fazloka;4398817:
ليتل ميرسي اوي انك هتشاركي معانا بس انا خلصت نص ال11 تقريبا
شوفي ايه الجزء اللي لسة ما حدش اخده ولخصيه
أوك يا جميل أنا هاخد الجزء16 مع اني كنت ابتديت في ال11 برضو:21_133:
بس إن شاء الله بعد كده لو حد شغال في جزء يقول عشان مايتلخصش مرتين :SOFA:
happy_ahmed;4399006:
هو النظام فى التلخيص كده صح ولا أنا عاملة حاجة غلط؟؟؟؟؟؟؟؟
تسلم ايدك يا هابي
كل واحد يلخص بالطريقة اللي تعجه يا قمر المهم انها تكون مجمعة لكل المعلومات المهم في الموضوع
little cat;4399803:
أوك يا جميل أنا هاخد الجزء16 مع اني كنت ابتديت في ال11 برضو:21_133:
بس إن شاء الله بعد كده لو حد شغال في جزء يقول عشان مايتلخصش مرتين :SOFA:
ليتل انا والله كنت قايلة اني هعمله بس تقريبا الردود الاخيرة اتشالت من كل المواضيع
لأني حتى كنت معلقة على اننا كنا واخدين الجزء العاشر وبعد كدة اخدنا ال13
فسيبنا ال11 وال12
فقولت اني هعمل ال11
سوري يا قمر ما اخدتش بالي ان الرد اتلغى
والله يا بنات مجهود تشكره عليه وانا عايزه اشارك معاكم
كيفكم بنات انا سئلت قبل كده عن كروت الافراح وقالو انها موجوده في العتبه بس يريت
الوصف فين في العتبه وكيف الاسعار وشكرا
بسبوسة اهلا بيكي
بس احنا هنا مش بنرد على الاستفسارات
هنا مجرد تلخيص لأجزاء موضوع الى بنات مصر المشاركات في موضوع فرحك خلاص قرب
فأنتي ممكن تدخلي الموضوع نفسه وتعرضي استفسارك
انا اسفة والله يا شيواوا انا مخدتش بالى انك هتخدى نفس الجزء
واسفة لكى يا فزلوكة على التاخير بس كان عندى عطل فى الكمبيوتر
انا بلخص فى الجزء العشرين يا بنات
*
**&**جيجي**&**
عروس مبدعة
25-09-2007 | 01:29 AM
انا خلصت طبعا تلخيص الجزء ال12 كامل اتفضلو 0000
نصايح عامة ؟
بسم لله الرحمن الرحيم
من وصايا ليلة الزفاف
.اوصت امرأة ابنتها عند زفافها، فقالت: أي بنية ! إنك قد فارقتِ البيت الذي منه خرجتِ، وعُشّك الذي فيه دَرَجْتِ، إلى وَكْر لم تعرفيه، وقرين لم تأليفه، فكوني له أمةً يكن لك عبدًا، واحفظي له عشر خصال يكن لكِ ذُخْرًا:
أما الأولى والثانية: فالصحبة بالقناعة، والمعاشرة بحسن السمع والطاعة .
وأما الثالثة والرابعة: فالتعهد لموقع عينه، والتفقد لموضع أنفه، فلا تقع عينه منك على قبيح، ولا يشم منك إلا أطيب ريح، والكحل أحسن الحُسن، والماء أطيب الطيب.
وأما الخامسة والسادسة: فالتفقُّد لوقت طعامه، والهدوء عند منامه، فإنَّ مرارة الجوع ملهبة، وتنغيص النوم مغضبة .
وأما السابعة والثامنة: فالعناية ببيته وماله، والرعاية لنفسه وحشمه وعياله، وملاك الأمر في المال حسن التقدير، وفي العيال حسن التدبير.
وأما التاسعة والعاشرة: فلا تفشي له سرًّا، ولا تعصي له أمرًا، فإنك إن أفشيت سره؛ لم تأمني غدره، وإن عصيتِ أمره أوغرتِ صدره.
ثم اتقي -مع ذلك- الفرح إن كان ترحًا (حزينًا)، والاكتئاب عنده إن كان فرحًا، فإن الخصلة الأولى من التَّقصير، والثانية من التكدير، وكوني أشدَّ ما تكونين له إعظامًا، يكن أشدَّ ما يكون لك إكرامًا، وأشدَّ ما تكونين له موافقة، يكن أطول ما يكون لك مرافقة. واعلمي أنك لا تصلين إلى ما تحبين حتى تؤثري رضاه على رضاك، وهواه على هواك فيما أحببتِ وكرهت. والله يخير لكِ ويحفظك.
وهذه سيدة أخرى توصى ابنتها عند زواجها، فقالت:
أي بنية، لا تغفلي عن نظافة بدنك، فإن نظافته تضيء وجهك، وتحبب فيك زوجك، وتبعد عنك الأمراض والعلل، وتقوي جسمك على العمل، فالمرأة التَّفِلة (القذرة غير النظيفة) تمجها الطباع، وتنبو عنها العيون والأسماع، وإذا قابلت زوجك فقابليه فرحة مستبشرة، فإنَّ المودة جسم روحه بشاشة الوجه.
وأوصى رجل زوجته، فقال:
خذي العفــو منى تستديمي مودتــــي
ولا تنطقــي في ثَوْرَتِي حين أغضبُ
ولا تنقريني نقـرك الدف مـــــــرة
فإنك لا تــدرين كــيف المغيبُ
ولا تكثري الشكـوى فتذهب بالهــوى
ويأباك قلبــي والقلــوب تقلَّبُ
فإني رأيتُ الحــب في القـلب والأذى
إذا اجتمعا لم يلبث الحب يذهــبُ
وقال أبو الدرداء لزوجته: إذا رأيتني غضبتُ فرضِّني، وإذا رأيتك غضبى رضَّيْتُك
وقد حرص الإسلام أن يكون اجتماع الزوجين لأول مرة في غرفة واحدة لقاء خير وبركة، ولذلك فقد رسم الإطار العام الذي يرشدهما في الحياة الزوجية، وصوَّر لكل منهما حقوقه وواجباته، وما له وما عليه، وعلى الرجل أن يدعو لزوجته بالخير والبركة. قال صلى الله عليه وسلم: (إذا تزوّج أحدكم امرأة فليأخذ بناصيتها (أي يضع يده على مقدمة رأسها) ويسمِّ الله عز وجل، ولْيدع بالبركة، وليقل: (اللهم إني أسألك من خيرها، وخير ما جبلتَها (أي: فطرتَها) عليه. وأعوذ بك من شرها، وشر ما جبلتها عليه) [أبو داود].
ويستحب أن يبدأ الزوجان حياتهما الزوجية بركعتين، فقد أوصى عبد الله بن مسعود -رضي الله عنه- رجلا تزوج بكرًا، فقال له : إذا أتتْك فأمرها أن تصلى وراءك ركعتين، وقل: اللهم بارك لي في أهلي، وبارك لهم فيَّ، اللهم اجمع بيننا ما جمعتَ بخير، وفرق بيننا إذا فرقت بخير) [الطبراني، وابن أبى شيبة
انا هبتدي الجدول:
1- مسك الليمون بالعسل والزبادي 3 مرات في الاسبوع يتبعه مسح الوجه بالتلج وماء الورد.
2- عمل كريم وسكرب لكعب الرجل والاماكن الغامقة في الجسم كالركبة والكوع .
3- ازالة الشعر بالحلاوة وربنا يقوينا علي العذاب ده لتقليل نمو الشعر والتعود.
4- كان في جدول بنت عذاري في قسم العناية بالبشرة لكريمات البشرة ممكن تخدي اليناسبك ولو حد جربه من البنات يقولنا احسن مسكات من عند بنت عذاري سمعت ناس بتشكر فيه علي المنتدي.
5- عمل بلسم للشعر لو محتاج مرة في الاسبوع وعمل حمام زيت او كريم المناسب لنوعية الشعر مع قص الاطراف.
6- عمل تنظيف للاسنان وليس تلميع لو محتاجة.
7- فتح الشنط ومشتراوات الجهاز من الملابس ورفايع المطبخ وكتابتها كلها بالالوان في ورقة وشراء ما تبقي مع الاخذ في اعتبار الملحوظات التي ذكرتها العروسة القمرة ربنا يبارك فيها وذريتها ويرزقها بيبي امور يارب.
8 -التاكد من استلام الجهاز قبل الزواج بمدة كافية او معقولة علي الاكتر شهر وعلي الاقل اسبوعين لتحضير الديكورات الازمة
9- تثبيت الستائر قبل الزفاف علي الاقل باسبوعين.
10 - تنسيق الملابس في دولاب المنزل الجديد باذن الله قبل الزفاف باسبوع وغلق الغرفة واخذ المفتاح.
11- تحضير قائمة الاكل خلال اول اسبوع في البيت الجديد لتجهيزها والشكولاتات وما سوف تقديمينه للضيوف باذن الله وما سوف تحفظينه في الديب فريزر .
12- حجز الفستان او تفصيله قبل الزفاف بشهر ونصف .
13- تنسيق ما سوف تلبسه عائلتك يوم الزفاف قبله بشهر.
14- تحضي شنطة شهر العسل قبلها باشبوع علي الاقل.
15- شراء المكياجات والبرفانات والشمبوهات والكريمات وما الي ذلك قبلها بشهر علي الاقل مع العلم انك متزوديش في الحاجة .
كفاية كده دلوقتي
- التنجيد لو هتعمليه او هتشتري مراتب جاهزة خليكي فاكرة
نصائـح قبل الزواج
قبل أن تتزوجي يجب أن تعرفي هذه الأشياء
حياتك وأنت في منزل والديك تختلف كل الاختلاف عن حياتك مع زوجك ففي الأولى لا مسئولية
عليك.. وفي الثانية أنت مسئولة تقريبًا عن كل شيء.
أخطر سنوات الزواج هي السنة الأولى، فإن اجتزت الامتحان ضمنت لنفسك ولزوجك عيشة هانئة.
لا تنسي أن فترة الخطبة لا تكشف عن طباع زوجك أو من تقدم لك فكوني على استعداد
لمواجهة المفاجآت بحكمة وعقل.
التضحية من جانب الطرفين أمر لابد منه.. فهي أساس الحياة الزوجية.
ومن أسس الحياة الزوجية الناجحة.. التعاون في مواجهة أمور الحياة وذلك بتدبير شئون البيت
دون إرهاق لميزانية الزوج.
مهما يكن الأمر فلا تنسي أن تحرصي على العلاقة الطيبة مع أهل زوجك، فإنك إن أحببتهم
أحبوك وأحب هو أهلك وإن وصلتيهم ساعد ذلك على وصاله لأهلك وبرهم.
وثقي علاقتك بأم زوجك فهي التي ربت وسهرت وأعطتك أعز ما تملك واعذريها إذا طمعت في
جرعة زائدة من الحنان، فقدري ظروفها خاصة عند الكبر وكوني حليمة ورفيقة بوالده.
تفقدي مواطن نظر زوجك وسمعه وشمه، وكوني له أرضًا يكن لك سماءً، وكوني له فرشًا يكن لك غطاءً، واحفظي غيبته وماله.
بيت الزوجية – بيتك مملكتك – فعليك أن تتعلمي فنون الطهي والاهتمام بالمطبخ.. فالزوج يحب
زوجته التي تهتم بأناقته وثيابه وملبسه ونظام بيته ومكتبه ومكتبته ويزيد احترامه لها إذا رتقت
جواربه وثبتت له أزرار قمصانه وذكريه بمواعيده.
شاركيه أفكاره واهتماماته وآماله وآلامه وطموحاته.
إذا اشترى لك شيئًا أو هدية فاشكريه ولا تعيبيها أبدًا حتى ولو لم تعجبك، مجاملة له واتقاءً
لجرح مشاعره وعدم الطعن في ذوقه واختياره.
استخدمي معه أسلوب النفس الطويل والخطوة خطوة والكلمات الحانية والمعاني الرقيقة
والهمسات الجميلة عند تغيير سلوك لا يعجبك فيه، وإياك والمصادمة حرصًا على مشاعره.
لا تفشي له سرًا، ولا يتجاوز ما بينكما عتبة بابكما.
بعض التعليمااات للعروس يوم الزفاف
لا تقومي بما هو ات:
• لا تغسلي وجهك بماء حار جداً او بصابونه تنشف بشرتك او
بمنضفات خشنه
• لا تعبثي بالحبوب الموجوده في وجهك
• لا تجربي مستحضرات للبشره او الشعر او المكياج لم يسبق
لك استعمالها قبيل يوم زفافك
• لا تغيري طريقه عنايتك ببشرتك قبيل الزفاف بفتره بسيطه
• لا تسمحي لاحد بان يقنعقك ب (look) او مكياج لا يعجبك او
لا يريحك
• لا تستعملي الكثير من المكياج
• لا تستعملي العدسات الملونه الا اذا كنت قد استعملتها من
قبل
• لا تقومي بعمل فيشل او حف في يوم الزفاف
• لا تستعجلي نفسك بل بالعكس يجب عليك ان تسترخي و تستمتعي
بكل لحظه
قومي بما هو ات:
• اشربي الكثير من الماء
• تمرني بانتظام
• خذي قسطك من النوم
• استعملي الواقي من اشعة الشمس
• لا تبخلي على بشرتك بالترطيب خصوصاً في الليل فاستعملي
كريم ال humidifier فان لم يتوفر كريم الليل العادي و ان
لم يتوفر ذلك استعملي كريمك المرطب ليلاً
•اتبعي نظام رجيم قبل موعد الزفاف بشهر ونصف واذا كنتي
تعانين من الوزنك استشيري اخصائي في ذلك
• استشيري طبيب الجلد اذا كانت لديك اي مشاكل متعلقه
بالبشره و لا تستمعي الي نصائح الغير فالكل لديه الحل
المناسب برأيهم و هذه الحلول قد تضر بشرتك
• استعملي المرطب ما دامت بشرتك مبلله فذلك يزيد من
ترطيبها
• دللي بشرتك و استعملي المنظفات اللطيفه و المائ الدافي
عند التظيف
• امنحي بشرتك الوقت الكافي للراحه بعد الحف او الفيشل (
على الاقل اسبوع)
• جربي مكياجك المضاد للماء بعمل بروفه و ذلك برش وجهك
بالماء (لتري تأثير الدموع او ما قد يصادفك يوم الزفاف)
• اقصدي خبيرة تجميل محترفه لعمل مكياجك و شعرك يوم الزفاف
و قومي بالحجز مسبقاً للبروفه و يوم الزفاف
• رتبي امورك و ذلك بترتيب الموصلات و تنظيم وقتك يوم
زفافك و كوني جاهزه لاي تغيرات قد تطرأ كي لا تحدث اي
مفاجأت او تأخيرات او توتر يوم الزفاف
• اصحبي معك اختك او صديقه مقربه لتكون معك خلال تجهيزاتك
يوم الزفاف فتعطيك رأيها عن التسريحه و المكياج الخ و
تساعدك في اللبس و تثبيت الطرحه قبيل نزولك الي القاعه
• حضري بعض القطع الاساسيه من المكياج للطوارئ
• البسي قميص مزرر عند وضع المكياج و التسريحه لتتمكني من
لبس فستان الزفاف بسهوله و بدون تخريب التسريحه او المكياج
• استرخي و استمتعي بيومك ففي هذا اليوم انتي المهمه و لا
احد سواك و هي كما يقال ليله في العمر
منقول للأمانة من عالم الحياة الزوجية
صور من مشاعر الحب !
------------ --------- --------- --------- --------- --------- --------- --------- --------- --------- --------- -
عطش أبو بكر الصديق
يقول سيدنا أبو بكر: كنا في الهجرة وأنا عطشان جدا ، فجئت بمذقة لبن فناولتها للرسول صلى الله عليه وسلم، وقلت له :اشرب يا رسول الله، يقول أبو بكر: فشرب النبي صلى الله عليه وسلم حتى ارتويت !!
لا تكذّب عينيك!! فالكلمة صحيحة ومقصودة، فهكذا قالها أبو بكر الصديق ..
هل ذقت جمال هذا الحب؟انه حب من نوع خاص ..!!أين نحن من هذا الحب!؟
------------ --------- --------- --------- --------- --------- --------- --------- --------- --------- --
واليك هذه ولا تتعجب، انه الحب.. حب النبي أكثر من النفس ..
يوم فتح مكة أسلم أبو قحافة [ أبو سيدنا أبي بكر ]، وكان إسلامه متأخرا جدا وكان قد عمي، فأخذه سيدنا أبو بكر وذهب به إلى النبي صلى الله عليه وسلم ليعلن إسلامه ويبايع النبي صلى الله عليه وسلم
فقال النبي صلى الله عليه وسلم ' يا أبا بكر هلا تركت الشيخ في بيته، فذهبنا نحن إليه ' فقال أبو بكر: لأنت أحق أن يؤتى إليك يا رسول الله .. وأسلم أبو قحافة.. فبكى سيدنا أبو بكر الصديق، فقالوا له : هذا يوم فرحة، فأبوك أسلم ونجا من النار فما الذي يبكيك؟تخيّل .. ماذا قال أبو بكر..؟قال: لأني كنت أحب أن الذي بايع النبي الآن ليس أبي ولكن أبو طالب، لأن ذلك كان سيسعد النبي أكثر ..
سبحان الله ، فرحته لفرح النبي أكبر من فرحته لأبيه أين نحن من هذا؟
ثوبان رضي الله عنه
غاب النبي صلى الله عليه وسلم طوال اليوم عن سيدنا ثوبان خادمه وحينما جاء قال له ثوبان: أوحشتني يا رسول الله وبكى، فقال له النبي صلى الله عليه وسلم: ' اهذا يبكيك ؟ ' قال ثوبان: لا يا رسول الله ولكن تذكرت مكانك في الجنة ومكاني فذكرت الوحشة فنزل قول الله تعالى {وَمَن يُطِعِ اللّهَ وَالرَّسُولَ فَأُوْلَئِكَ مَعَ الَّذِينَ أَنْعَمَ اللّهُ عَلَيْهِم مِّنَ النَّبِيِّينَ وَالصِّدِّيقِينَ وَالشُّهَدَاء وَالصَّالِحِينَ وَحَسُنَ أُولَئِكَ رَفِيقًا} [69] سورة النساء
------------ --------- --------- --------- --------- --------- --------- --------- --------- --------- --------- --
سواد رضي الله عنه
سواد بن عزيّة يوم غزوة أحد واقف في وسط الجيش فقال النبي صلى الله عليه وسلم للجيش :' استووا.. استقيموا '. فينظر النبي فيرى سوادا لم ينضبط فقال النبي صلى الله عليه وسلم : ' استو يا سواد' فقال سواد: نعم يا رسول الله ووقف ولكنه لم ينضبط، فجاء النبي صلى الله عليه وسلم بسواكه ونغز سوادا في بطنه قال: ' استو يا سواد '، فقال سواد: أوجعتني يا رسول الله، وقد بعثك الله بالحق فأقدني !فكشف النبي عن بطنه الشريفة وقال:' اقتص يا سواد'. فانكب سواد على بطن النبي يقبلها .يقول: هذا ما أردت وقال: يا رسول الله أظن أن هذا اليوم يوم شهادة فأحببت أن يكون آخر العهد بك أن تمس جلدي جلدك
...ما رأيك في هذا الحب؟
------------ --------- --------- --------- --------- --------- --------- --------- ------
وأخيرا لا تكن أقل من الجذع....
كان النبي صلى الله عليه وسلم يخطب في مسجده قبل أن يقام المنبر بجوار جذع الشجرة حتى يراه الصحابة.. فيقف النبي صلى الله عليه وسلم يمسك الجذع، فلما بنوا له المنبر ترك الجذع وذهب إلى المنبر 'فسمعنا للجذع أنينا لفراق النبي صلى الله عليه وسلم، فوجدنا النبي صلى الله عليه وسلم ينزل عن المنبر ويعود للجذع ويمسح عليه ويقول له النبي صلى الله عليه وسلم :' ألا ترضى أن تدفن هاهنا وتكون معي في الجنة؟ '. فسكن الجذع ..
نجى لبقيت نصائح التجهيز اتفضلو
تلخيص الجزء ال12
الاوكربال الفرنسي انا شفت الروز بتاعه في حمام التلات تحفة وكان ب 800 جنيه وكان اكبر بكتير من 40 قطعة طقم كامل كان بحلل الفرن وطقم الشاي والقهوة والسرفيس كامل بس انتي دوري كويس هو مشوار متعب بسبب الزحمة .
شوفتي الصواني بتاعت الشاي الاستنالس هناك المحفور عليها 10\18 ايه رايك انا حسه انها كويسة بس هبقي قبل مشتري اجيب المغناطيس واجرب هي كانت ب 150 الواحدة
انا اشتريت ملاية تحفة ب 180 كروهات من طرفين الجناب بتوع السرير وكرانيش وفيها فيونكات ونفس الوضع علي المخداد بحب الاستايل ده موت وعاوزة اجيب منه تاني بس مش من اكتوبر علشان قالوا كده غالي في منطقة قريبة من سوق التلات الاقي فيها ملايات ذي دي شيك ؟؟؟ حد يجاوبني
انا بحب الملايات المنقوشة في مول في اكتوبر اسمه المرشدي عنده الاستايل البحبه في المنقوش راقي قوي بس برضه فوق ال140
الملايات السادة هبقي اجيب اتنين بالكتير ولا ايه رايكم واجيب كام فوطة كبيرة وكام واحدة للايد ولازم بشكير لزمته ايه واهنا هنشتري برنس اكيد انشاء الله؟؟
المللايات فعلا تجيبيها من الازهر او الغورية ارخص بكتيييييييييير واشكال متنوعة جدا
انا عايزة اقولك ان فعلا الملاية الكروهات دى تحفة و اللون الكمونى فى اصفر ملهوش حل و فعلا موجودة فى سوق التلات فى واحد عطار كبير قوى هتلاقيه على ناصيتين عند جامع البنات ادخلى فى الحوارى اللى جنبة هتلاقيها هناك هى بحوالى 120 او 125 تقريبا
الفوط هاتى 12 فوطة منوعين ما بين قطيفة وقطن وسادة ومطرز
وللإيد كفاية 6
اما البشكير انا شايفة انه مالوش لازمة طالما حتستعملى البرنس
طيب يا سيرين إنتى كده تبقى عارفة إيه هى أحلى منتجات فى أوريفليم , يا ريت يا حبيبتى تقوليلى عليها علشان إن شاء الله أجيبها .
بصراحة منتجاتهم بالنسبة للكريمات ومنتجات العناية بالشعر والجسم حلوة جدا يعنى كريمات الترطيب هايلة وخصوصا مجموعة ميلك اند هنى و كريم الورد ومجموعة الحرير
مجموعة العطور والبارفانات والبيرفيومد بودى كريم جميلة جدا
اما الميك اب بصفة عامة فمبحبش منتجاتهم خالص مش عارفة ليه جربت كذا حاجة ومعجبتنيش او ما تناسبتش مع بشرتى مع ان الناس بتشكر فيها يعنى جربت كريم الاساس واللوز باودر ماعجبونيش بس بصراحة اللى جربته ومشى معايا بودرة الكرات البرونزية جميلة جدا وبتدى لوك طبيعى وبتعيش
تأمرى يا قمر بس انت عايزة فين فى القاهرة ولا اى حتة يعنى مثلا انا ان شاء الله احتمال اروح كوافير عادل المصرى هو فى الهرم و الفستان بردو هنزل الف علية فى الهرم و فى كمان سنتر اسمة ناجية سنتر دة فية فساتين كتير و حلوة قوى و سنتر تانى اسمة نصر عباس دة صاحبتى اجرت منه الفستان وفيه كوافير فى السنتر اسمه سيف الصغير كان عاملها جميل ولف الطرحة بتاعته حلوة قوى يا رب اكون ساعدك شوية
على فكرة لو بتحبوا الاكسسيسوريز كريستال عصفور عنده اكسسيسورى يهبل وبيلمع اكتر من الماس والذهب الابيض والله يا بنات انا كنت جايبه منه اسورة كريستال خطيرة كل اللى يشوفها يفتكرها ذهب ابيض والماظ حقيقى وكانت ب30 جنيه بجد روحوا المعرض هو مشوار رخم بس يستاهل الصراحة انا رحت المعرض بتاع شبرا الخيمة اللى جمب المصنع على طول
يا قمر المفارش السورية هنا فى مصر فى كل مكان و عندنا فى المحلة ما شاء الله موديلات روعة و مفارش السفرة برضه و فى كمان مفارش صغيرة لترابيزة الأنترية و الصالون و جميلة جداً لكن أهم حاجة الفصال
هقولكم كل حاجه عن الحنه لان عندي ماما ماشاء الله عليها خبيرة حنه من صحباتها القطريات وانا اتعلمت منها
لو عاوزين الحنه للون يبقا لازم الشعر يبقا مغسول ونضيف اليوم الي قبلها وناشف علشان تمسك فيه الحنه وطبعا ميبقاش عليه اي نوع زيوت او كريمات خالص لانها بتمنع ان الشعره تمتص اللون كويس
خلطه الحنه نفسها ميكونش فيها اي نوع زيوت او زبادي او عسل لان دول بيمنعوا اللون يثبت كمان دول تحطيهم لو هدفك من الحنه التغذيه للشعر والكثافه والطول
لازم الحنه تتخمر يوم كامل يعني تعمليها النهرده العصر تحطيها تاني يوم العصر وتبقا في مكان مضلم ودافي وقبل استخدامها على شعرك على طول تعصري عليها نص لمونه علشان بيثبت اللون
اقل مده هيا 4 ساعات لغاية 6 ساعات بس متزودوش عن كده ، وتلبسي كيس بلاستيك ، عند غسلها تشيليها بنعومه من غير شد وطبعا مش كلها هتنزل مهما عملتي فخليها عادي لما ينشف شعرك هتنزل لوحدها ومع التسريح ، متغسليش شعرك بعد الحنا بشامبو ابدا يادوب بلسم وقلته احسن كمان ولا تحطي اي كريم تصفيف او اي نوع زيت الا تاني يوم ولو عاوزين وصفات الوان للحنه قولولي
بصى يا عسل فى كوافير مجدى وسيد ده قريب منك
ولو ينفع تروحى مدينه نصر فى ايمى الكاشف لو تسمعى عنها دى بتعمل ميكب ولف طرحه ب 350
بصى يا قمر عندك الازهرو الغوريا فيها مفارش جميلة و تفصلى كمان
و عندك سوق غزة فى اخير السوق فى مكان للمفروشات و فية على كل شكل و لون و اشكالة جميلة و الاسعار حلوة انتى ممكن تنزلى فى الاول و تاخدى فكرة بس و بعد كدة تقررى
انا بصراحة ماليش خبرة كبيرة فى الالماظ بس اعرف ان مالوش سعر محدد يعنى سعره بيتوقف على درجة نقائه ولونه والوزن وعموما قيراط ماس بيساوى خمس جرام ذهب يعنى جرام الذهب بيساوى 5 قيراط الماظ بس هو مش غالى اوى لان صحبتى شبكتها كانت طقم الماظ ب25 الف جنيه وكانت عباره عن اسورة وكوليه وخاتم يعنى ما يفرقش كتير عن الذهب والله اعلم
انا عايزة اعرفك ان المهم فى المفرش ان يكون شكلة حلو بس اهم حاجة تاخدى بالك منها بجد ان المفرش بيكون تقريبا من الستان و الاورجانزا بصى بقى الستان تمسكية و تشدية وتتأكدى انه مش بتفزر معاكى ( كأنه هيتقطع ) لكن غير كدة كلهم حلوين بس عليكى تختارى الشكل و اللون
انا نلزلت مع صحبتي نجيب فستان الخطوبة ليها شوفت موديلات حلوة لفساتين الافرح في سنتر نصر محروس الي في فيصل احسن من ناجية الي في الهرم ولقيت واحد بيفصل اول مرة عنده استيلات ايطالي شيك او انتي تجيب الموديل العوزاه وبيرسمه ليكي وبتمضي ان ده العوزاه وبيفصله ليكي ايجار اول مرة بنصف سعر التكلفة وقالي اجي ليه لو حبيت اعمل عنده قبل الفرح باذن الله بشهر ونصف علي الاقل
بصي يا قمر انا مش عندي خلفية كبيرة في الكوافيرات بس انا الخطوبة عملت الميك لنفسي بس مش كنت مبسوطة علشان الكاميرا كانت طبعا مبينو نقط حمراء في وشي اثر حبوب الشباب وانا بيضاء فكانت مش حلوة
في كتب الكتاب عملت في نفس المول بتاع فيصل ده عند افضلهم في وجهة نظري فطيما او نصر محروس بس انا اتخنقت من المكان عنوما زحمة وبتتعصبي بس في الاخر بتطلعي حلوة علشان انتي اصلا قمرة يا قمرة
سمعت عن عادل المصري بيقولوا في حدود 400 او اقل وان البنات العنده كويسين وانه سنتر لوحده فاكيد هيبقي انضف واهدي من الاماكن التانية
طبعا لو رحتي عند اي كوافيرة خدي كل حاجة تخصك متستخدميش حاجة حد الفوطة والحجات التانية
ازيكم يا احلى عرايس في احلى منتدى اخباركم ايه وحشتوني كلكم والله يا بنات انا رحت سألت في اتليه اسمه EVE علة محطة الهداية على الترام يعني سألت على فساتين الزفاف لقيتهم ماشين بنظام مختلف انك تختاري من الكتالوج وهو ينفذوا لكن مش عندهم حاجة معروضة واتفرجت على الكتالوج لقيت فستان بسيط عجبني سألت ممكن يكلف كام قالت لي 1200 لو مش منفوش قوي و1500 لو منفوش قوي ايه رأيكم في الاسعار دي مناسبة ولا لا كمان اتأكد ازاي من الجوده بتاعة التفصيل تنصحوني بايه ؟
حبيبتي هند كان خطوبة اخو زوجي كان في قاعة في الداون تاون اسمها LA VIE بس قاعة مش كبيرة محندقة كده بس ظريفة كانت تقريبا 2500 تقريبا انا مش فاكرة بالظبط
بس الاستوديو بصراحة انا مش عارفة هل فيه في الداون تاون استوديو
اما الكوافير فأنا محتاسة خالص فيه
اه صحيح نسيتتتتتت ، جالي امبارح من مصر كريم السعد من حراز وكريم السمك لاثار الحبوب ياترى حد جربهم وبيعملوا مفعول ولا ايه؟؟ ياريت تفيدوني يا حبايبي
مبارك يا حبيبتى الكريم , هو أنا بصراحة مجربتش حاجة فيهم , بس بنات كتير بيشكروا فى كريم السعد , و منهم أختنا فتفوتة ممكن تسأليها علشان تتأكدى , لكن أنا جربت كريم صنفرة العروسة بتاع حراز برضه , و طلع ممتاز بيعطى نعومة رهيبة ما شاء الله
نا هقولك اللى اعرفه انا صاحبتى باباها مهندس و كانت هتعمل الخطوبة بتاعتها فى نادى نقابة المهندسين وقالتلى انها مش كبيرة قوى يعنى ممكن تكون بتاخد 200 فرد بس لو عايزة اقل عادى و هى على الكورنيش على ما اعتقد و السعر هى قالتلى 4000 بس لو ليكى حد فى النقابة زى باباها كانت هتكون لية ب 2000 او 2500 تقريبا بس اللى اعرفة انك لازم تحجزى قبلها بفترة كبيرة لانها بتكون محجوزة
بصي هو الاماكن بتاعه نادى نقابة المهندسين اللى اعرفهم 3
واحد فى الزمالك ش ابو الفدا - والتانى فى ش البحر الاعظم فى الجيزة - التالت فى المعادى على الكورنيش وكللللللللللللللهم بيطلوا على النيل
ربنا يباركلك لو عرفتى قوليلي على طول
شوفى يا حبيبتى بالنسبة لأقلام الشادو أنا شوفت فى لونا أقلام شادو كريمى و أقلام شادو بودرة شبه بتاعة أوريفليم و ألوانها جميلة جداً إدخلى الموقع بتاعهم و شوفيها إن شاء الله هتعجبك الموقع lunaegypt دوت كوم .
انا مشتركه قديمه وعروسه من ضمن الى خرجتهم صفحات المصريات انا بقالى 8 شهور مجوزه وحامل فى الثامن
اى سؤال انا تحت امركوا اامروا بس انتوا اهم حاجه عايزه اقولها لكم كتروا من لبس البيت واللانجيريهات للان الاستعمال بيبقى اكتر عليهم وانا مع شراء القمصان بس بلاش العريانه قوى كتير للانك كده كده هتقلعى خليكى ملكه والبسى المثير الراقى للانه زوجك وانتى هانم مش القصد اغرائه للانه فى اول الجواز مش محتاج اغراء قد ما القصد انكوا تقربوا من بعض وتحبوا بعض اكتر وبصراحه لا انا ولا جوزى بنحب العريان قوى ده فى القمصان بحس انى مش زوجه اتمنى تكونوا فهمتوا قصدى وانا بنصحكم لوجه الله
تانى حاجه ما تشتروش قمصان ستان ضيقه للان جسمكوا هيتغير فاوعوا تقعوا فى المطب ده ولو اشتريتوا اشتروها نمرتين زياده عمر ما فيه بنت بعد الجواز بتفضل 55 و 56 كيلو اعملوا حسابكم فى الزياده اما لو عروسه مليانه فمتعيشيش فى دور انك هتخسى وهاتى قمصانك على قدك واوعى تتخنى بقى اكتر من كده
حاجات المطبخ خلوها على القد واهتمى بالسيرفيس للان فى اول الجواز الطبخ للاتنين مش محتاج دوليب مطبخ كامله تتملى بالاضافه انك هتشترى طول ما انتى مجوزه فخليها على القد احسن
هاتى اجهزه كهربائيه ماركتها حلوه وما تستخسريش فى نفسك
هههههههههههه يا حبي باب النجار مخللللللع
انا دمياطيه بس مولوده وعايشه في قطر وبنزل مصر اجازات في الصيف بس ، انا هقولك عن نفسي ، انا روحت للنجارين الكبار في دمياط معروفين واخدت كتالوج 2007 كان لسه نازل واخترت منه وكان عندي صور من عالنت وظبطتهم كلهم مع بعض كده وقالولي على نجار كويس جدا ومعروف بيفصل وبيعمل للمحلات الكبيره في دمياط وشفت شغله عجبني جددددا وبيعملهم دلوقتي وهيخلصوا على اخر 6 باذن الله ، اوضتين نوم وسفره والنيش وهشتري الليفنج جاهز من دمياط باذن الله لما انزل
انا حقيقي معرفش حاجه في دمياط غير الشارع الرئيسي الي عالبحر وده غالي وكله استيل وكلاسيك ،عاوز فيلل ومساحات كبيره وذوق معين ، وفيه كمان محلات متخصصه عفش فرنسي وايطالي وامريكي روحي اسأل كويس هيدلوكي وهتلاقي دمياط كلها محلات موبيليا
ومؤمنة السكر كانت قالت انها نزلت دمياط ولقت ازواق حلوه وسعرها معقول في منطقه اسمها ارض هندية او طريق المحور عندك هناك محل البارون وعلي البدري وهلال والحناوي وانتي اسألي هتلاقي الكل بيدلك والبلد صغيره مش كبيره واي حاجه جديده هعرفها هقلك على طول ياقمر
يبنات متيجي نعمل نظام تمشي عليه دلوعة وكل البناتيت الفرح بتاعهم لغاية شهر 5 والبنات الاتجوزوا يقدروا برضه يفيدونا في الجدول المقترح
10 كتير أوى كفاية 5 أو 6 و بعدين لما يخلصوا تجيب تانى , أنا عندى برفان رير بيرلز و برفان دولشى أورا و مجموعة فاراواى و مجموعة سليبر من أفون , و برفان فولار و برفان جيوردانى وايت جولد من أوريفليم و حاسة إن كده كتير و زحمة
أنا جربت جيوردانى وايت جميلة جداً و تحسى إنها راقية كده و شيك أوى أما جيوردانى جولد فأنا معرفهاش
انا جبت الماسكرا الشفافة حلوة, بالنسبة لل foundation اكتر نوع برتحله bourjois لانه ناعم اوي وبينور الوش وسعره حوالي 80 جنية
برضوا البلاشر bourjois تحفه واحلي كتير من حاجات اوريفلام وبرضوا مش غالي بحوال حاجة و 50
بس بجد حاجات bourjois جامدة موت
بالنسبه للكريستال انا شفت tuilp الي هو في سيتي ستارز
عنده اطقم كريستالات وهمية
تسيكي ال6 كاسات ب 190 تقريباً
و برضوا عنده الفازات و الاطباق الي بتتحط علي السفرة و كانت اسعاره معقوله
جيبتي قماش الانتريه من وين ؟؟ ونوعياته ايه واسعاره ممكن الافادة
انا وبشوف الانتريهات قالوا في قماش معالج بيتغسل[/QU
انا جبته من الوكاله من محل حلو اوى اسمه كورتينا ونوعيته اسمها شانليا وهناك كل الالوان والاشكال بس فصلى كويس لانه غالى وكان قماش الستاير هناك حلو اوى وهجيبه من هناك بس لما اخد المقاسات وانا تحت امرك فى اى شئ
فى برفانات حلوه اوى فى افون يمكن تكون مش عندك زى ليتل بلاك درس دى روعه ,ويرجولد, تريزل, ريربيرز, سليبر, باشون دانس دى جميلة ورخيصة , بيكسابل حلوة برضه ورخيصة , فاراوى,ومن اوف ارز دى تحفه,برفن مش فكرة اسمه على شكل قرص الشمس دى تحفه كل ده انا شيلاه ورحتهم تحفه
انا محتاره في نوع البوتاجاز اليونيفرسال ولا التكنو جاز
اما نوع التلاجه كنت محتاره ايديال ولا كريازي
بس
في ناس كتير شكرت في ايديال
بصى ياستى انا جبت تكنو جاز هو احلى كتير من يونيفرسال وفرنه اظبط بكتير بس نصيحه لوجه الله لو تلقى بوتجاز المصانع "حلوان" ده احسن بوتوجاز ممكن تشتريه
اما التلاجات فانا عندى ناشيونال بصراحه احنا كان علينا الاجهزه الكهربائيه وشيلتنا كانت خفيفه فوالدى جابها مستورده من الاسواق الحره بس اختى عندها الكريازى 20 قدم حلوه جدا بس خلى بالك من عيوب المصنع لو طلع فيها اى عيب صممى تبدليها ما تصلحيهاش
البوتاجاز طبعا كريازى و التلاجة توشيبا او ايديال
أورجانزا حلوه بس قديمه شويه ، فيه حجات جديده من جيفنشي زي اورجانزا واحلى ، عندك مارياج رهيبه ولسه جديده بقالها كم شهر بس وعلبتها من بره خضره
أما ميراكل من لانكوم فريحته هاديه ينفع للصبح وعلبته لونها وردي ، وتتكسفي ليه يا حبيبتي في المحل ، هو بيبقا عندهم تيستر قوليله اشم التيستر لكن متشتريش برفان الا وانتي مقتنعه بيه
الاول صح تغسلي وشك بغسول او تكوني عامله ديلي اسكرب خفيف
وبعدين اهم حاجه تنشفي وشك كويس جدا وبنعومه
بعدين الافضل انك تجيبي مكعب تلج مية ورد وتمرريه على وشك لان ميه الورد المتلجه هيا اللي هتقبض المسام و هتثبت الميكب
تحطي المرطب صح بس يناسب نوع بشرتك لو دهنيه او جافة ، انا بعمل نقط بسيطه اوي من مرطب نيتروجينا للبشره الدهنيه لبعض المناطق وبعدين بستخدم الاستوب شايننج من فور ايفر علشان يوقف افراز الدهون بعدين بستخدم البيس من فور ايفر او احيانا الستروب كريم من ماك ، علشان يوحد لون البشره ويعمل حاجز بين كريم الاساس والبشرة + نقط بسيطه عالحبوب والنقط الحمره بالكونسيلر
بعدين كريم الاساس واللوس باورد بالفرشه تتوزع وللفينش تاتش الكومباكت باودر بالطبطبه بستخدم ديفينورا من جيرلان رقمها 213 طبيعيه وبستخدم كمان من كانيبو
تعملي ميكب العين ، تسريح الحواجب بالفرشاه الخاصه ليها وبستخدم جل من ذا بودي شوب خاص للحواجب وبعدين بعمل بيس خاص للأيشادو من ماك وبستخدم الة ثني الرموش بس استخدميها بالراحه خالص وتحرصي على تنضيفها ديما
بعمل الايشادو والاضاءه تحت الحواجب وبستخدم الكحل العادي داخل العين احيانا الاسود وساعات الابيض لو كنت لابسه غوامق علشان يدي وسع للعين اكتر وبعدين المسكارا واحلى وحده جربتها كانت من لانكوم ونيفيا كويسه كمان ولسه مجربه بنفيت قريب وعجبتني اوي
الشفايف حاولي ترطبيها قبل المكيب بفازلين او ملعقه صغيره زيت دره + معلقه زيت زيتون
بعدين في مرحله البيس او الفونديشن حاولي تغطيها بيهم كمان وفي زوايا الشفايف
حدديهم خفيف جدا بقلم تحديد بلون لحمي مقارب للونهم وامليهم من جوه برضه بنفس القلم كأساس للروج او الجلوس لان ده بيثبته اكتر
واخيراً البلاشر بالفرشاه تحطي على عضمة الخدين وشويه عالانف والجبهة
البودره المضغوطه ليها استخدام للتاتش النهائي ولو حصل أي لخطبه في الميكب بعدين ، واللوس باودر برضه ليها استخدام بعد الفودنشين متكتلش ولا تجير ويبقا شكل طبيعي
زيت الجدايل 3 انواع مطول ومكثف وقضاء عالقشرة ، انا بستخدم المطول لان كنت بقص شعري كتير ونفسي يطول والحمدلله النتايج حلوه اوي وطول كتير ومقدرش احكملك عالباقيين لاني مجربتهمش واي سؤال انتي تؤمري ياقلبي ولا صدعتيني ولا حاجه
بصي زيت الجدايل ده من كتر ماتكلمنا عنه هنا زهق مننا وقرر يغير اسمه ويخليه زيت يوقع الجدايل هههههههههههه بهزر معاكي ، ده زيت ياحبي من عبد الصمد القرشي بتاع العود والعنبر والبخور وهو معروف جداً في كل دول الخليج وليه فروع في سيتي ستارز وفي سان ستيفانو في اسكندريه وهو زيت رائع بجد ومكتوب عليه طريقه استخدامه وشعري طول الحمدلله بس مستمره عليه علشان يطول اكتر وسعره اعتقد مش هيزيد عن 40 جنيه للعلبه
مبروك عالبرفنات اللي جبتيها وتتهنيم بيهم يارب ، هو اشهر برفان في كارولينا هريرا اسمه 212
واسكاد الاخير؟؟ لو الاخير ده تحفه واسكادا ماجنتيزم النبيتي برضه جميل اوي ماما بتحبه
وفانتازيا من بريتني سبيرز جامد انا جبت المجموعة بتاعته وجبلته زيت طبيعي للجسم من اجمل بريحته
اورفيليم و افون معرفش عنهم حاجه للاسف والبنات ماشاء الله اتكلمهم فيهم كتير ويفيدوكي
الاسعار مقدرش برضه افيدك لان انا في قطر واكيد فيه فرق في السعر وفرق العمله
أقولك انا برفناتي المفضله سينما من ايف سان لوران ده دمار شامل بجددد
جادور من ديور غرامي وانتقامي
أجمد برفان للنهار عالاطلاق هو بليجر من ايستي لودر ، ده برش منه على منديل واحطه تحت مخدتي واحلم احلام سعيده بقا
حتلاقى زيت الجدايل فى عبد الصمد القرشى اللى فى سيتى ستارز فى مدينة نصر
سيتي ستارز دة مول كبير جداااااااااااااااااااااااااااااااااااااا في مدينه نصر
عند الرقابه الاداريه في شارع النزهة
انتي روحي مدينه نصر واسالي مشهور جدا
الزيت تقريبا مش اكتر من 50
كنتى بتسالى عن نادى النقابه بصى يا جميل الللى فى البحر الاعظم وحش بتاع الزمالك احلى كتير وده موجود فى قاعتين واحده مكيفه والتانيه مكشوفه على النيل المكيفه احلى من وجهه نظرى اما الاسعار بقى ده حسب اللى حتختاريه يعنى نوع الزفه فى زفه كمنجات وزفه دمياطى و اسلاميه وواحده دمياطى تانيه بتلات نمر اغلى واحده الكمنجات
وحسب البوفيه برده لو مفتوح اوعشاء او هاى تى
وايه تانى يا باش مهندس امممممممم اه ولو دى جى او باند والتصوير والفيديو
والقاعه دى بتاخد لحد300 المهم انا كنت حاسبه ليا باعلى حاجات فيها ما عدا البوفيه كان هاى تى على 250 فرد كانت حتتكلف حوالى 4000 بس انتى روحى النادى وحتلاقى ورقه كده عندهم فيها الاسعار كلها
اجيب كام انا عندى حواللللى 14 واحد تقريبا وما فيش براهات لسة ما اشترتش اشترى كام واحدة ؟؟؟؟
وكمان مافيش قطن خالص لسة ما جبتهوش يا بنوتات يعنى معظمهم دانتيل او ستان بس
دة الموضوع الاول وهو مهم جدا بالنسبة لية يالا مستنياكم وبالنسبة لو روحت كام يوم
شهر عسل اخد كام لانجرى وكام حاجة من الحاجات دى ؟؟؟!!!!!!!!!!!!!
بصي انتي كدة كفايه العدد دة اللى انتي جيباه حلو اوي
هاتي بقى 6 او 10 قطن
شكليهم بين العادي لايام البريود وبين الاشكال اللذيذة اللى موجودة دلوقت في المحلات دي اللى بيكون مكتوب ومرسوم عليها
البراهات هاتي مثلا 3 غاليين لخروج
والباقي للبيت نوعي كام واحد دلع كدة للانرات اللى عندك
واللى هتلبسيهم في البيت
ممكن نقول هاتي 7 ويبقى المجموع 10
بالنسبه لشهر العسل خدي لانجري بعدد الايام
وكمان هدوم خروج قريب من عدد الايام
ولبس للنهار وانتي في الفندق بردوا بعدد الايام
ولبس لبعد الضهر
يعني 4 او 3 اطقم لليوم الواحد
الصبح بيجامه لذيذة
العصر بدي وشورت او جيب قصير
لبس خروج لو خرجتي
الانجري بليل
صباح الخير يا جميل بصى يا ستى انا هاحكيلك عن تجربتى مع حاجات المطبخ لانى لسه باشترى :
-طقم حلل استنلس استيل (حاجات زهران حلوة قوى ) وتجيبى بقى طاسات من تيفال 3 احجام واحدة كبيرة ووسط وصغيرة و 3 حلل مثلا تيفال او على حسب استخدامك.
-صوانى الفرن تيفال فيها قوالب واشكال كتير وجيبى كمان صوانى للبيتزا
-ماتنسيش الكنكة و البراد و اللبانة و المصفاة و المبشرة
-طقم بيركس علشان الفرن (طقم 3 قطع )
-طقم التوزيع استانلس ستيل
-شنطة الشوك والملاعق
-شوك وملاعق للإستخدام العادى
-طقم الصينى للنيش عندك المستورد وعندك المصرى الاستثمارى
-طقم اركوبال للاستخدام العادى
-طقم خشاف
-كوبايات مياه وعصير
-كاسات فى كريستال و فى عادى انا جبت واحد عادى وواحد غالى
يابنات مجدى وسيد كوافير ممتاز ونضيف جدا والمستويات فيه كويسة اوى وفى نفس الوقت اسعارة مناسبة وفى عنده 3 عروض
العرض الاول : ميك اب و طرحة وماسكات وباديكير ومانيكير ..... 500 ج
العرض التانى : زى الاول + صبغة وهاى لايت ............700 ج
العرض الثالث : زى الثانى + سويت وحمام مغربي وتكييس ........... 900 ج
بالنسب لال رشدان
انا حجزت القاعة الكبيرة الساعة ب 250 وممكن يكون فى تصوير فوتوغرافى وتصوير فيديو كمان
يابنات خليكم جنبي وانا تحت امركم فى اى استفسار
يارب اكون لخصتهولكو كويس ويعجبكو يارب
بنات عاوزه اساعدكو قوالوالى ممكن الخص انهو جزء وانا حاضره:21_218:
لو سمحتم عايزة اعرف عنوان كوافير سحر الى فى المنيل وازاى ممكن اوصله من شبرا او رمسيس بالمترو
وياريت لو حد يعرف رقم تليفون ليهم
ايه يابنات فين باقي التليخصات احنا مانستغناش عنكم
بناااااااااااااات انا حلخص ال23 ماحدش بقى يعمله ولو حد يعمله ياريت يقولى
السلام عليكم شطورة يا اسيل انك رجعتي الموضوع يشتغل تاني
طيب انا بقى خلصت الجزء ال11 اللي كنت قايلة اني هلخصه
فعندي اقتراح عشان حاسة ان الاجزاء اللي اتلخصت تايهة جوة الموضوع
فأنا هنزلهم ورا بعض بحيث اننا كمان نبقى عارفين ايه اللي فاضل ونبدأ نلخصه
بجد يا بنات انا حاسة ان الموضوع ده افادني اوي
ويا رب يكمل عشان الافادة تبقى اكتر
ياله بقى همتكوا
fazloka;4693237:
السلام عليكم شطورة يا اسيل انك رجعتي الموضوع يشتغل تاني
طيب انا بقى خلصت الجزء ال11 اللي كنت قايلة اني هلخصه
فعندي اقتراح عشان حاسة ان الاجزاء اللي اتلخصت تايهة جوة الموضوع
فأنا هنزلهم ورا بعض بحيث اننا كمان نبقى عارفين ايه اللي فاضل ونبدأ نلخصه
بجد يا بنات انا حاسة ان الموضوع ده افادني اوي
ويا رب يكمل عشان الافادة تبقى اكتر
ياله بقى همتكوا
فازلوكا ياريت تحطيهم يالترتيب عشان نضمن ان افيش حاجه وقعت مننا