خنت زوجي ..وضايعة

والله ما أقول إلا مسكين هالزوج إلا نفس الزوج

اشلون اتفكرين في واحد وتعقدين معاه وانتي على ذمة واحد ثاني واعتقد لو ما الثاني قالتج ان يفكر في مرته جان انتي اتمادتي معاه ((( هذا إلا فهمته )))

أكره شي في الوجود الخيانه وأنتي ما تستاهلين زوج مثل زوجك أسمحلي على الرد لانه زوجك هو ‘لا مسوي ها الشي شنو راح تكون ردت فعلك

الله يسهل عليج
ويحط محبة زوجك في قلبك
ديري بالج على زوجك وولدك وبيتك
بالتوفيق ياعمري

:21_11::flower:حبيبتي انا اسفه عشانك النصيحة اكثري من الصلاة الله غفور رحيم

انا مش فاهمه حاجه خالص ارجوكم وضحكو شويه شكرااا

عندي كلمه وحده اقولها لج اختي العزيزه و العفيفه

ان الله يحبك

و الدليل انج كتبتي الموضوع و ندمانه و ماشاء الله شوفي الردود من جميع العضوات على موضوعج

و هذا دليل محبة الله لك

و ان شاء الله تستفيدين من ردود البنات اللي عبروا عن رأيهم بلباقه

لا تضيعين نفسج

انصحج بعمره بأقرب وقت روحي و قعدي اسبوع قعدي بالحرم الشريف و فضفضي لبارئج عن كل ما يجول بخاطرج

صيحي و ادعي و قولي اللي تبينه

الانسان الضعيف في وقت الحاجه ماراح ينفعه غير ربه

:)

الله يهديج ان شاء الله هذا كل اللي اقدر اكتبه

والله كبيره............استغفري ربج قد ماتقدرين وحافظي على بيتج وريلج والله الي عندج بنات وايد يتمنونه .........تخيلي بيوم ممكن يروح كل شي تملكينه لا سمح الله
الله يهديج ويحببج بريلج ويستر عليج

الله يهديج ويستر عليج

نصيحتي لج ..

انج كل ما تحسين بضيق ادعي وادعي عسى الدعاء يكون فرج لهمومج

( اللهم يا مقلب القلوب والابصار ثبت قلبي على دينك )

( لا اله الا الله وحده لاشريك له الملك وله الحمد وهو على كل شي قدير اللهم اني كنت من الظالمين فاغفر لذنوبي واستر لعيوبي )

احترامي : دلوعة 88

حبيبتي الله يسعدك ويوفقك ويريح بالك..
الحل بيدك أهم شي تطلعين حبه من قلبك وبإذن الله كل شي يتسهل خصوصا" إنك قلتي زوجك أحسن منه هو مايستاهل بس أهم شي حبك له يروووووووووح حتى تقدرين تحبين زوجك إللي يستاهلك..
وبالتوفيييييييق..

بدون زعل بقول رايي بصراحة..

مالك عذر باللي سويتية..

حراام اللي سويتية بولدك وزوجك..ارجعي لله..وتوبي

اختي لاتقولين احبه والخ لوتحبينه كان متزوجتي لو كنتي اصلا تحسين انك ماراح تنسينه كان ماتزوجتي

لاتقولين تزوجتي لما رد وقال مبروك وحسيتي بالاهااانه

وفكري عندج ولد تخيلي لولاسمح الله انكشفتي وين بتوودين ويهج جدام ربج فوق كلشي وشوفي كم من سيئات اللي خدتيها لاتفتكرين خيانه فقط زنا لا خيانه حتى لوفكرتي فقط بريال غير ريلج تعتبر خيانه وكفايه بينكم كلام ولقائات والله يستر ادا ماصار شي بينكم

وفكرتي لو انكشفتي وريلج عرف تفتكرين بيساامحج لو اكتشتفي ان ريلج يخونج بتنسين بتسكتين له

فكرتي بووووووووووووووولدج شنو بتكونين جدامه ونظرته لج حتى لو كان صغير لو كبر وتعرفين ناس مالهم غير سوالف وماينسون لو كبر وقالوله امك كانت تعرف واحد ثاني غير ابوك شنو بتكون نظرتج له

فكرتي باخوانج ريايل وباهلج بامج وبابوج

وهدا شكله يحب زوجته وولده وهم فووووووووووووق كلشي وانتي فقط مجرد وووناسه ولعبه تسمي دكريات ووناسه

تتخيلين انه بيحبج او بيتزوجك انتي في نظره وحده خااينه خانة زوجها

وااسفه كلامي جارح لكن لمصلحتج ااانصحج غيري تلفونج وانسيه للابد

بلامسيجات وتلفونات انتبهي لحياتج لو ضااعت منج وتطلقتي محد بينفعج

هو بعيش لزوجته واعياله وانتي تحت سالب بنسبه له

لاتقولين مااقدر تقدرين يااختي محد يروح للغلط بريوله

تحملي موكل مرة بتسلم جرة والله ماراح يستر عليج واايد اسنغفري ربج وارجعي لحيااتج واتريكه هو اصلا مايسوي لوكان صج يحبج ويبيج اطلبج لزواج من زماااااااااااااااااااان

فكري عدل واتخدي قرارج وتحملي يمكن ريلج يصيدج

واتمني تتقبلين نصيحتي لانه صج حرام تهدمين بيتج بسبب شخص مايستااهل

وتحملي تعلمين حد بسااالفتج ولاحد حتى صديقاتج واهلج واقرب ناس لج هالايام محد له امان

وروحي عمرة انتي وريلج اسبووع واستغفري ربج واطلبي ستر منه والمغفرة وانه يبعد عنج

أختي العزيزه ما في انسان ما يخطئ و كل انسان خطاء وخير الخطائين التوابون 00

ورب العزه يفرح بتوبة عبده اذا تاب اليه واناب 00 وقال تعالى (وتوبوا الى الله جميعا ايه المؤمنون لعلكم تفلحون) 0

قال تعالى (ومن لم يتب فأولئك هم الظالمون)00استشعري هذه الآيات 00


فارجعي الى الله وتوبي اليه عسى الله يغفر ذنبك و يفرج همك ويشرح صدرك وخذي على نفسك تعهد ألا تعودي الى ما كنت عليه لانك محاسبه وراعية منزل وزوج واولاد وغدا تسألين أمام رب البريه 00

نصيحه مني لا تقولي لزوجك واستري على نفسك ولا تفضحيها لان الله ستير يحب الستر بارك الله فيك 000

لاتقسون علي بردودكم لأني تعبانه وماراح أقدر أتحمل توبيخ أبي أطلع من حالتي هذي وبس

عشان هاي الجمله ما ابي ارد طلبج وانتي ما صارحتينا الا تبين حل مو لوم

ودام انج عارفه انج غلطانه ومتندمه توبي لربج كيف تقرين القران وتخونين الي يتمنى راحتج بسفرج وغيره

وشوفي هذا لمن قال لج زوجتي وكيفي افكر فيها يعني يدافع عن زوجته وما يدافع عنها الا وهو يحبها

وتخيلي انه يحب زوجته وانتي بعد يقول يحبج تتوقعين راح يفضل الي بالحلال عليج انتي الي من ورا الناس يشوفج

ومستحيل يثق فيج لو مهما صار لازم تنسينه وتذكرين كل شي يصدج عنه

حتى لو بتتألمين وتبجين أبجي بس لا تفكرين بالحب قسي قلبج وراح تنسين

حاولي تشوفي تصرفات زوجج الحلوة وتكبريها بعيونج وبتحبينه

شوفغي تقدير زوجج وخوفه على صحتج وقال لج سافري غيري جو وحنانه

شتبين بواحد فوق الوقاحه الي سامح لج تسوينها بدل ما يردج عن الغلط

يصارخ عليج ويقول زوجته وكيفه اذا زوجته ويفكر فيها ليش يطلع من وراها

لا تهدمين حياتج عشان انسان لا يمكن انج بتحصلينه مثل ما تبينه قبل الـ 10 سنوات ذول

لكل مرحله عمرها ولا تفكري ان القلب ما يحب غير حبه الاول هذي قصص القلب يحب غير حبه لا غاب عنه

وهذي نصايحي لج ويارب ما ثقلت عليج

حبيبتي احمدي ربك الي ستر عليك هذا اولا
ثانيا نعمه من ربي ان زوجك انسان طيب ويعاملك بالحسنى وان الله رزقك منه ذريه
يعني مو الي بتقولين والله زوجي طبعه شينولا شكله شيفه
المساله وما فيها انك موجه عواطفك ناحية انسان ما يستاهل ابدا هالعواطف والشعور
وجهي هالعواطف وبكل قوه لزوجك حسي بالحب من تصرفاته ومن حرصه عليك وانه يخاف الله فيك
ولا تنسين اهممممممممممممم شي الدعاااااااااااااااااااء لله سبحانه وتعالى
ادعي ان الله يسخر لك زوجك((ويسخرك انتي لزوجك)) وانك تكونين قرة عينه وقلبه وهو قرة عينك وقلبك
وفكري لو كانت الادوار معكوسه وكان زوجك الي يقابل وحده او يكلمها راح تشتعل الغيره فقلبك انه مبسوط مع انسانه ثانيه ويحبها لا تقولين عادي انا ما احبه علشان اغار لا
لكن انتي لانك عارفه ان زوجك يحبك انتي فمتطمنه من ناحيته
اتمنى انك فهمتيني
صدقيني انا اتكلم لمصلحتك واني احبك فالله
الله يسخرك لزوجك ويسخره لك وتكونون قره اعين لبعض
اختك حزوونه

عزيزتي أشعر بتمزقك النفسي،وكان الله في عونك في هذه المشكلة التي جرتها إليك أنانية أختك
لكن أريد أن أقول لك الآن ألا تظني أن قلبك توقف بحبه عند حبيبك الأول الذي لم تجربي عشرته الزوجية،والذي
ربما كان من الخير لك ألا تفعلي،وأن تتزوجي من هو أفضل منه في هذا،فهناك من الرجال من يكون رائعا في الحب،ولايكون كذلك في الزواج حيث الحقيقة الواضحة والمسؤوليات.

وتأكدي أنك إذا أردت أن تمحيه من قلبك فستستطيعين وإن استغرق هذا وقتا،فقط أريدي
وإذا تخلصت من هذا الحب سيكون مجال للحب المتعقل الهادئ الذي يستحقه زوجك المخلص الذي اختاره الله
لك.

أخيرا أحب أن أذكر أن السعادة صناعة، يضيعها من لا يجتهد لها.

دعواتي لك

ياناس لاتلومونها لأن الحب يعمي الإنسان الي مرت بتجربة حب احس مابتلومها وخاصة هي ضميرها يعذبها000 انا اقول مع الدعاءوالنسيان بتصيرين احسن واقوى الله يكون بعونج

بسم الله الرحمن الرحيم

اختي الخــــــــــــــــــــــــــــايـــنه

أنا طبعا ما قريت ردود البنات لأنها كثيرة بس الي احب أقوله لج انه الشخص الي حبيتيه مو أهو الحقير انتي الحقيرة وهو ما سوى شي غلط ، ريال يشتاق حق مرته ريال يعرف يقدر أهلا حتى بهذي ماتبينه يقدرها مع زوجه اعرفت تصون له عشرته وتحفظ حرمته بغيبته ، مو مثلج الي خنتي زوجج وولدج مسكين الضحية ، وهم تبين تدمرين بيت الرجال ، وقبل كل هذا خنتي ربج ودينج ، لاحول ولا قوة إلا بالله .

حقا اذا لم تستح فاصنع ما شئت أسأل الله العظيم لنا الثبات والأمثالك من الخونه وهدامات البيوت بالتوبه .


سلام.

أطلب من جميع الأخوات أن يخلصن بالدعاء لها بالتوبة
ولو لم تكن نادمة وتريد التوبة لما كتبت هذه الكلمات
فنحن مجتمع مترابط ونأخذ بيد المخطئ حتى ينجو
فأسأل الله العظيم رب العرش العظيم أن يغفر لها ويصلح
حالها وحال نساء المسلمين.
وأوصيك يا أختي بأن تكثري من الطاعات وقراءة القرآن
ولا تعطين الشيطان فرصة بأن يذكرك بالماضي

ولكل من كتب في الموضوع له التقدير

الغالية سامحيني راح اكون صريحة وياج
انت فتحت باب الشيطان اولا واخيرا معقولة انت متزوجة وتفكرين في رجل ثاني ليش الزواج ومتزوجة وولد وعندج شو تبين الخراب تبين تشوفين نفسج فالشارع ما حد يحب حرمة متزوجة الا ادا كان يباها لنزوات شيطانية اتقي الله لو يحبج فعلا ويتمنى لج الخير راح يخليج تعيشين سعيدة في بيتج ويا عيالج اما انه يحبج ويخاف عليج هدا حرام وانت انسانة حبتي نفسج وايد فكري فالريال اللي فاتح لج بيته واسمه وسمعته ما فكرتي لو هو في سيارتج وياته سكته قلبيه شو بتتصرفين ولا هي الحياة بس مسخرة ارجعي لبيتج وغيري تلفونج واعتبريه لحظة وطافت وكوني قوية في مشاعرج مشاعرج حق ريلج خليج انت الام المثالية اللي تربي اجيال وتحافظ على بيتها نصيحة اخت الشارع في مليون بينية واللي تصدق واللي ينضحك عليها واللي حاسة عمرها حلوة وعليها اقبال ومغرورة بس هدا كله اختبار من رب العالمين يا اختي الفاضلة انت ام وزوجة حافظي على هدية اللله لان اللي عندج ممكن مليون وحدة تتمناه بس ما عندها اخاف عليج بعدين تندمين ادا حاولت ترجعين انسي وطوي الصفحة وعيشي الحب الحقيقي حب الزوج والبيت والحياة السليم والله يهدينا ويهديج ويوفقنا لما فيه الخير لنا ولجميع بناتنا بادن الله

تعوذي من الشيطان وهذا مو حب اساسا هذا مجرد شعور شيطاني
وانتي اللحين الله ستر عليج مع ريال زين ورزقج طفل تبين تزيلين نعمتج بيدج
والله حرام
اختي
غيري رقم جوالج ولاتعطي لاي احد حتى لو اضطر الامر انو ماتعطيه حق اختج اذا في بينج وبينها مشاكل
واستمري على قيام الليل
ولاتسمحي لنفسج تتذكري اي لحظه حلوه على كولتج بينج وبينه
وتذكري بس اللحظات المب زينه والل هانج فيها عشان تكرهيه وتنسينه
اهو لو يحبج صج ماجان تزوج غيرج ولاسمح انج تاخذين غيره
العمر قصير يااختي والله يحاسبنه على كل شي فيه ونفسنه في هالدنيا فرصه عشان نعدل حياتنه
لاتستسلمين للشيطان
وتوكلي على الله
وماخاب من توكل على الله
بس لازم تكوني صادقه مع نفسج ثم مع ربج وتذكري انو حساب المتزوجه ضعف العازبه يعني خافي الله وراعي زوجج وولدج
والله يريحج وينجيج وينجي بنات المسلمين من براثن الشياطين