زوجك ماينام معاكي في نفس الغرفة

هلا والله اختي ..

شو هاي الحاله الغريبه ..

الحمدلله ان زوجي مب من هالنوع ..

بس لو انا مكان اي وحده زوجها يعاملها بهاي الطريقه ما برضى .. الزوجه مب بس لقضاء حاجت الريال بس .. الزوجه تحتاج لحنان وحب وكلام .. واستقرار

اما اذا كان هالتصرف بسبب زعل ولا عقاب ما احب اطول فالوضوع خاصتا اذا انا كنت المذنبه ... عالطول اسير استسمح واراضيه .. اما اذا هو الغلطان ومن النوع العنيد يعني ما يستسمح اسير اناقشه فالموضوع اليما يقتنع بنه هو الغلطان

والله مش عرفه افيدك بس ربنا يهدىـ

انا نفس الشى
زوجي ينام لوحده من جبت ولدي عشان مايتحمل صياح ولدي واذا ماعنده دوام يجي ينام معايا ويتحمل ولدي بس عن نفسي عذرته بس والله هذا الشي قلل حبي لزوجي كنت ما اخليه ينام زعلان عليا حتى لو هوا مزعلني اراضيه اما دحين اذا جاء ينام عندي اقوله لا تجي وهاين عليا بعده

من هنا يبدى البعد بين الزوجين انتبهي...

الزقي له معليش قولي له اخاف بلحالي ههههههههه اي عذر المهم لاتخلينيه يتعود

انا اعتبر هالوضع ماهو صحيح بين الزوجين اين كانت الظروف....انتي افرضي نفسك وعوديه على قربك وماهو حلو كل زوج ينام لوحده ...انتي اذهبي له في غرفته ونامي عنده او اسحبيه لكي واجعلي من الغرفتين مكانين يجمعكم وبه تغيير لكم وليس مكان يفرقكم ابدااا

لازم الزوجه ما تسكت على هذا الموضوع انا سمعت الدكتورة فوزية الدريع تقول اذا ابتعدت المخدة قلت المودة
بس انا مع الاسف الحين زوجي له اكثر من شهر ما ينام معاي لان شخيره زااايد وصوته عالي وبصراحه ما اتهنى بالنومه الله يشفيه عاجلا غير اجلا يارب ادعولي ربي يشفيه من الشخير عشان ارتاح

طولون;4513359:
لازم الزوجه ما تسكت على هذا الموضوع انا سمعت الدكتورة فوزية الدريع تقول اذا ابتعدت المخدة قلت المودة
بس انا مع الاسف الحين زوجي له اكثر من شهر ما ينام معاي لان شخيره زااايد وصوته عالي وبصراحه ما اتهنى بالنومه الله يشفيه عاجلا غير اجلا يارب ادعولي ربي يشفيه من الشخير عشان ارتاح

اختى الشخير سعات بيدل على بعض الامراض زى القلب و كده خليه يكشف الا لو هوم طول عمره كده بسسب الانف

الله يحمينا من هالبلاء.............

بصراحه ودى أفيدج بس مامريت بهالتجربه ولاسمعت عنها بس أتصور أنها تسبب جفاء كبير بين الزوجين !!

حاولى تتقربين له وتطلعين له اى حجه المهم تنامين عنده ادعى الخوف أو أنج تحلمين بكوابيس وبس هالليله بنام عندك ومن هالكلام وكرريها أكثر من مره لعل وعسى يتعود عليج ويستانس عالوضع

بس سؤال هل هالشي من تزوجتو أو مستحدث ؟

شي غريب والله

حاولي قدر ماتقدرين تتقربين منه يااختي


وان شاااء الله يتعود عليك اشوي اشوي

اختيlOok@meلاصار لنا علا هذا الوضع اكثر من اربع سنوات في البداية كانت السالة عندي ايزي ماعلية كنت انم مع اولادي ماتفرق معي بس حسيت ان الموضوع بدايدخل مسالة الجد وبدا الرجل فعلا يتعود عل كذاكنت اقولة ليش متنام في الغرفة قصدي غرفة النوم يقوللي مارتاح على السريرمرت سنوات وانا افكر في هذا الموضوع كبروا اولادي وصاروا يدخلوا المدرسة ا شرت عليا بعض من الصديقات اني اخذ فرشتي وانام عندة سويتها صارو اولادي ينامو في غرفةنومي وانا وهو في غرفة في البداية اتقبل الوضع وبعد كذا انتقل عند الاولاد سالتة قال هذي غرفة نوم الاولاد خليهم يجو هناقصدة في الغرفة اللي انام اناوهو فيها اناقلت يمكن علشان يبغاني ارجع انام مع الاولادوهو يرجع الغرفة وحدة على فكرة الشقة اللي انافيها بس فيها ثلاث غرفه قلتلة لاانا بنام في هاذي الغرففةعلشان ضهري لاني عارفة انو راح يرجع ودحين لة يمكن اقل منشهر نايم مع الاولاد

شوفي تبين الصدق انا ريلي مره سواها ايام ماكانت بنتي اصغيره واتحجج ان مكيف الغرفه حار و انها اتصيح وهوه عليه دوام ومن ها القبيل .. وانا موووووووووووووووووووووول ما عطيته مجال .. رقد يومين وثالث يوم يبت سرير بنتي ورقدت فالغرفه اللي هوه راقد فيها .. قلتله انا وحده اتروع ارقد بروحي وثانيا اذا رقدت وانا تعبانه ما اقدر انتبه حق بنتك أخافها تصيح وتهلك من الصياح وانا راقده .. ولا سويتله سالفه زود ... حطيته جدام الأمر الواقع ..

ونصيحتي لج حطيه جدام الأمر الواقع وصارحيه .. ومثل ما يقولون ابدي بالقنبله وبعدين الصواريخ .. قوليله مب جن السالفه مصخت شوي .. والا صرنا مو عاجبينك .. لا تيلس اتقولي الفرش مو عاجبك والا هذي غرفة اليهال .. قول إلا نحن مو عاجبينك .. اذا غلطنا في حقك صارحنا ياأخي لا اتم إتخليني ألحقك من غرفه لين غرفه .. ترها مب حلوه .. شوف اللي تسويه وقيم عمرك .. واذا طلب منج حقه لا تعطينه .. قوليله كرامتي وانوثتي .. والشرع ما يسمح إنك تعاملني بها الطريقه .. اتوقع ان اربع سنوات كفتك وزادت .. بس عاد تراني مليت من ها الطبع الخايس .. وبعدين زعلي منه ولا عاد اتكلمينه .. وشوفي ردة فعله ..

والله يهديه إن شالله .. بس نصييييييييييييييييييحه .. لا اتطوفين الموضوع على براد .. لان إذا سمحتي بها الشي من البدايه إعرفي إنه خلاص طول عمرج بتمين جذي ..

بصراحة حبيبتي حاولي بكل الطرق ما تخلينه يتعود
و دوري عن السبب
1/اهتمي بنظافتك و شكلك قبل النوم
2/حاولي تنيمين عيالكم قبل
3/حطي عطر مثير و زيني المكان و غيري الترتيب
4/غيري لون الإضاءة في الغرفة و نوعي في توزيع النور
5/ممكن تعلقي عالجدار ورق بأشكال حلوة و تكتبين عليها مثلا (اشتقت لحضنك)و (خليك جنبي)

الله يوفقك يارب

لاتمصخون الرياييل وتخلونهم بروحهم بعدون شو يضمن للوحده أنه يبا يرقد روحه علشان يطيح له مسجات ويا هالفاضيات سراقات الرياييل أو حتى يرمس في الموبايل وانتي ياغافل لج الله ترى سووها وايدين خاصة اللي عندها عيال ولاهيه وياهم . ردي ريلج لفراشج أحسن لج

قولي له أَنَّ النَّبِيَّ صلى الله عليه وسلم نَهَى عَنْ الْوَحْدَةِ؛ أَنْ يَبِيتَ الرَّجُلُ وَحْدَهُ أَوْ يُسَافِرَ وَحْدَهُ»

بصراحه انا اقولك مااعطيه حاجته اذا مانام معاي بنفس الغرفه

اسيل 2;4518567:
بصراحه انا اقولك مااعطيه حاجته اذا مانام معاي بنفس الغرفه

انا مع كلام اسيل
لو يطق مااعطي شي حتى يحرم ينام بغرفة لوحدة
مايجي غير علشان هل شغله مااريده

اخواتي العزيزات اسعدني مروركم بالنسة لاكلامك اختي اسيل ياليت الواحدة يكون لها القدرة انها تقول في هذا الشى لا ولاكن حتى في ابسط حق لها تخرس وماتتكلم خوفا من العواقب واللة يابنات اني مرة جربت هاذي الحركة قسما باللة مخلى احد ماقلةفعلا حسيت بالاحراج وخاصة من جهة اهلة قلت توببببببببببةمعاد اسويها احيانا نكون متزاعلين ويطلب حقة الشرعي واعطية وياخذ حقة عادي ولاكان فية شيف

عزيزتي قهوة وشاي

اسالي زوجك اش السبب اللي يخليه ينام لوحده

وشيكي عليه بين فترة واخرى شوفي هو يتكلم مع احد والا نايم لوحده

اسالي اهله امكن عنده مشكله من صغره

واذا كان فيه حليها

حاولي شتى الطرق والله يساعدك

قولي له اولادك دايما يسالوا ليه بابا ماينام معاك

ويروحو يقولو لاهلي بابا ينام في غرفة لحاله

وانحرج منهم وكلهم يخاصموني

سوي لك الف سالفه وسالفه والله يفك كربتك ياااااااااااااارب