اذا كنت انيقة دخلي

اسوي جرد كل ما حس اني مليت من الاشياء اللي عندي

مانوقف من السووق كل شهر و اسبووع

بس المشكله قمصان نوووووومي واايد ماعرف شو اسويبهن مازرات الكبت ع الفاضي

اما الملابس القديمه اوزعها ع الفقراء والمحتاجين...

مشكوره علموضوع
انا اشتري ملابس بشكل اساسي في بداية العام الدراسي
(يعني للكليه)وبداية العطله الصيفيه
والاعياد لكن ما اكثر
انا دائما اسوي جرد لملابسي لكن علخفيف
اما الجرد الكبير برضه يكون مع بدايه السنه الدراسيه
الملابس الزينه اشيلها لاختي الي اصغر مني
والي ما ابيها نعطيها حرمه كبيره في السوق توصلها للمحتاجين
الحين لي سنه او اكثر ما اشتري قمصان او ارواب للبيت لانها خربت جسمي
بالتوفيق ومشكوره مره ثانيه

تسلمون يا انيقات

وين البقية؟؟

ليش ما فيه ردود؟؟

يسلموو على الموضوع الحلوة
انا تجيني مرات تكون نفسية ضايقة وكارهة كل شي بهالفترة لازم اسوي تغيير فملابسي اغير ستايل لبسي كله
اغير لون وقصة شعري
انا ملابسي القديمة فاختار منهم اشياء اخشهم لما تمر شهور ارد البسهم .

تسلمين اختي نجمة

الظاهر الموضوع ما يعجب عشان جذي ما فيه مشاركات

احبطوتني

معقولة ما تسوون فرز سنوي لثيابكم؟؟؟؟؟

انا بشترى حسب حالتى النفسية يعنى لما بكون مخنوقة اكتر حاجة بحبها انى انزل اشترى لبس جديد وموضة
وطبعا اللبس اللى بحس انى مش بلبسه بيكون من نصيب اللى محتاجة
على فكرة موضوعك حلو

انت الاحلى يا حكاية

موضوع حلوووووووووو مرررررررره انا اسوي جرد كل شهر يمكن والاشياء اللي ماحبها اعطيها واحده تجي وتاخذهم اما ارواب النوم اعطيها اختي الغالي بس كنت مادري وش اسوي فيهم قالتي واحده عطيهم اختك

ثانكيو على الموضوع الحلو

عني انا احس تصيرلي حاله نفسيه اذا ما تسوقت .... عندي اشكال وانواع من البديات والقمصان لين الحين مالبستهن ما عرف ليش ... احس قمصاني اكثر عن التنانير يمكن هاي حاله نفسيه :qaq: اسوق ولا البس .. والقهر ان اختي تلبسهن عني :gum:
شكلي بشتري اللي احتاجه المره الجايه

انا ما عندي وقت محدد اقوم بهذا الجرد


وما اشتري كمان ما عندي وقت محدد


وما اعين نزلتي للسوق يعني خاصه بملابس النوم اول ملابس الزيارات لمن انزل السوق انزل واخذ قمصان النوم وملا بس الزيارات مو مخصص

وملابسي القديمه اتصدق فيها للفقراء

يسلمك ربي ع الموضوع

متى تقومين بهذا الجرد؟؟

اقوم بالجرد كل شهرين او حسب الحاجه ..

ومتى تشترين ملابس جديدة؟؟

اشتري كل شهر فى المناسبات

وهل تعينين اوقات معينة لشراء ملابس للنوم مثلا وفي اوقات اخرى للمناسبات وهكذا؟؟

للمناسبات يعني الحمدالله لحد الان ما احتجت لان عندي كثير .,

لا وقت محدد بالنسبه لملابس النوم كل فتره اشتري شيء جديد وقطعه جديده كنوع من التغير والتجديد ،اما المناسبات فاشتري لكل مناسبه خاصه جدا لبسه معينه .

وكيف تتعاملين مع ملابسك القديمة؟؟


اتصدق بها على الفقراء والمساكين والمحتاجين ...

والله يتقبل منا

ومشكوووووووورة مرة 2 على الطرح

موضوعك رائع بنت بلادي

انا قبل لااتزوج كبتي ملياااااااان والحين من انخطبت صارت ثيابي اكثر ومن النوع اللي من اجوف بالسوق شي يعجبني اشتريه ماعندي وقت معين للمشتريات لان دائما من النوع اللي اشتري واخلي من تجي مناسبة يكون عندي وعلى حسب نفسيتي حزات احب اشتري الشي والبسه مباشرة.

بس الحين احاول اغير من وضعي لان الخزانة فاضت من الثياب وفي ملابس اشتريهم واخشهم وبعد فترة اجوفهم فخفيت مشترياتي من الثياب لان وراي تجهيز لزواجي ففي اولويات.

الجرد باستمرار اسويه كل مااحسيت ان مليت من ثيابي ومااقطهم لان معظم ثيابي جديدة اطرشهم للمحتاجين .

بارك الله فيج على طرح الموضوع الحلو
تسلمين

في الإجازة أشتري ملابس جديدة لأني ما أنزل السوق دايما
أشتري للمدرسة وللعيد
وأول ما تبدأ السنة الدراسية أرتب ملابسي الجديدة وأخرج بعض القديمة اللي ما احتاجها

تسلمون يا انيقات

دعواتكم لي بتسهيل الولادة

انا بعد تقريبا كل بداية سنة..أسوي جرد..على ملابسي..

وطبعا القديم اتبرع به للفقراء...

تحياتي لج اختي

حنا عندنا فاعلة خير تجمع الملابس اللي مانبيها عندها وتاخذ لاشياء الزينة اللي باينة مثل الجديدة وتفرزها وتصلح المقطوع والخربان ويجون الفقراء وبناتهم اللي على وجه زواج وتخليهم يختارون ويقايسون وياخذون اللي يبونه.للله يجزيها الف خير
علشان كذا انا حتى قمصان نومي اغسلها واكويها واطبقها واحطها مع باقي الملابس..لأن اللي بتشوفهم حرمة زيي وبتعطيهم عرايس يحتاجونها
وبعدين اغلبها زي الجديد لأني البسها مرة مرتين ولا احب اكررها قدام زوجي.
حتى باقي ملابسي اغلبها زي الجديد..لكني متطمنة ان الملابس هذي ماراح تنرمي وراح يلبسونهم ناس في امس الحاجة لهم ويفرحون فيهم أسر الله اعلم بحالهم ..ومو بس الملابس النسائية حتى الاطفال والرجال تاخذ ملابسهم وتوزعهم على الأسر .. ماشاء الله عليها حاطة لها خادمة لهالغرض بس تصلح في الملابس اللي تجيها وترتبهم..حتى الجزم وانتو بكرامة والشنط المقطوع منها تصلحه لو كان شكله نظيف ومرتب وبس يحتاج للتصليح تصلحه..

اما سالفة التجديد فمدامنا على طول بالسوق ونشتري لازم بين فترة وفترة بنشيل اللي بخزاناتنا وبنحط مكانهم الاشياء الجديدة..لأنه استحالة بيكون قدامك الجديد وبتتركينه وبتلبسين القديم

الله يديم علينا نعمته ولا يغير علينا الا للأفضل اللهم آمين..

الله لا يوريكم خزانتي
ملابس مرصوصة رص اشتري جديد واخليه مع القديم
مع اني قبل كل ما اشتري جديد اتخلص من القديم
لكن الحين مشغولة بالاولاد اللي ما يخلوني اعمل شيء
وانا اشتري في كل مناسبة وطبعا السنة كلها مناسبات
ناصفة, عيد , مدارس , شتاء, صيف , اعياد ميلاد ومناسبات مفاجئة
تسلم ايدك ام شجاع ع الموضوع الحلو

بالعكس موضوع قمه في الروعه ويعطيج العافيه

وانا اسوي جرد كل ما حسيت بطفش وملل وماكو شغل

اما عن السوق ما نتخلى عنه ابد كل اسبوع رايحين وشاريين كومه ملابس وبس

والله يسهل ولادتج ويرزقج بالذريه الصالحه :)