فيني " قــهـــر " عروس مغتصبه معذبه

المفروض الحين تفرحين وتسوين عرس بعد تخلصتي من انسان غبي لايقدر الحياة الزوجية يسمع كلام خواته وامه في خصوصيات حياته الزوجة

وبعدين احمدي ربج انج تطلقتي منه وماعندج عيال

ومثل ما الله يابه بييب غيره ان شالله ويعوضج ربي باحسن عنه

واذا انتي مطلقه وعرستي مرة ثانية ان شالله يعني مالج حق تدلعين وتسافرين

انا عندي ربيعتي مطلقة والله عوضها بثاني ولله الحمد زين سوت عرس ودلعت نفسها اهم شي الريال صالح و زين وذكي

يختي سبحان الله الحرمة فيها حياااااااااء سواء بكر او بنت وبعدين على قولتج انتي مافرحتي وياه عيل بعدج

والله يعوضج عنه يارب ويرزقج بريل صالح وثاني مرة استخيري وعيشي حياتج

وعقبالي مااعرس وييني ريل صالح وحنون وطيب وحبوب ( قربت على العانس خخخ)

وانتي بعد يارب

الحين خليج من هاي السالفة الحين قرب العيد سيري اكشخي واصبغي الشعر اكيد ناس بييون يازورونكم والله يوفقج حبوبة اعتبريها بلاء من رب العالمين احسن من مصيبة اكبر
الحمدلله

بلاك داليا;4436393:
الله يعوضك باللي احسن منه وخليه يولي واحسن انكوا انفصلتوا ومافي اطفال وتذكري دائما :`
the best is yet to come
والحياة فيها الكثير من المتع غير اللي يوفرها الزواج فماتخلي تفكيرك محصور بواحد(شخص ايا كان)
يكون هو مصدر سعادتك استمدي سعادتك من نفسك
وماتخلي احد يكون مركز الكون لك وانتي تدوري حوله
الله يوفقك

الحمد لله السعادة مصادرها كثيره واولها الايمان الي بالقلب
والنية السليمة .
لكن مهما كان الوحده محتاجه لزوج ولرجل في حياتها
مهما كنتي ومهما سويتي بتضلين ناقصه ومحتاجة لنصف آخر يكملك
لا نلعب على نفسنا بهالكلام انه نقدر نعيش طول العمر بدون زواج
مع ذلك احيانا الحال بدون زوج افضل بكثيـــــــــــر من وجوده
الحمد لله على كل حال : )

**ام يارا**;4454420:
اختي الغاليه المحطمه0000000000000وان شاء الله تغيرين نك النيم تبعك عن قريب
لان مافي شي في الدنيا الي يخلينا محطمين
اختي انتي احمدي ربك ليل نهار انو الله
سبحانه وتعالى ماكتب بينكم بزوره لان اذا كان حاتكون حياتك صعبه
حبيبتي اصابعك يدك مو كله زي بعضه والرجال زي كذا مو كلهم زي بعض
والله سبحان وتعالى اذا احب عبد ابتلى
من كل قلبي اتمنى لكي حياة سعيده
وادعي ربك واحنا في العشر الاوخر من رمضان ان يعوضك برجل احسن من هاذا يقدرك ويعيشكي حياة سعيده
]

اختي ام يارا جزاك الله خير
وادعي ربي انه يعوضني خير اين كان مجال هذا الخير
انا" محطمه " لانه انا كان لي هدف وتحطمت
يقول المصطفى صلى الله عليه وسلم :
[المرأة اذا صلت فرضها وصامت شهرها واحصنت فرجها واطاعت بعلها فلتدخل من اي ابواب الجنة شاءت ]
انا ذكرت انه مادلعني ولا سافرت ولا اثاث والخ
لكن مو هذا الي اريده الي اريده اكبر من كذا وانا سكت عن هالاشياء لكن الشك والتدخل ماقدرت اتحمله
والشك مرض وصعب علاجه والتدخل اهله وصعب اقول اهلك كذابين او الخ
كان ودي احس بالامان والاستقرار والمودة والرحمة واعيش مع شخص يفهمني وافهمه
يعيني على طاعة ربي واعينه

الحمد لله والشكر على كل حال
واللهم اجرني في مصيبتي واخلف لي خيراً منها

بنت الغالي;4436452:
حبيبتي
لاتتحسفين ولاتندمين على شي راح .... صدقيني ربنا سبحانه مايبتلينا الا لانه يحبنا .... ولاياخذ منا الا عشان يعطينا .... انا مؤمنه بالكلام الي اقوله لج ....لاتحصرين نفسج في الماضي .... انسي كل الي راح وانتي مثل ماتقولين مو ناقصج شي ... بكره يجيج الي يعوضج خير ....ولاتقولين اعصب واندم واغار .... قولي حسبي الله ونعم الوكيل كل ماتذكرين السالفه .... ماتدرين هالجمله شلون تدفع البلاء عنج ..... واحمدي ربج انج كنتي قويه وماكملتي حياتج مع شخص مايستاهل .... الله يعوضج خير حبيبتي وايمانج بقضاء الرحمن هو الي بيريحج ويريح بالج

مشكورة اختي بنت الغالي
الحمد لله راضيه ومبسوطه انها جت على كذا بدون اطفال
وتخلصت بسرعه بدون عذاب وقهر اكثــر
لكن احيانا الي حولينك يسببون في تذكيرك وياليت والندم والخ
بالاضافة الي اني انا بعد مقهورة بصراحه اني مطلقه وانا ماذقت حلاة كلمة عروس والتعامل الخاص الي للعروس
انا كثير اقول ان شاء الله انه تكفير لذنوبي او اخذ حسنات
او ممكن يكون خيــر جاي لي بالمستقبل وهالشيء صار عشان استحق هالخير واعرف قيمته
الخيره فيما اختاره الله
( وعسى ان تكرهوا شيئاً وهو خيراً لكم وعسى ان تحبوا شيئاً وهو شر لكم )

الحمد لله على كل حال .

فراشة القنديل;4436840:
ربي يفرج كربك ويعوض صبرك اختي عليكي بهالدعاء اللهم يا جابر كسر المكسورين..اجبر كسري وعوض صبري والحي على رب العالمين بالدعاء وربنا يفرحك ويرزقك بالزوج الصالح اللي يستاهلك..ولا تقهري نفسك على واحد ما بعرف قيمة النعمة..

آميـــــــن
جزاك الله خير اختي والله يوفقك

يارب تجبر كسري وتعوض صبري ولاتحرمني الاجر

&إحساس وجداني&;4437102:
والله العظيم ياأختي حاسه في معناتك قسم باالله أرفعي راسك وعزي نفسك الحياه مليئه باالتناقضات أنتي لما تشوفين في الحياه وحده شيفه تخرع وعايشه عيشت الاميرات وحده ملكت جمال ربي معطيها كل الموصفات الي يتمنها الرجل وتلقينها عايشه عيشت الذليله المهانه راح تقولي عشنا وشفنا .

الحمد لله أن ربي خلصك منه هو صح حاجه تقهر بقوه لكن فكري لوعشتي معه وصار لك منه أطفال تعيشي معه عيشه ذليله وأطفالك يكونوا الضحيه لكن الحمد لله ما صار وهو إنسان مسكين ماعنده شخصيه حياته الزوجيه تدخلن فيه خواته ويلعبن عليه ويتحكمن بتصرفاته يعني مثل الدميه اللي تحرك بخيوط وماأقول غير الله يعين الي تاخذه .

وللمعلوميه أقسم بالله أنه متندم ومتحسر أنه خسر وحده جميله زيك بكامل المواصفات أنا متأكد ه.

ياأختي لاتنقهرين ولا تهممين باالعكس أفرحي وأستانسي أن ربي خلصك منه وإنشاء الله الفرص عندك متاحه وربنا يعطيك الرجال اللي يستاهلك ويعوضك بشهر العسل وبالسفريات الي ماكنتي تحلمي فيها .
الله يوفقك ويرزقك بالرجل الصالح يارب أدعيلك من قلب يارب.

وانا اوافقها الراي


خله يولي تنكدين حياتج وتزعلين وتضايجين بعمرج عشانه
والله ما يسوى

والله يوفقج ويرزقج باللي احسن منه واللي يحبج ويبا لج الخير

prof_nona21;4436855:
الله يعوضك باللي احسن منه وخليه يولي واحسن انكوا انفصلتوا ومافي اطفال

تسلمين اختي والحمد لله على كل حال
وربي يعوضني وجميع المظلومات خير

سوسن العقل جزاك الله خير اختي

الله يجبر بخاطرش
ويعوضش ان شاء بزوج صالح احسن منه يا رب

الله يوفقش يااارب

قدر الله وما شاء فعل
ترى الرجال ماهم واحد
وادعي ربك انه يرزقك الزوج الصالح بالمواصفات الي تبين
بالتوفيق

::

الله بيعوضج الخير ياي ان شاء الله في الطريق.. بس اهم شي انسى اللي صار .. وربي بيرزقج بالريل الصالح اللي يعوضج عن اشياء كثيره افتقدتها في زواجج الاولي ..

ادعي الله دوووم بالريل الصالح ...

الله يوفقج ويرزقج ريل صالح تقي ... ان شاء الله يارب..

::

والله انج بنت خير وبنت ناس وطيبة والله فكج منة وريح بالج الله يبتلي لابشر وانتي تستحقين الاحسن يا عمري عسا ربي يعوضج ان شاء الله ويريح بالج يا وردة

الله يعوضك خير ان الله مع الصابرين اذا صبروا

&إحساس وجداني&;4437102:
والله العظيم ياأختي حاسه في معناتك قسم باالله أرفعي راسك وعزي نفسك الحياه مليئه باالتناقضات أنتي لما تشوفين في الحياه وحده شيفه تخرع وعايشه عيشت الاميرات وحده ملكت جمال ربي معطيها كل الموصفات الي يتمنها الرجل وتلقينها عايشه عيشت الذليله المهانه راح تقولي عشنا وشفنا .

الحمد لله أن ربي خلصك منه هو صح حاجه تقهر بقوه لكن فكري لوعشتي معه وصار لك منه أطفال تعيشي معه عيشه ذليله وأطفالك يكونوا الضحيه لكن الحمد لله ما صار وهو إنسان مسكين ماعنده شخصيه حياته الزوجيه تدخلن فيه خواته ويلعبن عليه ويتحكمن بتصرفاته يعني مثل الدميه اللي تحرك بخيوط وماأقول غير الله يعين الي تاخذه .

وللمعلوميه أقسم بالله أنه متندم ومتحسر أنه خسر وحده جميله زيك بكامل المواصفات أنا متأكد ه.

ياأختي لاتنقهرين ولا تهممين باالعكس أفرحي وأستانسي أن ربي خلصك منه وإنشاء الله الفرص عندك متاحه وربنا يعطيك الرجال اللي يستاهلك ويعوضك بشهر العسل وبالسفريات الي ماكنتي تحلمي فيها .
الله يوفقك ويرزقك بالرجل الصالح يارب أدعيلك من قلب يارب.

احساس وجداني مشكورة اختي على كلماتك وجزاك الله خير
وربي يسعدك

قولي كما اوصانا رسول الله عليه الصلاة والسلام ان نقول عند المصائب
اللهم اجرني في مصيبتي واخلفني خيرا منها
وهالدعاء قالته احدى زوجات سيدنا محمد بعدما توفي زوجها الاول وكانت تتلو الدعاء وهي تظن انها لن تلتقي بزوج خير من زوجها المتوفى فاكرمها الله وعوضهابأحسن خلقه واكرمهم زوجا لها

الله يعوضج ويعوضنا خير يا رب

على البال;4437115:
انا مع اختي بنت الغالي بكل كلمة


الله يعوضج خير وتشوفي السعادة والهنا مع الي يستاهلج ويقدرج

اللهم اميــن وجزاك الله خير اختي

والله يرحم والدك وينور ويوسع له بقبره

sss_12;4437131:
قدر الله وماشاااء فعل حتى لو انه طيب وربي مو كاتب تعيشين معاه والله ماتعيشين بس تعددت الاسباب والانفصال هوة الاخير

الله يعوضك يارب اخير منه

امين الله يعوضني وكل اخت مثل حالتي خير يااااااارب

الحمدلله اللهم صلي على محمد
اللهم اني اسالك ان تيسر امورها وتعوضها على صبرها بالاحسن والاخير عاجلا غير اجل

حاسة فيج اختي . الي مريتي فيه مب شوي بس سبحان الله كل مشكلةنمر فيها تعلمنا دروس كبيرة. وان شاالله تفيدج في حياتج اليايه
واعرفي ان الخير مازال موجود
وربج معاج بس توكلي عليه وكوني معاه في وقت الشده والرخاء
ونصيبج حبيبتي ربج كاتبنه قبل لاتنولدين وانا ادعيلج من كل قلبي ان تلقين احسن ريل يسعدج ويعيشج في نعيم انتي تستحقينه

وياريت حبيبتي لو تغيرين اسمج "المحطمه" لان كل مااراح تدخلين وتشوفين اسمج راح يذكر في الماضي .. والماضي دايما حلو انج تستفيدين منه بس مب انه يلازمج طول الوقت جيه مابتقدرين تكملين حياتج الطبيعيه وتفكرين لمستقبلج

والسموحه

::

الله يعوضك عنه ويرزقك بالزوج الصالح اللي يطير فيك فوق

ويسعدك ياحي ياقيوم

::