طبق (الكشرررى بالعدس الاصفرررررر )

]ازيكم يا اخواتى الاعزاء النهارده كنت عامله فى الغداء كشرى بالعدس الاصفر فقلت لازم تشفوه
ولا المقادير
ـــــــــــــــــــــ
انا عملت 2 كوب ارز معاهم نصف كوب عدس اصفر ونصف كيلو مكرونه مشكله يعنى صغيره على اسباكتى
يضاف الارز مع العدس بعد غسله
وبعد ذلك نسويهم زى الارز العادى بس بأضافه الزيت وممكن نضيف شعريه للارز
وهذا شكل المكرونه بعد سلقها وتصفيتها ونضع عليها قليل من الزيت علشان تفلفل
وبعدين نحضر البصل المحمر يعنى حوالى 2 بصله مقطعه مربعات صغيره ومقدار من الزيت ويكون الزيت ساخن نضيف عليه البصل ونحمره حتى يصبح احمر وناسف ويصفى من الزيت ويوضع على المنشفى الورق ويوضع بالطبق
وبعدين نسوى الصلصه نفرم حوالى 6 فصوص ثوم ونحمرهم فى الزيت ونضيف لهم عصير الطماطم والملح والفلفل والكمون
ويقدم
اولا فى الطبق نغرف شوية ارز ثم شوية مكرونه عليه ثم الصلصه ثم البصل المحمر

وبالهنا والشفا