ساعدوني بآرائكم .. ولدي بالمستشفى آخذه والا اخليه يكمل 9 شهور؟؟

خيواا ويش اخبارش يا الغالية ثلج ويش اعلمومش

خيواا اخديهاا نصيحة منى اقول ليش اخدى ولدش من المستشفي افضل

انى ماتتذكرين ولدة بي بنين كان 32 اسبوع بس كان وزنهاا اقل من كيلواا ونصف يوم يعطونى ايهاا صار كيلواا و600 مائة يعنى اقل من وزن ولدش خيواا بس كنت احاسب عليهاا واجد ماخلى احد يحبهاا اواا يلمسهاا الحين الحمد الله اكى كبرة وصارة عروس الحين وزنهاا 3 كيلواا و700

لا تخافيين خيواا اتكلى على الله

سلام عليكم

مسامحه على التأخير في الرد اخواتي
بس انا رحت تاريخ 4 المستشفى كالعادة حق رضاعه واتطمن على عبادي.. قالوا لي ان الدكتور كتب له رخصة وخروج
لانه الحمدلله صحته اوكي ومافي شي ووصل وزنه يوم الي اخذته كيلو و900.. يقولون اذا البيبي صحته زينة وكل شي تمام مايخلونه عندهم الحين الا لما يكمل كيلوين بس..

الحمدلله علموني شلون انظفه واسبحه واغير له وجذي.. والحين الحمدلله وزنه وصل كيلوين و340 وقاعد يزيد يعني الحمدلله والدكتور قال كل شي اوكي ومافي خوف..

تحياتي

الحمد لله رب العالمين عسى ربي يحفظه لج يا رب وتفرحين فيه :)

الله يحفظه لج يا ام عبدالله.. ويكبر ويتربى بعزج وتشوفينه معرس يارب

ألف مبروك ما جاكم ..

و ان شاء الله يكون من الذريه الصالحة ..

و الحمد لله على سلامتج و سلامة البيبي..


من رأيي انج تخلينه بالمستشفى ... لأنه هذا أول مولود لج على ما أظن ..

و انتي لازم تروحين و تجين المستشفى ... و لا تقولين تعب ... هو صح تعب ... بس كل شي يرخصلهم و كل شي

في سبيل العيال يباله صبر و تضحية و تعب ..

خليه في المستشفى لين ما يكمل تسع شهور ...

و عن البيت .. شوفي .. محد يقدر يمسك نفسه عن الصغاريه حتى لو كانت حجتج قويه ..

انتي تشوفين اي بيبي او ياهل حتى لو كان تعبان او فيه شي اتشيلينه و اتبوسيه ...

هذا اقل شي ...

فمهما تقولين لهم .. هم ما بيقدرون هالشي .. لأنه بيبي صغير .. و يبون يشلونه و يحطونه في حظنهم و يبوسونه

و يلعبونه ...


هذا من رأيي الشخصي ...



و اسمحيلي ..


و الله يسعدج و تفرحين بطلوع عبادي من المستشفى سالم كامل سليم ....


:bigsmile:

الحمد لله على سلامته عبادي

أنا بعد احتمال يولدوني هالاسبوع أو اللي بعده ... وخايفة من التعامل مع بيبي صغير .... كيف حاله الان ؟؟؟

الحمدلله

الله يسلمكم

سامراء الحمدلله هو زين الحين وكل شي اوكي الحمدلله

الف الف الف الف الف
مبـــــــــروك
حبيبتي علي سلامة ابنك .... والحمد لله علي انه بخير
ان شاء الله يصير احسن واحسن وتشوفنه عريس ...