إستفسار عن حليب نان رقم 1

تراتيل ملكوتيه;4554808:
صحيح بالبحرين بعد افتقدوه فترة من الزمن وطلعت الاشاعات لان بنت خالتي تعطيابنها ويوم راحت الصيدلية تدور عليه قال اليهاصاحب الصيدلية سحبوه لان فيه مادة ماادري ويشتسوي ..بسطلعت اشاعة وسرعان ما نزلوه ..
حتى سيرلاك اختفى فترة يمكن اسبوعين او اكثر من السوق والسببان الشركة كانت تبغي تغير العلب ..حتى انيتغربلت مع ابني وقعدت اعطيه ميلوبا ..لين مارجع ..

هلا فيك أختي ..

والله عيالنا صاروا فئران تجارب يا حليلهم ، أعتقد إنهم يسحبوه فجأة ويعرضونه تالي بشكل جديد ومكونات جديدة حسب ما ذكرت وحدة من العضوات ..

ان شاء الله بتحصليه عشان البيبي والله ما يستاهل

لانه تغير من حليب الى نوع اخر مضر بمعدة الاطفال وبعدين ما يتقبلووو

وحليب نان صراحه خفيف على المعده والاقرب الى حليب الام

حليب نان عندنا بعد متوفر

بس انا استغربت من شكله
هو تغير صح؟

صار ابيض وتركواز
ومكتوب عليه مدعم بالحديد

اتوقع هذا شكله الجديد

حقارة فيهم بصراحة

زوجي رايح وجاي الصيدليات

قلتله روح محلات عادية

جابلي علبتين ما ادري متعرضه للشمس والا شو من قمت اعطي ولدي يرفض يشرب ولو شرب اسهال ويتعصر بالعادة ما يصير فيه كذا

مقهورة منهم بجد

بس بجرب الصيدلية العلمية بالخوير عسى القى عندهم مثل ما قلتو

هلا بالغالبه ملاك

هدي اعصابك حبيبتي

ابشرك انا اليوم الصبح الساعه 10 رحت اللولو دارسيت وحصلت حليب نان رقم 1

روحي وبتحصليه وبوسي لي ولدك العسول وان شاء الله يكون بخير

حرم الشنفري هلا و الله باهل صلالة

خخخخخخخخخخخخخخخ شكلي صدق كنت معصبة بس معورلي قلبي باليوم 4 مرات اشوفه يسويها قلت ها الحليب شكله صاير فيه شي انا رحت اللولو دارسيت قبل يومين وما لقيته ودام انك لقيتيه يعني خلاص ان شاء الله أزمة نان خلصت من السلطنة ههههههههههههه

خلاص قلت لزوجي الحين وبيروح يشوفلي العصر ان شاء الله

جزاك الله خير حبيبتي و الله يحفظلك بنوتك يا رب

هلا والله فييك ملاك

اقول بشريني اذا لقيتيه واذا ما لقيتي خبريني اعطيك علبه من اللي عندي

الحين الكل ترك النان اغلب الاطباء ما ينصحو به

مافي احسن من (( ابتاميل ميلوبا + سيميلاك ))


انصحك بهم

والله احنا في البحرين اقطعو كل النان من 1 الى 3 بعدين ردوا 1 و 2 بس 3 للحين مقطوع صج صج توهقنا

أبشركم أمس طلعنا أنا وزوجي نتمشى بعد ما رفض فكرة إنه نروح الإمارات نتعنى نشري هالنوعية من الحليب ، عموما كان الأمل والرجاء مقطوع <<<<<< بتقولكم قصة حياتها

وخلاص قررت إني أجرب نوعية ثانية وكنت أدعي ربي إن بنوتي تتقبله ، والحمد لله تصادف إني حصلت نان رقم 1 في أحد المراكز والغريبة هالمركز كنت زايرته قبل أسبوع وما حصلت أعتقد الطلب الزايد عليه خلاهم يطلعونه من مخازنهم ويعرضونه من جديد ، ولااا كانوا محدوودين واللي لاحظته إنه فقط النوع أبو غطاء رصاصي بس اللي موجود وبقية الأنواع الجديدة اللي كانوا ينزلونها تبع الحديد والبروتين والترجيع وووو غير موجودة .. عموما ما صدقت إني لقيته وخذيت منه عدد لابأس به ..

أختي حرم الشنفري .. تسلمين ع التواصل يا قلبي وفعلا أنا بعد حصلته بمركز اللولو في دارسيت .. وطرشت لشلة البنات العمانيات في المنتدى اللي هم بعد يدوروا عليه مسج أبلغهم بهالخبر السار وخبرتهم يا تلحق يا ما تلحق خخخخخ .. ( ليلة البحث عن نان )

ملوكة حبيبتي .. عسى بس حصلتيه ، وأنصحك ترمي الحليب تبع الدكاكين أبو بيستين لأن عندهم سوء تخزين وتعرض للشمس ومبعوج وووو عشان كذا ولدك تأثر منهم ، إذا ما حصلتي بنطرش لك علبة آمري يالغلا .

قطرية24;4563488:
الحين الكل ترك النان اغلب الاطباء ما ينصحو به

مافي احسن من (( ابتاميل ميلوبا + سيميلاك ))


انصحك بهم

هلا وغلا بأختي القطرية .. تصدقي كلامك تقريبا صحيح أذكر لما كنت والدة بالمستشفى وكانوا ياخذون بنتي عني <<<<< صاحبتك كانت والدة بعملية قيصرية

كانوا يعطوها حليب سيميلاك ، وكنت أسأل الممرضة ليش الحين تعطوهم سيميلاك وبدلتوا عن نان ، خبرتني هذا أحسن من نان لأنه ( خالي من الدسم ) وما ثقيل على معدة الطفل وووو من هالكلام .. وفعلا حاولت أغير للنوعية هاذي بس للأسف بنوتي ما تقبلته مدري ليش بالرغم من إن طعمه لذيذ ، فما كان مني إلا إني أمشي على نان بعد ما قنعت فيه .

تسلمين حبيبتي وتراه الأطفال مزاجيين كل وشهيته وتقبله .

مرحبا كيفكم انا ام راشد من الاردن انا كمان بعطي ابنى نان1 والحين ساحبينه من السوق ما ادري ليش واحنا نفس الشي مو عارفه شو اعطي ابنى لانو تعود عليه وغلبت هاد خامس نوع حليب اغيرو له حتى استقر على حليب نانا 1

انا اشتري حق ولدى حليب نان رقم 2 من سيتى سنتر ومركز سلطان موجود عندنا يالكويت بالجمعيات قاطعينه

احنا في الامارات نلقاه في كل مكان يت فتره انقطع عن السوق بس عشان يغيرون شكله وردووووووه...

أم المهند;4553143:
السلام عليكم ورحمة الله وبركاته ،،،


بدخل في الموضوع على طول أخواتي .. من يوم ولدت بنتي وأنا أعطيها حليب نان 1 طبعا مع الرضاعة الطبيعية ، ولاحظت مؤخرا نفاذ هالنوعية من الحليب من أسواق السلطنة ( تخيلوا نهائيا ) ما عدا حليب نان المرحلة الثانية رقم 2 لا زال موجود ..

إستفساري هو : هل تواجهون نفس المشكلة في بلدانكم ؟

وليش في إعتقادكم سحبوه من الأسواق ؟ أخاف بس شافوا فيه مشاكل أو شي


يالله ناطريتكم .. مدري أحس صعب أقفز فجأة لحليب آخر وأخاف بنوتي ما تتقبله بالذات إن الحين صارت تميز في الطعم أكثر ..

نان واحد تكلموا وايد عنه وعن سحبه من الاسواق لانه سبب تلبك معوي للكثير واظن خلوا موضوع عن تعدد الشركات المنتجة لنفس نوع الحليب نان 1 انصحك اختي بدلي لها الحليب الى بيبلاك

هلا فيك أختي فاتي زيزي ..

يالغالية بالذات هالبيبيلاك مو موجود عندنا سألت عنه قالوا ما يوصل السلطنة

الحين المشكلة اللي نعانيها هو نان التقليدي بالبلد ولا زلت محتارة في الأمر

فعلا ام المهند
النان اللي موجود عندنا هو صناعه ايران ما من هولندا

انصحك ابوي تغيريه

خذي ابتاميل
او خذي اس 26 انا نصحوني فيه في مستشفى مسقط يوم ولدت
وبالفعل ما نفع مع ولدي الا هذا الحليب اما نان كان يرجع منه وجربت كل انواع نان ضد الحساسية والذهبي وكل الخرابيط

شوفي اس 26 بالاول واذا ما تقبلته بنتك
خذي ابتاميل لانهم من افضل الشركات في صناعة الحليب

مشكورة أختي غدورة ، للأسف حتى إس 26 طلعت عليه أقاويل ونشرات تعاينا من نصدق ..

بشوف أبتاميل بس أي واحد فيهم ؟؟

حيرتونا

ابتاميل نكتارميل