مشكلتي .. أريد لها حلاً ،،
ب
30-10-2007 | 11:22 AM
سلام عليكم ،،
شلونكم أخواتي ،،
آنا عضوة جديدة بس صار لي متابعة لكم من فترة طويلة عن طريق
مواضيع العضوات الثانيات ،،
واليوم قررت احط لكم مشكلتي الي يمكن البعض يعتبرها تافهة بس مادري ،،
آنا صار لي شهرين مرتبطة ،، وريلي وايد متعلق في بنت أخته الي عمرها سنتين
لان هي أول حفيدة عندهم وبسبتها صار خال بس الموضوع أحسه زايد عن حده
وفي مواقف وايد تمادى فيها أولها ليلة الحفلة كنا على المسرح وهي كانت تركض
وطاحت طيحة خفيفة وكنا احنا نصور ما شفته الا رايح لها وما رضى يصور الا لما تسكت
آنا بالاول استانست وابتسمت اعتبرته موقف انساني بس بعد الموقف المحرج الي حطاني فيه
والناس تنتظر والجماعة كلها موجودة ؟؟ بظنكم تصرفه صح ؟
يعني امها وخالاتها والأهل كلهم ما يسدون والا لازم اهو الي يقوم ؟
غير هذا احياناً لما نكون في بيت أهله يكون معصب أني متأخرة مثلاً ويعجلني اني اجهز نفسي
ولما نوصل للباب لانه يسمعها تصيح يرجع لها وعادي لو نتأخر عن موعدنا ساعة كاملة
بس عشان يرضي خاطرها وياما تعرضت لمواقف محرجة مع الناس بسبب هالسالفة
موقف آخر طلعوا صور الحفلة وأخذتهم لبيت عمي يشوفوهم وهي كانت مع أمها
أحس أنه أمها ( أخت زوجي ) مأخذة علي موقف وتحسسني أنه بنتها أهم مني عند زوجي
دايما تذكرني بموقفه ليلة الحفلة يوم يقوم لها ويتركني على الكوشة لحالي
وهالشئ ما كنت حاطه له أهمية بس الحين حز فخاطري وايد
وهي كانت تطالع الصور تقول ان شاء الله توصخهم بالاكل او شئ آنا تضايقت
لان بصراحة ذولا من أغلى ما أملك الحين ،،
تعودت على الصراحة مع ريلي عن أي شئ يضايقني أخبره ، ولما خبرته أحسه يميل لاهله
على حسابي، يعني لازم أكون آنا العنصر المضحي في الأول والأخير وهو يحس أنه آنا احس جذي
ويقول لي شسوي، ومرات يقول خلاص بيترك هالشغلة لكن احسه يسويه من غير ارادته
قولوا لي آنا محتارة شسوي ؟؟
ا
30-10-2007 | 11:48 AM
يااختي يمكن زوجك يحب الاطفال
ويحيس بالفرح معهم بصراحه مشكلتك بسيطه جدا
اول لاتبعدينه عن هله اول تحاولين تخيرينه بالعكس تقربي منهم
ولو انا منك كان فرحت لان الباين انه رجال حنون
والي مافيه خير في هله مافيه خير فيك
وحاولي تتقربين منه اكثر وتدلعينه
وان شاء الله يكرى لحملتي بيتعلق بطفله اكثر وبيحبك اكثر
ولاتزعلين نفسك على اشياء تافهه
ومن كلامك حسين ان زوجك متعلق فيك ويحاول يرضيك بقدر استطاعته
فلا تضيعين لحضاتك الحلوه وتفكرين في هالتفاهات
اتمنى لو كنت افدتك بكلامي
اختك المحبه
احلام فتاه
ويحيس بالفرح معهم بصراحه مشكلتك بسيطه جدا
اول لاتبعدينه عن هله اول تحاولين تخيرينه بالعكس تقربي منهم
ولو انا منك كان فرحت لان الباين انه رجال حنون
والي مافيه خير في هله مافيه خير فيك
وحاولي تتقربين منه اكثر وتدلعينه
وان شاء الله يكرى لحملتي بيتعلق بطفله اكثر وبيحبك اكثر
ولاتزعلين نفسك على اشياء تافهه
ومن كلامك حسين ان زوجك متعلق فيك ويحاول يرضيك بقدر استطاعته
فلا تضيعين لحضاتك الحلوه وتفكرين في هالتفاهات
اتمنى لو كنت افدتك بكلامي
اختك المحبه
احلام فتاه
w
30-10-2007 | 12:10 PM
حبيبتي يمكن زوجك ملهوف على اليهال ويحبهم..لكن من يجيب اول ياهل يتغير..وهذي ياهل..خلي المواقف عنديه عندج..وحطي فبالج انه مجرد..حنان او شغفه على الاطفال..واول طفل بالبيت غير..يلف انتباه الكل..بس عقب يوم يكونون وايد تبرد السالفه..والله يسر امرج يارب:)
&
30-10-2007 | 01:00 PM
ههههههههه حبيبتي كل وحدة تتزوج او تنخطب جديد تحس بهاي الغيرة صدكيني بس شوفي من ان شاء الله تحملين وتجيب لة اول طفل اكيد يحبة مثل ما يحسبج المشكلة عادية ربي يوفقكم ان شاء الله
ب
30-10-2007 | 01:12 PM
احلام فتاه
بالعكس آنا هم احبه اتغاضى عن اشياء وايد
وأحياناً أقول هالشئ ما يسوى وعشان ياهل
أضيع أجمل لحظات عمري
بس وايد تصرفات صارت تضايقني وخصوصا توه اليوم
تخيلي يتصل فيني خلج جاهزة الساعة 9:45
وتميت متجهزة وهو ما وصل لي الا الساعة 11:20
استغربت هالتأخير ورغم كل هذا ما ذكرته حتى بإتصال لا اضايقه
ولما سألته عن سبب تأخيره بالأول قال ما عنده سبب معين،
وبعدين اكتشف عشان الياهل تأخر علي كل هالتأخير :<
ب
30-10-2007 | 01:15 PM
انسه فله
أشكرج على مرورج ، بس هذي مو الوحيدة
عندهم ثلاثه لو أربعة وكلهم بمثل الاعمار
أوكي، آنا أقدر تعلقه وآنا الحمد لله مو من النوع الي يخير الريال بيني وبين أهله
والحمد لله آنا مع أهله من أحسن ما يكون يحبوني وأحبهم
بس بعد كل شئ زاد عن حده ينقلب ضده
مو يعرضني لمواقف محرجة عشان ياهل
والله انتي شتقولين ؟
ب
30-10-2007 | 01:16 PM
ღ الينبوعه ღ
اتمنى يكون جذي،،
آنا قبل بالعكس عادي وياهم وأحب الأطفال
لكن مو لدرجة انه ينسى مواعيدنا والا ينسى وجودي
بوجودهم
يعني كل شئ بالمعقول
اشكرج على مرورج ونصيحتج
^_^
S
30-10-2007 | 01:56 PM
تغارين من طفله صغيره
اهو يحبها ومستانس عليها لا اكثر ولا اقل
وان شاء الله يرزقج بالذرية الصالحة
يارب
اختي بما انه يحبها حبيها اكثر منه
اشتري لها العاب وملابس حلوه وهدايا
صدقيني راح تتقربين حق زوجج عن طريق الطفله هذه
والاطفال احباب الله
وكلام حماتج تقولج انه يحب بنتها وان قام يوم العرس لها يوم طاحت ترى عادي كلام ينقال تتغشمر معاج
ويا حبيبتي لا تكبرين الامور وهي صغيره
دمتم سالمين
اختكم شريفة
اهو يحبها ومستانس عليها لا اكثر ولا اقل
وان شاء الله يرزقج بالذرية الصالحة
يارب
اختي بما انه يحبها حبيها اكثر منه
اشتري لها العاب وملابس حلوه وهدايا
صدقيني راح تتقربين حق زوجج عن طريق الطفله هذه
والاطفال احباب الله
وكلام حماتج تقولج انه يحب بنتها وان قام يوم العرس لها يوم طاحت ترى عادي كلام ينقال تتغشمر معاج
ويا حبيبتي لا تكبرين الامور وهي صغيره
دمتم سالمين
اختكم شريفة
س
30-10-2007 | 02:41 PM
مرحبا اختي بصراحه معك حق هو المفروض تكوني انتي المهمه عنده بالدرجة الاول والله شي يقهر ومعك حق تتضايقي صحيح هي جاهلة وما عليها لوم بس الحق على خطيبك المفروض هو الي ينتبه لتصرفاته انا ما بدي احرك عليه بس بدها شوية طولة بال يعني انتي اهتمي فيه واشغليه وحني عليه خليه دايما يفكر فيكي انتي. صدقيني بجوز اخواتي يتضايقوا من صراحتي بس هاي الحقيقة كل وحده خاطبة جديد ما بتحب خطيبها يهتم باي حدا ثاني حتى لو كانت طفلة هي ما الها ذنب طفلة صغيرة ويمكن هو بحبها لا شعوريا. وبصراحه انا حاس فيكي انتي مش متضايقة منها انتي متضايقة من تصرفات خطيبك الي فعلا بتقهر انا فاهم قصدك كويس.
ب
30-10-2007 | 02:47 PM
SHREEFA
مو غيرة، آنا مب مريضة نفسياً عشان أغار من ياهلة
والا ماعندي ثقة في نفسي
بالعكس آنا هم أحب اليهال
ودايما أقدم الهدايا بين فترة وفترة حتى لو أطلع برع البحرين لغرض تافه
لازم ارجع ومعاي شئ
بس الي تضايقني تصرفاته يعني مب من المعقول ياختي يصير جذي
بهالطريقة هو الي بيسبب لي الحساسية بيني وبينها
وماظن انتي تتمني تكوني بموقفي تتأخرين عن موعد زيارة
بوقت مب هين عشان ياهلة ولسبب غير مقبول
عموما اشكرج على تواجدج ونصيحتج
ب
30-10-2007 | 02:49 PM
tamara2005
أشكرج لانج فهمتيني
وهذا بالضبط الي مسبب لي أزمة
بالعكس آنا بستانس لانه اهو يحب أهله
والحمد لله آنا احبهم وهم يحبوني
وعلاقتي فيهم سمنة على عسل
بس مثل ما ذكرت قبل لكل شئ حدود
أشكرج على تواجدج ومرورج ،،
الي يثلج الصدر
تحياتي
ر
30-10-2007 | 03:23 PM
حبيبيتي لاتضايقين نفسج خلج بالعكس في صفه مب ضدها
يعني أشتري لها هدايا ملابس العاب بهالطريقه بتكبرين في عينه
وصدقيني أول ماتجيبين له بنت ولا ولد بينساها على طول
انا اعاني من نفس المشكله مع ولد اخو زوجي يحبه حب وهو عايش معانا في البيت ويدلعه وايد شسوي الله كريم
يعني أشتري لها هدايا ملابس العاب بهالطريقه بتكبرين في عينه
وصدقيني أول ماتجيبين له بنت ولا ولد بينساها على طول
انا اعاني من نفس المشكله مع ولد اخو زوجي يحبه حب وهو عايش معانا في البيت ويدلعه وايد شسوي الله كريم
ن
30-10-2007 | 04:05 PM
اول شئ الله يرزقكم بالذريه الصالحه...
انتي و شطارتج عاد الحين....
اذا الله راد اول ما تحملين...
و من قبل لايي البيبي...و انتي تفدي البيبي و حسسيه بغلاته...
يعني اذا شفتي لبس قولي بيطلع يجنن على بنتنا و الا ولدنا...
كانه هالبيبي ماله مثيل...يعني غااااااااااااااااااااااالي حييييييييييييييييييل...
لانه لا ارادي بيغلى عنده لانه غالي عندج...
نفس البنوته الله يحفظها لاهلها...يمكن لانه امها مدلعتنها اكثر
و تشوفها غاليه...هو ينظر لها بنفس النظره...
يعني هذا تأثيرات نفسيه...
كيف ما تعاملين عيالج...الناس بتعاملهم...
الله يهنيكم و يسعدكم...
انتي و شطارتج عاد الحين....
اذا الله راد اول ما تحملين...
و من قبل لايي البيبي...و انتي تفدي البيبي و حسسيه بغلاته...
يعني اذا شفتي لبس قولي بيطلع يجنن على بنتنا و الا ولدنا...
كانه هالبيبي ماله مثيل...يعني غااااااااااااااااااااااالي حييييييييييييييييييل...
لانه لا ارادي بيغلى عنده لانه غالي عندج...
نفس البنوته الله يحفظها لاهلها...يمكن لانه امها مدلعتنها اكثر
و تشوفها غاليه...هو ينظر لها بنفس النظره...
يعني هذا تأثيرات نفسيه...
كيف ما تعاملين عيالج...الناس بتعاملهم...
الله يهنيكم و يسعدكم...
ا
30-10-2007 | 04:20 PM
اسمعي حبيبتي والله والله حاسة فيك بس خذيها نصيحة مني لا تخلين غيرتك تصيطر عليك وعلى حياتك والله اعرف كثير الي خربة حياتها والي حياتها مرررة غلط وانا من ضمن الناس الي حياتهم غلط بسبب غيرتي وانتي غاري بس في حدود مو على اطفال وخرابيط فاضية حتى انتي بينيلة ان تفكيرك اكبر من ذا الشي وانك واثقة فية وصح تغارين علية بس في حدود واتمنى انك تسمعين كلامي وراح تشوفين والله يوفقك
#
30-10-2007 | 04:48 PM
والله مدري انصحك بشو
بس يمكن هو يحبها وهذا شي خارج عن ارادته
حاولي انك تتغاضين عن بعض تصرفاته
والحال بيتغير ان شاء الله مجرد انك تجيبين اطفال
موووووفقه اختي
بس يمكن هو يحبها وهذا شي خارج عن ارادته
حاولي انك تتغاضين عن بعض تصرفاته
والحال بيتغير ان شاء الله مجرد انك تجيبين اطفال
موووووفقه اختي
ب
30-10-2007 | 06:53 PM
ريـــــانة العود
ندايم
ام محمد22
#احلى الصبايا#
الحمد لله أني من النوع الي أقدر اتغاضى بس هم
لما اتغاضى بطريقة كبيرة كأنه تنازل في حقي
من فينا ما يحب الأطفال ؟
بالعكس آنا أكثر وحدة احب اليهال واتعاطف معاهم
وأقدر اكسب ودهم بطريقة محد يتصورها يمكن يكون الدافع وجهي الطفولي
وحركاتي معاهم الي تبين لهم كأني طفلة مثلهم
بس ماظن وحده بترضاها واتمنى قبل لا كل وحدة ترد تحط نفسها بمكاني
بكل موقف محرج يصير لها من زود هالمبالغة في المعاملة
عشان تقدر تحس احساسي انه مو احساس غيرة
لكن احساس قهر من المواقف الي انحط فيها والي سببها يكون ماله داعي
ل
30-10-2007 | 07:46 PM
اختى الحبيبة انا من مصر والموضوع ده عندنا منتشر بطريقة رهيبة وهاقولك خبرتى انا لى 15سنة متجوزة اولا ***حماتى تفهم زوجى ان الاهتمام بى نقص فى رجولته ثانيا****ان لو أهتم باهلى شوية يبقى ضحكوا عليه واخذناه منهم ثالثا****حتى لو بينهم مشاكل حماتى ماتبين وتبين انه حيتجنن عليهم رابعا****حتى لما جبت اولاد وكبروا دايما تاخد اهتمامه باولاداخته واخوه يعنى تطلبه على الجوال مثلا وتقول ابن اخوك مش عايز ياكل الا لما تيجى تاكله بيسأل عليك وبيعيط وحاجات من دى كثير تفرس (الحل) عارفة المثل اللى بيقول بيدى لابيد عمرو والمثل اللى بيقول ان جالك الغصب اعمله بجميل بكسر الجيم اهو اناكده انا بينت لهم انى مش فارق معايا حاجة وفى نفس الوقت اهتم بجوزى اكثر واحسسهم انه مالهوش قيمة عندى لا انا ولا أهلى بس بدون كلام يتاخد عليا ويتنقله فيحسوا ان مش فارقة معايا مضايقاتهم واتعلمت من حماتى شىء عجيب لما تشتمنى يدخل جوزى تعاملنى كويس قووووووووووى فلمانروح بيتنا اشتكى مايصدقش ويقولى حرام عليكى يبقيت اعكسها عليها استفزها ولما يدخل جوزى اشكر فيها والومه على عدم السؤال عنهم وراعى والدتك اكثر ياحبيبى **هى معركة والبقاء للأذكى وعدم توضيح نقاط ضعفك وطالما ما تأذيش أحد وتدافعى عن نفسك بس ربنا هيقف جنبك ودايما وأنتى ذاهبة او هو عندهم قولى(اللهم اكفنى شرهم ورده الى نحرهم بما شئت كيفما شئت وارزقنى خيرهم) سلااااااااااااااااام
م
30-10-2007 | 08:13 PM
بصراااحه الله يعيينك والله شي يقهررر صدق اني للحين ماتزوجت ومقدر احس بالي تحسينه بس والله شي يقهررررررر واذا كانت طفله !! بصرااحه شي زاايد عن حدده ,,
بس مثل ماقالو الأخوااات بكره لما ان شاءالله تحملين بيتغير وبيهتم بولده او بنته اكثررر صدقيني ,,
هو للحينه متعود على حيااته لما كان عزوبي شوي شوي بيتغير ,,
واحمدي ربج انه السالفه سالفة حبه لبنت اخته الصغيرووونه موخرابيط مغازل وبنات ولاكان متي من الغييييييره ..
والله يفرج همج ويشرح صدرج ويفكنا من الغييره والحساااسيه الزااايده <<<<ذابحتني ..الله كريييم تحياااتي لج ,,
بس مثل ماقالو الأخوااات بكره لما ان شاءالله تحملين بيتغير وبيهتم بولده او بنته اكثررر صدقيني ,,
هو للحينه متعود على حيااته لما كان عزوبي شوي شوي بيتغير ,,
واحمدي ربج انه السالفه سالفة حبه لبنت اخته الصغيرووونه موخرابيط مغازل وبنات ولاكان متي من الغييييييره ..
والله يفرج همج ويشرح صدرج ويفكنا من الغييره والحساااسيه الزااايده <<<<ذابحتني ..الله كريييم تحياااتي لج ,,
ب
31-10-2007 | 06:40 AM
لمى68
بصراحة ردج يثلج الصدر ومرورج رائع
ونصايحج ثمينة
كنت محتاجة لحد يتكلم لي عن هالشئ
وان شاء الله ما راح اكون مقصرة من هالناحية
تحياتي
ب
31-10-2007 | 06:44 AM
مهاا والحلا لهاا
اشكرج على وقفتج
وبصراحة صج يعني لو كان الموضوع يستاهل بالعكس آنا هم بكون معاه
بس مب بشئ تافه والياهل معروف عنه دلع X دلع
مايصير بعد نجاريه بكل أوقاتنا
أشكرج لمرورج ونورتي الصفحة
تحياتي