متى استخدم وسادة لولدي ؟؟

للرفع

انا من ولاده بنتي حاطه لهااا وسااده ......... غريبه يعني ينام بدون وساده ولدش


ويااليت تفسرين لي ليش ما تحطين تحت راسعه وسااده

وتشااو حبيبتي

حبيبتي لازم تستخدمين له وسادة من الولادة على طول

ابداي من اليوم حطيله وسادة صغيرة ينام عليها

من اول ماتولدينه لازم تحطين الوساده:)

بس انا اللحين ولدي فديته واااايد يتحرك فلنوم ومايتم محله واخاااف احط له الوساده اخاف اتيي فوقه وله شي لاني جربت احطها اولشي بس ينام فوقها تالي يروح محل ثاني يعني مامنها فايده

حتى البرنوص اخاف منه يجي فوقه او يتلوت عليه من حركته ماشاءالله بس شاسوي لازم البرنوص

بييييييه اخجلتوني !!

صراحة عايلتنا جذي مايخلون وسادة للجاهل ابدا .. و خليت اول ما ولدت ولدي و قالو لي اشيلها لانها تضره مادري شقالو !!

مشكورين حبيباتي و خلاص راح اخلي له وسادة .. اريح له بعد .

صح كلامهم تضر الطفل وتجيب له بلاعيم بس سن ولدش حاليا مناسب بس لاتكون الوساده رفيعه علشان لا يصيبه التهاب بلاعيم او ادن

الوسادة غي بدايه اشهر الطفل تاثر على العمود الفقري

بس انتي الان حطي له وسادة لانه تعدى مرحله الخطر

انا ما استخدم الوسادة لعيالي الا لما يوصلون 5-6 شهور تقريبا ،، وما شاء الله ولدج اكبر من ولدي الصغير وانا صار لي فترة من قمت احط وسادة تحت راسه خصوصل لما يكون مزكم علشان يقدر يتنفس احسن ،، فكنت استخدمها له احيانا من يوم صغيييير بس لما ما يكون مزكم انومه بدونها



:21_207:

والله انا بنتي عمرها دحين اربعة اشهر دوبي الي بدأت احط تحت راسها مخدة طريــــــــــــه قبل كذا لا

لاني كنت اخاف قالوا لي فيها مضرة على رقبتها


بس برضوا لما احطها تحت راسها تتحرك وتنزل راسها من فوق المخدة

الوسادة في بداية الولادة تكون خطرة وتأثر على العمود الفقري، بس بعد الست شهور مامنها مضرة،، أنا ولدي بديت معاه من الست شهور بس ليومكم ذي ماينام على وسادة، ليش؟؟؟؟؟؟
أنه يتقلب ويلف لف في السرير ومستحيل ينام بوضع معتدل الليل، يعني لو حطيته على الوسادة بالوضع العادي آتفاجأ أن راسه مكان ريله او بالعرض...

ممكن تستخدمي الوسادة من بعد السنه الاولي ،،، وليس قبلها لانها ممكن تعمله مشكله في الظهر

انه شريت لولدي وسادة من اول ماولدته بس تكون نازلة بالوسط

شوفي مهب لازم تكون الوسادة تحت راسه

بمعنى انه تحطين شي مثل لحاف تحته وتحطين المخدة تحته

اتمنى اني وصلت المعلومة


تحياتي
همـــس

مرحبا اختي

الوساده لا يحتاجها الطفل حتى السنه الاولى من عمره..بالعكس تكون خطره عليه وعلى رقبته و عموده الفقري...وممكن لا سمح الله مع حركته وتقلبه تكتم نفسه...اذا كان مثلا مزكم او انفه مسدود ممكن ترفعين المرتبه من الطرف اللي يحط عليها راسه بانك تحطين تحطين تحتها شي بحيت تصير مايله..لكن وساده الاطباء ما ينصحون ابدا...
ولدي كمل السنه و لين الحين ما يحتاجها لانه يتقلب و ما يحط راسه عليها ابدا :)

مشكورين بنات على تفاعلكم ..

شفت بالردود آراء متضاربة يعني نصحتوني بالوسادة و بعد حذرتوني منها ..

البارحة خليت لع مسادة خفيفة يعني تناسبه و مثل ما قلتون ماثبت عليها بس اصحى من نومي

و اخلي راسه عليها ..

اذا شف اي مضرة بشيلها ..

و مشكورين ..

انه استخدمت لبنتي لما صار عمرها 4 اشهر

انا ولدي حالة استثنائية .. لانه في ارتجاع ويرجع وهو راقد .. وبسبب له اختناق .. ومن اول الاشهور كنت احط له المخدة علشان ترفعه .. لما يرجع (الله يعزكم) يطلع برع