أرجوكم ذبحني البكا تعالو ساعدوني

مشكلت أخي شاغله بيتنا كله

أخوي ما أمدحه علشانه أخوي بس إنسان محترم خلوق ويمزح مع الصغير والكبير وطيب مره يحب المستقبل ومتفائل بس فيه عيب عصبي

متزوج من زوجه محترمه وطيبه وفي نفس الوقت غامضه تحترم أهلي بس مهما كان ما تتطمنين لها لأن حتى لو من أي شي بسيط تمزحين ممكن تروح تقول له بشكل أن أحد قاصدها وانتي في الأصل مجرد مزحه

طبعا يمر بمشاكل دايم لو يمزح ما يخلى الشي من زعل ولو زعلها فعلا مع إن يحاول يتجنب هالأمور لدرجة إنها لو زعلت تقفل الباب على نفسها يجلس يحاول منها تفتح الباب ويترجى تصدقون مستعده تخليه 24 ساعه عند الباب يترجاها وماتفتح والله ما أقول لكم ماتمر عليهم أيام حلوه بس الظاهر الشينه غلبت على الحلوه متحديه لأخوي بشكل مش طبيعي وترادده وتطلع من البيت إذا صارت مشكله يعني عادي يرجع من الدوام يلقلى شناطها وأغراضها كلها مشيوله وهي في بيت أهلها بدون مايدري وللأسف لها من يساعدها والله أبسط الأشياء لو يطلبها مستعده تسوي له مشكله والله إنه كل ها لأمور ماصرنا ندري عنها إلا في الأيام الأخيره أول ماكنا ندري عن مشاكله طبعا هي أي مشكله عند أهلها وتكبر المواضيع ودائما لما يروح لاهلها طبعا وهاذي المشكله الكبيره انه هي الصح وهو الغلط أخوي من كثر المشاكل والنكد ومن كثر مايشوف كل ما صارت مشكله راحت لأهلها وتهديد انها ماتبيه وإذا راح للأهل يوضح الموضوع طبعا هو الغلطان والله حتى لو يتأسف علشان بس يروح العمل وهو مرتاح ويبين لها أنه متنكد وصار يفتقد تركيزه في عمله من كثر المشاكلة صار إذا صارت المشاكل ويعصب صار في بعض الأحيان يمد يده تعب كثير صار دايما مهموم المشكله إنه تهدده إنه يطلقها وعلى كل اللي يجيه منها متحمل أحنا نحاول إنه يرجعها للبيت هي بسبب مشكله بسيطه راحت عند أهلها وهو راكب راسه الأن إنه يرجعها يقول زي ماراحت ترجع ولا لو إيش ماراح أروح أخذها أنا تحملت من يغلطني واتأسف وأراضي وغير كذا مذموم في كثير من الحالات الأن إنتهى تبي ترجع من نفسها ولا بكيفها ورافض بشده ما أدري شنسوي وياه هي طبعا ماهي جايه من نفسها طبعا عندها خبر وماجات

طبعا لا تفكرون إني أمدح باخوي ولا أذم في زوجته بس هذا اللي صاير وشنسوي

البيت متنكد وفي شهر رمضان مسكين يكسر الخاطر كل ما قلنا سلكت أموره إلا طلعت له هالمشاكل تمر مشاكل عليه كثير وكتوم . الأن صحيح هو شكله هالمره ناوي الشي اللي حتى ماودي أنطقه تحسين إنه خلاص تبلد الإحساس عنده طبعا كاره إنه تزوج ونادم . طبعا أنا عطيتكم الفكره العامه عن المشكله كلها

صدقوني أبكي عليه ليل ونهار وما أدري وشنسوي