان تفتش الخادمه اول ماتجي وتبدل كافة اغر%

اما بشكارتنا فسالفتها سالفه ...

الله يسلمكم تتحسب نفسها الأميره ديانا .... باقيلها شهر وبتذلف بلادها فمن جيه مزودتنها حبتين ....

تتمشى في البيت و تغني بصوت عالي !!!! تدخل الحجرة وتشغل المسجل مالها بصوت عاااااالي .... تدخل بكل صغيرة وكبيرة في البيت .... تحب تتجسس ع سوالفنا .... انا واختيه ما نسوي لها سالفه ... تسألنا نقولها ما يخصج ... بس حليلها امي طيبه تقولها .... واحسها واااااااااايد طفسه تسوي حركات جدام اهلي الشباب ... يعني مثلا يوم بتحط شي ع الارض توخي وطبعا كل شي بارز .... ولما تشوف حد من الرياييل اتيود الصغاريه وتبوس فيهم ... يعني اونها س ك س ي ه

المهم .... بالنسبة للتفتيش ... ف امي تفتش من وراها بين فتره وفتره ... يعني كل اسبوعين ثلاث تدخل غرفتها وتشوف شو عندها ... وحجرتها فنفس القسم اللي فيه حجرتي انا واختي يعني ما تقدر اتييب رياييل ... وممنوع تظهر من البيت روحها ... وممنوع كلنا نظهر من البيت وتم فيه روحها ... يا حد يتم معاها او انشلها معانا وين ما نسير

هههههههههههههه
ذكرتوني بشغالة بيت ابوي
الكل كان يمدحها وان مافيها شي وامينه وصادقه
وبآخر 3 شهور طلع ماخذه لها تلفون بالخش ودخلت البيت كاميرا ومحد يدري وودتها بيت جدي ومحد يدري وطلعت فيلم الصور وهم محد يدري

وتهاوشت مع امي تقول لها اني مهو اول مره اچذب عليش اني على طول يچذب عليش <<= تخيلو بس

واحنا إلا خادمينها
اذا تقول لنا امي نقول لها تسوي الشغل احنا نسوي بدلها وآخر شي تطلع مثل القطو

وطلعت تكلم صبيان ووصلت لخطوط لآخر البحرين

وحطت لي العداوه عشان اني اخذت لها التلفون
وتهاوشت مع ابوي حتى كان قلبه بوقف علينا

وراحت بسلام وما كانت هي تدري متى انها بتروح

بس هي إلا قالت لنا فتشوني ولما فتشناها ما لقينا عندها شي



بس شغالة بيت ابوي العود كانت حتى صور خالاتي ماخذه
وچذبت عليهم قالت لهم ان زوجها يحتضر عشان بس تسافر

ممممممممممممممممم سالفتهم سالفه والله

الحمد لله ما عندي خدامة

انا شغالتي يوم قرب سفرها واصلا من قبل وانا متنرفزه منها ما ابيها قرفتني و قالت الوالده انها تبيها لحد ما تجي شغالتها انا رحت ويا الشغاله عند الوالده على اساس يوم وراجعين بعدين قلت لها بتجلسين عند ماما كم يوم او شهر لحد ما تروحين واستغليت وفتشت أغراضها كلها بس للأمانه ما لقيت معها شي الا اللي انا عطيتها اياه