نصايح ببلاش *-^

DIOR QATAR;4415153:
موضوعي الثاني:

::::::::::أشياء بسيطة تقدرين فيها تكسبين أهل زوجج:::::::::::::


# اذا رحتي لهم زيارة حاولي كل مرة تدخلين بشي عليهم مرة كيك ومرة فطاير وسندويشات او اي حاجة انتي سويتيها في البيت عندج.. حلو تجيبين لهم من طباخج راح يقولون فديتها مرت ولدنا تذكرتنا ..


#اذا صار عندهم مناسبة ولا عزيمة اسألي ام زوجج تبغون اساعدكم في شي حاولي أدخلين نفسج معاهم في مناسبتهم حسسيهم انج خلاص صرتي منهم وفيهم يعني لا تحطين حدود بينج وبينهم عديهم هلج من البداية راح تكسبينهم من البداية.


#في العيد ولا رمضان فصلي جلابيات حق ام زوجج وفأجئيها فيهم راح تكبرين في عينها وايد وحاولي كل فترة تجيبين لها شي مرة عطورات ومرة دهن عود ومرة دلال وفناجين يعني ممكن تكونين شارية منهم وعجبوج وشريتي مثلهم حق أم زوجج اهني بتكبرين في عين زوجج انج ما نسيتي امه واكيييد في عين هله.

#سواء كنتي ساكنة معاهم او بروحج حلو انج تتصلين تسألين عنهم وعن اخبارهم بشكل يومي واذا كنتي معاهم حاولي تشاركينهم وجبة على الاقل في اليوم لان اشوفها مو حلوة تتغدين في غرفتج حلاته جمعة الاهل كلهم على السفرة .

#حاولي كل فترة تعزمينهم في بيتج .


#لا تنسينهم في سفراتج توصي في السوايق الحلوة لهم.. ترى مو حلوة تجيبين لهلج سوايق وما تجيبين لهله جدامه يمكن ما يقولج شي بس اكيييد بتحز في خاطره..مثل ما تجيبين لهلج جيبي لهم عديهم مثل هلج مثل ما قتلج.

#لو صادف انج في بيتهم وجاوهم ضيوف مو حلوة تخلين ام زوجج تقهويهم وانتي قاعدة لا انتي قومي وضيفي الناس خلهم يقولون خوش مرت ولد عندهم.


#عاوني زوجج على بر والدينه قولي له :ها يا بو فلان كلمت امك ولا ابوك اليوم؟
زرتهم اليوم؟
كل فترة قولي حق زوجج تعال خلنا نشتري حق امك هدية ..صج هاي حركة بسيطة بس راح يكون لها اثر كبير في قلب ام الزوج وفي قلب زوجج راح يحبج اكثر وااكثر لانج ما تقصرين في حق هله..


بعدين في نقطة وااااااااااااااااااااااااااايد مهمة::

اذا تبغين تكسبين قلب زوجج للابد ..
حبي هله ولا تقصرين معاهم ..



وبعد شنو؟؟


#ايه حاولي انج تنادين ام زوجج بانها امج مو خالتي ولا عمتي .

ماراح تخسرين شي لو قلتي لها يماه..

حطيها من البداية بمقام أمج بتحطج في عيونها وبتعدج مثل بنتها..

وترى البوسة على راسها بعد يمدحونها *_^



((ترى والله هاي أشياء بسيطة والزوجة الذكية هي اللي بطبقها ))

واذا تذكرت شي بعد بقولكم