مزيل ماكياج فعااااال و رخيص ومرطب ومنظف ومبيض..يلااااااا ادخلوواا بقااااا

hellooo ladies & girls :B_wink:
النهارده جايبلكوا وصفات لازاله الماكياج الى دايما مزهقنا فى ازالته ودايما بنهمل فيه ونسيبه على وشنا ونكسل نشيله قبل النوم :21_161:ونصحي بعدها نحط فوقيه ماكياج تانى لحد اما وشنا خلاص بقي عجينه:down: وفىالآخر نرجع نشتكى من التجاعيد المبكرة واصفرار الوش والحبوب و...و...,,, pla pla pla

طبعا انا جايبالكوا وصفات طبيعيه وكلها بتعتمد على عنصر واحد بس وهو حاجه رخيصه ومتوفرة جدا فى كل بيت واكيد كلنا عارفنها بس عمرنا ما فكرنا نستخدمها كمزيل ماكياج او كمنظف ودايما بنلجأ للمزيلات الجاهزة والماركات ودى طبعا اغلبها ممكن تكون مكلفه وفيه مننا موش بيقدر يشتريها وبيكتفي انو يضرب وشه بميه وصابون ويخش ينام وخلاص :poster_kewlpics: وحتى الى بيشتريها موش بينتظم عليها دايما

الحاجه الطبيعيه الى بقولكوا عليها هى

اللبن ......................اللبن العادى خالص الى بنشربه وانا عارفه طبعا انو بيستخدم كتير فى التجميل ودى موش حاجه جديده عليكوا بس استخدامه فى ازاله المكياج وتنضيف البشرة هو دة بقي الى فعلا تحفه ونفسي الكل يجربه
وانا دايما من وانا صغيرة وقبل ما اعرف اى حاجه فى الدنيا كنت بنضف وشي بليل بقطنه مبلوله لبن كويس كذا مرة وبعدين امسح مرة اخيرة بماء الورد واصحي الصبح وشي رايق ومبيض ومنور ولغايه دلوقتى انا بعمل كدة كل يوم وخصوصا فى الايام الى موش بعتنى فيها خالص ببشرتى لازم اواظب على العادة دى بليل لانى بشرتى جافه جدا وحتى الميه العاديه من غير حاجه بتجففها زياده
واسهل واسرع طريقه لاستخدام اللبن كمنظف ومزيل ماكياج هو انك تجيبي اللبن البارد الساقع جداا من الثلاجه ( انا عن نفسي بحط شويه فى فنجان صغيرواسيبه فى الفريزر نص ساعه او اكتر وبعدين استعمله ) وتحطى كميه منه على قطنه وتدلكي وشك بحركات دائريه وابدأى زيلي الماكياج وشوفي البلاوى واللون الغريب الى هيطلع فى القطنه ... وحتى من غير ما تكونى حاطه ماكياج نضفي وشك عادى اقل حاجه هتلاقي القطنه اصفرت ... وزى ما نبهت كذاااا مرة التدليك يكون من تحت لفوق ومن جوة لبرة واوووعوا من التدليك العشوائي العنيف الى بيخلي البشرة والخدود تترهل وتنزل لتحت ..... التدليك بكرر تااانى للتنظيف بالقطنه بيكون بحركات دائريه خفيفه من اسفل لأعلي مع الضغط الخفيف على البشرة ودفع الجلد لآعلى ودة لتفيتح المسام ومساعدتها على امتصاص اى منظف ودة بيخلي الجلد يأخذ كفايته من الغذاء والاكسجين وبيقوي عضلات الوجه ويزيل عنها الاجهاد والتقلصات......

ندخل بقي على كذا طريقه سهله مووووت لتحضير اللبن كمزيل ماكياج وكمان نستفاد منه كمرطب ومنعم ومبيض وكله كله واختارى منها الى يعجبك والمتوفر فى ثلاجتك :21_8: لبن الموالح : ومكوناته :

1- عصير ربع ليمونه
2- 2 ملعقه صغيرة بشر برتقال
3- 2 ملعقه صغيرة بشر جريب فروت (ولو ملقيتيش جريب فروت ولا تزعلي نفسك ممكن بشر ليمون بس يفضل اكتر الجريب فروت )
4- كوب لبن متوسط
الطريقه : هنضيف القشر وعصير الليمون الى اللبن ونخلطهم كويس ونحطهم فى زجاجه ونسيبهم فى الثلاجه وكل شويه نرج الزجاجه عده مرات وبعد مرور 24 ساعه هيكون كدة المستحضر جاهز للاستعمال ولو حبيتي تصفيها مفيش مانع ولو مصفيتيهاش برده اوكي بس المهم سواء كدة او كدة انك هترجيها كويس جدا كل مرة قبل الاستعمال
طريقه الاستعمال : هتنضفي وشك بيه بالقطنه عادى بالطريقه الى قلت عليها وهتزيلي مكياجك وكمان استخدميه كغسول يومي منظف للصبح .......... وبليل قبل ما تنامى استعمليه برده كمنظف نضفي وشك كمان مرة بالقطنه وبعدين وزعى طبقه تانيه على وشك ورقبتك وسيبيها على وشك ورقبتك ونامى واعملي كدة كل يوم بليل بصفه منتظمه .............. وشوفي وشك بقي وادعيلي وهتظهر اثار المستحضر واضحه بعد فترة بسيطه من المداومه على الاستعمال هتلاقي وشك نور وبيلمع ودة بسبب فيتامين سى العالى الموجود فى المستحضر وخواص اللبن المنظفه
:21_8:

لبن الفراوله لوجه وردى وشباب ومكوناته :

1 - 3 ثمار كبيرة فراوله
2- كوب لبن متوسط
طريقه التحضير : نهرس ثمار الفراوله جيدا بالشوكه وبعدين نعمل نفس طريقه التحضير الى فاتت بالظبط وبرده نرجها كويس قبل كل استعمال
الفوائد : الفراوله من الفواكه الرااائعه للبشرة والمستحضر دة بيحسن لون البشرة جدااا ويشدها


لبن الخوخ منظف ومرطب ومبيض واووو : ومكوناته :

1- 4 ثمار خوخ مهروسه
2- كوب لبن متوسط

الطريقه : هى نفسها بالظبط والفوائد : هتشوفيها بنفسك وهتبهرك

[SIZE="5"][SIZE="4"]لبن الخيار منظف ومبيض اكثر من هااااايل : ومكوناته : [/SIZE][/SIZE]
خيارة صغيرة + كوب لبن متوسط
الطريقه : برده هى نفس الطرق الى فاتت ........ ولازم الانتظام عليه يوميا قبل النوم واتمتعى بالبياض والنعومه


لبن الجزر والخس ممتاااااز وتحفه لكل انواع البشرة وخاصه للبشرة الحساسه جدا : مكوناته :

1- أوراق خس طازجه ومخرطه ويفضل تكون خضرا غامق يعنى قصدى من الاوراق الى بتبقي فى اول الخسه موش فى قلبها وكل ما كانت غامقه اكتر كان افضل ( حوالى 3 ورقات خس )
2- 3 ملاعق كبيرة جزر طازج مبشور
3- كوب ماء مغلي
4- كوب لبن متوسط

الطريقه : هنصب الماء المغلي على الخس والجزر فى اناء ونغطيه ونسيبه لمدة 12 ساعه تقريبا للحصول على منقوع مركز ثم يضاف اللبن لنفس الاناء ونمزجهم كويس وبعدين نصفيهم ونعبأه فى زجاجه ويحفظ فى الثلاجه

الفوائد : المستحضر دة مفيييييييد جدااا لكل انواع الجلود وكمان للي بشرتها حساسه وموش بتتحمل اى حاجه هيفيدها جدا والجزر والخس فوايدهم للبشرة عاوزين موضوع لوحدهم لانهم بجد ممتازين لعلاج مشاكل كتير

لبن العسل وبشرة شباب ونضارة طول العمر : مكوناته :

1- حوالى من 2 الى 3 ملاعق ماء
2- 1 ملعقه صغيرة عسل نحل ابيض نقي
3- كوب لبن متوسط
4- صفار بيضه واحده

الطريقه : نصب الماء على العسل ونسخنه على النار على الهادى خالص مع التقليب المستمر حتى ذوبان العسل ثم نرفعه من على النار ونتركه لدقائق قليله عشان يبرد ثم يضاف اللبن وصفار البيض ونقلب الخليط كويس جدا ويعبأ فى زجاجه ونحفظه فى الثلاجه

الفوائد : المستحضر دة تحفه لمقاومه التجاعيد والاستمرار عليه فعلا بيخلي بشرتك ملهاش حل من كتر نضارتها :21_157: ولونها الرائع وبليل ممكن تنضفي وشك بلبن عادى بارد وبعدين تحطي طبقه على وشك من المستحضر وتنامى بيه

يلا بقي متكسلوش قوموا يلاااا اعملوا الوصفات دى واستخدموها اول ما ترجعوا من برة علطوووول نضفوا وشكوا وشيلوا الماكياج وخصوصا قبل النوم مهما كنتوا مكسلين وتعبانين :21_210: اوعوا تناموا اووعوا والماكياج على وشكوا عشان بعد كدة هترجعوا تندموا لان فترة النوم بليل دي هى اهم فترة البشرة بترتاح فيها وتجدد خلاياها وتعيد بناء طبقه جلد جديده ولما بتكون البشرة موش نضيفه والمسام عليها طبقات من الاوساخ وبواقي الميك أب البشرة بتعجز بسرعه لانها موش بتتنفس وموش بيوصلها اكسجين وتبدأ يبان عليها الاجهاد والشيخوخه بسرعه رهيبه

انا جبت الوصفات السهله دى عشان ميكونش عندكوا حجه لاهمال بشرتكم وعاوزة كل بنت او ست حتى لو موش بتعتنى ببشرتها خالص انها حتى الاقل تنضفها بالوصفات الى قلت عليها او حتى باللبن البارد لوحده مرة الصبح ومرة بليل ودي اهم واقل واسهل حاجه ممكن تعملها وهتحس بفرق شاااسع وهتبقي عادة ممكن تعمليها حتى وانتى بتتكلمي فى التليفون :21_209: واهم حاجه التنضيف قبل النوم وكمان بعدها ممكن تحطى طبقه رقيقه من زيت اللوز الحلو او زيت الزيتون (الاصلي عصرةاولي على البارد )او أى مرطب بشرتك متعودة عليه وتبقي كدة بقيتي تمااااااااااااااام :z_clap:

يارب مكونش طولت عليكوا وتكونوا استفدتم من الموضوع فعلا
والى قرأوا مواضيعي قبل كدة عارفين انى عيله :sa32::gum: وموش بتحرك غير بالتشجيع الجااامد :poster_war:... عشان كدة بجد هستنى منكم تعليقاتكم ورأيكوا بصراحة وكل الى تدخل لازم تقول رأيها وهزعل بجد لو مردتوش عليه بأة هه أهو :angry: .......................... ودايما تابعوووونى عشان لسه المهم والاحلي جاى :B_wink: وزى ما قلت انى بجيب كل وصفاتي من مواقع اجنبي وكلها مضمونه وموش بكتبها غير لما اكون مجرباها بنفسي وكمان على اصحابي

ادعولي يارب لي ولكل بنات المسلمين بالزوج الصالح والصحة والستر دنيا وآخرة ليه ولأمى احنا والمسلمين اجمعين :9_33: