مارأيكم بالظاهره الجديده//مكيــاج للعزا//...؟!!!

والله صادقة لما كنت فى عزى جدى الله يرحمه دخلت علينا وحدة بمكياج كامل برونزى تسأل عنى عشان تعزينى بعد ما خرجت الكل يسألنى منو هاذى وهى جايه عزى ولافرح والله يا بنات استحيت أقلهم (بنت حماي)

استغفر الله العظيم..

ليش الناااس صاروا كذا؟
ماعاد في احد يحس بالثاني؟؟
الله يكفينا شر هالدنياااا



شااااااااااااكره مرورك حبيبتي

من جد حركة باااااااااااايخة و مالها داعي

برضوا لما اروح لناس اعزيهم تصادفني اشكال زي كده

الحمدلله على العقل

في عزا أمي الغاليه الله يرحمها ويرحم أبوي وموتا المسلمين ويسكنهم الجنه.................


يت وحده والله العضيم مكياج كامل وردي مع الإكسسوارات والخواتم الكبار وكأنها سايره عرس بدون ادب ولا إحترام وتقدير لمشاعر اهل الميت خلاص كله كوم وكوم إلي يسولفون ويضحكون بصوت عالي ولا كأنه بيجي يوم الناس بيعزون اهلهم فيهم.......

الصراحة هاي فئة من البنات ما عندهم احترام لحد..
يعني نحنا يوم نسير عزى ناس غرب ما نتمكيج ولا نحط شي فيوهنا واذا صادف ونحن كنا متحنيين
نلبس قفازات اكراما لأهل الميت..
الله يرحم موتي جميع المسلمين.

الدنيا تغيرت لاحول ولا قوة الا بالله
عباءة للعزاء
مكياج للعزاء
نظاره شمسيه كبيره
للعزاء

حزن موت فراق
الناس متقطعه قلوبهم على فقيدهم
واهما كاشخين على اخر موضه
الله يهديهم

الكشخه والموضه ورائها الى متى



دمتم سالمين
اختكم شريفة

لا حول ولا قوة الا بالله العلي العظيم........


الحمد الله أنا ما مر عليه جيه أشكال ولا شفتهم ......

بس والله سالفه تحزن وتقهر بنفس الوقت يعني الي في خاطره أتسوي هاشي الأحسن ألها تيلس أبيتها معززة مكرمه ليش تحرق الناس بلبسها ومكياجها والناس منحرقة قلوبها على ميتها ......

أحيد الموات يكسر الأنسان مب يزيده تكبر وغروار على نفسه وغيره........

صح
كلامكم

انا لمن كنت لسلعني اتزوجت

روح عزاء وعلى اساس اني عروسه حطيت بس اساس وشويت مسكره ورووج فااتح وشوي احمر خدود

لا لمن رحت الاقي امي تخاصمني وتقولي اش سويتي في نفسك وانا لسه اول مرره اروح عزاء ماقد رحت بحياتي وماكنت اعرف شي >>غشيمه وبعدها اروح بس احط روح طبيعي واساس خفيــف مرره عشان اثار الحبوب الي بوجهي ماتبين وشكلي يطلع طبيعي

وبعدها خلاص اصلن احس باحساس اهل العزاء مساكين متحزنين عالي فاقدهم ويشوفون وحده ماهمها بالدنيا داخلها بكشختها مرستكه ومتانتكه

لاحول ولاقوة الا بالله العلي العظيم



ماعندهم ثقه في نفسهم ولا احترام للناس اللي رايحين يعزونهم

حبيباااااااتي..
اسعدني مروكن ومشاركتن معي...
وفعلااا اللي تروح العزا بمكيااااج هذه مسكينه ماعندها ثقه بعمرهااا..
وتجلس ببيتها احسن لهااا...لانه هذا في جرح للاهل الميت


شاااااااااكره مروكن خواتي

ما صارت عندي بس اكيد لا مب حلوه

شاااكره مرورك

غريييييب لم تصادفني اشكال كهذه

ولكن تظل حركه غير مناسبه

صراحه عيب لاحيا ولادين

وعليكم السلام ورحمة الله

ياختي الود ودج اصبي ماي حار على راسهم


انا بعزى ابوي الله يرحمه ما مر علي مثل هالنوعيه الكل كان محترم الميت واهله

بس شو ودج تسوي بوحده من اهل الميت وتستقبل الناس بمكياج كامل انا ما استوعبت المنظر و للاسف استقبلتنا واختفت ما لحقت انبهها


في بنات صغار يمكن ما تكون عندها فكره عن طبيعة العزا فالكبار لازم ينبهوهم

يا جماعه انتبهوا من اشيا اولها

المكياج

ثانيا اللبس مافيها شي لي كانت العبايه سادة اسود والشيله والله اعرف بنات ماكانوا منتبهين للشيله ان فيها لمعه قاموا وقلبوها ولانها سودا ما بيطلع الفرق الا للي قراب ما همهم اللي بينقد واللي بتتمسخر على المنظر
وبغض النظر عن شكل العبايه او الشيله بس لكل شي حدود يعني في شيل فيها زخرفه بس بسيطة ومو مبينه

مع اني اشوف الاسود السادة افضل

لكن اللبس الحفلة هذا عاد عيب

المساسر والسوالف الجانبيه والضحك ؟؟؟؟؟؟؟؟؟؟؟؟؟؟؟؟؟؟؟؟؟

رنات المبايلات اغاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاسئلة اللي يسئلونها حق اهل الميت .. كيف مات... ليش ما سفرتوو برااذا كان مريض.... منو اول من شافه ميت؟؟؟ منو اخر من كلمه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


احيانا بنات الميت او اهله الصغار يبكون بصوت مسموع شوي وندري ان النواح مب زين للميت بس البكا مافي شي لانه حزن على الفراق مب اعتراض على امر الله

فلا نقعد نحن على راسهم م مب زين ولا تبكي لانهم يعرفوا هالشي وبكاهم من زود الحزن .... الافضل نقول لهم ادعوله ولو عندنا دعا مكتوب ناخذه معانا ونعطيه لهم


لان البكا على ذكرى الميت يا بنات ما بينتهي الفراق صعب والذكريات اصعب


بعض الامور اصلاحها يبدى من البيت نفسه ومن اهل البيت الخوات ينصحون بعض

والاخوان ينصحون بعض

اللي بيحترم اهله بيحترم الناس شو ما كان الموقف عزا ولا عزيمه



والله لا يوريكم مكروه بعزيز يارب


تسلمين اختي على الموضوع ويالله البنات يعتبروا

لاحول ولاقوة إلا بالله العلى العظيم ربنا يرحم موتانا جميعا يارب

والله حاجة تكسف فعلا بس انا اللى اعرفه ان فى نساء يروحون العزا مع بناتهم من اجل الزواج:qaq:فرصة ال ناس تشوف البنت فلازم البنت تكون متأنتقة.

ربنا يهدى الجميع

اذكر يوم عزا اخوي الله يرحمه يت بنت تقرب لنا من بعيد لابسه هاذيج العبايه النقش من فوق لين تحت والكعب العالي لا احترام ولا هم يحزنون وتضحك هي والبنات الي وياها حسيت بيضيق فوق الضيق بس ما ققدرت ارد عليها او افشلها بحركتها الله يهديهم

الله يعين خواااتي

جزاكم الله خير ع المشااركه