ام زوجي طيبة ولكن......

السلام بنات انا جديده فى المنتدى مشكلتي هي عمتي (ام زوجي) تبي تتدخل فى كل شي بحياتنا وللعلم هي زوجة خالي وعل قولتهااتحبني وتموت علي اكثر من بناتها بس ما ادري يعني الحين انا زوجي مسافر اتصدقون ان مفتاح ملحقي عندها بحكم اني ساكنه عندهم بخجة اني بفتح المكيفات وبنظف المكان بين الوقت والثاني ولم اقول لزوجي يقول معليش اسكتي عنها لا تعطينها بال ولم اجي ابي اخذ شي من حجرتي ولا انا ابي ارتبها لازم هي موجوده كني بسرق شي وهي بنفسها تنظق لي الحمام اله يعزكم وتخم الزل(ولين جا زوجي )تقوله انا اللي سويت وحطيت ((حتى حمامك انا اللي نظفته))وهو يقول لي اذا امي تبي اتعب نفسها خليها على راحتها لانه هو بنفسه احيانا كلامها يغثه واغلب كلامهامقارنات بين عيالها وعيال خواتهاوالصراحه اذا مصختها زوجي مايسكن عنها وبعدين يندم وانا اللي اقوله معليه استحمل هذي امك وانت البكر لكن الله يهديها ما تفهم واذا طلعت عند خواتها او كان عندهم مناسبه لازم تجرجرني معاها وانا الصراحه ما احبهم ولا اشتهيهم وزوجي يدري عشان كذا قال لها لا تجبرني على الروحه والحين الاخت تبي اتسمي البيبي على كيفهاوانا منبهتها من قبل والحين زوجي يقول لي يبي يسمي عليها وانا مابي يقول لى احترام okما قلنا شي بس اسمها قديم سمعتوعن المثل اللي يقول(ام الروازن ودوها بيت الغنا ما تغانت)؟؟؟؟؟؟
هذى هي حتى هدية عرسي ما عطتني وتسال ابج وش جاب لج واخوج وش عطاج
في خير ونعمه واتشوف اللي عند غيرها لا زوجي كم عطاني مصروف الا متى رقدنا فى ليله حملت حتى سريري اتغير فرشته واتشوف اللي تحته واعتقد يا المتزوجات انتو عارفين شقصد
انا وزوجي متفقين من البدايه ان محد يتدخل فى خصوصياتنا وعلى فكره هذا كان شرط ابوى في عقد الزواج ان امه ما تتدخل فيني لانهم يعرفونها لكن من اتكلم والحين كل ما قلت له شي يقول امي تقول وامي تقول لاتها تتصل فيه واتعبي راسه
امانه قولو لي وش اسوي معاه ابيه يسمعني انا بس ووش اسوي معاهاالله يعيني عليها بعد الولاده كل يوم متنقعه عندي ما تبي شي يفوتها:poster_dev: