شعر لامع صحي كثيف والكل بيقول شعرك تغير (مع بنت الغالي) .. (تمت اضافة تجارب العضوات)

ريمه;4514909:
الله يوفقك
مشكوررررررررررررره على الخلطة وان شاء الله ابجربهااااااا

عندي سؤال لو سمحتي لي
هل المحلب مطحون والا حب ؟؟؟؟


تحياتي لك

'..:||[ الزين نجـدي :
||:..;4525570']جزاااااااااااك الله خيررررر

بنت الغالي;4417970:




مرحبـــــــــا الغاليات


طبعا هذي اول مشاركه لي بقسم العنايه بالشعــر





واغلب الي يعرفون بنت الغالي يعرفون اني ما أحط شي الا مجربته كذا مره قبل لانقل تجربتي


ولاني احبكم وايد وايد وابي لكم الخير قررت اني اشارككم اليوم بخلطه للشعر ...


هالخلطه خذتها من وحده من هلي ... انا لاحظت تغير شعرها حيث انه كان خفيف وقصير .... لكن سبحان مغير الاحوال اخر مره شفتها فيه كان طويل وغليظ ( ماشاءالله تبارك الله )

طبعا هي ماقصرت قالت لي عن خلطتها ولان انا شعري يعاني تساقط فقررت ابدأ فيها

استخدمتها لحد الان 9مرات ... بمعدل 3 مرات اسبوعيا ...
والنتيجه وااضحه وضوح الشمس

1- لمعه في شعري
2- التساقط خف بنسبه كبيره
3- بديت احس بكثافته
4- طول مع اني قاصته من اقل من شهرين لكن الحين القصه راحت




طبعا الخلطه كل مكوناتها ممتازه .... وعلى فكره انا ما كنت أؤمن بالخلطات الا لما شفت النتيجه وناويه استمر باذن الله

مكونات الخلطه

[COLOR="DarkOrchid"]1- علبة كامله زيت اللوز الحلو ( للشعر )



فائدته : مفيد جدا لمشكلة تساقط الشعر


2- علبة كاملة زيت خروع


فائدته : مفيد لكثافة وتطويل الشعر


3- نصف علبة نارجيل ( من العطار النارجيل الاصلي علبته صفراء مالقيت صورته لكن بحاول اجيبها )



فائدته : نعومه ولمعه وكثافه


4- نصف ملعقة صغيره محلب


فائدته : تطويــل الشعر


5- نصف ملعقة ملح


فائدته : يعمل كمنظف ومطهر للشعر وحافظ للخلطه




تخلطين كل المقادير في علبه وتخلينها مدة أسبوع كامل ... وبعدها تبدين تستخدمينها .... انا انام فيها بس المتزوجات يمكن صعبه عليهم ممكن تخلينها ساعتين على شعرج

وعلى فكرة احلى شي فالخلطه مالها ريحه أبدا الا اذا حطيتي خشمج في العلبه هههههههه :21_131:




نصائح متفرقه :
1- التزمي بأكل الخضار يوميا ولو انتي ماتحبينها على الاقل صحن سلطه كل يوم وهذا الشي انا بديت فيه ومتاكده انه ساعد شعري انه يتغير
2- كل يوم الصبح لماتحين دلكي فروة شعرج لتحفيز الدورة الدمويه وتنمية بصيلات الشعر
3- أثناء تدليك الشعر بالزيت احرصي على التدليك بداية من جذور الرأس واماكن الشعر الخفيف الى الاطراف
4- للي حابين يطولون شعرهم لماتزيتين الشعر اعملي ظفيره لانها تساعد على التطويل



أتمنى من أي بنت تجربها تكتب تجربتها يوم من الايام .... وان شاءالله باذن الله انكم تلاقون نتيجه مثلي وتنبسطون .... انا بديت فيها مثل ماقلت لكم وناويه اكمل لاني فعلا شفت نتائج مرضيه .....




الله يجزي صاحبة الخلطه كل خير ويرزقها بالذرية الصالحه


دعواتكم لها ولي بعد 


لا أقبل بنقل التجربه بدون ذكر المصـــدر




دمـــــــتم بخــــــــير [/COLOR]