...الولو...;4612016:
يابنات قسم بالله اني خايفه موت من الولاده ....باقي لي كم يوم ادخل الثامن وربي شايله هم كبير الله يسيرلي يااارب
بعد أذن صاحبة الموضوع
حبيت أقولك يا اختي الولو
وكلي امورك لرب العالمين
وصدقيني كلها ساعات من الالم والتعب بس مجرد ماتشوفين النونو بحظنك تنسين الدنيا ومافيها :shy:
السلام عليكم ورحمة الله وبركاته حبيت اليوم اشارككم باني احكي لكم قصة ولادتي وربنا يعين كل وحده حامل وولادتها قريب
اولا كنت نايمه الساعه 12 الظهر اصلن كان يجيني نوم كثير وانا حامل فكنت احس بالم بظهري بس خفيف ويروح ويجي بعدين صحيت عشان اصلي الظهر عادني الا اقوم من السريير احس في ماي نزل مني فخفت لاني عادن بكر ولاول مره فرحت الحمام وشفت انه في خيوط دم قليل فخرجت وكلمت امي امي قالت حلو بشارة خير المهم استدعينا الدكتوره اللي قدها مختصة العائله اجت وقالت عاده بداية فتح الرحم فجلست عندنا وتغدتت وهم ياكلوا وانا اشوفهم ومالي نفس بشي كنت خايفه وامي كانت خايفه اكثر مني المهم جلست الدكتوره لمن الساعه تسع بالليل قالت بتروح ترتاح عشان لو في ولاده بترجع
راحت وطبعا مانمت للساعه ثنتين الليل احس الالم زاد وكل شويه يزيد وبنت عمي كانت جنبي وتشوفني كيف اتألم فخافت فاستدعوا الدكتوره الساعه ثلاث الفجر تقريبا
اجت برضو قالت عاده بدايه قدني اتألم وحالتي حاله وهي قالت شويه المهم عملت حالة طوارئ بالبيت كلهم خافوا ابي وامي طلعوا الدور الثاني وماعاد نزلوا عشان مايسمعوني وانا اتألم المهم قلت للدكتوره احس نفيب هلكانه عالاخر اشتي مقويات عشان اقدر اولد قالت قومي نوديك المستشفى رحت المستشفى قامت الدكتوره اللي بالمستشفى تقولي يالله بنكشف عليكي نشوف كيف الرحم قلت لها لا انا اشتي مقويات وبس ورفعت صوتي وخرجت من المستشفى
ودوني مستشفى ثانيه قامت دكتوره يمكن من روسيا تكشف علي بالغصب وانا صحت سمعت المستشف كله ههههه
بعدين ودوني على الفحص عشان يعفوا ايش فصيلتي المهم اخذوا مني دم بعدين قالت هاتي اذنك عشان نسبة التجلط ماادري ايش وكانت تصايح قمت قلت لها ولا باعطيكم شي انا حره وماابغى اعمل فحص ولا شي وخرجت اجري من غرفة الفحص
بعدينقاموا يشتوا يدخلوني غرفة الولاده دخلت الصاله واسمع الممرضات يقولوا دخلوها عشان يفكوا لها ماي البيبي خفت وخرجت اجري على طووول قام واحد من مسئولين المستشفى هو صاحب ابي قال هذي تولد ولا مالها على ماحكوا لي طبعا
المهم خرجت اجري وكانت الساعه 11 صباحا اليوم الثاني طبعا
المهم روحت البيت وانا اتألم وحالتي حاله الالم يجي ويروح بس ثانيتين ويرجع اقوى المهم ماعاد استحملت
ااصلن كانت الدكتوره تقول في ولاده بس الرحم مقفل مافتتح القدر الكافي
بعدين خلاص نفذ صبري اتصلت لابيقلت له اطلب لي سيارة المستشفى باروح اعمل عمليه واجت السياره واجت دكتوره معاها وقد دكتورتي اللي بالبيت فكت لي الماي وقدني متجهزه الولد
المهم اجت الدكتوره الثانيه كشفت علي قالت حرام عليكم تصبروا كذا على البنت قلت لها اخرجي مااشتيكي بالغرفه ربي بيسهلي ان شاء الله وكانت الساعه خمس المغرب بديت من هذاك الساعه ادفع وسبحان الله افتتح رحمي بنص ساعه كامل وخالتي كانت جنبي قالت كنت اسمعك من داخل كانك تتقطعين
المهم مافيش ساعه الا ربع الا وقد ولدت الحمدلله رغم انه الدكتوره الثانيه قالت احتمال الام او البنت يعيشوا
والحمدلله ولدت بارادة ارحم الراحمين وجبت بنت وماعملت لي غرزه ولا شي لانه بنتي خرجت صغيره
ربنا يحفظها ويخليها لي ويديم علينا الصحه والعافيه
طبعا زوجي كان مسافر وقت ولادتي فما ذكرته
اسفه اني طولت
عسى ربي يرزقكم كل خير ويسهل عليكم
هذي قصة ولادتي
[GRADE="DC143C DC143C"]السلام عليكم و رحمة الله و بركاته
الحمدلله رب العالمين ولدت قبل اسبوعين بالضبط و الله رزقني بنوتة
كان موعد ولادتي 3 اكتوبر بس ولدت ب 25 سبتمبر والحمدلله صمت 12 يوم من رمضان
انا من بداية التاسع و راس البيبي نازل حيل و مفتوحة 2 سم و زاد و صار 3 سم والراس كل ماله و ينزل اكثر بس ماكان يايني طلق و لا الم و الدكتورة تقوللي انتي ولادة في اي وقت و لو تدخلين المستشفى ما يطلعونج
بس مثل ما قلت ماكان فيني طلق
المهم بتاريخ 25 سبتمبر بعد صلاة الفجر ياني الم مثل الم الغازات بأسفل البطن و صار يتكرر كل عشر دقايق و زوجي كان يحسبلي
بس انا ماكنت مصدقة ان طلق
دقيت على امي الساعة 6 الصبح و قلتلها ان فيني الم يتكرر كل عشر دقايق قالتلي دقي على دكتورتج الحين يمكن طلق
المهم دقيت عالدكتورة و قالتلي هذا طلق تزهبي و روحي المستشفى
قمت اخت شاور و لبست و انا اضحك اقول هذا مو طلق و المستشفى راح يرجعوني البيت
على الساعة سبع و نص طلعت و رحت المستشفى مع زوجي و خذيت جنطتي و اغراضي
وصلت المستشفى الي فتحت فيه ملف الي اهو مستشفى رويال حياة و رحت قسم الولادة و حطولي جهاز يحسب الطلق و لقو قيني طلق و فحصتني الدكتورة الي عندهم قالت مفتوحة 4_5 سم يعني ولادة
جان المستشفى يدقون على دكتورتي عشان تيي و رحت غرفة الولادة روووعة وايد حلوة و تريح الاعصاب
لبست لبس امستشفى الي مفتوح من ورى والله فشلة
عاد هني امي وصلت و ابوي بعد جان يعطوني المسهل افففف شنو يذبح عوار قمت من المرحاض الا ينزل مني دم لان الرحم قام ينفتح
شوي جان تيي دكتورتي و تفتح ماي البيبي بس ماكان يعور عادي كأنه فحص و حسيت ماي وااااايد و دااااافي ينزل بس كله و انا نايمة عالفراش
طبعا كل هذا و انا طلقي بارد و خفيف
جان يحطونلي الدرب و يقزوني ابرة ترخي العضلات بس احس انها تدوخ لان صرت دايخة بعدين
و بعدين الدكتورة حطتلي طلق صناعي لان طلقي خفيف و قالتلي الدكتورة اذا حسيتي كانه تبين تروحين الحمام هذا يعني الراس يبي يطلع قوليلي
شوي جان احس ان كاني بروح الحمام قلت حق امي جان تنادي الدكتورة جان تفحصني ولا كلش بولد
جان يطلعون شي عشان احط ريولي عليه و حطو ليتات قوية و قالتلي ممرضة بريطانية شلون طريقة الدفع
و قمت ادفع و ادفع جان احس بالبيبي طلع جان يحطونها على صدري بس ماكانت تبجي بجت بعدين جان زوجي يقص الحبل السري
بعدين قامت الدكتورة مادري شتسوي تخيط او شي بس كان الم شديييد جان تخدرني ربع ساعة خيطتني و سوتلي تنظيف للرحم
قمت جان اييبون بنتي و قمت ارضعها شوي
بعدين الممرضة ودتني الحمام و اخذت شاور و لبست و قعدت على كرسي متحرك و عطوني بنتي جان اروح غرفتي الي اهيا جناح اللوتس و سويت فيه استقبال ولادتي
الحمدلله المستشفى كان ممتاز و خدمتهم رووووووعة كاني بفندق 6 نجوم مو مستشفى و الجناح خيالي و كل شي كان فوق الممتاز الحمدلله
بس طبعاً بعد الولادة حسيت جسمي متكسر و يعورني من كل صوب و صارت فيني بواسير تذبح عوار ماقدرت انام اول ليلة مع اني ماخذه ادوية عشان يخف الالم بس الحمدلله الحين وايد احسن[/GRADE]
ألف حمد الله على السلامة على الوالدات.. والله يسهل للباقين يارب
الله يسهل ولادتكم جميعا
ويرزق كل وحدة نفسها تحمل
أحلى ملح;4654819:
هذي قصة ولادتي
[GRADE="DC143C DC143C"]السلام عليكم و رحمة الله و بركاته
الحمدلله رب العالمين ولدت قبل اسبوعين بالضبط و الله رزقني بنوتة
كان موعد ولادتي 3 اكتوبر بس ولدت ب 25 سبتمبر والحمدلله صمت 12 يوم من رمضان
انا من بداية التاسع و راس البيبي نازل حيل و مفتوحة 2 سم و زاد و صار 3 سم والراس كل ماله و ينزل اكثر بس ماكان يايني طلق و لا الم و الدكتورة تقوللي انتي ولادة في اي وقت و لو تدخلين المستشفى ما يطلعونج
بس مثل ما قلت ماكان فيني طلق
المهم بتاريخ 25 سبتمبر بعد صلاة الفجر ياني الم مثل الم الغازات بأسفل البطن و صار يتكرر كل عشر دقايق و زوجي كان يحسبلي
بس انا ماكنت مصدقة ان طلق
دقيت على امي الساعة 6 الصبح و قلتلها ان فيني الم يتكرر كل عشر دقايق قالتلي دقي على دكتورتج الحين يمكن طلق
المهم دقيت عالدكتورة و قالتلي هذا طلق تزهبي و روحي المستشفى
قمت اخت شاور و لبست و انا اضحك اقول هذا مو طلق و المستشفى راح يرجعوني البيت
على الساعة سبع و نص طلعت و رحت المستشفى مع زوجي و خذيت جنطتي و اغراضي
وصلت المستشفى الي فتحت فيه ملف الي اهو مستشفى رويال حياة و رحت قسم الولادة و حطولي جهاز يحسب الطلق و لقو قيني طلق و فحصتني الدكتورة الي عندهم قالت مفتوحة 4_5 سم يعني ولادة
جان المستشفى يدقون على دكتورتي عشان تيي و رحت غرفة الولادة روووعة وايد حلوة و تريح الاعصاب
لبست لبس امستشفى الي مفتوح من ورى والله فشلة
عاد هني امي وصلت و ابوي بعد جان يعطوني المسهل افففف شنو يذبح عوار قمت من المرحاض الا ينزل مني دم لان الرحم قام ينفتح
شوي جان تيي دكتورتي و تفتح ماي البيبي بس ماكان يعور عادي كأنه فحص و حسيت ماي وااااايد و دااااافي ينزل بس كله و انا نايمة عالفراش
طبعا كل هذا و انا طلقي بارد و خفيف
جان يحطونلي الدرب و يقزوني ابرة ترخي العضلات بس احس انها تدوخ لان صرت دايخة بعدين
و بعدين الدكتورة حطتلي طلق صناعي لان طلقي خفيف و قالتلي الدكتورة اذا حسيتي كانه تبين تروحين الحمام هذا يعني الراس يبي يطلع قوليلي
شوي جان احس ان كاني بروح الحمام قلت حق امي جان تنادي الدكتورة جان تفحصني ولا كلش بولد
جان يطلعون شي عشان احط ريولي عليه و حطو ليتات قوية و قالتلي ممرضة بريطانية شلون طريقة الدفع
و قمت ادفع و ادفع جان احس بالبيبي طلع جان يحطونها على صدري بس ماكانت تبجي بجت بعدين جان زوجي يقص الحبل السري
بعدين قامت الدكتورة مادري شتسوي تخيط او شي بس كان الم شديييد جان تخدرني ربع ساعة خيطتني و سوتلي تنظيف للرحم
قمت جان اييبون بنتي و قمت ارضعها شوي
بعدين الممرضة ودتني الحمام و اخذت شاور و لبست و قعدت على كرسي متحرك و عطوني بنتي جان اروح غرفتي الي اهيا جناح اللوتس و سويت فيه استقبال ولادتي
الحمدلله المستشفى كان ممتاز و خدمتهم رووووووعة كاني بفندق 6 نجوم مو مستشفى و الجناح خيالي و كل شي كان فوق الممتاز الحمدلله
بس طبعاً بعد الولادة حسيت جسمي متكسر و يعورني من كل صوب و صارت فيني بواسير تذبح عوار ماقدرت انام اول ليلة مع اني ماخذه ادوية عشان يخف الالم بس الحمدلله الحين وايد احسن[/GRADE]
الحمدلله ع سلامتكم وتتربى ف عزكم:groupwave:
فووووووووووووووووووووووووووووق
نتريا قصصكم
ادعولي ربي يتمملي حملي انشالله ويسهلي ولادتي يارب
هلا خواتي... والله يسهل على الجميع ..
أنا الحمدلله كانت ولادتي الأولى سهلة شوي لأني وايد سمعت عن آلام الولادة وكنت خايفة .. طبعا تأخرت اسبوع عن موعد ولادتي وفي يوم ولادتي بتالليل الساعة 2ونص نزلي ماي كثير فخفت لأني متاخرة وما كانت فيني آلام الطلق.. بس الحمدلله بعدما نزل الماي بدأت الألام .. تقريبا ع الساعة 3ونص كنا بالمستشفى.. وبعد 3 ساعات ولدت والحمدلله.....
أما ولادتي الثانية كانت اصعب شوي.. أيضا تأخرت عن الموعد تقريبا اسبوع.. وقبل الولادة بيوم حسيت بحركة الجنين خفيفة جدا.. ع اليوم الثاني رحت عند العصر أشيك ع صحة الجنين لأني بصراحة ما حسيت بحركته من الليل.. المهم لما رحت التخطيط ما وضح أي حركة للجنين .. بعدين شافت الدكتورة الرحم فاتح 5سم.. قالتلي خلاص انتي بتولدي.. طبعا انا خفت كثير ع الجنين.. وكانت فيني ألالام خفيفة جدا.. خلاص استسلمت بعد حيرة وتردد كبير وفتحتلي الدكتورة ماي البيبي وسوولي سقاية طلق وبدأت ألالام الطلق.. والحمدلله بعد ساعو بالضبط فتح الرحم كامل لكن التعب الكبر كان لحظة خروج البيبي.. ظليت نص ساعة لين طلعت حياتي بالسلامة.... تدرون ليش كذا؟؟؟
حبيبتي كانت رافعة ايدها على رأسها ..!!! عشان كذي تعذبت لين طلعت.....
والحمدلله.....
s lover مبروك ما ياج وتتربى ف عزكم البنوته
سلام عليكم عرايس..
بالنسبة لولادتي ما توووقعت كلش انها تكون بهالشكل!! فلم هندي ( أقصد انها طوولت ) بس استاهل لأني كنت مستعيلة ( فالعجله النـــــــدامه!! )
دخلت اسبوعين من شهري و كنت مستعيلة كل يوم اقول لخالتي و ريلي يالله متى بربي و متى بربي و ريلي بعد كان متحمس.. زهقت و زهقت الي فالبيت و كنت مستعيلة وخاطري اشوف البيبي لأني بجر!!
و كنت كل يوم امشي فالحوي و شاااادة حيلي و مشتطه!!
المهم فيوم جريب صلاة الفجر ..بعد طلعت فالحوي امشي و عقب الصلاة رقدت.. المهم و انا راقدة توي مبطله عيني على الساعة 12 الظهر و انا منسدحة و ريلي كان نايم جنبي مرة وحدة حسيت بماااي حاااار نزل علي فجأه كأن كورة و جااااااان اتصرقع حدي حدي و تخرت قمت اشاهق و نقزت من السرير و ريلي تصرقع!! روحه طلعت من صراخي مسكين و قلت له : ابيييييه بربي و الماي ينزل اخاف ولدي يموت و اصيح ( انا عاد كنت هبله فكرت اذا الماي طلع بيموت البيبي و افكر ان آخر شي بس لازم ينزل!! خخخ) و ريلي على طول طلع من غرفتنا و دق على خالتي الباب متخرع يقوولها : يمااااا افتحي بسرعة (فلانه) بتربي ينزل عليها ماي تعالي شوفيها!!! و فديتها خالتي ياتني متخرعة و اتجوف الماي يقطر بين ريولي و انا أنتفض من الخوف.. اقوولها خالتي شسالفة شسوووي!!!! جان اهية اطمني تقوولي عادي لا تحاتين حبيبتي انا جي نفسج صارلي و و عقب وقف.. قالتلي تعالي بحف لج جسمج و اخذي شوور و بنوديج المستشفى.. و فديتها حفتلي سيقاني و يديني و عقب سرت تسبحت و طبعا الماي وقف قبل لا تحفلي خالوه.. و عقب سرت المستشفى و فحصوني و الرحم كان مثل ما اهو ما انفتح و ما كان فيني اي الم و سووا لي تخطيط و كل شي كان طبيعي و الماي كان ينزل علي بس بكميات نفس الدورة شوي اخف خلوني يومين فالهوسبيتل و عقب سووا لي تلفزيون عشان يجوفون كميه السائل اذا نقصت عن الجنين.. و طلعت نسبه السائل طبيعيه و عقب رخصوني قالي الدكتور احتمال عقب اسبوع تربين!! عااااد انا انغصيييت مدري ليش!! كنت ابي الفكة و ادور الويع اقوول فخاطري شدعوة نزل علي هالماي و لحين مب راضي ينزل!! متى اييني الالم و اربي!!!
المهم مروا خمس أيام و الماي كان بعده ينزل بس بكميه قليله و ما كان شي الم و عقب هالخمس ايام بدى معاي ألم خفيف بدى بظهري و كنت امشي فالحوش و انا امشي زاد علي الالم و امي قبلة بيوم ياتني من بوظبي اهية و ابوي فديتهم .. و عقب مرة وحدة نزل علي ماااي بكمية كبيرة و ريلي تصرقع : يالله بسرعة لازم نوديج المستشفى و مرت حماي تقوول اصبروا احسن بس ريلي قالي لا لازم اوديج و سرنا انا و امي و خالتي المستشفى و احنا فالطريق زاااد الالم كل 7 دقايق بس كان الالم ينرفززززز.. و يوم وصلت فحوصني و طلع بس!!!! 2 سم!!!!!! شنووو انقهرررررت قلت كل هالالم و 2 سم!!! توقعت 5 و لا 6!!
و حطوني عالتخطيط و على حظي كانت المستشفى زحمة و الي يربون ما شاء الله تارسين المستشفى!! و عاد ضربتني ضيقة و و قلت استاهل لأني مستعيلة جي صار فيني!!!!
و اخيرا فضت لي غرفة و قعدت فيها الليلة الي سرت فيها لين الظهر و تم الويع معاي بس عالساعة 8 الصبح اوووف حماااااا علي صرت اتووويع بس ساكتة و اتحرقص فمكاني شووي اعصر يد امي و شوي يد خالتي و قمت امشي فالغر فة لأن يوم الطلقة اتيني و انا راقدة اتعب وااايد و يوم امشي يكون اهوون بواايد و فحصوني طلع 4 سم!! و انقهررت لأن الالم ذابحني و 4 بس!! و اهم المفروض يودوني على غرفة الولادة بس ما كان في شاغر الغرف مليانه و عالساعة 12 و اخيرا عقب ما شافوني المسؤولات شلوون اعااااني بسرعة ضبطوا لي غرفة و نزلوني و انا و اهم ينزلوني راقدة على جنبي و قابضة يديني و محطيتهم على حلجي و اشد يوم اتيني الطلقة و امسك نفسي!!! و الي اتدزني تقوولوهم شووفها مسكينه هاي تتألم بس ساكته تعور القلب!! و انا بصراااحة كسرت خااااطر نفسي!! و حسيت بالظلم خخخ !!
المهم انا من الصبح طلبت ابرة الظهر اني ابيها و الدكتور قالي اخذيها اريح لج و قالي ان مالها مخاطر عليج لأنهم متابعين حالتي من بداية حملي و مالها اعراض ضارة علي!! و الحمدلله ارتحت بس للأسف تأخرت علي الابرة لأن واايد حريم طالبينها و نطرت دكتورة البنج لين ما تخلص من الحريم و انا انطرها على ناااار و ميته من الالم نطرت من 12 لين الساعة 4 العصر شفت المووت و يوم دخلت دكتورة البنج استاااانست كان عيد و المهم عطتني الابرة فظهري و كنت متحمسة و اول ما عطتني جسمي تبنج و رااااااح الالم و لا جني بربي و من الونااااسة تخدرت و قلت للدكتورة الهندية : آآآآي لاااااااااااف يووووو ثاااانكيوووو هههههههه .. اقوول لريلي لو شفتني كنت بتمووت من الضحك و الدكتورة و النيرس قامن يضحكن علي خخخخخ..
المهم كانوا كل ساعتين يسون لي فحص و طلع 5 سانتي ووقف على ال5 سم!!!! و ما رضا يفتح قالت الدكتورة ما في سيووله لأن واايد نزل علي ماي و نشف الرحم ما يتمدد لأنه نشف!! و بطني تشكل صج كان الماي قليل و بدت دقات قلب ولدي ( فديت قلبه انا ) تقل و عالساعة 1 و نص الفير و قالوا لي الدكاتر لازم انسوي قيصيري لمصلحة البيبي عااااااد انا كلش ما تووقعت اني بربي فقيصري كنت شااايلة الفكرة عن راسي !! و تصرقعت لأني انا الذكية و من كثر ما كنت واثقة اني بربي طبيعي شفت فيديو عمليه قيصرية و يوم شفتها تخرعت يوم يشقون البطن سبع طبقاات يعني 7 مرات يشخطون البطن و يشقونه يوم قالوا لي على الطول الفيديو ياااا فبالي و قلت مابي اخاااف و قمت اصييييح من الخاااطر و انتفض من الخووف و فجي قام يرجف المهم هدوني الدكاتر يزاهم الله خير و عقب هيئوني للعمليه .. الساعة 2 الفير دخلوني زادوا لي جرعة البنج و كان دكتور عند راسي و جدام صدري حطوا ستارة عشان ما اشوف العملية و اسمع الدكتورة و زميلته وحدة تقول للثانية مقدر اطلعة ( لأن الماي كان ناشف فبطني و البيبي لازق داخل ) عاد يوم سمعتها جي تقول قلت للدكتور الي عند راسي دكتور شيسوون!! قالي : شفيج الحين يطلعون البيبي!! عاااد انصدمت قلت فخاطري متى شقوا بطني!!!! و لا دريت بالدنيا و عقب سحبت ولدي وحسيت بعصرة خفيييفة بس استانست لأني حسيت فيه و اهو يطلع :) بس ما شفته على طول عقب 5 دقايق قام يصيح شوي و سكت وودوه غرفة جنب غرفتي و نضفوه و عقب يابوه عند راسي.. آآآآآآآآآآآآه بصراااااحة شعووور ما ينوووصف يا بنات فديته خذ قلبي و عقلي و كاااان يجنن فديته قمر 14 و قاتح عيوونه و يطالعني خنقتني العبرة و قلت : حبيبـــــــي و بسته على راسه و كان راسة داااااااافي حسيت فيه حنان من الخاطر.. بس قهرني الدكتور على طول شلة و قالي بيجنن ابنك!! بس ما شبعت منه كان خاطري اكحل عيوني و ابووسه بعد كمن بووسه فديته انا حبيبي.. و الساعة 2 و ثلث طلعت من غرفة العملية يعني عشرين دقيقة و طلعوني كانت عملية سريعة ما توقعت اني بطلع عقب 20 دقيقة فكرت عقب ساعتين !! و الحمدلله رب العالمين!! و اهم مطلعيني كان ريلي ينتظرني و مرت حماي و فديته ريلي يوم شفته شنوو اسااااانست.. يا عندي و حب راسي و تحمدلي على سلامتي و قرصلي خدودي و قالي ولدنا كتكووت .. انا على طوول قلت له يشبهك قرت عينك و فديته كان ميت من الوناااااسة.. بس كنت زعلانة لأنهم يابوا ولدي اليوم الثاني الصبح الساعة 9 كنت انطرة على احر من الجمر و حطيته فحضني و لميته و بووسته تبووس بردت قلبي و رضعته.. فديت اليهال صج انهم زينه الحياة الدنيا الله يخليهم لنا و يخليلكم عيالكم يا رب ( على فكرة يبت ولدي فليلة عرفة الفير) و فديته ولدي ويها كان خير علينا و عقبال البيبي الثاني انا الحين حامل فشهري الثاني وولدي عمرة 11 شهر .. ادعولي يا بنات اني اربي طبيعي و الله خايفة من العملية لأني اذا ربيت ثاني مرة بعملية لازم على طول عملية!! و انا ما ابي و الله كريم .. و اسمحولي فديتكم لأني طووولت عليكم واايد و مصختها..
و الله يرزقك كل من تبي و يسهل على كل حامل حملها و يحفظها و ايسر ولادة كل حامل و يطلعها اهية و مولودها بصحه و سلامة آمين يا رب.. :)
انشالله اولد هاليومين
واكتب ليكم ..قصة ولادتي..
....
الحمد لله على سلامتكم
ادعوا ليي الله يسهل عليي واولد << اليوم قبل بكرة خخخ:tongue:
واجي ابشركم بولادتي يااارب
الله يسهل لك ويسهل للجميع يالغلا
وتولدون بالسلااامه
وعقبالي صراحه انا للحين مو متزوجه بس أتمنى كثير
إني احمل ويكون لي بطن امسكها وبنت أربيها بس كنت اقول لامي
دايمن لاجيت أولد ابيك تولدين عني من كثر ماسمعت عن الآلم اللي تصير
والله يسهل للجميع