مشكلتي من البداية وانتوا احكموا ؟؟؟

اخر اخباري

ما علية من الناس وما على الناس مني ..

كله حابسه عمري

يا جماعه اليوم عمتي حسبي الله عليها نرفزتني صدق لدرجه والله ما قدرت استحمل كنت برد عليها

تخيلوا ولدي والبنت يتضاربون على كرسي مال اليهال البلاستك والكرسي كرسي البنت

تخيلوا شو سوت دزت حمود وخذت الكرسي منه دزته بطريقه طاح من عالدرج ((دريتين)) ريلي سمع صوت وركض شل ولده بس ما عرف شو السالفه وليش طاح ... انا سكت مسكت اعصابي ..

لكن ما اقول الا الله بيراويها يوم البنت تكبر ان ما طلعت لعينه وراوتها الويل

ظهر الحق طلعت البنت بنت عمي ابو ريلي من حرمة ثالثه .. يايب البنت حق عمتي تربيها بعد ما طلق امها كشف السر لعمتي بطريقه سياسيه وطبعا عمتي تعلقت فالبنت وتقبلت الامر .. يعني اليتيمه ما عادت يتيمه ابوها من اكبر تجار دبي

الله يعينك

اخر الاخبار

وصل زوجي لمرحلة اصر فيها ان نطلع و5 ايام وهو يدور على فله صغيرة لكني فكرت ان هو في فترة بداية بنا البيت بدل لا نخسر 250 الف على الايجار يوفرهم للبنا خاصتا ان البنا واااااااااايد ارتفع

المهم نحن ما نرجع البيت الا وقت الرقاد وعمتي من شهرين ما شفتها الحمدلله على كل حال وعيالي اذا كنا قاعدين فالبيت ما يطيعون يطلعون وطبعا عمتي تعق نغزات على زوجي وتقوله انتوا ما تخلون اليهال ايوون عندي فوق مب حبا فيهم بس من القهر الي فيها ليش اني ما بست ريولها من شهرين يقولها هم ما يطيعون يطلعون من الغرفه تقوله مب منك ولا منهم تعرف من منو زوجي عصب قالها منو تقصدين ... ؟؟

المهم كافيه شري ومريحه عمري وعيالي من شرهم يا طالعين يا حابسين عمارنا والحمدلله حمود هاي السنه بدخله الحضانه ...فما عندها حد اطلع حرتها عليه اطيح في بشكارتي سب وبشكارتي تضحك في ويهها وتقولها اوكي سوري ماما وهي تنقهر زياده ويحترق قلبها زياده

السلام عليكم
أختي اذا قدرتي تطلعين اطلعي واكسبي زوجج
وتربية عيالج وخلي
علاقتج باهله طيبه
يعني اطلعي برضاهم وكوني دبلوماسيه معاهم
وربي يعينج ويصبرج

الغاليه

بلاول كنا مستحيل نبني لانه الميزانية كانت ما تسر

اما الحين من عقب بيعت البيت صارت امورنا احسن والحمدلله وطلع علينا البيت تقريبا مليون و400 الف اما الحين يوم كل شي ارتفع زاد سعر البيت الين مليون و700 الف وكل ما يا يرتفع واحنا الين الحين ما وقعنا ويا الاستشاري عشان نثبت السعر ..

شوفي الغاليه خلالالاص ما همني رضاهم لاني حقدت عليهم كثر ما اذوني وما اظن حد بيلومني بعد ما يقرا الموضوع من البداية

الله يعين قلبك

واضح انك ماقصرتي معهم

الله يعينك

الله يعينك

كل ماجيت ابي اعلق
احس اذا هم يعاملونك كذا بقله ذوق مدري كيف تتحملين يوميا علشان خاطر زوجك

الله يجزاك خير

الله يفرجها عليك يارب

السلام عليكم ورحمه الله وبركاته ..

اختي الله يلوم الي يلومج .. اختي ما تنلامين والصراحه سويتي الي عليج واكثر وانتي قلتيها كلها كم سنه وتطلعون ,اهم شي زوجك معاج .. يعني هذي اهم شي صح ... !!

وخلهم يشبعون بالبنت... باجر تطلعون ببيت بروحكم .. وحاولو توفرون قد ما تقدرون والله يفرج عليكم ويرد كيدهم في نحرهم ,, ويعمي عنكم الحساد امين ...

ويحفظ لج عيالج وهم مهب محتاجين يدتهم ,, كفايه اهلج اعتقد شايلينهم شيل من الارض ,, يوفقج الرحمن

ام جنى

السلام عليكم

ماشاءالله اختي صبرتي على كل ذي

بس يالاه ان شاءالله بتطلعين بيت بروحج وتفتكين

بس ليحين ام زوجج تفضل بنت زوجها على عيال ولدها؟؟؟؟

صج غريبة المفروض

بس الله يعينج

الله يكون في العون حبيبتي ... شو بيدج اتسوينه ؟؟؟

لازم تسكنون روووحكم وفي الاسبوع مرة زوووووريهم واقصري الشر .. وان شاء الله المشاكل تنحل ...

حبيباتي مجبورة كنت اسوي كل شي عشان اكسب حبهم وعقبها يحبون عيالي ..

لكن كل انقلب ضدي .. وهاليومين طايحه فيني مع اني ما شفتها من اشهر ونحن في بيت واحد ولا سمعت صوتي تشتكيني عند زوجي وكل احد تشوفه تقولهم العيال ضعفوا ما ياكلونهم (مع ان عيالي مثل ما هم) اقول لزوجي ما يبون الاكل ما اقدر اجبرهم ...

تباهم يصيرون مثل البنيه 24 ساعه ياكلون هذا مو طبعهم شو اسوي اذبحهم عشان ياكلون . .

ولا ازيدكم من الشعر بيت البنت مع انها صغيرة 3 سنوات لكن فيها نوع من خبث ام ريلي

احيانا اتسوي عمرها رايحه فوق وهي تصيح عمتي عاد تركض ها ماما شو فيج شو حبيبتي تقولها سكروا الباب في ويهي مع انها والله ما قربت صوبنا ..

وبالعمد الصبح عمتي تخليها تنزل عند باب غرفتنا تصيح وتصرخ وهي تلعب لاني قبل كذا مرة تشكيت من زعيجها نص الليل والصبح

لكن ساكته وسكوتي يقطع مصرانها وتحاول تنرفزني بكل الطرق لكني مثل ما قلتلكم كافيه شري لا يشوفوني ولا اشوفهم ولا يسمعون صوتي بالمرة

بنات بليز صار اليوم شي بليز اباكم تفهموني تقولولي هل معقوله الي صار

اليوم زوجي اتصل عليه وانا من امس بيت قوم امي قالي انتي تشيلين بيض وجبن من بيتنا تودينه بيت قوم امج انا انسعقت قلتله نعم ليش انا زطيه ولا ما شايفه خير ...

قالي لا امي تقول ان الخدامة قايله هالكلام وان خدامتج عندها تيلفون وبطاقه تنرفزت خدامتي توها داخله قلتلها انتي تاخذين اكل من بيت ماما اتيبينه هني انصدمت قالت [BLINK]نووو مدام[/BLINK] قلتلها وانتي عندج موبايل قالتلي [BLINK]بليز مدام نووووو ريلي ايم نت دويا ذات[/BLINK] قلتله سمعت لكن انا الحين سايره البيت ..

رحت البيت وخذت الخدامة من المطبخ وقلت لخدامتي تعالي وياها وديتهم الصاله وعمتي وعمي فوق يسمعون وانا بصوت عالي اقولها انتي قلتي كل هالكلام الخدامة فتحت عيونها وقالت والله مدام ما قلت ..

المهم عمي نازل من فوق بيطلع قلتله بصوت عادي عمي نحن ناخذ اكل من البيت ونوديه بيت قوم امي قالي لا تصرخين واحترمي نفسج(مع ان صوتي ما كان عالي يوم كلمته) قلتله عمي انا ما ازاعج بس الي طلع الرمسه يضلمني كاني زطيه وما شايفه خير عمتي نزلت قالتلي الخدامة قالت ويوم سالت الخدامة قالتلها مدام انا ما قلت عصبت عمتي وقالتلها عن الجذب نحن مش زطوط نحن نرفس النعمه بريولنا الاكل يزيد ونعقه برع قلتلها مشكلتكم بس ما تقولون هاي الرمسه عني انا اكلي واكل عيالي اشتريه بفلوسي وما اكل من بيتكم ..

وعمي يقول شو هالكلام جي انتوا ميوعين هناك قلتله ما اعرف اسال الي مطلع الرمسه .. عمتي تقول انا سالتها منو شاري شدت البيض قالت مدام قلتلها منو ماكل نصه خفت عقب تقولين ان نحن ماكلينه... قلتلها عمري ما شريت شي وحاسبتكم عليه ... (يعني رمستها تغيرت .. بالاول نحن ماخذينه ويانا بيت قوم امي .. وعقب خافت اني احاسبها )

المهم قلتلها ليش تقولون ان عندها تيلفون قالت عندها هي مخبرتني ( يعني خدامتها ) ويوم سالتها جدامي الخدامة قالت ما قلت قالتلها عمتي جذابه واقفه وياها عشان يرمسون ثنينتهم من التيلفون( بالاول قالت ان الخدامة مخبرتنها وعقب قالت انها واقفه ويا خدامتي عشان ثنينتهم يرمسون فيه) كلام متناقض ..

وعقب ما خلصت عمتي وفتنت على الخدامة طلعوا البشاكير يستخدمون هتفون راديو وحضرتها تتحراهم يتكلمون فالتيلفون وخدامتها الاثيوبيه الي ما تعرف تستخدم الشوكه مخبرتنها...

واخر شي قالتلي ترا هاي (الي هي خدامتها الفلبينيه ) هي الي تخرب العلاقه بيني وبينج... عمي انصدم من كلامها قالها اي علاقه...قالت الضرايب الي تستوي من بينا (للعلم مشاكلنا من 4 سنوات والخدامة من 6 شهور يايه).. قلتلها نحن اكبر عن جي مب الخدم يخربون علاقتنا انتوا على العين والراس بس انا كافيه شري يالسه فالغرفه وما اطلع عن لا تصير مشاكل من بينا

وقلت حسبي الله ونعم الوكيل ولا حول ولا قوة الا بالله ودخلت غرفتي ..

قولولي شو الي صار وليش كل هذا معقوله وصلنا لهاي المرحله ..

والله مالي شغل فيهم من شهر ما شفتهم ولا ييت صوبهم واي شي ينقص فالبيت على طووول نفس الوقت اسير اخذ سواءا لي ولا لهم حتى صابون الملابس آخذلهم خضرة وفواكهه وبروش التنظيف بين فترة وفترة اخذ شو اسوي ..

زوجي يقول طنشيهم وانسي السالفه هم ما يقصدونج هم يقصدون الخدامة .. بس حرام نظلم المظلوم ... الخدامه تاخذ يعني قصدهم حقي انا ..؟؟؟

مب قادرة انسى الي استوى

coffeerose

اتصدقين اني حتى للبيت مب حابه اسير

أختي هذه الدنيا فانية وأي بيت لازم يكون فيه مشاكل خاصة إذا كان فيه أطفال...من رأيي فات الكثير ولم يبقى إلا القليل إتحمليلك شوي لحين يأتي فرج الله

ام منة الله

اتصدقين بعدني بستمر على وضعي بحيث اني ما اشوف ويوهم ولا يشوفون ويهي بس المشكله لو صار حوار بينا عن اهله ما استحمل احس اني خلاص حاقده عليهم غصبا عني .. لدرجة اني والله اريد اسير البيت عشان زوجي فيه لكن قلبي مب مستحب مجرد اني افكر اني بسير البيت احس بضيق وقلبي ينقبض احس اني سايره جهنم

وطبعا هالشي غصبا عني ... من الي شفته طول ال 4 سنوات

على فكرة اخر مشكله الاطفال ما لهم خص فيها .. اتهدموني باني صراقت بيوض ( فضلت عنهم) الزطوط

السلام عليكم ورحمة الله وبركاته

هلا حبيبتي..

هونيها وتهون..
صدقيني تعلمي اتطنشين وبالاخير هم الي بيتعبون..
تعلمي انج تسمعين وتحقرين ومع مرور الوقت شوفي ردت فعلهم..
لان كلما قالو شي وخذتيها بحساسيه الشيطان بيدخل من بينكم وبيكبر الموضوع وانتي بتتعبين وهم بيستانسون لانهم قدرو يضيقون فيج..
ياختي طنشــــــــــــي وتعوذي من ابليس..
هذا عن تجربه..

وشكرا..

المشكله يالغاليه الكلام الي يقولونه ولا على البال يعني الصراحه مووول ما اتوقعت كل يوم شي يديد

وانا اسكت واسكت اليما اوصل لمرحله الي افقد فيها السيطرة على نفسي ..

المشكله انها تقول اشيا ويوم اواجها تقول انا ما قلت وتحلف ...

يعني بعطيج مثال تقول الخدامة ماما قالت لا تسوون شي حق المداد (الي هي انا) خلي خدامتها تسوي ويوم اقولهم سوو وما يسوون يقولون ماما قالت يوم اواجها تاخذني عند الخدم يقولولها انتي قلتي تفتن عليهم تقولهم انا ما قالت لا تجذبون ويالله عالمكتب

ويوم استوت هاي السالفه قالت حق زوجي الخدامة قالتلي يوم واجهت الخدامة جدامها قالت والله انا ما قلت (للعلم هاي الخدامة مب نفسها الي تكلمت عنها هذيج خلاص سفروها يابوا غيرها ) فتنت عليها ووديتها المكتب ونحن على هالموال يايبينخدامة ومودين خدامة ..
تصدقون ان هاي السنه بدلنا 7 بشاكير ..