...ماأبى غير دعواتكم للكل وليه ..

السلام عليكم ورحمه الله وبركاته ..

شحالكن ..ربكن الا بخير وعافيه ^-^..

حبيتكم ليش مادري لوول ..

اليوم حبيت افضفض لكم شوي..

صح كتبت وايد بس بعدني ماطلعت اللي بخاطري ):..

لاني صدج يوم اسمع تدعي علينا بهالدعاوي والله قلبي ينحرق..

ودموعي تسبق اي كلمه اقولها .. تعبت من امي الله يهديها..

والله ان على اشياء بسيطه .. تقعد تدعي علينا..

انا احس اني مب موفقه والسبب دعاوي امي..

احس اني مب بنتها وايد اشكك اني عديلتها..!!

خواتي معرسات وفي بيوتهن جليل مايسمعون الدعاوي السم اللي اسمعها..

اقرب مثال

امس شليت ولد ختيه وقعدت الاعبه يمكن اني لاعبته بدفاشه شوي..يعني شلته

وفريته فوق واحاول ارجع اشله مره ثانيه >>حد فهم لي :(..!!!

امي هني تتحراني بطيح الياهل ع الارض ( انا كبيره واعرف اشله )..

المهم حزتها ماقالت نزليه لا

تقعد تدعي علينا بدعاوي ..!!

الله لا يبارج فيج والله والله والله لا يوفقج بس امس قالت لي الله لا يبارج فيج ان شاء الله....................!

بتقولون انا حساسه ؟؟ بقولكم المشكله مب مره ومرتين تدعي ..لا .. كل مره )...

ومره من المرات رايحه وياها السوووووق ... اخترت تنوره بشتريها

هي ماعيبتها .. بامكانها تقول لي لا تشتريها.. لا والله ماقالت جيه !!!

ظربتني جدام الهندي والناس وقالت والله العظيم هاي ماتشتريها..!!

والله اني لابسه نقاب ودموعي فاظت من عيوني والقهر بداخلي

جنه ناااااار يحرق صدريه .... انا مش ياهل تظربني..

والله احس الناس ظحكوا عليه ..!!

تتخيلون بنت منقبه تنظرب بهالطريقه .!!!

يعني تمشيني ع كيف كيفها.. مب مشكله تقولي لي بطريقه زينه..

قعدت تصارخ وتزاعج عليه بالسوق وتظربني ع الجتف

تتخيلون الموقف ..رحت الحمام كملت صياحي شوي وطلعت..

والله اني تعقدت والله هالمواقف ماتسوى ...

والله ان دعاويها سم سم سم..

الله لا يوفقج..

الله لايبارج فيج..

يعلج بقبر ظيق ...>> قالتها لي مره والله قالتها :(..

حسبي الله عليج ليوم القيامه ..

ان شاء الله تموتين..

انواع الدعاوي بتحطها لكم ...

يعني كلمه ان شاء الله حفره ظيقع تشلج جنها تقولج السلام عليكم

متعوده.!!!!!!!!!!!!!!!!!!!

قسما بالله ان هالدعاوي ولا شي..!!!

انا وين بتووووووووووفق وهي تدعي علينا باسباب سخيفه ..!!

احاول اكتم الصراحه ومااصارخ عليها بس ساعات ارد عليها من حرق اليوف

بحاول ادعي لها بصلاتي ربي يهديها

بس والله لسان اممممممممميييييي عليه سجين ..

وامس دعت ع ختيه الثانيه بعد

بس والله تعبت .. دخيلكم دعوا لامي الله يهديها وتخف علينا من الدعاوي

والله احس دعاويها مستجابه ليش مادري..

صح اني اصلي واقرا قران واستغفر كل يوم .... والحمدلله واحاول ابعد

عن ذنوبي بس دومني احس بيظقه واكتئاب قسما بالله محد يدري

اني ادش الغرفه واقعد اصيح يتحروني راقده واانا اصيح..

والله ان 24 ظايقه ... احسها من دعاوي امي..لو علي ذنوب بنقول..

بس الحمدلله احس اني ممشيه وقتي مب ذنوب .....يمكن اني بحكم اني

وحيده + اني ماشتغل+ اني ماادرس+ ماطلع وايد من البيت ..سبب لي الظيج

بس بعد احسه من اثار دعاوي امايه يوم تدعي لنا بالظيج

وبالقبر الظيج والحفره اللي تلوي علينا من ظيقها...

قسما بالله كمن مره اييها ابى احظنها اقولها احبج تقولي انتي ياهل؟!

وتقولي قومي خوزي عني...

قسما بالله خاطري احظن امايه بس مااقدر..

اقولها للو ماحظنتج احظن منو ؟!

تسكت وتروح تقول انتي مب ياهل ...

خاطري يوم اصيح او اظيج اييها وابوسها بس ماشي فايده.!.!

كمن مره احاول ارقد وياها والله تقولي مابى حد يرقد وياي >>بقدرها بهالشي..

وكمن مره ايي اسولف وياها ساعات اقعد اسولف تقول انتي صدعه راس..

وين اروح ؟!!!!!

لو رمست بالتلفون بتحشر الدنيا ويوم اييها اسولف تقول صدعه انتي :(..!!!

احس امي تغيرت بعد وفاه الوالد الكل لاحظ عليها

بس نحن عيالها بعد نعاني من فرقاه لازم تحن علينا

ماتقسى ...والله لو تحن عليه والله اني مابصارخ عليها

وبسوي اللي تباه كامل من عيوني’.’,’,

ادري وايد رمست

بس اريد دعواتكم لان كم مره ارمسها تقول انزين

واخر شي ترد شرات اول واخس يمكن الدعاوي تفيد ..

وان شاء الله الله يرزقني بمن يقدرني ويبعدني عن هالظيج

كله ..اللهم امين

.......................


الله يحفظكم ويفرج همنا وهمكم ...ويغفر لابويه اللي فقدته ..

حياتي بعده جحيم

الحمدلله ع كل حال..

أختكم..........................