رابطه الزوجات والمخطوبات اللى ازواجهم بعاد عنهم بالسفر

يلا بقا عاوزين تفاعل فى الموضوع عشان انا متاكدة ان فى بنات كتير قوى ازواجهم وخطبانهم مسافرين ومحتاجين يتكلموا

بس اوعوا تعيطوا وتقلبوها نكد

هو من جهه النكد فهى نكد من كله

والله الواحد مش عارف هو كدة احسن والواحد مرتاح من تحكم الرائى بتعهم ولا هيموت عليهم

انا بقا ياستى هو مطلع عينى وهو مسافر تحكمات لبسه ايه نازله رايحه فين رنى رنه وانتى راجعه من الشغل رنين لما تنامى رنه واقفلى الموبايل وانتى بتخدى شور ربع رنه وانتى داخله الحمام لبسه ايه من فوق لبسه ايه من تحت اوعى المكياج اوعى البرفان لما خلاصصصصصصصصصصصصص بس بردك بحبه وعاوزة جنبى

لا ولما بيكون موجود بقا واحنا نازلين يقعد يلف حوليه عشان يشوف يمكن فى حاجة غلط فيه

بس بصراحه انا حاسه انى مش متجوزة هو بعيد عنى كدة كل اللى قاعدة معايا شهرين وفيهم شهر كونت فى الجبس وسافر ورجعت عند ماما تانى لاعارفه البس هدومى ولا استخدم شقتى يعنى كانى متجوزتش

انتو فين هو فى ايه انهاردة كلهم رجعوا من السفر ولا ايه

واضح ان الموضوع مش عجابكم

هههههههه الظاهر كل وحدة رجع لها زوجها وخطيبها الله يجمع بين كل المحبين ان شاء الله

ههههههههههههههههههههه
لا انا خطيبى مش مسافر هو بس من محافظه تانيه ممكن اشارككم ولا مليس مكان؟

طبعا ينفع بس يلا بقا عاوزين نجمد شويه كدة

فعلا واضح انهم كلهم رجعوا
ههههههههههههههههههههههههههههههههههههههه

:sad::confused::sad::confused::sad::confused::cry::cry::cry:
:cry::cry::cry::cry:

حرام عليكو قلبتو المواجع

انا ولا مخطوبه ولا متجوزه فى النص مكتوب كتابى

وهو المشاكل طبعا موجوده
بس لما بيبقى هنا بعرف اتعاااااااااااامل:sm2441::sm2441:

لكن وهو بعيد انا مش طااااااااايله

ههههههههه عادي بهذا الركن بالذات الواحد دايما يكلم روحه

شوفي انا اقول لك فضي الشقه و شيلي هدومك و شنطتك و على اول طياره و روحي لزوجك بلاو وقعدت راس و لا عذاب

انا جربتها بصراحه صعب الموضوع يوم انتي ببلد و زوجك ببلد تاني ...تعرفين صرت احس و افكر في الشغاله و السائق و كل اجنبي بشوفه في الشارع متغرب عن بلده و اهله ...والله مساكين ستاتهم صرت بحس فيهم

و صعب اذا فارق الوقت يكون كبير يعني انتوا عندكم الصبح و هو بليل ...يعني لازم تقومي كل يوم الفجر بس علشان تلحقى تكلميه و لا مافيش

و تتكلمي تقولي ايه و لا ايه ...كلها بكاء و اشواق و عتاب ليه يسيبك و يروح ((دا اكبر غلط تعمليه ))

انا عايشه حاليا ويا زوجي و الحمد الله ...لكني في غربه و ميته من الغربه ..لا اهل و لا اصحاب حالتي النفسيه زفت و لله الحمد ...ساعات اكون خلاص مقرره اقول لزوجي خلاص مقدرش استحمل برجع لبلدي ..لكن لما افتكر الايام السوده الي عشتها و انا بعينه عنه اقول خلاص استحمل و لا عذاب الفرقه

و على راي المثل ((وش جابرك على المر غير الي امر منه ))

بس بصراحه لازم كل زوجه تكون مع زوجها ... و اذا الظروف ما تسمح لازم تخفف عنه ....مب في كل مكالمه تقلبها بكاء و عياط ....حسي فيه انه لوحده و في غربه ما عندوش لا اهل و لا اصحاب و لا هو في بلده ...كفايه عليه الغربه المره ...و دايما اديه اخبار حلوه ما تقوليش و بنت مريضه و لا ابنك عنده زكام لان هو بغربه و بيكون قلق و بيخاف كثير ...فانتي ما تخضيهوش دايما باخبار وحشه ...كلها كل اخبار حلوه علشان يطمن و ميخافش

و احرضي على .انك تصل بيه ....تبعت ايميلات ....ممكن ترجعي للطريقه القديمه و ترسي رساله او بطاقات عن الحب و الشوق ...بتلاقي في السوق بطاقات حلووووه كثيييييير بالبريد لانه بيتفاجا فيها و لان الدنيا خلاص تعوده على الايميلات

و اهم شي ما تنسينه في المناسبات الاعياد و ذكرى الزواج و يوم ميلاد ...شوفي على النت محلات ورود تبعد لكل مكان في الدنيا و ابعتي له باقات ورود ...بيفرح بيها و بيتفاجا ...و اشتري له قمصان و كرفتات و هدايا بسيطه و ارسليهم له ..بس ما تكون غاليه علشان اذا ضاعت بالبريد ما تندمين عليها

و اذا عند بيبي ...ممكن تصوري بالفيديو و الصور و ترسليهم له..علشان يشوف ابنه او بنته و هم بيكبرو و بيتعلمو اشياء جديده ((بس اول تتاكدي ان الدوله تسمه تبعتي شرايط فيديو او DVD بالبريد )) لان في دول ما تسمح و ترجع الشرايط و صارت ويايه

يعين خليه يحس حتى لو هو بعيد لكن ما بيفوته شي من الي بيصير عادي كانه موجود ...

و الاهم ما تثقلين عليه بالطلبات و تطلبين هدايا كل ما يجي زياره ...دايما حسسه ان كفايه دخلته البيت و وصوله بالسلامه هي الهديه ...لان دايما الغربه تكون مكلفه ...و يدوبك مصروفه بيكفيه يعيش بالغربه((وحده عايشه بالغربه و تعرف كويس كيف الدنيا غاليه برع ))

و اهم شي كل ما يرجع اجازه ...تعملي له حفله بسيطه انتي و هو لوحدكم تعزميه على مطعم حلو تجيبي كيكه او تعمليها بنفسك بيفرح بيها اكثر ...و حتى الاكل اعمي له ما لذ و طاب و كل الي نفسه فيه ..يعني خليه زي الملك ..تروحوا تتمشوا بالبلد يعني كم يوم حسب الامكانيات في اي فندق حلو تغير جو ((شهر عسل يعني )) .... و الاهم انك تودعينه زي ما استقبليته ...مش عياط و بكاء ..خليه يفتكرك بابتسامتك مش بدموعك .. و تزدي عليهم انك تشتري له هديه يفتكرك بيها لما يسافر ...و ممكن كمان ترتبي له الشنطه بنفسك و تخبي فيها اوراق او رسايل فيها كلام حلو يفرح بيهم اول ما يوصل لبلد الغربه و يفتح شنطته راح تخفف عليه همه و غربته

و ربي يلم شمل كل متفاريقين و يرجع كل مغترب الي بلده و اهله و ناسه بالسلامه يارب

خطيبى برده فى محافظه تانيه بس و حشنى اوووووووى

انا كمان جوزى (كتب كتاب يعنى) مسافر بره بس الحمد لله مفيش مشاكل

يوووووووووووووووووووووووووووووووووووووووووووووووه حزنتوني والله :confused: :confused:
انا زوجي بعد كم شهر بيسافر ان شاالله و من الحين محزنة!!!!!!!!!

بروف انتى خطيبك فى محافظه ايه ؟؟


انا مش بشوف خطيبى اصلا ولا بنتكلم يعنى تقريبا مخطوبه شكلا فقط لا غير