من سقطت بأول حمل لها تفيدنا ؟؟

م

محتاجه لك

عروس فضية

28-10-2007 | 10:04 AM

:flower::flower::flower::flower::flower:

الســلام عليكم ورحمة الله وبركاته

غالياتي عروساات عرووس الحلوين:21_207:

انا والله ماأعرف لاسلووب المقدمات والطول والعرض

بدخل بالمووووضووع على طووول

:9_28::9_28::9_28:

أنا تقريبا صار لي شهر من حملت

وانا لسه عروس جديده

ولكن ربي مااراد ان هالحمل يستمررر

وسقطت والحمد لله على كل حال

الي ابيه منكم حبايبي

شنو تنصحووني بالهفتررره

شنو اكل وشنو اشرررب

وهل اخذ حبوب معينه لتنظيف الرحم

سمعت انه شاي الدارسين ممتاز ؟؟

ومتى تكون الحمله الثاانيه ؟؟

وهل يرجع الرحم لوضعه الطبيعي بسرعه ولا يطول ؟؟؟

ميخالف تحملوني على اسالتي
:21_207::21_207::21_207:

وشاكره لكم من الاعماااااق :balloons:

ش

شموخ عنّادي

عروس رائعة

28-10-2007 | 10:06 AM

حبيبتي ايش سبب التسقيط؟؟؟

انا كان حمل خارج الرحم والحين صار لي سنه و3 شهور ما حملت بعدها

ا

اريــــج

عروس فضية

28-10-2007 | 10:26 AM

انا من تزوجت كن اسقط وبعدها اكتشفت السبب تجلط الدم والدكتوره عطتني اسبرين وقالت اول ما تحملي تاخدين معاه ابر سيوله وعطتني حمض الفوليك وقالت استمر عليه الى ان احمل واستمر باو 3 اشهر

ن

نبع الإبداع

عروس مبدعة

28-10-2007 | 10:29 AM

أنا أختي اسقطت بس والله ما أعرف إذا أعطوها أدوية ولا لأ بس قالتلها الدكتورة لازم ما تحملين إلا بعد أربع شهور حتى يرتاح الرحم من عملية الاجهاض و بعدها كيفك

م

مناهل78

مشرفة سابقة

28-10-2007 | 11:41 AM

أنا أجهضت بالثاني وقالت لي الدكتورة لازم مايتم الحمل الا بعد 3 شهور والحين صار لي 6 شهور وماحملت، وماعندي سبب للإجهاض ممكن يكون تعب من الشيل والحط والشغل ويمكن يكون لسبب ثاني والله أعلم..
وتمرخت بعد عملية التنظيف بأسبوع بس ماشربت شي لأن بعد أسبوع نظفت...

الله يعوضك أختى كل خير ويرزقك بالقريب العاجل...

ل

ليتك معي

مشرفة سابقة

28-10-2007 | 01:46 PM

غاليتي....

انا سقطت اول ماتزوجت... وعادي اذا كان فترة الحمل شهر الرحم يكون نفس حجمة الطبيعي...

انا شربت حلبه و منقوع علك البان لانه يعالج الم الظهر على كلام امي والمثل اللي قالته لي كأنه ثمره ما نضجت وقطعتيها من الشجره والظهر هو ((الشجره ))

والحمد لله بعدها حملت على طول بس وايد تعبت مع ابر التثبيت...

وانتي عليج بالراحه اول شهر وحبوب الفوليك اسد لو حملتي في هالفتره ان شاء الله

S

Sun_flower143

عروس مشاركة

29-10-2007 | 01:24 PM

أنا سقطت قبل شهرين وهذا كان اول حمل لي وكنت في بداية الشهر الخامس...
وقالت لي الدكتورة ما يفضل مايصير الحمل خلال 3 اشهر..... بس قالت لي شهر 11 وتاسع يوم الدورة لازم اراجعها لان في فحوصات معينة اعملها في هل اليوم .....وبعدها ممكن احاول احمل إنشاءالله.... تاريخ 4.11.2007 عندي موعد مع الدكتورة و إنشاءالله خير...

الله يعوضك ويعوضني إنشاءالله.... نصيحة مني حاولي أول بأول تراجعين الدكتوره حتى قبل الحمل.... وإنشاءالله خير.....

ه

هملووله بنت صوغان

مشرفة سابقة

29-10-2007 | 02:06 PM

انا طرحت اول مره فالشهر الثالث

ماشربت شي خلال النفاس

وممكن تحملين بعد مرور 3 اشهر الى 6 اشهر

B

BnT^aLbA7rAiN

مشرفة سابقة

29-10-2007 | 02:17 PM

انا سقطت بأول حمل لي في الشهر الثالث
الدكتورة ما عطتني سبب مقنع للإسقاط
المهم ماخذت حبوب ولا شي بعد عملية التنظيف
بس بعد سنة بالضبط حملت وانا الحين في الشهر الرابع
بداية الحمل عطتني الدكتورة اسبرين للسيوله وابر تثبيت وفوليك اسد ودافستون
والله يتمم لي ولكل حامل ان شاء الله
ويرزقج ويرزق كل من تتمنى الذرية الصالحه

مع محبتي

ص

صلصوحه

عروس ماسية

29-10-2007 | 09:30 PM

انا سقطت في الأسبوع السابع تقريبا

والسبب ان الحمل كان ضعيف

مع اني كنت اخذ دوفاستون واسبرين وفيتامينات

الحمدالله على كل حال

والله يعوضنا ان شاء الله