افيدوني الله يخليكم

الافضل تعرضيه لاخصائي سلوكي او اخصائي نطق

اتفق مع رأي الأخت بلوسوم

اتفق مع رأي الاخوات

:iagree:

Blossoms;4594687:
الافضل تعرضيه لاخصائي سلوكي او اخصائي نطق

و انا اتفق معاهم بعد .. لان لي بنات اخو توم بعمر ولدك طول اليوم عفسة و حركاتهم ما تناسب عمرهم !

يعني كأنهم بنات سنة وحدة .. و ما يتكلمون .. جاتهم فترة اتكلمو و سكتو .. دشتهم الروضة و طلعو مثل الشي !

بس يبون يلعبون مايحبون يمسكون قلم ! ..

سووهم عملية ازالة ماي ورا الاذن الله يبعدكم عن العمليات .. لانه قالو يمكن مايسمعون منه و يأثر على نطقهم

بس للاسف مثل الشي .. و الكل ينصح اهلهم ياخذوهم لدكتور خاص للاطفال حتى يشخص الحالة لان احتمال

يكون التوحد و العياذ بالله !!

مشكورين اخواتي على النصايح
الغريب انه يعرف يقول كلمات
والحيوانات اعرفها والارقام وانواع الاكل والفواكه تقريبا كل شي بس اذا بكلمني يقول كلامه الخاص فيه ولا جمله مفهومه واذا بلعب معاه يلعب عشر دقايق بعدين يلوح كل شي ويقوم يمزح مزح ما ينتهي الا اذا اتعور وطاح على خشمه ولا فمه

اولا خذيه لاخصائي ... لن ممكن يكون السبب مرضي واحنا ما نعرف ...

ثانيا اذا طلع ما فيه شي .... خليه يختلط بعيال من الاهل او الجيران وانتي كوني تكلمي مهاه ...

رددي له بعض الجمل مرارا وتكرارا ... ممكن يكون في البيت عندكم حد يتكلم بلغة ثانية سواء ان كانت شغالة او بواب او سواق ممكن يكون لغتهم تختلف ويتكلمو بها طول اليوم فممكن تعمل للولد اختلاط ... انا حصلي هذ شي وانا صغيرة على حسب ما حكت لي امي ... كانت عندنا شغالة مغربية وتتكلم بلغتهم العربية الصعبة هذي وكنا عايشين في لندن ... وانا كملت ال 3 سنوات ما كنت بتكلم ولا كلمة عدلة ... اخذتني للدكتور ... فقالها هذي حصلها تضارب فى اختيار اللغة ما بين العربية والانجليزية والمغربية ...

ثالثا ممكن تدخليه المدرسة بايزيد يتعلم اشياء كثير من اقرانه ...
بالتوفيق حبيبتي ...

مشكوره ام حبيبي وسام على النصايح وجزاك الله خير
وانا ماعندي شغاله ولا بواب
بس احس من كثرا استعجاله في الكلام يسوي كذا لانه بدا من سنتين هالغه ومو راضي يكف عنها

اختي دخليه روووووووووووووووضه بيتغير كثير واذا عندكم لاسمح الله حالات مرضيه بعيلتكم وديه لاخصائيه نطق

وديه روضة

واذا ما تحسن وديه اخصائي

لامرض ولا اخصائيه ولاشي ولدك طبيعي وهو حاب يكتشف الاشياء من بدري بس بالكلام
وكلامه معاكي لانه اتعود انك تكلمي بنفس الطريقة في من وقت ماهو رضيع المشكلة انه الام تتكلم كلام مو مفهوم للطفل بس هو يسجل كل صوت يسمعه
الحل هو انك تحكي قصص باسلوبك واتكلامي معاه على انه شخص كبير ولا تمسكي الكتاب امامه هذا في اول مرة وثاني مره احضري له قصص يكون رسمها كبير وثالث مره اعطيه مرسام كبير وكراسه كبيره وقول هيا نرسم مثال الدجاجة
وانشاء الله ماراح يتعبك في الروضة
**************خبرة معلمة *********

أنا أقترح الإثنين.. خذيه للروضة يكون يختلط بالأطفال ويتعلم وبنفس الوقت خذيه لإخصائي نطق يكون يشخص الحالة لو في حالة لاسمح الله عنده مشكلة....

هذا الي افكر فيه ادخله الروضه لانه توه يروح الحمام وانشاء الله ما ينتكس ويرجع على البامبرز
لاني طفشت كل ما تعلم ونظف
يروح لجدته زياره تقوم تلبسه بامبرز تخاف ينجسها وكل ما قال لها
حمام تقول سوها في الحفاضه
وانا انفجر ويروح تعبي كله