تجمّع كل الأمهات اللي عندهم طفلين أو أكثر...و عقبال الجميع يا رب ينضم لنا..

ماما حسون;4403949:
وانا بعد ما افكر بالطفل الثالث الا بعد 4 - 5 سنوات تقريبا او اذا حنيت راح يكون على الاقل بعد 3 سنوات ان شاء الله ..


وساعات اذا انقهرت على عيالي :mad: اقول ما ابغي عيال خير شر :sa32:

هههههههههههههههههههههههه

والله ما اجذب عليج انا في اليوم يمكن 100 مرة اقول ما ابي عيال من كثر تعبي وية ولدي

صج اني ما عندي صبر كلشششششش

عشان جذي شايلة من بالي فكرة الثاني الا لين ولدي يروح المدرسة

الموضوع وااااااايد حلو وتحياتي لصاحبه الموضوع وحبيت انضم وياكم ...

انا عندي بنت وولد...طارق عمره 4سنوات .....والهنوف عمرها سنتين و4شهور..الله يحفضهم .

وحملت بالهنوف لمه كان عمر طروقي سنه و3شهور ..يعني كان صغير وماكنت امهيأ نفسي حق الحمال كنت ابي الفرق بينهم ايكون على الاقل 3سنوات بس شنسوي الله كاتب ..الحمدلله ..

بالنسبه حق لهواش لابد منه لاوزم لهواش في كل مكان في السياره في البيت في المجمع على كل شي يتهاوشون ..الله يحفضهم

بالفعل موضوع رائع
انا بعد ماعندي الا بت وحده عمرها ثلاثه سنوات وعشره شهور (يعني حتى انا داخله لقافه)
ابوها يقول خلاص كبرت خلنا نجيب الها اخو
وانا اقول بعد بصبر عليها شوي لين تعتمد على روحها في كل شي

وانتو وش راااااااااااايكم يامجربات
ايقولو اسأل مجرب ولاتسأل طبيب خخخ

السلام عليكم مريوم
ولكل الامهات المتعبات خخخخ

والله الاولاد نعمه والله يرضى عليهم ويحماهم من كل شر ويجعلهم لنا ذخر وسند عند الكبر وان احسنا تربيتهم راح نفرح فيهم ونفتخر انا ربينا اولادنا صح .


عندي اربع اولاد

الكبير 13 سنه
والاصغر منه 11سنه
والبنوته 7 سنوات
واصغر شيء الولد الامور عمره 4 سنوات

طبعا وهمي كانوا صغار ما تسالوش عن المشاغبات والتعب .............الخ وطبعا البيت وهم شغل البيت
بس لما كبروا تنظم كل شيء ولله الحمد
هلأ كل شيء منظم عندي وكل شيء بنظام
بس تعرفوا كل ما كبروا الاولاد همهم بيزيد الله يحماهم
بيزيد الهم(التعب) الفكري اكثر من التعب الجسماني

انا زوجي توفي من اربع شهور ، وانا المسؤله عنهم حاليا ، والله يقدرني على تحمل التعب والمشاق
والله يصبرنا جميعا على اولادنا

وربنا ما اعطانى الجنه ببلاش
لانه عارف مدى تعب الام على اولادها
واسفه على الاطاله

سلام عليكم حبيت انظم لكم انا مثلكم عندي بنوتات ثنتين بس الفرق انهم تووام يعني التربية مقسمة على ثنين في نفس الوقت ثنتينهم يبون الحنان والعطف والحنية الي ماتقدري انك تعطيهم اياه في نفس الوقت صعب صعب اصعب من الي عندها ثنين مختلفين في الاعمار لاني بصراحة دايما اقول اني احس اني ماااعطيهم حقهم من الحنان والرعاية يعني في الليل مااقدر اضمهم في صدري ثنتينهم عشان ينامون وخصوصا بهالسن ستة شهور بداية تعلق الطفل بااامه شكلهم من الحين يغارون من بعض لما يتفرغون كل وحدة تعج شعر الثانية واذا حطيت لهم العاب دايما فطوم تاخذ كل اللعاب الي عند زنوب وزنوب اتم اتصيح ضحكتني امس زنوب حاملة لها غطاء مال اكلهم تلعب فيه شافته فطوم وسحبته قال زنوب مااسكت ترد تاخذه وترد فطوم تسحبه وترد زنوب تاخذه من عندها لين ملت زنوب وتمت اتصيح حلوين بس تربيتهم صعبة شلون تحافظين عليهم في نفس الوقت اني من النوع الي مايحب احد يسوي لي شي يعني احب اعتمد على نفسي في كل شي عندي اهون علي بالدقيقة اقوم ابدل وحدة ولا احد ياخذهم من عندي يبدلهم حتى توني اقول الى امي الله ستر انهم ثنتين ولا انجان محد لمس ولدي لو بنتي غيري خخخ

طبعا ماااااااااااااااااافكر اني اجيب مرة ثانية الا اذا الله كتب لنا بصراحة موووووووووت وتعب بشكل غير طبيعي خصوصا اني اشتغل يعني تعب من كل صوب غير اني مضطرة اخليهم عند احد لين ارد من الدووام وانا مااحب اكلف على الناس كفاية مسكينة امي ماتقدر تسوي شي والسبة بناتي الا بجيب بعد ااحد الا اذا فنشت وقعدت في البيت ادعوا لي انه الله يرزق زوجي شغلة زينة واتفرغ لبنوتاتي

اخت بالله عظم الله اجرك واسكنه الله في فسيح جناته والله يساعدك على تربيتهم

faty zezy;5343255:
اخت بالله عظم الله اجرك واسكنه الله في فسيح جناته والله يساعدك على تربيتهم

اللهم آمين
شكرا لك اختي

بسم الله الرحمن الرحيم

موضوعك رووعه اختى مرموم

وان شاء الله نستفيد من بعض

انا عندى محمد عمره 5 سنوات و5 شهور

مريومة سنتين و5 شهور

وسارة سنة و7 شهور

شوفى محمد لما تم الثلاث سنوات كنت انجبت مريم والمشكلة ان محمد كان اخر دلع

ومش متعود يكون عنده اخوات طبعا فى الاول حصلت غيرة كبيرة لغاية الحمد لله بدأ يحبها

وشعر انها ملكه وممنوع اى احد يقترب منها او يضربها

اما سارة فانجبتها عندما مريم تمت عشر شهور
وكان الحمل غير مقصود لان مريم كانت صغيرة وقتها جدا يعنى الفرق بين مريم وسارة عشر شهور فقط

المهم وقتها كنت فى مصر وكانت مريم مش حاسة باى تغير لان ماما ربنا يكرمها هى اللى كانت على طول شايلة سارة

والمشكلة حصلت لما سافرت هنا لدولة الامارات طبعا اصبحت لوحدى واواجه هذه المشكلة مع الاولاد

طبعا فقدت اعصابى من صراخهم ومطالبهم وخصوصا ان مريم وقتها كانت تمت سنة وسارة شهرين
مش هقدر احكى لكم على المشاكل والتعب اللى حصلوا ليا ولزوجى

كل اسبوع مرضانين وللدكتولر وكل واحدة منهم محتاجة اشيلها مريم كانت اجمل واحدة فيهم تبارك الخالق فى جمالها
ولكن حدثت مفاجأة لم اتوقعها بدأت حالتها النفسية تتدهور بسبب غيرتها من سارة واتحسدت كتير

ربنا يكفيكوا شر الحسد ومع مرور الايام نفستها بدأت تتعب وانعزلت عن كل حاجة لدرجة شكيت انها عندها

توحد

ذهبت بها لدكاترة كتير والكل يأكد انها كويسة ومفيش سبب بدأ وزنها يقل ونفسيتها تتعب اكثر

لغاية اليوم اصبح عمرها سنتين و5 شهور ونحيفة جدا اقل من العادى وقاطعة الاكل ومش بتتكلم

وسلوكها تأخر

وكل هذا بس الحمد لله بحاول اهتم بنفسى حتى لا يطفش زوجى من البيت ههههههههههههه مش من كله العيال وامهم كمان هههههه

نصيحـــــــــــــــــــــــــــــــــــــة :

لكل من ترغب فى الانجاب لا بد يكون الفرق اقل شيء 3 سنوات

واثناء هذه الفترة تأكدى من وسيلة مضمونة

اما اذا شاء الله وحملتى قبل ذلك كان الله فى عونك وهتعانى مثل ما بعانى الان

حفظ الله كل اولادنا من كل سوء وحفظ كتاكيتى محمد ومريومة وسارة

اسفة على الاطالة وتحياتى للجميع

اخخخخخخ يا مرموم من كمن يوم زوجي يحن ويحاول يقنعني ان انييب بيبي ثالث ... خاصتا وحمود بيدخل الروضه هاي السنه ...

مثل ما يقول المثل كثر الدق على الحديد يفك اللحام بديت اقتنع باني احمل بس احيانا اغير رايي ..

اقول في خاطري ان شاء الله احمل اييب بنوته مثل بنتي مريومه ..

يا هلا بكم أخواتي الغاليات...أشكركم جدا على تجاوبكم و ردودكم...

شوفوا ..و الله بنتي الثانية سارة معزتها من معزة أختها الكبيرة مريم ...ما في فرق أبدا...يمكن ذكرياتي مع مريم أكثر بحكم إنها الأكبر...

و أحس الفرق سنتين إلى سنتين و نصف بين كل طفل و الثاني جدا مناسب...أقل من ذلك كتير قليل...و أكثر من ذلك كتير بين الطفلين...


و أقول لأختنا ( أخت بالله ) الله يصبرك يا رب و يعينك على تربية عيالك...حقيقي مسؤولية كبيرة...بس ما شاء الله شكلك قدها و قدود ما شاء الله...


أختي مريومة قلبي...أنا كمان بناتي أسماؤهم مريم و سارة :)


أختي bj3a...توكلي على الله...إنوي و ربك كريم إن شاء الله...(f)

الله كريم وبيرمي الصبر سبحانه عز وجل

شاكرا لك ام مريم
والله المستعان