ارجوكم ساعدوني زوجي راح يجنني

السلام عليكم و رحمة الله تعالى وبركاته

أنا الصراحة توني متسجلة في هالموقع و عاجبني حييل لني اشوفكم مثل الاخوة تتعاونون مع بعضكم و تقترحون الحلول مشان جذي انا قلت مع نفسي اتسجل يمكن يلاقون لي حل لمشكلتي .

و الله آني مب عارفة وين أودي وجهي منكم يعني أنا بطبعي وااااايد خجولة و المشكلة محرجة واااااااااااايد و ما اقدر أتجرأ أكتبها على العام.

انا زوجي وايد يحبني و انا نفس الشي و لس ما مضى على زواجنا اكثر من سنة و انا شايفة فيه تغيير مو طبيعي يعني ما يجلس معي وايد ولا يحدثني و لا حتى في شهر العسل خلاني احس اني عروس مثل العرايس يعني يمكن اول اسبوعين كانو عسل بس من بعد حياتي كلها انقلبت.

و لما آجي أكلمه يقولي انتي عارفة ليش و الله والله انا مب عارفة شي يعني يمكن أنا خجولة و ما اقدر اعبر له عن شعوري بكلمات الغزل و الاشياء هاذي بس انا ما اظن انه هالشي بياثر على زواجنا و علاقتنا ببعض, لحد الأسبوع اللي فات صارحني و قاللي كلام و الله أنا مب عارفة كيف أوصلو لكم بس هو قال ان هذا هو المشكل و الله و انا من ساعتها حيرانة و مب عارفة شنو اقول و شنو افعل و هو ايضا حسيته اضطرب بعدها و بدا يحاول يراضيني باي شكل من الأشكال بس من ساعة ما قاللي كلامه و لا عاد طلبني للفراش ( اعتذر عن هذه الكلمة ).

و ندائي الآن الى كل المتزوجات ارجوكم اللي بودها تساعدني و تكسب فيني ثواب تراسلني على الخاص و أنا بشرح لها المشكلة و الله انا وجهي مسود منكم و مب عارفة ايش اقول بس اللي تساعدني يا رب تسخر لها زوجها و تسكنها الفردوس الأعلى.

في انتظاركم