الجراحة بعد الولاده ؟؟؟

ووووووووووينكم ؟؟

هلا اختي

الحمدلله على السلامه اولا
ثانيا الخيوط لسه بدري عليها يعني تاخذ من اسبوعين الى ثلاثه ويمكن شهر وهي بس يلتحم الجرح تنزل من حالها وفي ناس لا لازم الدكتوره تشيلها
الالام اول اسبوع او اسبوعين مزعجه جدا وتبدا بالتدريج تخف ان شالله
انتي جربي تقعدين في ماء وملح وتنشفي المنطقه كويس بعد كل غسله وبدلي الفوط بانتظام حتى مايصير التهاب او بكتيريا وماعليك الا العافيه :)

مشكوووووووووووووووووورة وجزااااااااج الله الف خير يالغالية

شوفي انا كنت اعمل بانيو ماي حامي وشويه ديتول واجس فيه لمده ربع ساعه واحس بعدها انه الجرح اشتد وكنت اعمل كده من مرتين الي 3 في اليوم الواحد

الآم الجراحه اسبوع تقريبا

الخيوط يطيحن من عمرهن لا تحاتي بس ترسي البانيو ماي وحطي ملح شوي وديتول علشان الجراحة تلتأم بسرعة
وعن أثار الجراحة تقريبا أربعين يوم يباله وبتحسي عمرج طبيعية والله يساعدج حبوبه

مشكوووووووووورات يالغاليات بس هاذي اختي مو انا وواااايد تاعبتها الجراحة
وجزااااااااااااااكم الله الف خير
بس بناااات هي تتنقع في المرة هل هو زين ولا لا؟؟؟
مايكفيها عن الديتول وغيره؟؟

المـــــره كويســـــه وهي مضـــاد حيـــوي للجـــروح

ما قصروا البنات

حمدلله على السلامة
الخيوط يبغالها شهر وهي تنزل لحالها ونصيحه مني انا مجربتها خذي المره واطحنيها ناعمة وحطي عليها شوية ماء وحركيها الى ان تصبح مثل الكريم ومع كل غيار حطي على مكان الخياطة مره على طول الجرح وانتظري شوي الى ان تنشف حتى ماتلتصق بملابسك واستمري عليها والمره عامة مافيه زيها للجروح تساعد على التئام الجرح بسرعة وقدامك الصحة والعافية ان شالله ومبروك على البنت او الولد

جزااااااااااااااكم الله الف خير
ماقصرتوا والله
والله يسلمكم من كل شر

أستخدمي مرهم ميبو ممتاز للجروح ولحلمات الصدر لو كانو متشققين او ناشفين او يطلع منهم دم

وسلامتج