اذا كان زوجك يضربك كيف تتصرفي معاه وبصراحة ((دعوة للنقاش ))

موضوع حساس وان شاء الله تلاقون تفاعل

الحمد الله ماقد صار هالشي بيني وبين ريلي وان شاء الله مايصير

ماعرف شو بسوي اقل شي بطلع بيت اهلي بخليه يخييس هههههههه

منكم نستفيد

تسلمين عالموضوع نونة العمر

اختي نونة انا ابا اتكلم عن نفسي ماراح اقعد دقيقة معاة واطلب الطلاق واشيل عيالي وياخذ راحتة يقعد يضرب الحيطان براحتة لاني بسير اكرهة ولا اطيق اشوفة قدامي اروح لاهلي معززة مكرمة ولا اجيهم عيني ملونة وراسي مكسور

انا ريلي ضربني ضرب وانا ازاعج واصرخ سمعتني امي المسكينه يت تركض وخايفه نادت اخواني وطردوه من البيت رحت المستشفى واشكيت عليه الشرطه ولين الحين ماشفته ومب راضي يطلقني

مستحيل اخليه يمد ايديه علي

بصراحه أنا في مجتمع لايسمح للزوج بضرب زوجته نهائيا ولو كانت غلطانه من ساسها لراسها
ونحمد الله على هذا الشئ واللي يضرب يويله من اهلها والناس إذا مو قادر يتعامل معها ولايتفاهموا يروح لاهلها وهم
يعدلوها
يعني بصراحه استغرب اشد الأستغراب لمن اسمع عن ضرب الزوجات وهل هو حقيقة ولا كذب
لكن ماأقول غير حسبي الله على كل واحد يمد يده على مرأة والله موحلوة يضحكوا عليه الرجال طبعا في
قبيلتنا خاصة والله يهدي المسلمين وماأظن إني راح ارجع له لو مد يده علي ولو عندي مليون طفل كسر الله يده
هذا رأي وسلامتكم

dm3at 3ros;4499558:
انا ريلي ضربني ضرب وانا ازاعج واصرخ سمعتني امي المسكينه يت تركض وخايفه نادت اخواني وطردوه من البيت رحت المستشفى واشكيت عليه الشرطه ولين الحين ماشفته ومب راضي يطلقني

الله يعينك حبيبتى بس معلش علشان خاطر الاطفال حاولى تتوصلي معاه لحل وسط

انا الصراحة مش هقدر احكم على الموقع الا لو عشته واكيد لو كنت غلطانة ممكن اتغاضي عن الموقف ولو بحبه يبقي ضرب الحبيب ...........

انا الحمدلله ماجربت
لكن وحدة من زميلاتى بالكلية تجينا مضروبة من زوجها
تقول زوجها على اى شى يضرب حتى لو كان بسيط لدرجة ان بنتها كسرت كاسة ماضرب البنت ضرب زوجتة دائما هاذى البنت تحزنى واعطف عليها اللة يكون بعونها وقلت لها ليش صابرة تقول علشان بناتها لانها جربت كيف طلاق الام لان امها مطلقه الله يصبرها ويهديه

شوفى اختى اولا على حسب اذ ا انا غلطانه او لا وبعدين حتى لوغلطت مولدرجة الضرب لانه اذا الوحدة سكتت على الضربه الاولى حيسير عادى يضربها على كل شي

مع اني مب متزوجة

بس مااا اسمح له يمد يدة علييي

حبيت اشارك بالموضوع ولو اني ما تزوجت بعد لكن رايي اكيد ما بحبو يمد ايدو عليا لاني بني ادمة وليا احساس ومشاعر وما في حد بالكون يرضى انو ينضرب والزوج اللي يضرب زوجته اكيد هو جاهل ولا يقدر الحياة الزوجية ولا يحترم المراة
الرسول صلى الله عليه وسلم يقول( رفقا بالقوارير )ويقول ايضا ( استوصوا بالنساء خيراً فإنهن عوان عندكم ليس تملكون منهن شيئاً غير ذلك)

الزواج يا اختي لازم يبنى على السكينة والطمانية والمودة والرحمة مو بالضرب والعنف
مشكووورة على طرحك الموضوع في انتضار جديدك
تحياتي

بنت تبوك الشمالية;4639391:
انا الحمدلله ماجربت
لكن وحدة من زميلاتى بالكلية تجينا مضروبة من زوجها
تقول زوجها على اى شى يضرب حتى لو كان بسيط لدرجة ان بنتها كسرت كاسة ماضرب البنت ضرب زوجتة دائما هاذى البنت تحزنى واعطف عليها اللة يكون بعونها وقلت لها ليش صابرة تقول علشان بناتها لانها جربت كيف طلاق الام لان امها مطلقه الله يصبرها ويهديه

الله يهديه لها ويجازيها خير على صبرها معاه

احبه وهو على عيني وراسي
بس توصل الى انه يمد يده
مستحيل وين راح احترامي لنفسي
صراحة انا ما احترم الريال اللي يضرب المرة
ولا تعجبني المرة اللي تخلي الريال يضربها

لان اللي يضرب خلاص يده تاكله كله يبي يضرب
خاصة اذا لقى مرة اتعودت ع الضرب وراضية بالمذلة

انا ارفض وبشدة اسلوب الضرب والشدة والتحقير والعنف النفسي والجسدي

بين كل الناس والمستويات والعلاقات بشكل عام

وبشكل خاص ارفضة بين الزوجين رفض قاطع

على ان لاتكون الزوجة هي من تستفز الزوج لضربها لأنها احيانا كثيرة الزوجة وبأسلوبها الممل كأنها تقدم دعوة صريحة للزوج تعال حياك اضربني....

لكن إذا الزوج عصبي وكلمة والثانية مد إيدة لازم يوقف عند حدة

لازم تمنعينة بكل حزم انه ما يمد ايدة عليك

لأنه من اول مرة الزوجة تضرب معناها راح تهان طول عمرها حتى من اولادها

الآن الضرب منع للحيوانات عزكم الله

فما بالكم بالبشر..........

حبيبتي أنا بقول موقفي إذا أنا أحب زوجي وهو على قدر من الأخلاق والتعامل وجت مره مشكله وفعلا أنا كنت غلطانه أو عاندته وعصب علي وضربني ممكن أسكت وأبلعها وبعدين إذا جاء ندمان واعتذرماراح أرضى بسهوله لين يعاهدني مايستخدم هذا الأسلوب .. أماأنه ياخذ الضرب مهنه ويصير كل ما حصل خلاف يضربني ماراح أسكت له حتى لوعندي أطفال وباقول لأحد عاقل من أهلي وهو يتصرف معاه ...

اختي هذا مبدأ..فإذا كان الريال حيوان وعايش مع حيوانات( لأن الحيوانات بس اللي يتفاهمون بالضرب) مش لازم تعيشين معاه..لأن مابيتغير!!
اللــــــــــــــــه يعينكن..

الوحده لو انظربت من رايي انها تشتكي عليه في المحكمه....
ويصير يظربها لو مسويه غلط كبييييييييير او خاينتنه او اي شي هوه مايرضاه بس الحمدلله مافيه مره سمعت عن حد يظرب حرمته ماظني وايد ..!!

بصراحه مرة ضربني بشوووووووووووووووويش

وقومت الدنيا وماقعدتها

اذا وصل الى حد الضرب بين الزوجين معناة ان الاحترام انعدم بينهم وان هالعلاقة فاشلة والانفصال بيكون افضل لجميع الاطراف وبالذات الاطفال لان الطفل اللي يعيش بين ام واب هذي حالتهم ايش تتوقعون تكون نشاتة ونفسيتة؟