هل يصرف ريلج عليج؟؟؟

هلا بنات اشحالكن

انا عندي موضوع شاغل بالي فما ادري هل اللي افكر صح او مجرد وسواس؟

انا الحمدلله معرسة من سنة تقريبا وعندي طفل وانا اشتغل ومن بداية زواجنا تعرفون الوضع كان جديد علي فما كنت احب اطلب من ريلي فلوس ابدا انا اصرف على عمري واذا احتجت شي للبيت من المطبخ والدكان والدوبي انا اعطيهم الفلوس لاني كنت افكر واقول فلوسنا وحده وهو طبعا ما يقصر بعد اييب اغراض الجمعية اي شي اطلب منه اييبه لي وللبيت وانا كنت احط الاضافات وفجاة اذا ييونا ضيوف وابغي شي اتصل فيه اقوله يقولي طلبي من الدكان وطبعا انا اللي ادفع حزتها ومرة عصبت قتله انزين انت عطيتيي فلوس عشان اتصل الدكان قالي لا تدفعين الين ارجع ان شاءالله ونفس الشي قالي لا اتتصلين بالدوبي الا يوم انا موجود بس انا من النوع اللي ما اخلي حساب عند حد ابا اقضي ديوني باسرع وقت ممكن المهم ويوم اسير بيت اهلي انا اصرف على نفسي وهو اذ طلبت بس يعطيني وعقب ما ربيت قتله ابغي فلوس اتشر لولدك فققرت اني ما اشتري شي لولدي من فلوسي الا الاشياء الاضافية وهو ما قصر بعد يعطيني والحمدلله بين فترة وفترة يهديني اغلى الهدايا تقريبا كل هداياه لي الماس من الخواتم والساعات والعطور الغالية الحمدلله ويمشيني وكل اسبوع نطلع والحمدلله الف مرة عليه ولكن انا افكر يوم انطلع ويا بعض انا اريد اشتري حق عمري ملابس مكياج عطور شنط ونعول انا اللي ادفع حق عمري انا ادفع حق الصوالين والحنا اي شي يخصني انا ادفع وافكر اطلب منه واقوله ليش انت ما تصرف علي وعلى حاجاتي بس اذكر مرة من زمان قالي نا بصرف على اساسياتج مب كمالياتج بس انا ما احب اطلب منه لو انه ريلي ما اخب حد يصرف علي عزة نفسي ما تسمح بس لازم هو ما يحتاج اني اقوله مثلا لو طلعنا السوق ابا اشتري اقوله ودني اسحب لان ما عندي فلوس يوديني المفروض يقولي انا موجود وبدفعلج صح ولا لا؟؟؟ ما ادري اقول الريال فديون وما يبقى شي من راتبه وفلوسه فالاسهم اللي على حسب كلامه كلها خسرانه ولله الحمد فانا اقول دام الحب موجود بينكم خلااااااااااااااااااااااص .. ومرات اخته تطلب منه فلوس يعطيها مبالغ بس ما ادري اذا تردله ويشتري هدايا لعيال اخته بالالاف يعني هو مب بخيل الحمدلله وهو من النوع اللي يصرف وكل شي وما يقصر على ولده وبيته بس انا ليش ما يصرف علي وعلى اغراضي الخاصة؟؟؟ بس بصراحه اذ طلبت منه ما يردلي طلب وهل هو من النوع اذا طلبت بس يعطيني؟؟ ما ادري شو سوي وكيف اتصرف الحين قرب العيد ابا اشتري للعيد فاكيد انا بدفع لعمري الحمدلله عندي فلوس المبدا مب مبدا الفلوس بس ليش ما يعطيني؟؟؟

هل كلامي صح ولا مبالغ فيه وكيف اخليه يفهم قصدي وكيف افاتحه فالموضوع من دون ما يتحسس لانه ما يقصر ابدا وكل اللي حوالينا عبالهم هو يصرف علي اهله وخواته لاني مااحب اقول شي مثل هذ لانه هو مب مقصر بس انا زوجته لازم يصرف علي ؟؟؟ واهله يقولون فلان ما يقصر في شي يدفع على طول والحين هو اللي يشتري اغراض لبيت اهله بحكم سفر ابوه وانا اللي قتله يسوي هالشي لانه ريال البيت وقتله انت ملزوم باهلك وحتى يوم نكون قاعدين نرمس عن الفلوس وسالوني من اشترا اقولهم انا وفلان ماقول انا اشتريت بفلوسي شو اسوي ؟؟؟؟؟