بليز ردو عليا وساعدوني

أختي ماخبرتينا وين مسافر ..هل رايح لشغل ولا كشته؟
وبعدين الريايل يحبون البساطه ..ومايحبون الحرمه اللي كل ساعه وزعلت..ودعيه وانتي فرحانه وقوليله تروح وترجع بالسلامه..وقوليله كان ودي أعيد معاك..يعني من هذا الكلام..وإذا رجع لاتمين زعلانه رتبي وزييني بيتج كأنه العيد..
بالتوفيق أختي..

:9_28:

حبيبتي انتي ماقلتي هل سبب الزعل بسيط او لا؟

هل كنتي في بيت هلج زعلانه يوم سافر او هو وداج وسافر

هل هو الغلطان او انتي؟

يتصل عليج ولا لا؟

تعرفين متى بيرجع؟؟

على اساس هالاسئله انتي تقدرين اتحديين اذا بترجعين معاه او لا

مع اني ماافضل ان الزوجة تترك بيتها لأي سبب من الأسباب

اخواتي شكرا على ردودكم بس هو سافر جده لانه اهله هناك وبالنسبه لاسئلة اختي لامار سبب الزعل بسيط يعني من الاخر عناد بيني وبينه وهو الي ودادي بيت اهلي وسافر وانا ماعرف متى بيرجع لانه مانكلم بعض بس اكيد بيرجع اخر الاسبوع عشان ا لدوامات

اختي..اذا رجع حاولي تتفاهمي معاه وتفهمي سبب زعله وليش هو يعمل كده والتفاهم هو الاساس لحل المشكلات فلا تاخذي الامور بتفاها ولا تعمليه قصة كبيرة وخذيها بالتفاهم والله يوفقك :9_33:

حبيبتي انا انصحج انه اذا زعل ماتفتحين السالفه القديمه نهائيا مدام الموضوع كان عناد و سبب لا يذكر و مايحتاج فتحه مره اخرى

و تأكدي انو لو فتحتي معاه الموضوع مره ثانيه راح تتضاربون مره ثانيه

اول مايوصل ترحبين فيه كأن ولا شي صار و اهو اكيد راح يعاملج بالمثل و انسي السالفه اللي صارت :)

الزواج حب و تعاون و تضحيه و تنازلات

اذا ماصار في تنازلات شوي شوي الحيات بتصير صعبه

و انتي تنازلي كم مره و بعدين اهو بيتعود انه يتنازل و بتصير الحياه حلوه

لكن اذا كل مشكله تصير نفتح ملفاتها و نظل كم يوم نتهاوسش عليها ماراح نخلص :)

و خيركم من يبدأ بالسلام كما قال نبينا و قدوتنا محمد صلى الله عليه و سلم :)

ربي يحرسج حبيبتي :)