كيف اخلي ولدي دبدوب وصحي افيدوني ؟؟

السلام عليكم

كيفج حبيبتي بالنسبة للاكل انا اعطي اولادي من الشهر الرابع خضروات مهروسة مع رز اسمر مطحون

الخضار مثل الجزر البطاطا الكوسا القرع الاصفر تطبخيهم عللى بخار اذا ماعندك جهاز حطيهم بمشخال وحطي بالقدر شوية موية وخلي المشخال فوقه بحيث مايوصل الماي اللى الخضار تكون فايدته اكثر

اما الرز خذيه وغسليه كويس وحطيه ببمشخال لين ينزل الماي عدل وبعدين حطيه بالتراي (صحفة تقديم) وخليه لين ينشف
عدل
وبعدين اطحنيه كويس وغليه بمويه على النار وخلطيه مع صنف من اخضار مرة رز وبطاطا ومرة رز مع كوسا

ولازم ينهرس كويسي يعني انا لما اطحن الخضار احط وياه الرز المغلي علشان ينهرس زيادة ويصير زي البنانا

وماشا الله عيالي في صغرهم مرة دبدوبين مثل المجلات

جربي وشوفي

تحياتي

المعروف من الرز والخضار كلها تسمن وصحية + ان انا نصحوني بالشوفان وفعلا من قمت اعطي ولدي بدا يسمن وصار جسمه حلو :sm240:




:9_28:

السلام عليكم و رحمة الله و بركاته

طيب أختي أم حسين...

ممكن تشرحيلي كيف تعملي الشوفان...و أكون لك شاكرة...

انا بصراحهة مشكلتي نفس مشكلتج تعبت نفسيا من كثر ما يقولون عنه ضعيف مع اني اعطيه خضره مهروسة وفواكه وشوفان ورز وكل شي بس الله اعلم

و الله أنا نفس المشكلة و ما ملاقية حل يا ريت تحكي لنا حبيبتي ماما حسون كيف بينعمل الشوفان وبتكووني عملتي فيي معرووووووووووووووف

الله يعنيج أختى أنا بعد ولدي بالمرة ضعيف كمل الثلاث سنوات وبعده كأنه بو سنتين ومن يمرض يخق بعد أكثر...

أم حسين هل تقصدين الشوفان، أنك تعمليه كشوربة او طبخة ثانية؟؟

خلونا نشوف طريقة أم حسين وإن شاء الله عيالنا كلهم يصيرون دباديب....

اختي جارتي تضيف لاكل عيالها الحلبه
تقول تخلي صحتهم زينه
وماشاءالله تبارك الله حليوين عيالها رغم ان اكلهم عادي
بس تقول انها تسمن و تنور البشرة

مرحبا ..
شوفي شنو اعطي ولدي والحمد الله صحته زينة ....

خضار مع الرز المصري

شوفان مع حليب وتمر

أفوكادو مع الموز او المانجو ( الأفوكادو جدا مفيدة ) هو الي خله ولدي يقوى وصحته زينه

محلبية الرز بالحليب

فواكه ( مانجو - موز - تفاح - كيوي - خوخ )

اسويله مضروبة بالدجاج

وشوفي حبيبتي مو شرط ولدج اذا أكل وااايد يسمن يمكن شكل بنية جسم ولدج ضعيفة ويعتمد على الاهل يعني اذا بنيتهم ضعيفه يطلع نفس الشي ، ولد اختي جذي ابوه واعمامه كلهم ضعاف مع انهم ياكلون بس طبيعة جسمهم جذي .

Dalo3at_oman

هي والله انا بعد اعاني نفس المشكلة


هي والله يا ام حسين تسوين فينا خير لو تقولين لنا طريقة الشوفان


العيناوية

كيف تسوين الشوفان مع الحليب والتمر


تحياتي
همـــس

اول شي مثل ما قالت العيناوية ان في اطفال بنية جسمهم ضعيفة وما يسمنون ،، وانا ولدي الكبير من هالنوع طالع على ابوه .. اتذكره لما كان عمره اقل من سنة كان اكله واااااااااااايد احسن من اخوه لكن جسمه ما صار مثل اخوه .. اخوه الحين مربرب اكثر :21_11:

واما عن الشوفان .. نصحوني ان اعطيه الشوفان بالحليب " مثل الكورن فليكس " ، لكن انا قمت اعطيه اياه مع السريلاك " او مع منتجات صحة او ميلوبا او هيرو " والحمد لله لاحظت فعلا من قمت اعطيه بدا يسمن ..

وقالوا لي ان حتى حق الاطفال في سن ولدي الكبير " 3 سنوات " ممكن اعطيهم اياه مثل طريقة الكورن فليكس لكن شفت ان ولدي ما يحبه فقمت ما اسويله واعطيه ..

وحتى ولدي الصغير صار شهرين تقريبا وهو ما يحب منتجات الاطفال وياكل من اكل البيت وما شا الله ما زال جسمه حلووو ..



على فكرة انا ولدي مو سمييييين وايد هههههههههههههههههههههههه عمره 10 اشهر الحين واخر مرة وزنته من شهر كان وزنه 9 كيلو ونص تقريبا :o

لو تشوفين اخوي الصغنوون

دبدوووب بس مو صحي هع


نموووت نبيه ينحف والله احسن للصغار النحافه

مو النحافه يعني يكون جسمهم زين


ولا اذا كبروا يخرب صح ولا؟؟

انا ولدي عمرة سته شهور ونص اقدر ااكله افوكادو ومنجا ولا ثقيل على معدته؟؟ وانا اايد انه يرجع الى طبعة جسم اهله

أضم صوتي لكم وأقول ان الجسم عتمد على حركة الياهل اذا كان كثير الحركه مثل بنتي فيحرق الأكل اللي ياكله بسرعه فالأحسن يكون له 5 أو 6 وجبات متنوعه بدل 3 ماأدري هذا رايي

وياريت توضحولي طريقة الطبخ يمكن أنا أطبخ غلط أو بطريقه غير صحيه
وعلى فكره بنتي عمرها سنه و3 شهور ووزنها 9

وتحياتي

اضم صوتي لاخوات الصحه على البينه وو ان التغذيه عامل مهم في السمنه ولدي ياكل اكل بالغين يس وربي ضعيف وهزيل لانه حركته اكثر من الطبيعي

همس الحروف;4461096:
Dalo3at_oman

هي والله انا بعد اعاني نفس المشكلة


هي والله يا ام حسين تسوين فينا خير لو تقولين لنا طريقة الشوفان


العيناوية

كيف تسوين الشوفان مع الحليب والتمر


تحياتي
همـــس

آخذ ملعقتين شوفان كويكر واحطهم في كوب فيه ماي واحط معاه 3 تمرات واخليهم نص ساعة او اكثر لين يذوب التمر والشوفان وبعدين احطهم على النار مع الحليب ، اذا ولدج اقل من سنه تستخدمين الحليب الخاص للطفل واذا اكبر تقدرين تستخدمين الحليب العادي وخليهم يطبخون من 10 الى 15 دقيقة وبيكون جاهز .

areem;4461496:
انا ولدي عمرة سته شهور ونص اقدر ااكله افوكادو ومنجا ولا ثقيل على معدته؟؟ وانا اايد انه يرجع الى طبعة جسم اهله

ايه الأفوكادو زين بس حطي ربع ثمرة افوكادو مع قطعة موز وحليب .وخلطيهم بالخلاط

والمانجا ثقيل شوي في هالعمر خليه الى 8 اشهر ، بس اذا قطعة صغيرة ماتضر .

السلام عليكم ورحمة الله وبركاته

تسلموا أخواتي على إفادتكم...

جزاكم الله خيرا :)