شخباركم خواتي
بناءا على رغبه الكثير منكم في انهم يشوفون مكياجي ولعيون اختي
( صبح وليل)
حبيت اراويكم اللي عندي ....
يالله نبدا
بسم الله الرحمن الرحيم
اول شي صوره جويه جماعيه للكومه اللي عندي


الحين دور الفاونديشن

طبعا ماركه جيرلان (ديفينورا) بتشوفون عندي منهم اكثر من واحد والسبب انهم بيغيرون الكولكشن وبيزلون شي يديد بتشوفون صورته والصراحه اكثر شي ناسبني فقلت الحق ما تحلق

من اليمين
ماكس فاكتور حلو حق الدوام
ماك سبراي خفيف وتغطيته حلوه
ديفينورا الترا مات تغطيته ثجيله والحلو فيه انه يثبت

ديور تغطيته حلوه واكثر من رائع
استي لودر روووعه
ايف سان لوران مول ما عيبني

من اليمين
شارمل تعبئه لونه طبيعي مايل عالوردي رووعه
ديفينورا رهييييييييييييب
etre belle روعه خذته من السعوديه
رد ايرث عادي
شارمل لونه طبيعي مايل عالبيج روعه
البودرات المضغوطه والعاديه


من اليمين
ايف سان لوران بودره برونزيه ما جربتها
جيرلان ديفينورا الشكل اليديد برقم يديد وحجم اصغر وسعر اغلى ما جربتها بس مدحتها الحرمه وايد
ماك مول مب شي

1-بودره من لانكوم برونزيه تعطي لوك حلو
2- ديفينورا من جيرلان عشقي
3- دبل وير من استي لودر ما جربتها
4- HR بودره عاديه بس حلوه
5- ستوديو تش من ماك ما عيبتني بس ما ادري ليش خلصتها
6-بودره من بيير كارديان لا باس بها
7-بودره من رد ايرث زوينه

فالصوره بتلاحظون ان في بودرات مخلصه عندي وانا ما عقيتهم والسبب
لو تدققون بتشوفون علبه سوده عاد انا شو اسوي ايمع البودرات اللي تقريبا مخلصه واطحنها واحطها فالعلبه وجذيه احصل على لوز باودر
((فكره جهنميه))
























