بسم الله الرحمن الرحيم
السلام عل يكم ورحمة الله وبركاته00
اشلونكم00
احتاج منكم الدعاء فلا تبخلوا بدعائكم
جزاكم ((الله)) خير الجزاء
بصراحه انا اول مره اكتب موضوع
وسامحوني اذا كلامي ملخبط
لاني تعبانه وحاسه اني مختنقه
وانا محتاجه لكم
محتاجه توقفون وياي وتريحوني حتي لو بكلمه وحده
ما راح اطول عليكم وراح اقولكم مشكلتي او ازمتي
انا صار لي متزوجه 17 سنه
في اول شهور الزواج وان اعا لج
لانه صار لي عدم انتظام في الهرمونات
وعملت منظار داخلي وقالوا كل شيء بخير وعملت منظار داخلي بفتحه بالبطن ونفس الكلام(( كل شيء بخير وما فيش شيء ))
أن دورتي منتظمه وتحاليلي كلها جيده وكذلك التبويض .
والحمد لله على كل حال
المهم تعالجت وايد وسويت اطفال الانابيب كذا مره لكنها كانت تفشل
وتعبت نفسيني وايد
وتناسيت العلاج فتره والفضل يرجع لزوجي هو اللي اقنعني انسي
المهم
سمعت عن دكتوره في بوظبي رحت عندها وطلبت اني اسوي
اطفال انابيب
وبديت آخذ العلاج
ووقت العمليه كنت خايفه وسويتها والحمد الله
وطلبت مني الدكتوره اني اكون مرتاحه ولا اتحرك من مكاني
ونفذت الاوامر لا اتحرك واكون هاديه وآخذ الدواء
وسويت كل هذا
المهم بتاريخ فحص الحمل كنت خيفانه
وكانت المفاجئه يوم قالت الدكتوره انه الفحص ما في حمل
تصوروا بعد كل السنين لم يحصل حمل
وانا الله يعلم حالتي من لما قالت لي هالكلام حاسه بضيق
حاسه اني راح اموت من الخوف
ما تتصوروا كنت اتخيل اني حامل اشلون كنت فرحانه
الكل فرحان زوجي واهلي واهله الكل فرحان وانا استويت
اعد الساعات والايام واشلون كنت احلم واتخيله يكبر فيني
احلم اشوفه بين ايدي واكحل عيوني واضمه بصدري
تصدقون اني من كثر خوفي ودي الايام توقف
انا ادري انه اللي الله يريده راح يستوي
والمكتوب لازم يصير
سامحوني اذا طولت عليكم لكن ما عندي احد غيركم
خليكم وياي ادعولي ربي يعدي هالايام على خير وتبان الدقات
ادعولي الله يجازيكم خير
وطالبتنكم طلبه
وقفوا وياي ولا تخلوني
الله يجازي كل وحده توقف معاي وتتواصل وياي وتكون اخت لي
وتساندني في مشكلتي
والسموحه منكم0000
اللهم اقضي حاجتي ونفس كربتي وما نزل بي من حيرتي لي ولأخواتي من هم بمثل ضيقتي يارب العالمين
(( ربي لا تذرني فردا وأنت خير الوارثين ))
اللهم تقبل يا رب العالمين
ًاميرة الحب 2
