كم رضعتي طفلكِ؟؟طفلتكِ؟؟

بالاول اشكرج ع الموضوع الحلو .:.: اما عن نفسي انا انا بس رضعته شهر واحد ولا شهرين يمكن
ليش...؟؟ لانه انا اخذ دوا .. ومب زين عليه .. وبعد لانه هو من رضع من اختي ما قان ياخذ منمن صدري خير شر ما اعرف ليش .. فاتعود ع الصناعي والحمد الله

الطفل الاول ::

كم رضعت طفلها؟؟؟

3 اشهر

ولمافطمته كيف كانت طريقتها في الفطام؟؟؟

ما اتبعت طريقة معينة .. الحليب جف بروحه

وكم الفتره اللي استغرقتها في الفطام؟؟؟

مثل ما قلت الحليب جف بروحه وانا كنت اعطيه رضاعة صناعية فلما شاف الحليب جف اتجه للصناعي من دون اي مشاكل ..

وليش فطمته هل تعبت ولا حملت ولا أيش؟؟؟

حبيت استخدم حبوب لمنع الحمل بعد ولادتي ولما رحت للدكتورة للاسف كتبت لي على حبوب غير مناسبة للرضاعة وسبب لي جفاف الحليب (w)

وكيف كانت ردة فعل طفلها بعد الفطام يعني صار عصبي ولا أيش؟؟؟

مثل ما ذكرت من شوي ان كان كل شي عاااادي وانا اللي نفسيتي تعبت الصراحة لما جف الحليب ،، والحمد لله لكن اني كنت اعطيه صناعي بسبب دراستي ولا كنت تعبت معاه اكثر ..




الطفل الثاني ::

كم رضعت طفلها؟؟؟

ما زلت حتى الان مستمرة معاه بالرضاعة الطبيعية وعمره 9 اشهر ،، لكني ايضا ارضعه صناعي ..

ولمافطمته كيف كانت طريقتها في الفطام؟؟؟

ما ادري للحين ما جربت ، لكن الحمد لله ما احس اني بحصل مشكلة لان يرضع صناعي والحليب اللي بصدري كميته قليلة نوعا ما ويعتمد على الصناعي اكثر ..

وكم الفتره اللي استغرقتها في الفطام؟؟؟

.....

وليش فطمته هل تعبت ولا حملت ولا أيش؟؟؟

الله لا يقوله واحمل وهو بعده صغير :2_106:

وكيف كانت ردة فعل طفلها بعد الفطام يعني صار عصبي ولا أيش؟؟؟

الله يستر لكن ما اتوقع تصير مشاكل من الفطام عن الرضاعة الطبيعية .. الصناعية ممكن لاني حصلت صعوبة شوي مع اخوه

كم رضعت طفلها؟؟؟
سنة وتسع شهور


ولمافطمته كيف كانت طريقتها في الفطام؟؟؟

عادي .... حطيت صبرة على صدري ... وقلت له انه فيني دم .... وصار يخاف ... وما يقرب يقول كخخخ


وكم الفتره اللي استغرقتها في الفطام؟؟؟
يومين اوثثة

وليش فطمته هل تعبت ولا حملت ولا أيش؟؟؟

حمل
وكيف كانت ردة فعل طفلها بعد الفطام يعني صار عصبي ولا أيش؟؟؟

في البداية صار مزاجه عصبي شوي وبعدكم يوم صار عادي أحسه ......

مساء الخير عني رضعت ولدي اربع شهور وفطمته مافيه اسباب بس منت استخدم كريم وبعدين انتبهت انه ماينفع المرضع تستخدمه

كم رضعت طفلها؟؟؟

ولدي محمد : رضعته 8 شهور

ومريومه : الين الحين ارضعها

ولمافطمته كيف كانت طريقتها في الفطام؟؟؟

محمد: من نفسه ترك وقام يلعب ما يرضع

مريومه : فديتها احيانا انسى ارضعها اتي وتشلح ملابسي

وكم الفتره اللي استغرقتها في الفطام؟؟؟

مثل ما قلتلج انا ما كنت حابة افطمه بس هو فطم نفسه كنت احاول اسبوع كامل بس عافني الولد

وليش فطمته هل تعبت ولا حملت ولا أيش؟؟؟

قام يعضني ويجرحني وكنت انزف .. وهو حضرته يضحك ويلعب بصدري

وكيف كانت ردة فعل طفلها بعد الفطام يعني صار عصبي ولا أيش؟؟؟

جنه العيد يستانس لانه كان ماخذها كعضاضه

اما مريومه ان شاء الله تاريخ 8/10 يعني في رمضان بتكمل السنه .. وان شاء الله الله يقدرني واكمل رضاعتها مع اني احيانا احس انها ما تشبع لانه حليبي وايد قل .. وكل شوي تنش تصيح فالليل .. فاذا ضلت على هالحال بضطر ادخلها الصناعي مع الطبيعي .. ان شاء الله ما يصير هالشي

اذا انتي حليبج يكفيها انصحج تكملين وياها انا حاسه بتعبج لاني اعاني نفس معاناتج ... بس لنا الاجر يالغاليه

مشكورين على مروركم الكريم


اختي بجعة


مريومه ان شاء الله تاريخ 8/10 يعني في رمضان بتكمل السنه

هذا نفس عيد ميلاد بنتي جود يصادف 15 رمضان

سبحان الله نفس التاريخ

ياترى متى انتي جبتيها الساعة كم يعني؟؟؟

خلنا نعرف مين أكبر من الثانية ؟؟؟؟؟؟


والصراحة انا بعد حليبي ماحسة كفايه من ابتديت أأكلها عدل في السادس خلاص صار الحليب يقل كل مااعتمدت على الأكل اكثر قل الحليب
والله انا ماودي افطمها لكن شسوي احس نفسي ماعندي طاقة تعبت خلاص!!!!!!!!!

الله المعين

هلا الغاليه

مريومه طلعت للدنيا عقب الفطور بساعه يعني على الساعه 7 وشوي تقريبا ..

والله ابا افطمها بس قلبي ما يطاوعني .. وقلبي ما يطاوعني اخليها تجوع ما اعرف شو اسوي يوم اعصر على صدري يطلع بس عقب شوي يوقف ..

وبالليل ارضعها ما تكمل ساعه الا ونشت مرة ثانيه .. تعتقدون من اليوع تنش ..؟؟

bj3a;4398403:
هلا الغاليه

مريومه طلعت للدنيا عقب الفطور بساعه يعني على الساعه 7 وشوي تقريبا ..

والله ابا افطمها بس قلبي ما يطاوعني .. وقلبي ما يطاوعني اخليها تجوع ما اعرف شو اسوي يوم اعصر على صدري يطلع بس عقب شوي يوقف ..

وبالليل ارضعها ما تكمل ساعه الا ونشت مرة ثانيه .. تعتقدون من اليوع تنش ..؟؟

هلا اختي

يعني مريومة اكبر من بنتي بـ 10 ساعات تقريبا :21_207:

لان جود طلعت للدنيا الساعة 5 و20 دقيقة العصر

وبنتي بعد مشكلتها تصحى من نومها كل ساعة ساعة إلا ربع

وتبغى ترضع الظاهر ان حليبي قليل عليها ومايلبي احتياجاتها المتزايدة كل ماكبرت

ولهذا قررت اني ادخل لها حليب صناعي اللي هو بروجرس او نيدو الاطفال

والله يعين