مادري شقصدها

قوليلها اذا انتي بتسيرين ذلك الدرب ومحد رادج ... وماله داعي تيلسين اتعزمين على بيت ماهو ب بيتج .. وانا اذا قررت اروح تراني البيت ادله .. ومالها داعي هالتنغيزات اللي مالها معنى ... وسكتيها ولا اتسوين لها سالفه ..

لا حول ولاقوه إلا بالله العلي العظيم
حبيبتي ابدا لا تحطين في خاطرج وماعليج من كلامها .. ردي عليها وقليلها كيفي محد يجبرني على الروحه ..

خليها عنج ولا عليج منها
محد ماسك ريلها خل تروح بروحها

شكرا اللي ردوا

الله يعيني عليها

انتظر باقي العضوات

عطيها الاذون الصمخة على قولتنا البحرينين
ولادي عليها مثل ماقالوا الاخوات

المزيونه ريمان;4546771:
لا حول ولاقوه إلا بالله العلي العظيم
حبيبتي ابدا لا تحطين في خاطرج وماعليج من كلامها .. ردي عليها وقليلها كيفي محد يجبرني على الروحه ..

ان بعض الظن اثم
ماتدرون عن البنت يمكن من النوع اللي ينسى يعني ماتتذكر الا بعد ماتسال والصديقه مستحيل تؤذي صديقتها
وانا اقول انك تفهمينها بهدؤ انك تتضايقين من سؤالها
وبلاش هواش ومناقر ومو اخر الدنيا واذا كنت مطلقه الحمدالله لاانتي اول وحده ولا اخر وحده وارضي باللي قسمه الله لك فهو خير لك ولا تجعلين اي كلمه تؤثر فيك خليك صااااااااااااامده رغم العواصف

تقبلي مروري

ما عليج من احد المهم انتي تسوين الشي الي مقتنعة بي وربي يسهل عليج ويرزقج ان شاء الله

هلا اختي
لو انا مكانك اقول لها كل مرة تساليني واقول لك موب رايحة

يعني ليش كل يوم وسالتيني هالسؤال ووقت الي تبين تروحين روحي بروحج وافهمي اني مو حابة اروح

واذا تعزيني لا تساليني هالسؤال مرة ثانية ولا تفتحين الموضوع بعد

وانتهى الموضوع والله يسر امورج اختي

حبيبتي ابد لا تحسين بالنقص ناحية هذي المواضيع ..

"بنات مادري شقصدها من السؤال انا هي تجرحني او تنقص من قيمتي او ان هي ما تعتبر ان لي احساس واني اتضايق وكل مره تسالني فيها تحسني اني اتضايق وعقب فتره ترد تسالني وانا يا بنات واجد متضايقه وهي على طول تسالني وما تهتم بمشاعري"

خصوصا انج تربطين موضوع طليقج السابق باصرارها على مجيئج ... ساعات يمكن نصيب في ظنه و ساعات يمكن نخيب .. لكن الاهم انا احنا ابد مانحس بالنقص من ناحية الاشياء الي من الممكن تكون عندنه حساسية معينه من شي ما ...

انا اتفهم وضعج .. انج ماتبين تروحين بيت طليقج السابق و هذا شي طبيعي اكيد ... و عليج انج تفهمين صديقتج هل شي يمكن اهي مو حاطه في بالها لانج ماوضحتيلها .... و المساله تره سهله و مايبيلها شي ... اهي صديقتج و تقدرين تلتقين معاها في اي مكان غير بيت طليقج ... فتقدرين تفهمينها هل شي

انا عن مساله انج تتحسين و تحسين انها تبي تضايقج او تحسسج بالنقص و غيره ... هذي انتي الي تحسسين نفسج هل شي فديتج لانج تعانين منه و عايشه بصراعات تحسسج انج وحديه و مهزومة ... نمي الثقة بنفسج اكثر ... و حبي نفسج اكثر ... و قولي الحمدلله على كلشي و انه كلشي خيره .. صدقيني بتلاقين تفكيرج يتغغير .. و حتى لو الناس كانت قاصده تضايقج بتلاقين نفسج انتي مب متاثره لانج من الاصل مب متحسسه من هل شي ...

ساعات احنا يوم نعاني من شي معين او تكون نقطة ضعفنه شي معين ... مجرد اي شي يصير يضايقنه نربطه لهل نقطة ضعف و نبده نتحسس و نتوهم اشياء حتى احيانا .. بان الكل يشفق علينا و لا الكل يتقصد يركز على نقطة ضفنا و غيره .... و هاي الي انتي تمرين فيه .. كثرة التفكير بهل موضوع خلتج تربطين كلشي للموضوع نفسه .. و جي بتتعبين نفسيا و تبين لكلشي تفسير ... لانه من الاصل هي مجر شكوك تبين لها تفسير .. و طبعا مو كلشي له تفسير .. و هني بتتعب النفسية بالتفكير

برايي ... خذي الامور ببساطه ... مهما كانت حساسه ... حساسه من وضع معين انج ماتروحين بيت طليقج .. و خلاص انتي مابتروحين غير جي مافي شي ثاني تتحسين عليه .. ولي اقصده فهمي صديقتج انه ماتقدرين تروحين بيتها لانه بيت طليقج السابق وانتي ماتحسين براحه ... و اذا تبي تشوفج و تشوفينها شوفوا بعض باي مكان ثاني .. بجذي بتتضح عندها الصورة و بجذي انتي نفسج بترتاحين ...

دوم حاولي تنج ماتخلطين كلشي ببعضه و قبل لا تدورين على الشكوك دوري على التفسير لهل شكوك و دووم خلج واضحة مع نفسج و مع الغير بلي تبينه و بلي الناس تبيه منج

اختي لاتكبرينها وهي صغيره وتضنين ضن السوء بالعكس هاذي صديقتك مستحيل قصدها شي بس تبيك تروحين وتنسين الموضوع تحس انها اذا سوت كذا تنسيك الموضوع بعض الناس كذا اسلوبهم اختي صارحيها وبادب لانها مستحيل قصدها شي بس انتي علشانك متاثره يجيبك الكلام وهي قصدها شريف صارحيها وقولي لها الكلام اختي يضايقني كثير واذا انتي تحبيني وصديقتي لا تقولين الموضوع مره ثانيه واذا كررت الموضوع ازعلي على خفيف مو مره بعدين ارجعي لها ويبي يتضح لها الصوره والحقيقه والهدف من الزعل فقط على شان تاخذ موقف اذا كانت من النوع الي ينسى ارجو انك استفدتي مني واعتبريني اختك الكبيره الله يسعدك دنيا واخره

وحده وبس;4548000:
ان بعض الظن اثم
ماتدرون عن البنت يمكن من النوع اللي ينسى يعني ماتتذكر الا بعد ماتسال والصديقه مستحيل تؤذي صديقتها
وانا اقول انك تفهمينها بهدؤ انك تتضايقين من سؤالها
وبلاش هواش ومناقر ومو اخر الدنيا واذا كنت مطلقه الحمدالله لاانتي اول وحده ولا اخر وحده وارضي باللي قسمه الله لك فهو خير لك ولا تجعلين اي كلمه تؤثر فيك خليك صااااااااااااامده رغم العواصف

تقبلي مروري

والله يعيييييييييييييييييييييينك ياأختي ,,

حبيبتي الله يوفقك يااااااااااارب
مابغيت ادخل ولا ارد عليك

هلا الغاليه...

كلميها و قوليلها انج ما بتروحين هناك لان الموضوع حساس...

و انه يضايقج انها ما تتفهم هذا الشئ منج...

يعني فهميها بحب و ود...

و اذا مره ثانيه رجعت لنفس الموضوع...

ردي عليها برد واحد مافي غيره...

قوليلها: (( انتي تعرفين ردي!!!!!))

اذا قالت لا قولي خلاص...

و تجاهلي الموضوع...

و الله يعوضج بالزوج الصالح....

أختي الغاليه القلب الصبور

قوللي لها بيت طلعت منه ما ابي ارجع ادخله

والله يعوضج خير ان شاء الله

ويرزقج بالزوج الصالح اللي يسعدج ويهنيج دوم يارب

أختج الدانــه

والله اذا تهمج ماتخسرينها طنشي وخلاص
بس اذا مو مهم عطيها كلام بالعظم
وانتي حره تقررين

اشكر جميع العضوات اللي ردوا

اختي وحده وبس انا اعرف صديقتي زين عدل وهي مو من النوع اللي تنسى واعرف شخصيتها وهي تحب ترمي كلام حتى لو كان جارح ولا تهتم حتى لو كان هذي الوحده صديقتها وانا نبهتها اكثر من مره لا هي مره ولا مرتين نبهتها واجد ان هي ما تسأ لني هالسؤال مره ثانيه وقلت ليها بصراحه ما احب تسأليني هالسؤال مره ثانيه وما فاد فيها

اختي دلوعة باباتها مشكوره على المرور وعلى كلامش الجميل

وحبيت اوضح لش ان مو زوجة حماي القبليه هي اللي تقولي تعالي لاا هذي صديقه ثانيه تصير صديقتي وصديقتها وهي على فكره ما تزور صديقتي اللا هي مرة حماي السابقه

واذا هي ما تزورها ليش تسألني اني ازورها انا فهمتها وقلت ليها وهي تعرف ان طليقي السابق ساكن في نفس البيت الا تبيني اروحه بس كل مره تحب تسألني هالسؤال مادري ليش وانا اذا مره سألتها سؤال عادي وانا مو من النوع اللي احب اتدخل في اللي ما يخصني ولا احب اسأل عن خصوصيات الغير ردت عل وقالت ليش تسألين انا ما احب احد يسألني قلت ليها ليش عيل تحبين تسأليني دائما وسكتت وما في فايده منها ترد تسأل وتتدخل

واشكر جميع من ردوا بدون استثناء