اين العراقيات

اي والله يا عزيزتي الشغلة تفور الدم :mad:واحنة العراقيين دومنا دمنا فاير :mad2:خاصة من توصل لهيج مواصييل واني حطيت روحي بمكانج وانزعجت :poster_spam:من هاي مالت السم اللي ماتستحي وين اهلها عنها هااااااااا لوو خلفو وشمروووو بسسس الصراحة اذا خطيبج بهاي المواصفات متنلام المكرودة :wavey: بس هو مازال ما مطيها وجه هسة تولي وتشوفلها واحد ثاني ما تظيع وقتها لان الاخت مبين عليها مستعجلة :21_209:والحمد لله انه هاي المكروهة- ماكلتيلنا اسمها - خلتج تكبرين بعين خطيبج بعد اكثر واكثر لانه لو بس فكر للحظظظظة يقارن راح يشوف الفرق واضح بين السما والكاع وشجاب الثرية(f) للثرى (w)والله يارب يارب بجاه عزك وجلالك تبعد اولاد وبنات الحرام عن موصلية وخطيبها وتجمع شملهم وتيسر امرهم امين رب العالمين

مووووووووصلاوية حبيبتي



هلا بيج نورتينه

حياتي كل هاي المصيبة بقلبك !!!!!

فاجئتيني بمشكلتك والله

اويلي اشلون صابرة

هاي شنو من مله متفتهم متولي عن الرجال متفهم انه مرتبط

تراني دمي حار ومااتحمل وبهالسوالف ما عندي عقل يحكم

يعني صدك الله يساعدج هاي غير بلوة

بس لازم خطيبك يشوف حل لها

بعدين من متى اكو عمل مختلط بالسعوديه ؟؟؟؟

لازم يشوف طريقه وينقلها من المكتب

واتصور بكل مكان اكو حشرات مثلها تلزق وتسوي مشاكل
بس الحمد لله ان خطيبك عاقل وصريح وياج

ولي عودة للموضوع بكل تاكيد

شنوووووووووو هاي موصليه 00
والله فلم هندي مضبوط
الله يساعدج عليهه مين طلعتلج هاي
بس شوفي00
هوه خطيبج جبير وعاقل 00وباسلوبه يكدر يبعدهه عنه
بس بعد خل يثكل وجه اكثر شويه
او يصارحهه بانهه زاعجته ومنا الموظفين
شنو متخاف على سمعتهه
الله يعينج حبيبتي
بس لتخافين من هيج اشكال بعد وبعد
بعدج اشفتي
الي تزوج رجل شخصيته قويه وسيم بصراحه تعاني من الحشرات
هههههههههههههه مثل هالحشره الي لازكه بزوجج بالمستقبل
ان شاء الله
واني متابعهه
شيصير خبرينه
موصليه اوكي

هلو موصليه شهل غيبه والله شتاقينالج وبعد ممنوع هيج اختفاء دون متاخذين موافقتنه عود اني ميخالف انطيج اجازه خخخخخخخخخخخخخخخ

اما بنسبه لموضوعج فصدك هاي شغله تحرك الدم بس يا اختي خلي الولد يتحذر منها وينطيها الوجه الفكيل وابد ميستلم منها اي اميلات اوصور وغيره ترى يا موصليه يا حبيبتي وانت تعرفين ان كيدهن عظيم وتروح اطلع اشاعات عليه للمسكين وسويله مشاكل اما بنسبه الج فخلي ابد لا يجيب طاريج كدامها ابد لان غيره النسوان الله واكبر منها خصوصا لمن تحس هي بروحها ملبوسه وهو مهتم بيج ترى عفاريت الدنيا تركبها وبعدين تروح سوي تصرفات هو في غنا عنها وخلي يفهمها بصوره غير مباشره انه هو مرتبط وانه هي مثل اخته ولو الواحد ميشرف يكون عده هيج اخت بس واحد من لا جاره حتى يجفا شرها وبلكي هي تمل وتروح ادور على غير واحد وبعيد عنكم والله يخلي الج يا عمري وانت ديربالج تشكين بي او تحسسي انه انت دتغارين منها ابد لان انت الجوهره وهي الفالصو ومزنجر هم بعد وصدكيني هيج وحده هسه تمل لمن متلكي وجه وتروح دور على غير واحد والله يخلصكم منها ان شاء الله على خير

احلى الكلمات اهديها لوطني الحبيب


قتلتني الغربة وذبحني الفراق
اتذكر بيتنا واتذكر ذاك الزقاق
اللي كنت الهو واللعب فيه ويه الرفاق
مليت تره البعاد صعب وللقلب حراق



مشتاق للين ولسوالفهم الجميلة
ولطبعهم العنودي وشهامتهم الجليلة
مشتاق لحضن هلي وناسي ومشاعرهم الرقيقة
ودفيء حضنج يا بغداد واخلاقج النبيلة



حنيت لنهر دجلة وميه الصافي
وانوار شارع ابو نؤاس وهواه الدافي
حنيت لنهر الفرات وسمكه الوافي
وتمنيت اشرب ميه وامشي على ضفافه حافي

ولهان على البصرة وأم القرى
والفاو اللي قاومت ودوخت العِدى
ولهان على الانبار وأم الربيعين نينوى
اللي تمنيت اسير فيها وانشد احلى الغنى



تعبان وربي يشهد على حالي
لا تخافوا يوم لو شفتوني والدمع على سهادي
ولاتستغربوا لو فنيت له عمري ومالي
هذا العراق حبيبي وارخص له كل غالي

صح ألخسارة أشكال
وفعلا صدك من كالْ
بس اليموتن خسر
لكني من اتغربت
وأباب ألسفارة أتلوعتْ
بحزن ألغريب اتحسست
كلت اليموتن ما خسرْ
قلاً يموت بموطنة
خفت الرحيل يطول
وأفراك ألعزيز يسلْ
خفت أندفن مجهول
وروحي اسيرة وطنْ
ما تصبر بدونة
هيهات تنسى وتملْ
وك روحي مجنونة
بكل لحضة أصيحن هلي
وألصوت الحنينة اسمعت
تصرخ تصيح بشوك
وينك يمة علي
يمة هم تجينة بعد
ويرد طير السعد
يمة هم تكعد أكبالي
وأظمك ظمة شوك
ظمة طفل محروم من أمة
يمة علي رد ألي واللعراق الغالية اترابة
هذا ألوطن لمن يمة علي من رحلوا احبابة
ترة باألاجنبي ابدا ما تقبل أتراب

قصيدة رائعة عن العراق الحبيب


.
.
.


أبـو جعفـر المنصـور عــذراً
ماعادت بغـداد عاصمة الرشيد
ومـا عــاد العــراق
ذلك البـلد التـليد
نـُفيـنا وأستـوطن المحتـلون بـلادنـا
وعـاد عصـر هـولاكو مـن جـديـد
عـاثـو في العـراق فســاداًً
وخيـرونـا بيـن القتـل أو التشـريـد
يا هارون الرشيد
لاسحابـة تـمطر فـوق عـراقنـا
ولا خـراج يـأتينـا مـن بعيـد
لا مـال ولا ديـن ولا عـرض مصـان
ولا فـرحة أو أبـتسامـة في العيـد
وظلم ذوي القـربى أن كانـو ذوي قـربى
أشـد وطئـاً مـن الضـرب بـالحديـد
يـعزفـون على أوتـار جـراحنـا
ويـرقصـون رقصـة الأنـجاس المناكيـد
كيـف يـرجى منـهم أمـلاً
وهـم في بلادهم يساقون مثل العبيد
لا تشمتوا أو تفرحوا
لطالما رقصت كلاب على هامات الأسود
يا نارً كوني برداً وسلاماً
على العراق وأهله الصناديد
بغداد ياصبر أيوب
وجرح الزمان
وبلسم جراحك الرصاص والبارود
عادت ليالي الخائنين بلادهم



قسماً
لن ينال من مجدكِ جاهل ورعديد
بغداد يا قرة العين
يا مدينة الحضارة والرأي السديد
أن قطعوا لكِ شرياناً
فداكِ ألف شريان ووريد
بغداد لا تعجلي علينا
غداً يأتيك الخبر الأكيد
أن مات من أجلكِ شهيداً
يولد من صلبهِ ألف شهيد

سألوني انت منين؟؟

نشوفك مهموم وحزين

مضيعلك حبيب لو اهلك بعيدين؟؟؟؟؟

من سوريا لو من عمان انت لو من الامارات لومن البحرين

كلتلهم سوريا جارتنا بيها احباب عايشين

وبعمان عدنا ناس راحولها مجبورين

وبالامارات حبايبي وبالبحرين

صديقي وجاري همينا مهجورين

هذولة احنا بالعالم متشردين

وللغربة وللاعداء وطنا عايفين

هسة عرفتوني اني شنو وأني منين؟؟؟

اني اللي يسموني عراقي ابن الرافدين

هذول احنا العراقيين طول عمرنا مظلومين

بنات هي قصيده على الام لمن قريتها شبعت بجي

طال غيابي
و زاد عذابي
و لكن.. يا أمي
لا ترتابي
لأني سأعود
لأرى أحبابي
لأراك يا جنة ً
يا نورا ً...يا قمراً
يا أوفى الأصحابِ
لأراك ِ يا أمي
بعد طول غياب ِ
لأقبل رأسك ِ...
و يديكِ
لأرى براقة عينيكِ
لأرى ابتسامة شفتيك ِ
لأنال رضاك ِ
فالجنةُ تحت قدميكِ
لأراك بدرا ً.. بل نوراً
لأُظهِــــرَ حُبــــًا مستورا ً
لأُفجــِـــرَ شوقـــــًا مضمورًا
فكل حياتي لكِ
بل فيك ِ
* * * * * *
يا أمي
يا زهرة أزاحت همي
يا نجمة أنارت حلمي
يا قلبــــــــــــــــــــــــــًــا شافا ألمي
يا أروع أمٍ..
يا أمي ...
سلامي لك ِ
و قُبلاتي
لكِ مني
تحياتي
يا أعظم مخلوق أوصى
به الرحمان لك ِحياتي
فلا تهتمي
سأعود بإذن الله قريبـــًا
و أعدُكِ
سترين عجيبـــًا
سترين حُبــــــًا لم يحدث من قبل
سأضمكِ ..
سأظلُ قريبــــًا
لأجلكِ وحدكِ يا أمي
سأشعل نارا و لهيبــًا
سأنافس حرا و أديبــًا
سأؤنب نفسي تأنيبـًا
سأهرِّب حزنك تهريبـــــًا
سأشفي آلامك
لا تعجبي
لأجلك قد صِـرتُ طبيبـًا
و في بُعدك ِ
قد كنت كئيبـــًا
و الآن
الآن يا أمي
سأكون قريبـــًا
فقد علمتني التجارب
حب الحياة
و أي حياة بلا أمي
اقتربي مني ..
ضميني..ضُمي
فأنا لم أعرف روعة الحياة
إلا بعد أن قلت
أمي
إن رأيتك ليلاً
إزدان حُلمي
إن كنُت ُبالنهار
كُنتِ بدمي
كنت بكلماتي
و مبلغ علمي
ناديتُ عليكِ
أيا أمي
يا نعمة من أغلى النعم
كتبت لك حتى بكى قلمي
إرضي عني
جودي بكرمِ
فلا زَالتْ أحلى كلمة ٍ
على الدوام
أمي ....
أمي...
أمي....

هدوووووووووووووله عاشت الايادي على النقل الرائع قلبي
والقصيده عن الام ابكتني والله الله يخلينه امهاتنه يارب
ويطول بعمرهن ونرجع انشوفهن

هلوووووووو 00 شلونكم بنات
عاشت ايدج هدول شنو هالابداعات

(ظلمة ومنع تجوال والبطة تفتر..والي يطلع ينعلس لو جدة عنتر)

هاي على وضع العراق بهليومبن
اكووووووووول شو اليوم زوزو ماكو
لازم ملتهيه بجهاز العرس

ههههههههههههههههه
عسوله متت من الضحك
عاشت الايادي قلبي

شكرا الج حبيبتي هدول:clap: الصراحة كلهن روعة وحدة احلى من الثانية :ok:واللي ابكتني القصيدة الثالثة :cry: والله لايحرمنا منج ومن اشعارج يا الغالية :888345:وربي يرجعلنا العراق سالم وامن و يردون اهل العراق لوطنهم سالمين يارب يارب

بنت الرافدين
الحمدالله ضحكتج
شر البليه ما يضحك
احنه العراقيين شميصير بينه متفائلين ونسوي نكت هم على حالنه
هههههههههههههههههه
ماشاء الله

تبقى ألشيعه سيف بأيد أبو الخطاب والسنة سرايه يقودهم حيدر .. و تبقى النجف درع لصلاح الدين , ولذي قار سد تصير تلعفر .. والانبار حلفت گهوة ماكو اليوم , الا هناك وبميسان تتعمر .. أذا انته عراقي انشرها....حيـّــا ألله العـــــــــــــــــــراقييين
طبعا بنات هاي وصلتني عالاميل00
وبصراحه عجبتني كلامهه يوحد العراقيين

اعلن مصدر مسؤول في الحكومة بأن الفائز من بين بدر وجيش المهدي
سوف يلتقي مع السنة على النهائي
هههههههههههههههه
حلوه مو
ومن اكثر القصائد تعبيرا عن مرارة الوضع العراقي حسبنا الله ونعم الوكيل

((ملينة الجذب)):(

تجرأ كثيرا في نسخ حروف القصيدة وابتعد كل البعد عن المسار الذي سار عليه بقية الشعراء في الهروب من الواقع المريرالذي نمر به واتخذ مسارا منفردا في نقل الصورة الحقيقية للمأساة الحقيقية التي نمر بها
نعم الصوره الحقيقه التي لم ينقلها احد خوفا من الضلام الذي اجتاحنا
وخيم على قلوبنا وعقولنا

اترككم مع الجرح مع النزف مع الالم
مع الواقع العراقي المرير
واتمنى ان اكون مخطئا


مل مني القلم ومن القلم مليت
عمت عينه قلمنه الما نفع شِعره

تعب حته الشِعر ويه العراقيين
وصار بحال اهلنه وبالعراق ادره

رسمت حروف العراق برسم فنان
وجمعت اربيل والانبار والبصره

وگلت لازم حروفي توحد الخوّان
ما معقوله هيچ تصير فد مره

ورديت ولگيت دموع عالوجنات
حروف الي رسمتهه اليوم متطشره

كردستان تحچي بزودهه وتگول
احنه العاصمه وبغــداد متأخره

والانبار شالت سيف عالخوان
لو ليه الحكم لوفلّش الاسره

والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره

نهر دجله يـا ناس من الجثث غرگان
خلي نمد ادينه لدجـــــــــله وانجرّه

على جثثنه ادور هالفضـــــــــــائيات
ياهو الي يصــــور ياخذ الاجــــــره:ss:

معصوبه العـــــيون مچتفه الايدين
وانواع الرصاص يچوب بـــــصدره
:confused:
لا اهله اجوي وچــــــــفّنوا بچـــفان
مجــــهوله الـــهويه ومن درة بأمره:(

اذا امّه الــــحنونه الصايمه برمضان:confused:
ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه
اثاري العيـــــــــد لازم ينگطع مهره

لان باعت ذهبهه بشارع الصياغ
حته تزوج ابنهه الما فرح عمره:ss:

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينهه العبره:(

وما شافت ابنهه وجاهه ملك الموت
تعرف شنهي يعني تموت بالحسره ؟؟:confused:

معناها الفرح صاير مثل رجال
شايل ورده بيده وخنجر بضهره

معناها عراقك كاتل ومكتول
سوده گلوبهم وعقول مفتره

وكل هذا ويگلي احنه العراقيين
سنه وشيعه عشنه الحلوه والمره !!

لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره

ملينه الچذب وليمته وليا دوب
قصايدنه اجت للناس متأخره

نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه

بعد تفجير سامرّه العراقيين
مثل فلم الرعب ودمايته الحمره

مو فتنه صحيح الصايره ابّغداد
سونامي الفتن بغداد منتشره

قتل مو عالهويه هواي متوهمين
صارت عالاسم گص راسه ويشمره

واليگلي تبالغ انته حيل بهاي
جبت حجه ودليل وياي هالمرّه

اتحده بكر واتحده ابو الخطاب
افن واحد البيهُم يوصل الثوره

واتحده على واتحده هم حسين
اذا فلوجه طبهه ومنكسر ضهره

صـــــــــفر كل النتايج للعراقيين
بس بالفتنه جابوا عشره من عشره

هذا يگول سني ناصبي اغتالوه
وهذا يگول شيعي رافضي نكفره

ضلّوا بهالسوالف يا خزي ويا عار
واسرائيل علگت نارهه الــــــكبره

يول وين الــــــــشرف گدامكم بغداد
شــــــگّوا ثوبهه واخذوهه متأسره

غتصبوهه الكُفر ... ما تسمعوهه تصيح
آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه


مرحوم الـــــــعراق استشهد من سنين
يا وسفه صفـــت أشلائه مـــــتنثره

متنـــثره بمزابل يمـــهه كوم چلاب
اكلت من لــــــحومه وما درت سرّه

صــــير وياي بس هالمره اترجاك
عيب من الــــــــــــعراق اليوم نتبرّه

صعبه بمزبله جثة الــــــــعراق تصير
خلي نشــــــــــيله منهه وندفنه بگبره:confused::confused:







طبعا هاي القصيده تسوي احباط

هلااااااااااااااوو

موصلاويه

اعودلموضوعك مثلما وعدتك

ولكيت لج حل جذري

اكول لو خطيبك يشتكي عليها للادارة ينخرب بيتها ويتنفصل من العمل وتخلصون من هالمصيبه


بناااااااااات

اشتقتلكم كلش هوايا

اكول اني راح اغيب عنكم فترة

لظروف طارئه وهي ظروف خير ان شاء الله

بس راح احاول كل فترة اطل عليكم واشوف شكو ماكو

زين هاي دااخبركم اني شوي راح انشغل
وجياتي الكم تخف

بس راح ابقى على اتصال وياكم واجيكم

وراح اشتاقلكم

يله باي

باي زوزو واحنه اكيد نشتاقلج000
هوايه00وان شاءالله مطولين
مع السلامه

الله وياج زوزو
عسوله قلبي
صدك أحباط هاي القصيده
والدمعه بطرف عيني
الله كريم تفرج متظل هيج
يجي يوم بس اشوكت ؟؟؟؟؟

بنت الرافدين1كبدي
الله اليعلم شوكت تفرج
بس احنه دومنه متفائلين
والخيره فيما اختاره الله
شخباركم بنات
هيلانه
هديل
موصليه شنو اخر الاخبار
يمعوده ديري بالج على ابو الشباب
هوه شنو ذنبه00هيه مجعبتله00
ههههههههههههه

السلام عليكم...
[FRAME="7 70"]شلونكم بنات..
من زمان واني اقرا مشاركاتكم..واستمتع بحجيكم..
بس البوم ورا ما قريت القصيده ..والله دمعت..ومع الاسف..
بس الله المستعان
وحسبي الله ونعم الوكيل

واتمنى تقبلوني بينكم
عراقيه واموت بتراب العراق[/FRAME]