خنت زوجي ..وضايعة

حبيبتى شيلى صورة ابنك

أنا بعدني مصدومة

اتريوني اشويه عسب اهدا و اعرف اكتب

الله يفرج همك يارب ويساعدك توبي الى الله واكثري من الاستغار والصلاة والدعااااااااااااااااء
والله يهديكي يارب لا تنسي الآخرة والحساب امام الله تذكري الجنة والنعيم في الآخرة وتذكري ان الله غفور رحيم توبي وادعي من كل قلبك كوني ملحة في الدعاء صادقة واحمدي الله واشكريه على النعم الي انتي فيها
ياااااااااارب يفرج كربتك ياااااااااااااارب

حبيبتى اللة يهديكى بس بقولك لو هو كان يحبك كان اتصل وعرف الموضوع قبل ما تتزوجى اصلا واحب اقولك حتا لو ما اتزوجتى عن حب زوجك اكتر حد يحبك صدقنى الحقى نفسك قبل ما تندمى بجد اذا مو عشانك عشان ابنك

ماتوقعت إنه الموضوع راح تكثر عليه المشاركات ...
أولا شكرا لكل من نبهتني ع صورة ولدي لأنه من الضيقة مانتبهت ...أنا قريت المشاركات كلها مرة وحدة ففي شغلات حابة أوضحها الله يعلم إنه رغم كل شي عمري ماجرحت زوجي بكلمة ولاغثيته بشي مو مدحا في نفسي إنما هذا راي الجميع الله عطاني جمال أحسد عليه مستحيل أحد شافني وقال هذي معرسة وطبعا هذا كله عشان زوجي إهتمامي بنفسي لجله هو مو لغيره ، بالنسبة للدلع والدلال فهو متبادل بين الطرفين شو ماتتخيلونه سويته لزوجي وقفت معاه فأشد ايامه وقفة محد من خوانه وقفها وغيره وغيره وهو يستاهل أكثر من جي ...

في أحد قال اتخيلي لو زوجج سوا هالموقف والله العظيم ان أتمنى ريلي يشوف وحدة ثانية تبادلة الحب لأني تعبت من التمثيل وأبي يستانس بحياته طبعا هالكلام قبل لا أنصدم بالحثاله اللي ضيعت عمري عشانه بس الحين أنا متمسكة فيه لأبعد الحدود مو مهم يكون في حب المهم أحس بالأمان وراحة البال .

زوجي أنا امسافر صارلة سنه وبعد اللي صار قمت أطرشله مسجات حب وشوق والله إني مفتقدتنه ومحتاجة لوجوده وما أقدر أحط عيني بعينه

أما اللي قالت إني راح أخرب بيت النذل أنا ما خربت شي لو زوجته كانت انسانة راقية في شكلها ومظهرها وكلامها جان استحيت أدخل حياته بس اللي قالته أمي انها انسانه مسيطر وتحب اتبين انها البوس وجدامه الإنسانه الحنونه الطيوبه وأنا ما أحب المنافقين ومن شدة حبي له مارضيت وحدة مثل هذي اتشوف نفسها عليه

أما اللي عبالها إنه هو فكر في زوجي وزوجته وعيالنا وأنا ما فكرت بالعكس أنا الليل ما أنامه اللى بالحبوب من كثر التفكير فكرت أصارح زوجي وأقوله إني ما أحبه بس مارد أجرحه وما ريد أخسر ولدي وماريد أخون تعبت والله العظيم تعبت ولو ماكنت ندمانه جان ما كتبت امصيبتي ...

اللي تبى اتعرف أخباري ...بعد ما كتبت مصيبتي أخذت ولدي والخدامة واربيعتي وعيالها ورحت المول اتسوق غيرت جو وولدي المسكن غير جو ..

رجعت البيت وكلمت ارفيجتي اللي أعتبرها مرايا عمرها ماجاملتني ولا جذبت علي في شي صارحتها باللي فيني كلامها صحة القلب الميت اللي بداخي وشل البلادة ف مشاعري أخييييييييييييييييييييييييييرا بكيت أخيرا نزلت ادموعي مادري يمكن من هول الصدمة والتفكير على العمر اللي انقضى جمدني وجمد مشاعري كلامها يشبة الكلام اللي قلتوه وأقسى قفلت عنها وشفت ولدي يلعب حوالي أخذت بحضني وبجييييييييييت والله إني بجيت كيف رخصت عمري جذي شو هالنقطة السودة اللي ماراح اتفارق حياتي أبدا ؟
صليت وارتحت ..
الله يعلم والله شايف إني أكتبلكم وقاعدة أصيح ع نفسي واللي سويته ابعمري فقدت الثقة بنفسي وكارهتها كره العمه ودي الله ياخذ ابعمري وافتك .
آخر نقط اتكلمتوا عنها أغير رقم موبايلي المشكلة إنه الجهة اللي أشتغل فيها ماخذين رقمي واذا بغيره اميت لفة لازم ألفها وأخاف ريلي عقب يسألني عن سبب تغيير الرقم


بنات ادعولي الله يخليكم أدري أني ظلمت نفسي وظلمت أقرب الناس لي وأدري أنه اللي سويته أكبر غلط أتحاسب عليه الله يغفرلي ان شاء الله
والزعل اللي أنا فيه وهالجمود مب عشان تركني لأ ... عشان نفسي واللي سويته ابعمري رخصن نفسي واااااااااااااااااااايد وكيف أسامح نفسي ع هالشي كيف أعيش بليا كرامة داااااااااااااااااااايما كنت أقوله وأقول لزوجي أنا دااااااااااااااااانه نادرة محد يرخصني وقدري دوووووووووم عالي هه لكن الحين اشلون أوصف نفسي ؟؟؟ اشلون أواجه ريلي اشلون أبدا من يديد عمري ضاااااااااااااااااع حسبالي راح يبيع الدنيا عشاني ...مادريت إنه يبيعني عشان الدنيا ...

يارب اغفرلي وسامحني
خواتي ادعولي أبي أبدي حياتي وجني توني مولوده بس كيف والنقطة السودة امدمرتني ...

الشعور بندم هذي اول خطوه باذن الله في الطريق المستقم

عادي اعتبري نفسك مامريتي فيها من الاساس او زله وكل انسان يزل ويغلط

توبي لله وربي يغفرلك باذن الله افتحين صفحه جديده مع ربك اولآ ومع نفسك وزجك ثانيآ

الله يسعدك اختي ويوفقك ويكون بعووونك يااارب

صحيح يااختي حرااام اللي انتي تسوينه

هذا زوجك جنتك ونارك

وانا اتوقع مع العشرة مع زوجك راح ينسيك اهلك بس مو بس هذا اللي قاعد يلعب

احنا يالبنات والحريم ربي رزقنا بقلب مو لنا


الله يعينك

وصدقيني زوجك مافي منه واستغفري ربي وكفري عن ذنبك اللي اذاك واذا زوجك وهو مايدري

ماعندي لوم وعتب ومحاسبة كثر ماقالوا البنات

بس ابي انصحج تستغفرين يوميا وحاولي تكون الف مره فاليوم وترى سهله خصوصا بالمسباح

قولي " ستغفر الله الذي لا اله الا هو الحي القيوم واتوب اليه "


وامحي هالتجربه من راسج هالانسان اهتم بحرمته وراعاها وباعج يعني مستحيل يكون يحبج او يفكر فيج

شيليه من بالج

وحبي حلاااااااااااااااااااااااالج زوجج ولدج هذول اللي فحبهم اجر واللي يستاهلون


والله يعنيج ويفرج كربج

حاولي تتقربين من ربج اكثر واكثر صدقيني مافي راحه ونسيان للهم الى باللجوء لله

واشغلي وقتج بشي مفيد عشان ماتفكرين وتكتئبين ادخلي تحفيظ قران روحي مجالس ذكر صدقيني كل ماشغلتي

وقتج بشي مفيد وزين وكنتي مع صديقات يساعدونج ويساندونج على الخير بترتاحين وبتفشين من ضيقج بسرعه



والله يطمنج ويتوب عليج ويغفر لج ويعوضج خير

اله يسهل أمورك واجتهدي بالدعاء في هالشهر

ام عبدالعزيز

انصحج بعمرة عاجلا غير اجل
حزنها صيحي
توبي
فظفظي الى الخالق
لان اللي سويتيه شي كبيييييييييييييييييييييييييييييييييييييييييييييير
اسال اللله ان يهديج
و يتقبل توبتج

ف يصدري كلاااااااام واااااااااايد
ب سوااايد تعبت و انصدمت يوم قريت سالفتج
ف عشان جذه احس اني مش قادرة اعبر او اقول شي غير اللي قلته

و ما املك الا اني ادعيلج

اللهم اغننا بحلالك
اللهم اغننا بحلالك[/COLOR]
اللهم اغننا بحلالك[/COLOR]

ام عبدالعزيز

انصحج بعمرة عاجلا غير اجل
حزتها
صيحي
توبي
فظفظي الى الخالق
لان اللي سويتيه شي كبيييييييييييييييييييييييييييييييييييييييييييييير
اسال اللله ان يهديج
و يتقبل توبتج

في صدري كلاااااااام واااااااااايد
بس وااايد تعبت و انصدمت يوم قريت سالفتج
ف عشان جذه احس اني مش قادرة اعبر او اقول شي غير اللي قلته

و ما املك الا اني ادعيلج

اللهم اغننا بحلالك
اللهم اغننا بحلالك[/COLOR]
اللهم اغننا بحلالك[/COLOR]

مار راح ازيد على كلام الاخوات ونصابحهم بس بقولك اختي العزيزة ربي يتوب عليكي ويثبتك ويربط على قلبك..وقبل اي شي لابد تستشعري التوبة وتحسي بتأنيب الضمير على هالخيانه وتجاهدي نفسك انك ما ترجعي ابدا لهالعلاقة..توكلي على ربك واكثري من الاستغفار والدعاء والذكر وروحي زوري المستشفيات والمرضى..واذا قدرتي تحضري بيوت عزا روحي صدقي هذا علاج لكل هم وحزن دنيوي ربي يفرج همك ويريح بالك ويشفيكي من هالباء لان هذا الحب فتنه وابتلاء نسال الله العفو والعافيه..

أسماء زكي الدين;4418480:
لم أستطع إلا أن أقول ما لدي - كلمة حقة ...


أكرمك الله بكل ما تتمنى جزء منه أي واحدة ...


زوج طيب وعطوف وأكثر من ذلك يشعر بك


طفل ربنا يحفظه - كثيرات يتمنين ظفره


وظيفة غيرك يتنظرها من سنوات طوال


عادات وتقاليد إذا في مجتمعك نصارى سيلتزمون بها


وقبل هذا وذاك دين سامي علمنا الفرق بين الحلال والحرام


وواضح أنك لا تعانين من أي مشاكل مادية أو اجتماعية


لكنك تبحثين عن فضيحة لنفسك تقضي على كل ما وهبك الله من نعم


فيبدو لي أنه ولكل ما سبق لم يهن عليك أن تستمتعي بما وهبك الرزاق .. فخرجت ضاربة بكل ما سبق عرض الحائط وبحثت عن علاقة محرمة وتركت ما يثيبك الله عليه ...!!


والآن تخيلي إن علم زوجك بما تفعلينه ... هل تعتقدينه سيسامحك؟ وإن فعل هل ينسى لك؟!


أكيد لن يفعل وإن فعل فسيكون أمرا جلل.

تخيلي إن عرف بأفعالك وأخذ ابنك وطلقك ثلاثا - والعياذ بالله - لن تستطيعي الحصول على حضانة ابنك أبدا لأنه سيثبت سوء سلوك طليقته ...


تخيلي إن عرف الناس من حولك - أصدقاؤك .. هل تعتقدين سيستأمنوك على بيوتهم وعلى أسرارهم؟!


تخيلي إن عرف زملاؤك في العمل ورئيسك .. هل سيبقون عليك في مكانك؟!


تخيلي إن عرف ابنك ذلك بعدما يكبر ... هل سيكون فخورا بأمه المدرسة التي تعد شعبا طيب الأعراق؟!


تخيلي إن عرفت أمك وأخوانك .. كيف ستكون نظرتهم لك؟!


تخيلي إن عرفت زوجة ذلك الرجل الذي أفاق من غيبوبته وما ذلت تحاولين محاصرته غير آبهة بسمعتك ...

ستهدمين بيته وحياته وبيتك وحياتك ...


ولن تستمتعا بحياتكما أبدا


احمدي الله أن علاقتك به لم تكتمل من البداية فقد أراد لك الله عيشا كريما طيبا تبدأيه حلالا كريما ...




استيقظي أختي قبل أن تفيقك صدمة لا ترد ما فات وتعضين أصابع الندم ما حييتِ ...



لم أذكر لك ما فات لأؤنبك ... لكني أحببت أن أضع أمامك عدة نقاط ونتائج قد تكون غائبة عنك لعل وعسى أن تفيقي من غيبوبتك ...

اختي

انتي ضيعتي نفسك كثير


خنتي زوجك

خلاااااااااص انسيه انسسيه

روحي العمره مع زوجك

فتحي صفحه جديده

شغلي قران غيري رقم جوالك عشان مايكلمك امسحي رقمة ومسجاته من جوالك

امسحي كل ذكرياته

كل ماجا على بالك حاولي تتقربين من زوجك اكثر

اذا كنتي متضايقه روحي بحضنه

روحي عنده سولفي معاه اطلعي معاه غيري جو
خلي علاقتكم اقووووى

واذا عجبك ردي ادعي لي الله يسر اموري مع اللي ابيه

الله يعيييييييييييييييينك البنات ما قصرو خذي بكلامهم

و انا معاااهم في كل كلمة

بس انتي لازم تقسي على نفسك و تطلعيها من بؤرة الشكوك

و الخطأ

الله يفرج همك اختي

حبيبتي انا ما ابغى اكون قاسيه عليكي
غيرك يا عمري يتمنوا انه يكون معاهم زوج طيب و يحبك وانتى تفرطي فيه كذا و تخونيه ؟؟ والله حرام عليكي
الصراحه اللي يحبك راح يعمل المستحيل لين يتزوجك مش يروح يحب و يتزوج غيرك و يقول انه ضحى علشانك كله كذب والله صدقيني كله كذب .
الله اعطاك زوج لا يحسد عليه واللي غيرك يتمناه فلا تخربي زوجك و حياتك بايدك في لحظه طيش
رجعي لزوجك و حطيه في حباب عيونك ترا ما راح تلاقي غيره
ترا الله يحبك لانه صحيتي قبل ما خربتي بيتين بيتك و بيتك حبيبك المزيف

الله يهديك ..

ماراح ازيد على كلام البنات ماشاء الله جميعهم ماقصروا بس لازم الوحده المتزوجه قبل ماتقدم على اي شي على اي خطوة حتى لوكانت بسيطه في نظرها لازم تحط في بالها زوجها وتحسب له الف حاسب وتتخيل ان لوهو الي سوا الفعل الي هي جالسه تفعله هي بترضى والا لا " حتى لوكان هالفعل بسيط مثل النظرالى رجل آخر غريب "الي بينك وبين زوجك يااختي مو لعب او كلام فاضي الي بينكم عقد وميثاق شاهد عليه رب العالمين وبموجب هالعقد عليك واجبات وحقوق اتجاه زوجك ابسطها انك تحافظي عليه وعلى سمعته وعلى بيته وماتخونينه وعلى فكرة ممكن تكون الخيانه حتى بمجرد انك تفكري بشخص آخر ياحرمه حراام الي انتي جالسه تسوينه تخيلي لو زوجك هو الي جالس يخونك يكلم وحده على التلفون والا يطلع ويتقابل مع وحده ثانيه غيرك وعلى فكرة الرجال مستحيل يبين عليهم انهم يسوون الغلط ممكن يطلع منك ويقولك رايح لواحد من اصحابي وهو رايح يقابل وحده والا يبات معها انا مااسيء الظن بزوجك بس انتي حطي في بالك ان ممكن ربي في لحظه يسلط على زوجك وحده تلعب عليه كعقاااب لك من رب العالمين ولا تنسين المقوله المشهورة " دقة بدقه ولو زدت لزاد السقه " ولا تنسن بعد ان الله عزوجل يمهل ولا يهمل الله امهلك كثير وعطاك وقت للتوبه والرجوع عن الخطا انتبهي على نفسك واستغلي هالمهله ثانيااً وبيني وبينك الوحده اذا عندها زوج ومرتاحه معه ليه تجلس تبحث وتدور عن شخص ثاااني انتي شلي تبينه بالضبط زوج وعندك وحب وعندك وطفل وعندك ..!! شلي قاصرك وتبينه من هالرجال ..!!!


المهم وخلاصه الكلاااام ..احين حنا بشهر فضيل توبي اولا الى الله ثم تضرعي له بهالشهر الفضيل انه يتوب عليك ويغفر لك ويرحمك ويستر عليك وجوالك مثل مااقالوا لك البنات غيرييييه وهاذي الخطوة اتخذيها اليوم قبل بكرة وماتحتااج اي تردد ..

الله يهديك ويهدينا اجمعين ويستر على بنات المسلمين اللهم آآآمين ..

الله يعينج اختي .... حاولي تنسين ... وصبري عمرج واحتسبي الاجر عند رب العالمين ....


عيشي حياتج مع ريلج وولدج وغيري رقمج وحاولي ما تفكرين فيه واااايد وخليه نفس السحابة اللي تمر مرور الكرام





روووووووووووووووز

تدرين أختي ليش تحسين ببرود وصايره خاليه من المشاعر؟؟؟

لأنج مو ندمانه وماحسيتي بتأنيب الضمير


أنا اللي فهمته من كلامج إن ندمانه إنج كلمتي هالشخص مو لأن فكرتي في زوجج وولدج،، بس لأن هو باعج

رجعي إلى الله وتوبي وحسي بالندم من الخيانه وطلعي اللي في قلبج لله تعالى رجعي له بقلب نادم واستغفري وان شاء الله الله يفرج كربتج