...مسابقة فكر وصمم لركن التصاميم ...

مواهب وايد حلو اختي لوليتا

مرحبا بنات

خطرت ببالي فكرتين جديدتين

ونفذاتها ككتجربه ونبي رايكم نعتمد او لا

تصميم علبه كريم

العلبه الاساسيه اللي شايفينها بالصورة تبع بيبي جونسون

انا حددتها ومليتها بالابيض اوكي

وبدأت الونها وحطيت استايلات وطلعت معاي هالنتيجه

اذا وافقتوا راح احط النموذج اللي يعبونه
ولكن علبه بيبي جونسون ما راح احطها بس النوذج وهم يفكروا






:
:
:

فكرتي الثانيه

تصميم فستاين

نعطيهم بلوزه ويصممون لها تنوره او بنطلون حسب الرغبه

طبعا استخدمت بلوزه جاهزه هنا



وقمت بتضبيها على المليكان اللي حطت صورته ورد باول صفحه بالموضوع

وصغرتها عليه وحطيت لها فرش

اما التنوره رسمتها باداه التحديد

ولعبت في اداه التفتيح والتغميق وصلحت له موديل دربيه من فوق



اما الثاني فعملت عليه نفس فرشه البلوزه




وهناك فكره في بالي راح اجرب انفذها لو ضبطت يا سلااااااام


رايكم طاب شانكم

حلوين الفكرتين اختي لولووو

روعه

تحياتي

السلام عليكم ورحمه الله وبركاته

طبعا واخيرا طلعت لي فكرهـ

واهيا نسوي ثاثير على الصوره ونطلب يطلعون لنا شنو ضافين للصوره

سواء فرشه خامه باترن اكسسوار شكل

وهذا نموذجـ




اتمنى تعجبكم

تحياتيـ

مرحبا بنات

عدت بفكره من اقتراح سلووول .. وبهارات واضافات مني

ووصتني اشرحها لكم

اقترحت سليل
اان نكتب عن مصمه وعلى العضوات معرفتها..

ولكني اقترحت ان تكون اللعبه مثل عروستي اللي كنا نلعبها زمان عارفينها

يعني مثلا نحنا نقول عندنا مصمه مبدعه

علشان تكشفوا شخصيتها كل وحده تسأل سؤال..؟ ولازم نكون اون لاين علشان نرد على الاسئله

وكل وحده تسال سؤال

ونجاوب عليه صح خطأ..

ولكن ممنوع السؤال عن حروف اسمها الا بعد ان تنتهي الاسئله عن محور شخصيتها ومواضيعها

وممكن كمساعده مننا نجيب تصميم للعضوه ونخفيه كله

مع كل سؤال صح

نظهر جزء منه ( مربع واحد)

واكيد هالشي راح يساعدهم لمعرفه الشخصيه والمصممه

شو رايكم,,.؟

يا بنات مو باقي على رمضان الا يومين

لازم بسرعه ننزل الاعلان حتى يتم التسجيل

وين المقدمه يا حلوات..؟

المهم سويت بحث بالنت وعجبني كم شرط من شروطهم وكتبت محاوله للمقدمه

عدلوا عليها انتم

/::
:


مسابقه رمضان لركن التصاميم

كل عام وانت بخير ..
والله يعيننا وايكم على صيام شهره وقيامه..
ويكتبنا من عتقائه


مسابقتنا جديده .. وفكرتها متنوعه واسئلتها مختلفه ..

كل يوم يطرح سؤال خفيف ..

وستبدأ اسئلتنا من 1 رمضان وتنتهي بـ 20 رمضان

الشروط :-

1-ان تكون المشتركه على درايه ببرنامج الفوتوشوب

2-ان تكون العضوة لديها اكثر من 20 مشاركه بالمنتدى..

3- ستتكون مسابقتنا من خمس فرق كل فريق يتكون من خمس عضوات..

وعلى العضوة تحديد الفريق الذي ترغب في الانضمام اليه <<<<<<< هذه اخاف يكون فيها ظلم يعني ممكن يتجمعوا البنات اللي يعرفوا للتصميم مع بعض
تخيلوا نبض روحي .. البوبونه.. شذى العفاف.. روح البابا ( واو مشكله) فاقترح اننا حنا نقسمهم

4- على العضوه وضع شعار المجموعه بتوقيعها

5-يحق لكل عضوه المشاركة بإسم واحد فقط ومن يتضح أنها اشتركت بأكثر من إسم فسيتم حذفها من المجموعه.

6- يتم الاجابه على نفس السؤال بنفس الموضوع

6- ولايحق للعضو تغيير اجابتة بعد وضعها والا يحرم من نتيجة السؤال ( يمنع تعديل الرد)


النقاط والجوائز :

-اول عضو يحصل على نقطتين والثاني يحصل على نقطه واحدة فقط

- النقاط تجمع لصالح الفريق كامل
والفريق الفائز هو الذي يحصل على اكبر عدد من النقاط


الجوائز :
حقيبه المصمم ( تحتوي على مجموعه رائعه يحتاجها المصمه ) <<<<<< اشرحوها يا بنات

- اكثر عضو حاصل على نقاط يحصل على نفس الخيارات من الجوائز سواء كان من نفس الفريق الفائز او فريق اخر

:
:

ايش رايكم ..؟ عدلوا عليها

وياليت تنسوقها يا حبايباتي
<<<<<<<<< احس عمري فاشله في تنسيق

يالله بانتظاركم وانتظار البنارت لا تتاخروا

بانتظار رائي امورتنا الغاليه
و رائي ادارتنا الموقره

السلام عليكم
ماقصرتي لوليتا بالنسبه للفكره والشروط وايد حلوين

بوالنسبه للنقاط ليش ما نسوي منافسه اكثر

اللى تفوز تسحب نقطه من العضوه اللى تبي او الفريق اللى يفوز يسحب نقطه من الفريق اللى يبي


تحياتي

السلام عليكم ورحمة الله وبركاته

مساكم الله بالخير رائعاتنا الغاليات
مبدعات ركن التصميم (f)

غاليتي ورد تشرين
غاليتي لوليتا
غاليتي نور العين
غاليتي سليل

اعتذر اولا لتأخري في الرد بسبب ظروف والدتي الصحية , دعواتكم لها

والله يعطيكم العافية على المجهود والاهتمام الرائع منكم في تنشيط الركن
بالمسابقة الرمضانية

فكرة رائعة وجهد أكثر من رائع خاصة انها ستضفي جوالمرح والمتعة في ركن التصميم

والمسابقات الخفيفة حبيباتي لكم الحرية في صياغتها والاتفاق على محتواها
وشروطها وجوائزها ولاتتطلب اعتماد أو اشراف الإدارة

واعجبتني كثير فكرة جائزة حقيبة المصمم , فعلا هدية قيّمة ومفيدة

وبالنسبة لفكرة صور الشخصيات , المسموح به في الموقع فقط صور رؤساء دول الخليج
و يمنع وضع اي صور لشخصيات غيرهم

ربي يبارك فيكم على هالجهد وكل جهودكم الطيبة في التصميم والدورة
اسأل الله أن لايحرمكم أجرها ويجعله في ميزان حسناتكم

ومبارك عليكم الشهر (f)

السلام عليكم

الف شكر لجـ اختي الاموره ع الرد

ويارب يشافي والدتجـ وهو مجيب الدعاء

تحياتي

كل عام وانتم بخير حبيباتي ورمضان كريم
:
:


اهي اهي اهي

طارت المقمه وباقي ردودي

:
:
الامورة غاليتي

مشكورة على ردك يالغلا

وتقوم الولاده ان شاء الله بالسلامة والله يخليها لكم ولا يحرمكم منها

:
:
باحاول افتكر لكم المقدمه واعتمدوها لو عجبتكم

:
:

بعد الشربه والسمبوسه

والكنافه والبسبوسه

والتطلي والمهلبيه

والجلي والألماسيه

و بعد كل الوجبه ديه

موعدنا مع مسابقات شهيه

خفيفه على المعده وطريه

انتظرونا ليليه

من بعد المغربيه للفجريه


:
:
:
اتوقع كانت كذا ( يعني تشبه لها مو هي ) لان باقي كلمه هنيه ما انحطت لوووووووول

:
:

نور العين للاسف البنارات طارت :( ياليت تنزليها ثاني( اقصد الشعارات)

وهذه الاسماء

لمسات ناعمه
فنون وجنون
فانتازيا
طيف الابداع
رذاذات لونيه
:
:


بنات اتمنى تساعدوين في تنسيق المقدمه علشان ننزل الاعلان من اليوم

وبالنسبه لمتابعه

انا احاول انزل كل يوم سؤال على العشاء لكن ياليت تتابعون لاني ما اقدر

بعدين ياليت تحددون لي الاسئله وترتيبها
نبدأ بايش وباي سؤال لليوم
وباي سؤال لبكره وهكذا

يعني نرتب المسباقه

وتعطوني موقع يرفع ملفات وينزيب علشان انزل البال عليه
ودمتم

بنات هذه فكره تصميم عطر

سويتها اليوم على السريع

النوذج الاول

ترى القص رايح فيها واللي تبي تقصها عدل توقلي اعطيها اياها ولا استنوني لين اروق :)

الشغل كل بالاستايلات الجاهزة واللي تجي مع الفوتوشوب



النوذج الثاني

شغل استايلات و حطيت فرشه




مدري طالع شكلها خربان مع ان النوذج مضبوط وشكلها عندي بالفوتوشوب تمام

اذا عجبتكم الفكره هنا توزيع النقاط يختلف

1- الاسرع ياخذ نقطه

اما اجمل واسرع قارورة عطر تاخذ نقطتين

عكس توزيع الدجات بالمسابقات السابقه

كنا الاول نقطتين

والثاني نقطه

بالنسبه لللنتائج هذا السؤال
تظهر ويتم الاعلان عنها في اليوم التالي مع المسابقه الجديده
لان لازم نتشاور في التصاميم المقدمه سواء للعطور .. الكريم.. او اجمل تصميم فستان

موددتي

:

وعليكم السلام ورحمة الله وبركاته

اول شي الحمد لله على سلامة منتدانا .. جد ما نقدر نعيش من غيره

أمورتنا

يسعد مساكِ يا غاليه
ربي يشفي الوالده ويرفع عنها ياارب ألف لا بأس عليها :)
(f)

:

لولوو

الحمد لله على كل حال
وبرضو الحمد لله إنك لقيتي المقدمه وبإذن الله أنسقها الفجر او بكره بالكثير
لأني حالياً منشغله بقووه
وعلى فكره .. تبي زياده قد كيف من كل لعبه ؟؟
امممم واسماء المجموعات هنا مع التغيير في بعضها
إن شاء الله تعجبكم واذا تبو فيها تغيير بلغووني











وهذا فاصل لنفس المسابقه



بإذن الله لي عوده

:
:

روووعه الفكره لولو
وإذا امداني اقص قارورة عطر واضيفها هووني

:
:

السلام عليكم

الحمدالله على عودة منتدانا

وكل الافكار حلوه لولو افكاؤجـ حلوه والله

والفاصل حلوو

تحياتي

نور الله يعطيك الف عافيه يا عسل

شعارات حلوة

لا المقدمه اللي كتبتها متزكرتها بمخي مو الاصلي÷ ننتظر الاصليه من بعض الناس:)

يا عسل المسابقه الحين كيف تدبا من يوم 5 رمضان لين 20 بس

وبالنسبه شو محتاجه ما ادري

انا قلت لورد تركت المجال لكم

بس طلعت لي افكار جديده وطبقتها فاللي تبونها اعتمدوها

1- الكريم
2- الفستان
3- العطر

وحددوا لي السؤال الاول

نبدأ بالصورة الناقصه؟

وترى بازل ما سويت غير اللي عرضتها

نسقوا بينكم وانجزا

باي

:

السلام عليكم ورحمة الله وبركاته

على فكره لولو
ريوونه مو قادره ترسل اي اي شي ولا حتى ترد بمواضيع
عندها مشكله مادري هي من الجهاز ولا من النت
ولما كنتش تكلميها اوف لاين ما كانت تقدر ترد عليكِ لانها مو بالمسن العادي
وعلى هذا الاساس احاول اضبط المقدمه بهذي اللي كتبتيها ونغير اذا تحتاج تغيير

:
:

هلا نور
ان شاء الله
وما كنت ابي احط اون لاين لها
في الصبح كنت ابي اطلع اصلي الفجر علشان كذا وبعد ما صليت رحت نمت
وانا وقتي مررررررره مزحوم
الحين قلت بادخل انزل الموضوع علشان ودي اروح اطقطق اللحمه لبكره
وارتب شوي بالبيت ونرجه نتسحر وانام
يالله بانتظرك يالغلا والله يعطيك العافيه
والله يكون بعون ريونه

بانتظارك باي

.

::

أهلييييين بنااات

كيفكم ..

كل عام وانتم بخير جميعاً ..وشهر مبارك عالجميع ان شاء الله ..

الامورة ..

شرفتينا ..الله يقوم الوالدة بالسلاامة يارب ..

اممممممم

لسا توني داخلة ومفتحة عيوني..:2_106:

توني شفت رسالة عروس ..

المهم ..

الحين مستعجلة لاني راح انزل التقييم والدرس الاخير

وراجعت لكم ان شاء الله ..


::

.

كل سنة وانتي طيبه يا ورد

نحنا بخير انتي كيفك وكيف الاهل.؟

بانتظار عودتك يالغلا

واتمنى منكم جميعا ان تضعوا ما انتجتموه للمسابقه هنا

حتى يتم التنسيق

بيننا

سلا1111111111111م يا حلوات

السلام عليكمـ

هذي نموذجين لمسابقتي اللى اقترحتها عليكم

هذي الصوره اضفت لها باترن



وهذي خامه



تحياتي

مرحبا سلول
الاول حلو ومره سهل

حاولي تصعبينها شويه

الثاني مو واضح انه خامه

واضح كانه تدرج لوني

بنات شوفوا هذه مسابقه من صاحب الصورة

تعرفون الحل او لا..؟ اذا كانت سهله وحلتوها اضفناها اذا صعبه بلاش

اللي تعجبكم اعتمدوها اوك يعني قولوا اي وحده من الاربع