لمن تكون ضيفه أهل زوجك قليله حيا شتسوين!

السلام عليكم ورحمه الله وبركاته ,, كل الي ردو:9_28:



اخواتي والله الصراحه كفيتو ووفيتو ... واعتقد مشكلتي من النوع الي ما ينتهي ,, ومتجدده ,,, وما بتزول الا بزوال هالبنت ,,, بس عموما اخر التطورات امس رحت بيت زوجي لان يومين ما زرتهم ولمه دخلت خبركم استعدادات حق عيد ميلاد اخت زوجي ,,, وطبعا ومب غريب عليكم من شفت هناك ..
شايله البيت على راسها فوق وتحت وحاطه وشايله,,, انا ماطولت سلمت وقعدت ومشيت ,,, ولا حتى عطيت مجال حق الكلام ..

بالنسبه للعيد ميلاد ,, قررت اني ماحضر ,,, وبوصل فكره اني رافضه وجودها ,,

بالنسبه لاخو زوجي استحي اكلمه .. بس زوجي كلمه اكثر من مره ,, , وقال ان ام زوجي هي الي تخليها تدش البيت وان هو عن نفسه ما يبيها ... اصلا.. ولا يبي هداياها ,, تصدقون كل مره تجيب له هديه بس هو ما ياخذهم كله فالتهم برع بالصاله ,, عشان تعرف ان ما يبيهم ..عطورات شغلات

اما اذا زوجي صمم اروح بقوله بصريح العباره اذا على الهديه بتوصل لها يوم ثاني اما بالنسبه للحضور مستحيل احضر دام هالبنت هناك ..

والله يعمل الي فيه الصالح .

تحياتي لكم واي تطور بقوله لكم

شوفي اختي انا يمكن ردي ما يفيدك كثير لكن نصيحة مني بالنسبة لعيد الميلاد بالعكس لازم تروحي

يمكن بعدم روحتك بتفرحيها كثير وبتكسب رضى حماتك اما بروحتك بتغيضيها وبتكسبي رضى زوجك وحماتك

وبتادي الواجب الي عليك وما عليك منها خليكي مثل ما انتي

شوفي خيوتي اني رايي من راي الأخت إلي قبلي روحي عيد الميلاد وحملي الهدية بيدك
وبطي جبدها هذي وحدة فاصخة الحيا كلش
تصدقين اذا اني من سمعت كلامك انبطت جبدي شلون وانتين عايشة الموقف صراحة الله يكون
يعونك خاطري اروح واسحبها من شعرها
عموما روحي عيد الميلاد مو تنسين وخبرينا شنو صار فيه اذا مارحتين ترى بقتلك
ترى انتي مرت ولدهم وهي حيا الله وحدة من الشارع يعني انتي الاصل والساس مو تخلينها هي تطلع الزينة وانتي تطلعي الشينة واذا قالت لك اي شيء قولي لها زوجي عاجبنه او زوجي شراه لي بطي جبدها

لااااززم تحضرين الحفلة انتي من الاهل واهي اللي لازم تطلع برا
هذول نفس هلج لازم ترووحين وتبينين انج مهتمه فيهم وان هي مب احسن منج
بعدين ام زوجج ما اهتمت في بناتها ولا خافت عليهم وين رايحين و من وين جايين
تظنين لو قطعتيهم بتهتم؟ بتسال عنج؟ انتي اللي بتخسرينهم وبتفرحين هذيك
وبعد مب زين بنتج ما تشوف جدودها ولا عماتها
ربي يوفقج ويثبتج

الله يعينج عليها ويكافيج شرها

الله يعينج اختي

وفعلا انتي مالج حق تطردينها من البيت المفروض راعية البيت

بس انتي انتبهي على زوجج وحاولي قد ماتقدرين انه مايتواجد معاها في نفس المكان

والله ماتعرفين شيصير يعني كل ماتيهم طلعي انتي مع ريلج روحوا اي مكان

وانبهج لاتكلمين عنها جدامه لا بخير ولابشر ولاجنها موجوده

هالاشكال توقعي منهم كل شي

والله يعنيج ويبعد عنا وعنج بنات الحرام

اااااه يالقهر الله يعينك اختي

السلام عليكم ورحمه الله وبركاته ..

بنات من بعد يوم العيد ميلاد ... اخو زوجي طلب من والدته ان هالبنت ماتدش بيتهم واذا دشت ترى ما بيقعد بالبيت أبد .. طبعا من حب ام زوجي لولدها .. بغض النظر عن هالبنت زينه ولا شينه ,, البنت من بعد يوم العيد ميلاد ما طبت البيت .. ليش وشلون مادري ... بس اتمنى انها تزول وما ترجع في كلامها وتغيب شهر وترجع ..

اشكر الي شاركو بالموضوع ولو رجعت انا مادري شنو ردت فعلي
تحياتي ومشكورين

الله يعوض صبرك خير اختي

بس تحملوا منها ومن اشكالها

والله يحفظكم وينور بصيرة ام زوجك

ان شاء الله روحه من غير رجعه
الله يبعدها عنكم

الله يسمع منك روحة بلا ردة صراحة فرحت لك من قلبي

ألف مبروووووووووووووووووك

قريت السالفه كامله بس والله ريحتيني انها ماراح اتطب البيت مره ثانيه

باطططططططه جبدي :@ ... بل والله صج عيب ! بدال ماتزعل وتتضايق وتحاول تنسى ان اخو ريلج مايبيها .. تروح تقط عمرها على بيته .. هيلقيّه هالبنت !

بس زين الله فككم منها .. وانشالله ماترجع

واذا اذا اذا ارجعت ( الله لايقول ) .. يارييييييييتج تقطين عليها نغزااات وتلعوزينها .. عيل هي الي تلعوزج وتشوفج متنرفزه وتستانس وانتي لا ؟

مادري .. انا عني وحده ام السان ههههههههه

والله يوفقج يا نوور :)

الله يسلمكن ويعافيكم جميعا ان شاء الله ومشكورين على المرور وان شاء الله ما تفاجا فيها مبسطه عندنا ... اشكر مروركم

صج انها بنت موطبيعيه؟؟

تقول يمج لزوجج ياحمار او تقول له لو انت تزوجتني جان كشخت لك؟؟؟؟؟؟؟

لو انا منج خسي خسي اخليها جان انتف ريشها واكسر عظامها واسبها من فوقها لتحتها

قولي لها ماعندج اهل انتي يايه تقطين عمرج على بيوت الناس

أنب بقول ليش
اتفقي ويا زوجش انه من يدش بيت أبوه وانتن وياهم يقعد يناديش بدلع يودلل فيش
وانتين طلعي اغراض وراويهم اياها وقولي لها انهم هدية منزوجش بين فترة وفترة خلها تنقهر الباصقة نا س فيهم دودة يشيلونها بسواد الوجه

[GRADE="800080 32CD32 FF0000 00BFFF"]اصلا هي محتره منج خليها عنج لان

هاي الاشكال ماتنعطى ويه[/GRADE]

هههههههههههههه خليتيني اضحك .. هاي شكلها فيها هبل .. ولا مهويه

اللهم استرنا بسترك في الدنيا والآخرة

الله يعينج عليها

ابصرااااااااااااحة هل لوث وايد وتارسين الدنيا

انا لو مكانج اجنبتها ولا أقعد وياها لانها ماتستاهل الحشيمة

وعلى قولتهم الحقران يقطع المصران