ممكن أكون حامل؟؟ أو لا؟؟

مشكورة خيو البنت الدلوعة على ردش،، والله هالأيام صايرة مداومة على هالقسم لأن أشوف واجد بنات نفس حالتي من ناحية التفكير في الحمل وجذي،، الله يرزقنا ياااا رب.

البارحة زوجي شافني مضايقة قام يحاول يخفف عني ويمزح وياي وأنا مادة البوز شبرين رغم ان ما يعرف سبب ضيقي ،، ولو قلت له اصلاً بيعاتبني لأن يقول لي اني واجد شاغلة روحي بهالموضوع وهو ولا على باله،،

اليوم الحمدلله احس نفسيتي أحسن،، بس كله احس جسمي خامل وتعبان وابغي انام،، باجر موعد دورتي اذا اكييييييد مو حامل اتمنى انها تجيني وما تتأخر علي علشان ما اتعذب اكثر.

دعواتكم (f)

حبيبتي الله يعينج والله تاثرت لما دريت انج مو حامل بس انتي استعجلتي ولسه ما اجى موعد دورتج انا والله خالتي لين الثالث وهي حامل ولا يبين بتحليل البيت انتي خلي امرج لربج وشوفي اذا ما جاتج باجر لا تتاخرين وروحي سوي تحليل دم عشان تعرفين اللي لج واللي عليج ولا تقعدين تفكرين وتحاتين ترى عادي انا قعدت 4 سنين بدون حمل والحين ربي رزقني وربي يثبته لي انشاء الله ..
هونتيها وتهون يالغاليه ..

مشكووورة خيو princess qtr أحس روحي ارتحت لما قريت كلامش،، أحاول اني ما اشغل بالي بالتفكير بس والله مو بيدي ما أشوف روحي الا افكر.
وألف مبرووووك على حملج أختي ربي إن شاء الله يثبته لج ،، ما شاء الله 4 سنين صابرة والله رزقش الحين ،، أنا افكر هل اقدر اصبر لو ظليت مدة طويلة من غير ما احمل !! احسها واجد صعبة.
ممكن تخبريني عن تجربتش؟؟

اختي لاتستعجلين اذا كان الفحص لسا عندك مارميتيه روحي الحين على طول شوفيه لاني انا بعد سويت الاختبار ومابانت النتيجه ونسيت الشريط ويوم جيت برميه لاحظت انه في خط ثاني طالع بعد فتره بس الفتره ماكانت طويله بمره يعني موب يوم تقريبا شفتها بعد ربع الى نص ساعه وبان الخط مع انه اول ماسويت ماطلع شي ...

وخليك متفائله ............وان شاء الله حامل ......ياااااااااااااااااااااااااااارب

اختي كل الاعراض اللي تذكرينها دليل حمل

كثرة النوم والتعب وثقل الصدر والاحساس بالام الدورة

كلها حسيتها ببداية حملي

ومو شرط يكون التحليل المنزلي صحيح

سوي فحص دم وبشرينا

...الولو...;4586577:
اختي لاتستعجلين اذا كان الفحص لسا عندك مارميتيه روحي الحين على طول شوفيه لاني انا بعد سويت الاختبار ومابانت النتيجه ونسيت الشريط ويوم جيت برميه لاحظت انه في خط ثاني طالع بعد فتره بس الفتره ماكانت طويله بمره يعني موب يوم تقريبا شفتها بعد ربع الى نص ساعه وبان الخط مع انه اول ماسويت ماطلع شي ...

وخليك متفائله ............وان شاء الله حامل ......ياااااااااااااااااااااااااااارب

الشريط عندي رحت شفته الحين،، خط واحد واضح جداً،، بس ما ادري كأن في اثر لخط ثاني أو يمكن ظل أو قاعدة اتوهم ما أدري،، الله كريم خيوو :).

الحمد لله يارب ........ هو اساسا ماراح يبن لانه بيطلع خفيييييييييف ......لدرجة انك تشكين بنفسك .....وربي اني متفائله مدري ليش بس انتبهي على نفسك انتبهي على نفسك عدل ويارب تبشرينا باسرع وقت

ام شجاع;4586912:
اختي كل الاعراض اللي تذكرينها دليل حمل

كثرة النوم والتعب وثقل الصدر والاحساس بالام الدورة

كلها حسيتها ببداية حملي

ومو شرط يكون التحليل المنزلي صحيح

سوي فحص دم وبشرينا

اي خيوو وما زلت احس فيها،، بس المشكلة انها نفسها اعراض ما قبل الدورة،، بس ثقل الصدر احسه زايد وأنا مو كل شهر احس بثقل في صدري،، عموماً أنا قلت بنتظر واذا تأخرت علي الدورة بروح اسوي فحص دم،، والله يكتب اللي فيه الخير.

[GRADE="FF1493 800080 4B0082 800080 FF1493"]أٍسأل الله العظيم رب عرشه الكريم ان يرزقك الذريه الصالحه عاجلا
غير آجل يارب العالمين
واكثري من الاستغفاااار واحسني الظن وابشري بالفرج القريب
واحساسك هذا وربي حاااسه فيه من اختي كانت مثلك
تبي تحمل وبالشهر السادس من زواجها حملت
وعندها الحين ماشاء الله ولد وبنت
بس مرت عاااد بظروف نفسيه سيئه طوال الست الاشهر الاولى من الزواج
عشان كذا ياقلبي لاتشيلي هم
وربي راح يكوووون معك
وابشري بالدعوات في ظهر الغيب
بس ارجوووووك طلب ياحاملة القرنفل اذا حملتي بشرررريني
بليييييييييييييز [/GRADE]

الولو .. خيو يعني انتي جربتي وطلعتي حامل؟؟ والله ما ادري اخاف قاعدة اتوهم لأن اذا شفتيه بتقولين بس خط واحد،، لكن اذا دققتي بيبين كأن في اثر كلللللللش خفيف لخط ثاني،، يا ربي والله عطيتيني امل مرة ثانية،، مو عارفة شقول والله :qaq:

شذى الأثير .. مشكورة على ردش،، إي والله لا تنسيني من الدعوات بظهر الغيب،، ويا رب أكون مثل أختش واطلع حامل وابشري أكيد راح أبشركم على طول و ما بنسى وقفتكم معاي.

هلا وغلا ...... والله يااختي انا مثلك سويت الفحص وكان لسا باقي على موعد الدوره
وفعلا بالبدايه طلع لي خط واحد والثاني كلش مومبين ومثل ماقلتك جيت برميه ولاحظت خط خفيف مره يالله تشوفينه ....ونطرت لين موعد الدوره ورحت المستشفي وسويت فحص والحمد لله ياربي انا بالسابع الحين وداخله الثامن بفضل ربي ...وانتي ياربي يرزقكك وان شاء الله تكونين حامل بس بشريني باقرب وقت بس مثل ماقلت انتبهي على نفسك عدل حتى من المشي لاتكثرين وارتاحي لين ماتتأكدين ومثل ماقلتك ان شاء الله اني متفائله خير

بس انتبهي من الجماع بعد ...لين ماتتأكدين

مشكورة خيو الولو على المتابعة .. تدرين أنا البارحة لما رجع زوجي راويته الفحص قلت ابغي اتأكد قال لي هذا خط واحد قلت له دقق قال لي بعد خط واحد!! بس أنا عارفة زوجي حتى لو لمح ان في اثر لخط ثاني بعد بقولي واحد علشان ما يعلقني بالأمل.. بس هو الثاني تقريباً مثل الظل،،

عموماً اليوم موعد دورتي وما شرفت للحين .. شرايكم لين تأخرت ليوم الخميس أسوي فحص الدم؟؟ لو أنتظر أكثر بعد؟؟

الله يعينك يا رب..
وان شالللللللله تكوني حامل وربنا يثبت حملك ..
ترى صدقيني انا حاسة فيك..
انا امس سويت فحص منزلي طلع سلبي..
مررررررة جاني احباط وتعبت ..
واليوم ما رحت الجامعة من كتر الضيق وانا ما قلت لزوجي شي عشان ما اضايقه ..
مع انه موعد دورتي ملخبط ...انا حاسة من كم يوم انها رح تجيني ..
بس ما جات الين دحين ..بس كل ما اقوم من النوم احس الامها..
وما الاقي شي..
مررررررة مني قادرة انتظر ..
ومرة خايفة ..

الله يعينك يا رب..
اصبري يا قلبي شوية وشوووفي مع اني عارفة مافيك صبر..

الله يوفقك

ان شاء الله تكونين حامل وانا بعد يارب!

خبرينا بالي يصير معك عيوني وربي يفرحك ويسعدك

الله يعينكم حبايبي والله اصبر وصدقوني ان الله ما يضيع صبر المؤمن ..

تعرفين انا والله قصدتي مع الحمال قصه صج صج تعبت وكتبت انا قصتي بس بقول لج اياها على السريع الغاليه انا تزوجت صغيره اول ما خلصت الثانويه وما كان عبالي الحمال بصراحه تعرفين توني عروس وصغيره بس الناس ما تخلي احد بحاله من اول مايشوفوني هااا ما في شي مب حامل !! وانا اقول لهم خير انشاء الله وعقب سنه الله كتب لي وحملت والكل فرح لي والله بس قدر الله والحمل ما تم ونزل وانا كنت صج متعلقه به وتعبت نفسيتي وااايد وكلام الناس تعبني زياده ونظراتهم قلت ابي احمل تخيلي احاول من بعد السقاط سنه ونص ولا حملت وسبحان الله يوم بديت اسوي التحاليل عشان اشوف ليش ما احمل طلعت حامل واستانست بعد بس كان حمل خارج الرحم وكل ما اروح المستشفى ما يسون لي سونار عشان يقولون ان البيبي صغير ولين الحين ما يبين تخيلي لين 7 اسابيع ولا سوا لين لين ما تعبت وقمت اطيح ويغمى على واايد وكان عندي الم فضيييييييع بخاصرتي وضهري من فوق عاد لما رحت الدكاتره مصرين ان ما فيني شي وعقب فتره صادف اني شفت دكتوره نعرفه وانا كنت مرقده بالمستشفى وقلت له وحولني عشان اسوي تلفزيون وطلع عندي نزيف خارج الرحم وعلى طول عمليات وطلع عندي الانبوب انفجر واطروا يشيلونه وبس والحين عقب سنه ونص وانا حاطه في بالي ان نص فرص الحمل عندي راحت وان بتاخر حملي والحمد الله تميت اتابع مع الدكتوره ولين ما شافت ان البويضه بتطلع من الصورب الانبوب موجود قالت لي ان اكثر من الجماع ومن هالنصايح والحمد الله حملت ..
يعني شوفي والله ربج يختبر صبرج والحين ربي بيرزقني والله يثبته لي ..

انا مثلكم متزوجه من شهرين و25 يوم
ومره شاغل بالي موضوع الحمل
بس حابه اسأل ممكن اكون حامل والدوره تنزل ؟
والسؤال الثاني هل ينفع الجماع في الشهور الاولى في الحمل ؟
وعندي الم في الجهه اليمنى من الرحم والم اسفل الظهر ونازل عليه خمول وكسل وشاكه في الموضوع ودورتي باقيلها 3 ايام وتجي افكر اسوي تحليل منزلي
وادعولي بالذريه الصالحه وللجميع امين

الله يرزقج بالذرية الصالحة ان شاء الله

الله يرزقكم ويرزقني معكم يااااااااااااااااااااااارب

مشكورين حبايبي شغلتكم وياي :flower:

بس حبيت أخبركم إن البارحة جتني الدورة في موعدها بالضبط من غير أي تأخير،، ولله الحمد على كل حال.

ما أنكر إن صادني ضيق وقمت اصيح وزوجي مسكين كسر خاطري،، حضني يقول لي انتي شفيش مستعجلة على شنو!! وقت اللي الله كاتب بتحملين،، وكلامه فعلاً صحيح.

تدرون خوات أنا تعلمت شي هالشهر أولاً إن ما اعتمد على الأعراض اللي حسيت فيها لأنها ما تفرق عن أعراض الدورة،، ثانياً وهو الأهم ما اشغل روحي بالتفكير في موضوع الحمل بتااااتاً لأن يمكن هذا يكون سبب في تأخير الحمل،، يعني أنا الحمدلله دورتي مضبوطة والتبويض أحس فيه،، يمكن من كثر تفكيري في الحمل من جذي ما حملت!!
وهذي نصيحتي لكم خواتي بالذات اللي توهم شهور بس متزوجين،، عيشوا حياتكم ولا تشغلون بالكم بموضوع الحمل،، خلوها على الله،، أنا بعد شوي بنزل موضوع في قسم المتأخرات عن الحمل عن هالشي ويا ريت تشاركوني فيه علشان نساعد بعض بعدم التفكير.

ويالله أشوفكم على خير :flower: