سؤال بسيط لعضوات عروس

حبيبتي الله يوفقك وييسرلك الخير .... اذا ما كنت اخته موافقه عليك زوجه لأخوها مش مهم لأنه هو الي بيتزوجك مش اخته ولا تهتمي لرأيها من الاساس..

اما بالنسبه لمدير شركة الشخص اذا بحياته ما شافك و خطبك لو مكانك بستغرب من وين يعرف عنك ؟!!! اما اذا شافك يمكن عجبتيه وما تهتمي له اذا بدك الشخص ذاك زوج الك ... والله يوفقك

أختي بالنسبه لي .. راي اخته يهمني بس أشلون أنا ماكلمه و هو يعرفني عدل و أخته الي مفروض تكون قريبتي ما تعرفني عدل. .؟؟؟

بس المهم .. رايه أهو الاهم ..

واذا مديره في العمل خطبني و كان رجال صالح و ماعليه كلام أستخير و اتوكل على الله و اتزوجه لانه لين متى بنتظر اخته الي تصغرني 14 سنه لين تعقل و توافق علي ,,.؟؟؟ و بعدين اذا هي بينها و بينج كل هالعمر اكيد اهي صغيره .. أبي اعرف اشلون يأخذون برايها و يعطلون الخطبه على وحده صغيره ؟؟؟

هذا راي الخاص ممكن يكون صح و ممكن يكون خطأ و في الاخر كل واحد وايه و ما احد يأخذ الا نصيبه بهالدنيا ..

اختي اذا كانت اخته من النوع الي رافضتك نهائي معناها انه ماخطبك ولا بيخطبك وان اخطب بتعانين معاه
بالنسبه للمدير ان كان طيب وحبوب وانتي متقبلته واقفي بس ان حسيتي انك متعلقه بحبيبك كثير مشكله ولو ماخطبك شتسوين هذا غير انها بتبهدلك بكرى لو تزوجتيه
اختك
احلام فتاه

اختي اذا كان هو يبيج فما عليج من اخته لانه اهو اللي بيتزوجج لكن حاولي انج تتجنبيها
اما عن المدير فاذا كان اهو بعد من الاقارب وشافني وعجبته وكان صالح يمكن اوافق ..هذا اذا متقدم لي الشخص اللي اتمناه قبله.الله يوفق الجميع

اختى الحبيبه
اهم شي هو انه هو اللي يبغاكي و يحبك و امه و ابوه يريدونك زوجه لابنهم , خلك من اخته , و بعدين ليش راح تتزوج مدير اللي تحبيه ؟؟ ما تشوفيها شو صعبه ؟ والله انها صعبه وانا لو مكانك ما راح اتزوج مدير اللي احبه حتى لو كان عنده احسن الصفات

بالنسبه للشخص الأول اذا كنتي تحبينه وهو يحبك وغرضه شريف ، اهم شي والدته ووالده موافقين، ما عليك من اخته مع الأيام ممكن تحببينها فيك ، وخاصه ان اهي صغيره ، وبعض البنات يغارون من زوجات اخوانهم ...

وبالنسبه للشخص الثاني اللي خاطبك ، مو عارفه شقول لك ، بس اذا كان الغرض من السؤال ان تختارين بين الأثنين ، شوفي اي واحد فيهم متدين ويصلي ويخاف ربه ... عشان يخاف ربه فيك وبعدين شوفي الأشياء الثانيه المهمه بالنسبه لك .... مثل شغله ... الخ

والله يوفقك

السلام عليكم
الله يجزاكن كل خير العضوات اللي شرفوا موضوعي بردودهن
اول شي انا من مجتمع ودولة فيها الحجاب شي اساسي يعني هو ماشافني ولا مديره ايضاً ولكن عن طريق سمعة اهلي خطبني مديره اما بالنسبة للشخص اللي اتمناه زوج لي هو ماتقدم لخطوبتي بسبب اخته الرافضة لي مع العلم انها اكبر مني وليست بصغيرة فعمرها بالثلاثيناتوانا بالعشرينات اما مديره في العمل فقد تم رفضه من قبل اهلي لاسباب معينة

انا اهم شي اخته ماسبب تكوين فكرتها عني بالعلم انه لايوجد بيني وبينها الا معرفة وزمالة عمل خلال السنة الماضية فقط
فإذا عرف السبب بطل العجب

يسلمو
يعطيك الف عافيه

الغلا55;4342021:
أختي بالنسبه لي .. راي اخته يهمني بس أشلون أنا ماكلمه و هو يعرفني عدل و أخته الي مفروض تكون قريبتي ما تعرفني عدل. .؟؟؟

بس المهم .. رايه أهو الاهم ..

واذا مديره في العمل خطبني و كان رجال صالح و ماعليه كلام أستخير و اتوكل على الله و اتزوجه لانه لين متى بنتظر اخته الي تصغرني 14 سنه لين تعقل و توافق علي ,,.؟؟؟ و بعدين اذا هي بينها و بينج كل هالعمر اكيد اهي صغيره .. أبي اعرف اشلون يأخذون برايها و يعطلون الخطبه على وحده صغيره ؟؟؟

هذا راي الخاص ممكن يكون صح و ممكن يكون خطأ و في الاخر كل واحد وايه و ما احد يأخذ الا نصيبه بهالدنيا ..

(y)(y)(y)

حبيبتي لو أنا محلك حاستخير ربي بالرجل اللي متقدم لي بعد ما أعرف عنه اذا كان أخلاقه عالية وظروفه مناسبة
لأني بعرف اللي شاريني بيجي بيخطبني وما بيهمه لا رأي أخته ولا رأي أخوه
لو كان أمه كنا قلنا بس أخته وأصغر منه

بأخذ اللي شاريني واللي مو شاريني ما يهمني لو ما بقي غيره بالدنياااا

اصغر منه واهي بالثلاثينات عيل اهو عمره جم؟
يعني معقوله اهو بهالعمر الكبير وللحين مافكر بالزواج والسبب اخته..
ومساله المدير منتهيه مثل ما وضحتي ليش محيره روحج اكثر دام تم الرفض وانتهى الموضوع...

ومساله زواجج من هالشخص ومعارضه اخته اهو ع حسب شخصيه هالرجل وشخصيه اهله يعني في رجال لما ايبون يبون يخطبون يهمهم راي كل فرد من افراد عائلتهم وانه يكونون مقتنعيين وموافقيين مئه بالمئه وإذا كان هالرجل من هالنوع فالله يعينج لانه بتكون طريقته بالتعامل معاج حتى ولو انحلت العقبه الاولى وتم الزواج..

والله يوفقج إن شا الله ويرزقج بالزوج الصالح والذريه الصالحه

انت مادامك تحبين هذه الشخص وهو يحبك الحب ليس كلام انما فعل لازم يتقدم وينهي الموضوع
وبنسبة اخته حاولي تكسبيها وتخليها تحبك وافضل عن طريق هدية لان الرسول صلى الله عليه وسلم وضح انه في تبادل الهدايا تكسب الالفة والمحبة
وتجنبيها لاتحتكي كثير بها
واصلا هي ليست مشكلة ولا مهمة موضوعك
وزواج المدير لاتقرري الا وانت في حالة جيدة واخرجت هذه الشخص او قررتي تخرجيه من قلبك
والله يوفقك
وانا بكلمك من تجربة