السلام عليكم ورحمة الله وبركاته
خواتي بنوتات عروس الحلوين
شخباركم انشالله طيبين ومرتاحين
وأكيد مبدعين بالطبخ وانواع الفنتكه بشهر رمضان
ما أطول عليكم
لقيت وصفة سلطة حلوهـ ولذيذهـ عالنت
وطبقتها اليوم والحمدلله أخواني حبوها مرهـ
هي بسيطه وما يبي لها شي
وطعمها حلو
وانا صورت لكم كل الخطوات
وانشالله تعجبكم وكل من يطبقها يدعي لي
بسم الله الرحمن الرحيم
نبدا
المقادير :
بطاطس
باذنجان
ذره
خس امريكي
الصوص
علبة زبادي [ روب ]
ملعقه ميونيز
ملعقة جبن سايل [ كرفت ]
نص ليمونه صغيره
سماق [ حسب الرغبه ]
الطريقه :
تقطعين الخس .. وتغسلين الذره
وتأكدي ان الخس والذره يكونون تقريباً ناشفين من بعد الغسيل
نخلط الذره مع الخس ونخليهم على جنب
بعدين نقطع البطاطس والباذنجان على شكل مكعبات صغار ونقليها بالزيت
وننشفهم من الزيت زين مازين ونخلطهم مع بعض ونخليهم على جنب
الحين نسوي الصوص
نخلط مقادير الصوص كلها مع بعض
انا زدت عليها جبنه [ دبل تشيز ] هي مو لازم
بس انا اضفتها من عندي وممكن الاستغناء عنها
الحين نجيب الزبديه اللي راح محط فيها السلطه
نحط اول طبقه [ نص كمية ] الخس والذره اللي مخلوطين ويا بعض
ونحط فوقها [ نص الكميه ] من الباذنجان والبطاطس اللي مخلوطين ويا بعض
ونحط عليها شوي من الصوص اللي سويناه
ونسوي طبقه ثانيه بنفس الطريقة
نحط [ الخس والذره ] ونحط فوقها [ البطاطس والباذنجان ]
ونحط فوقها الصوص الين ماتخلص الكمية
لكن خلي شوي من الصوص على جنب
علشان اذا حطيتي السلطه في طبق التقديم
تحطين عليها شوي من الصوص
وترشين عليها السماق
والف عافيه عليكم انشالله
ويارب تكون السلطه عجبتكم
