قريبتي تحتاج مشورتكم يالمتزوجات..

خواتي قريبتي متزوجه من سنه وكم شهر وزوجها وايد طيب وخجول ويحبها..المشكله انه هيه تبا تكون شوي عادي جدام ريلهابقولكم كيف..

يعني تبا عادي تتسبح جدامه وهو نفس الشئ..وكان ايام الملجه دوم يقولها عادي نتسبح جدام بعض..لكن عقب العرس صار يتهرب لما تقوله..

وتخيلوا بنات لليوم ريلها ماشافها بقميص النوم..كله لابسه الروب عليه..ريلها خاطره يشوفها بقميص النوم بس هيه تستحي لانه زوجها وايد خجول ومايساعدها تكون جرئيه..مع انه اختها واربيعتها عرسوا عقبوها بسنه يعني من كم شهر ويتمون جدام ريايلهم بالاندر وير..ماتعرف كيف تتصرف عشان تكون عادي جدام ريلها..

وفي شئ يضايقها من ايام شهر العسل انه ريلها مايقعد يسولف معها الا لما وقت نوم..وهم منسدحين يسولفون يعني هو يشتغل ويدرس ولما يرجع من الدوام ينام شوي وبعدين..يروح الكليه..ويرجع يذاكر..وهيه اغلب الوقت تكون قاعده بروحها..
ويوم يكون فاضي يطلع عند اهله..فماتعرف كيف تخليه يقعد معاها..

بنات زوجها يحبها ومايقصر فيها..ويذكرها في كل مناسبه..لكن مافي زوج يخلىمن العيوب..

قريبتي تبا نصايحكم..

واللي عندها افكار للزوج ممكن اطرشلي عالخاص..وانا بطرشها حقها..

ولاتبخلون عليها بردودكم..وان شاء الله هيه بتدخل وبتقراهم..

ولاتنسونها من دعواتكم..

وتنسوني

والله يسخر لكم ازوجكم..ويسخركم لازواجكم يارب