و يايبه لكم طريقه سله و سريعه لحراق باصبعه ...بصراحه ما توقعته بهذي اللذه بصراعه طعمه عجيييييييييييب حتى زوجي بعد ما خلص الصحن قالي جان زين سويتيه بكميه اكبر
ملاحظه :: تراها لعشاااااااااااااق الاكل الحامض ...لانها تعتمد على الطعم الحامض اللذيييييييييذ.. و هي شوي اثقل من الشوربه ...يعني شبيه بالشوربه
ياله ما بطول عليهم بعطيكم المقادير و الطريقه ويا بعض
نحتاج الي عدس اسود او بني على حسب المسمى ..و انا استخدمت المعلب اختصارا للوقت
نحتاج معكرونه حلزونيه مفوره و جاهزه
و نحتاج نقلي
بصل جوانح لدرجه الاحمرار ...و نتركه على جنب
خبز عربي مقطع الى مربعات و بعد مقلي نتركه على جنب
نحتاج الي 5 فصوص ثوم مدقوقين + نص حزمه كزبره نقليهم مع بعض و نخليهم على جنب
و هذي المكونات المقليه
و نحتاج الي عصير لوميه
و نحتاج الي دبس الرماان (المكون الرئيسي) ..الكميه على حسب درجه الحموضه الي تفضلويها ...لا تنسن ان الاكله تعتمد على الطعم الحاااااامض
و نحتاج الي ملح + فلفل اسود + كمون
و بعد ما جهزنا المكونات
اول شي نحط العدس بالماء ماله في الجدر على النار
بعدين نضيف المعكرونه و نص كميه البصل و نص كميه الكزبره و الثوم ...و نقلبهم
بعدين نضيف عصير اللومي و دبس الرمان .و البهارات .....و مثل ما تلاحظون ان تغير لونه للون البني المحمر من دبس الرمان..و نخلطهم ...لا تخلونه يطول علشان ما يذوب العدس و خاصه ان كل شي اصلا مطبوخ من قبل
و بعدين نغرفه بالصحن ممكن تلاحظن انه فيه ماء يعني الاكله مب ناشفه ..و لكن المهم انه ما يكون وايد يعني اخف من الشوربه مثل ما قلت
و نزينه بالخبز المقلي..و يعطي قرمشه حلوه و لذيذه للاكله .. و النص الباقي من البصل و الكزبره و الثوم
و هذا بعد ما خلص للاسف .و بسرعه
و هني و عافيه و ان شاء الله يعجبكم