خواتي ممكن مساعدتكن لو سمحتوا .. بلييييييز

مرحبا اختي اماراتية اول شي انصحج اتسوين رجبم ورياضة
وبغدين الشي الثاني سوي جلسات الليزر عند الدكتور كلداري واذا بغيتي اي شي انا في الخدمة

حبيبت قلبي أنا مو قصدي اني متينه (سمينة ) لا أنا قصدي ان جسمي كله شعر ..

بطني ظهري كل مكاان حتى ..............:o :o :o

ومن الصعب اني أشيل فهالأماكن .. وبصرااحة أخااف .. لأنه يعور واايد ..

وووووووووووووو ما أعرف شو أسوي ..

أرجو انج فهمتيني ..


وأشكرج الغالية عالرد ..

شوفي حبيتي انا انصحج سيري عند الدكتور اللي خبرتج عنة ويشليون الجسم باليزر ويخف وما يطلع بسرعة ظهرج او بطن وعندهم حرمة تشل اذا ما تبين الدكتور انا انصحج احسن حل ما في شي ثاني لاتحولين الحلاوة زينة بس مثل حالتج لازم دكتور والليزر ومب اي دكتور

حبيبتي شوفي هذا الموضوع

إزاله الشعر بالكهرباء:-

وتقوم على استعمال مسبر اشبه بالابره يدخله الاخصائى فى جريب الشعره بعد التاكد من ان المسبر قد غرس جيدا فى فتحة جريب الشعره ثم يمرر فيها تيار كهربائى ضعيف وذلك للسماح للكهرباء بالوصول الى الجريب وان استعمال هذه الطؤيقه يسبب احتراق وتدمير جزور الشعره فيدمر الجريب ممايسبب عدم نمو الشعره مره اخرى وبعباره اخرى ان استعمال الكهربائ تزيل الشعر الى الابد وهذه الطريقه هى نعمه وخاصه للنساء اللواتى يعانين من كثافه الشعر وعلى الرغم من ان هذه الطريقه تؤدى الى ازاله الشعر الى الابد الا ان لها سلبيات فهى باهظه الثمن وتاخذ وقتا طويلا ويمكن ان تسبب ظهزر الندوب والحفر وتترك علامات خلفها وتتطلب ايضا اخصائيع متمرسه كما تحتاج الى توفير معدات كهربائيه خاصه ...

السلام

عزيزتي كل بنات الأمارات يعانون من هذي المشكلة مب انتي بس انا


يوم عرست شقرت ظهري وصدري بالليزر يعني نفس التشقير العادي


بس يطول ثلاث شهور ..


وباقي المناطق استخدمي الحلاوة واذا كانت تعورج استخدمي السائلة


انا شارية من نزيه الحلاوة السائلة والأوراق مالها واللي تصخن الحلاوة


والسكين اللي تمدين فيها الحلاوة ...وتقدرين تسوين لعمرج في البيت


سريعة ومن غير ألم...


واذا بغيتي رقم اللي سوتلي الليزر بطرشلج اياه ....


عزيزتي الحرمان صعب ان الوحدة تخلي ريال يسويلها ليزر خاصة في


اماكن مثل البطن والصدر ما اعرف احس احراج ....


وطريقة الليزر اللي ذكرتيها تختلف عن طريقة الكهرباء اللي مكتوبة


عقب لأن الأخيرة تاخذ وقت وتخلي ندب في الجسم وحبوب والحين


هي غير مستخدمة بعد ما انتشر الليزر


اتمنى اني افدتج عزيزتي لأن عندي خبرة بالطريقيتين .........

عروس دبي
قوليلي وين سويتي التشقير هذا اكيد في سباثيرا ؟؟؟ وهل طلعت لج حبوب ؟ وبكم سووولج في منطقة الظهر والبطن ؟؟

لا مب في سباثيرا وما طلعت الحمدلله حبوب وبالنسبة للسعر والله


نسيت :s عندي الذاكرة اللي قبل العرس ممسوحة :( بس ممكن


اخدمج بالرقم اذا حابة .......

مشكووووورين خوااتي ..


ويا أختي الحرمان مشكورة على نصيحتج لي بس من المستحيل اني أسير عند ريال يسوي لي هالأشياء ..
لأنه أحرااج وحراام بعد ..


ومشكورة يا أختي عروس دبي ..
بس ممكن لو سمحتي تعطيني الرقم ..
تقدرين اطرشيه لي عالخاص او عالايميل ..

والسمووووووحة عالازعاج .. ويرزاكم الله خير وجعله في ميزان حسناتكم ..

وينكن ؟؟

محد يرد علي :confused: :confused: :confused:

ساعدوني بلييييييز :( :(

اوكية في دكتورة ثانية يمدحونها موطنة في حمر عين اسمها فاطمة المدني:D

عزيزتي بطرش لج الرقم الصبح لأنه مسجل بالموبايل والحين بعيد


عني اسمحيلي على التأخير وتفاصيل المكان بعطيج اياها برسالة


خاصة

اوكي أختي مشكورة ..

واسمحوا لي تعبتكن معااي ..

هلا عروس دبي .. التشقير وين سويتيه في صالون.. واي صالون وقوليلي ابا اعرف واقدر اسوي في ويهي..

اماراتية حلوة تعبج راحة عزيزتي طرشتلج رسالة بالخاص ...


بنت دبي التفاصيل والاجابة على اسئلتج بالخاص

السلام عليكم ورحمة الله وبركاته .اما بعد اختي الغاليه يمكن ازالت الشعر الغير مرغوب فيه با لليزر انا سمعت فيه ما جربته أسأ لي طبيبة جلديه هل الليزر فيه ضرر ام لا ولكي مني خالص تحياتي واشواقي..............

مشكورة على ردج يالغاالية ..

أنا بسأل انشالله وبشوف ...


تحياااتي للجميع ..