شوروا عليه شو اسوي ويا عصافيري..؟؟

عن حكاية حمود ..والله ماعندي فكرة ..بس مايكون يبغى يلفت نظر؟؟
اما مريومة الله يحفظها شكلها فرحانة بأسنانها _ازا كانت طلعت_ وتبغى تجرب ايش وظيفتها:D
انا رأيي ازا سوت كدا بس تقولولها لأ بهدوووء ومن غير انفعال او صوت عالي عشان لا تعاند

والله يعينك ويساعدك ويهديلك عيالك

الله يعينج عليهم ماشاء الله يبي لهم قلب،،، عن حمودي مافي حد من العايلة كبير شوي يخاف منه ويحترمه يمكن إذا كلمه يخاف ويترك عنه هالعادة، قولي له كل ماتسوي في حد شي باخليهم يضربونك ويردون لك بالمثل.
أحنا متعودين أنا وأمي نأدب عبودي بطريقة، يطره ماي اللقاح بطريقة فضيعة فالحين من يسوي شي غلط أمي تقول له تبي غرشة ماي اللقاح، يقول خلاص توبه ويقعد مكانه ومايكرر الحركة ،لأن ذوقته أمي مرة وشربه وطلعت روحه..
لأن اسلوب مثلا الكبريت او الضرب غلط،، جربوا ماي اللقاح يمكن ينفع معاكم، طبعا هذا بعد مايذوق طعمه ومرارته هههههههه..

عن مريومة، يمكن شايفة أخوها وقامت تقلده هو ماله عادة بالعض؟؟؟؟ عطيها العضاضة وخليها تطلع حرتها فيها،،، دايما خبريها إذا عضيتي أحد باخليهم يعضونك، نفس ماراح تطبقينه مع حمود طبقيه مع مريومة والله يعينك أختى..

الله يعينج وعجبتني سالفة ماي اللقاح

هههههههههههههههههه

انا مشكلتي عكس ولدج الكل يضرب ولدي وهو ما يدافع عن روحه وايد جبان وخواف


والله احاتيه على روحت الروضة السنة الجاية

ما ادري وش اقول لج بس ما اقول الا الله يكون بعونج
واحد يضرب والثانية تعض

المشكله هددنا بادويه تخيلوا اول مرة تلوع جبده ويرجع ثاني مرة يكون عادي عنده تعود على الطعم ...

وبالنسبه اني اخوفه وايد اعيد بخبر عليك فلان ولا فلان يطنش

وبالنسبه لمريومه ما تفهم توها سنه يعني لو ايلس اهددها من اليوم الين باجر ما بتفهم وعقب ما اخلص كلامي بتعضني ههههههههههههه

حمودي حاولي تفهمينه انه اذا تم يضرب الصغاريه بيتم روحه ومحد بيلعب وياه،، بصراحه ما اعرف كيف ممكن تحلين مشكلته

بس بنتج مريومه عندي لها حل بنتي من عمر بنتج وما شاء الله مقطعتني من العض تعرفين يوم بتعضج لا تضحكين ولا تصرخين وتقولين اي لانها تتحراها لعبه فاول شئ قولي لها بصوت حازم لا اووف وبعدين الهيها بشئ ثاني انا ساعات ما اكلمها اتم ساكته عنها واتجاهلها فتلعب بشئ ثاني

الله يعينج اختي ام محمد ..


انا بعد ولدي الكبير كان مثل ولد حبيبة جيمي بس يوم كان صغير .. كان خييييييشة وما يدافع عن روحه ابد وكان يقهرني وايد حتى لو اللي يضربه اصغر منه او تضربه بنت ما كان يدافع عن نفسه ابد ، بس الحين الحمد لله تطور واللي يضربه يتهاوش معاه ههههههههههههههههههههههه

المهم من كم شهر ما شفته الا كل يضرب في اليهال وعندي ولد خالة كان توه عمره سنة وشهرين , استلمه حسون من يشوفه يمشي يروح من وراه ويدفعه ويخليه يطيح ويروح للبنات ويسحب شعورهم من ورا وصار لي شرررررررررر وانا كنت اخذه على صوب واكلمه او اضربه بعيد عن عين اليهال لاني ما احب احرجه قدام احد وفي البيت اكلمه وابوه بعد يكلمه واهدده انه ما بوديه معاي عند الاهل وبصراحه نفعت معاه الطريقة .. وفي البيت لما هو الحمد لله مو النوع اللي يضرب اخوه وايد لكن يوم يضربه نكلمه ونفهمه ان اخوه صغير وما يفهم وابوه احيانا يقوم يضرب على خفيف على ريله مثلا ويقوله تعور الضربة ؟ يقول له حسون اي .. ابوه يقول مثل انت يعورك الضرب حمود بعد يعوره .. واشوف تنفع معاه طرقنا والحمدلله :smile:



وعن العض ولدي الصغير بعد تعلم لنا يعض فترة وانا مباشرة التزمت خطة الحقران ، يعني لما يعض ما نعطيه ويه ههههههههههههه كمثال يمسك يدي ويعضها وانا حتى ما اطالعه ولا احاول اسحب يدي مهما كانت قوة العضة واحيانا يهدني ويرد يعضني وانا نفس الشي وبعدها يتملل ويقوم ونفس الشي ابوه كان يسوي ،، اما لما يعض اخوه كنت اروح اشيله وبس .. ناااااااااادرا اذا كنت اكلمه واقوله لااا عيييييب
مادري بصراحه اي طريقة اللي نفعت اكثر لكن ترك هالطبع خلاص :smile:



الله يهديهم لج ان شاء الله ويهدي عيالي وياهم :9_28:

ماما حسون

بصييييح حمود يحرجني جدام الناس فكرت ما اطلع ما اسير بيت خالاتي .. جربت معاه كل الطرق الي تقولينه حتى بيت قوم امي ما اسير قبل 24 ساعه مطيحه عندهم ويضرب عيال اخوي يقطع شعورهم ويدزهم ويضربهم والحين يالله اذا اسيراذا لهم يوم او يومين فالاسبوع

الكل مستغرب مني ليش ما قمت ازورهم الصراحه انا الي يضايقني يوم يعصبون عليه ينحرج ويوقف مثل البرئ ويحط اصابعه في ثمه يقطع قلبي بس محد بيسكت يوم يضرب عيالهم .. تخيلي الي يعصبون عليه يحلم فيهم فالليل ويصيح اقوله شو فيك يقول فلان( الي عصب عليه ) ضربني

ومريومه المشكله ما تعضني يوم ارضعها تعض الصغاريه يوم يلعوزونهاولا ما يعطونها الي تباه كدفاع عن النفس

شوفي حمود فيه طاقه زايدة ويحب يتفرعن ع اليهال ويطلع قوته فأنتي خوفيه بقول حق بابا عشان يضربك وحمري العين عليه

والا قولي له اذا ضربتهم بيضربونك لاتجي تصيح اذا ضربوك وبعدين انتي ليش تستحين كل اليهال يتضاربون ويتصالحون

والاهل لايحطون حالهم وحال اليهال

وبالنسبة حق مريومه

ولدي نمور عمره 10 شهور ومن احط صبعي في حلجه مايكذب خبر على طول يعض فرحان بالاسنان

انا قمت ماحط صبعي في حلجة اخاف ياخذها عاده ويعضض عيال الناس

وطريقة رانيا واااااااااااايد عجبتني حتى لو مالقيتي ماي اللقاح عطيه أي شي طعمه مب حلووو

حمود عنده طاقة وانا كان ولدي مثله يضرب الكل بس فترة شريت له العاب تتعب وخليته يلعب فيها ونوديه الالعاب والبحر ويتعب فمايكون عنده مخزون للضرب بعد

الغاليه

هذا مب حل كم بنطلعه واحنا عدنا ازمت سيايير ..

يالله اليومك الصبح ناش من الرقاد بعدنا عالسرير ويعض صبع اخته المسكينه ويضربها

من امس وهو يدز اليهال من ورا يركض ويعقهم