فينكوا يا بنات يا مصريات ؟؟؟؟؟ ( الجزء الثالث )

@ green apple @ 02-09-2007 753 رد 91,265 مشاهدة
l
coffeerose;4694521:
ههههههههههههه
يا الله على الذكاء لما يطلع معايا
انا فكرت انك بتسالي عن ماركة مكياج
:wavetowel2::wavetowel2::wavetowel2:

ايوة بالنسبة لمكياج الجسم له كريم اساس
وبودر......والبودر اللي بلمعة اضاءة للجسم
في من ميكب فور ايفر كريم اساس للوجه والجسم تقريبا ب185ج
اذا كنت متذكرة السعر صحيح....بس الصراحة ما جربته
وممكن وانت في وجوه او مزايا اسالي عن بودرالجسم واساس الجسم
:flower::flower::flower:
اما بودرة الجسم في بودر من اوريفلام((كومباكت بودر)))
بكتالوج الشهر الجاي ديسمبر سعرها بالعرض 104ج
بس انت لو عضوة بتاخديها ارخص
شكلها حلوة
وكان في بودر من اوريفلام كانت نازلة يمكن العام الماضي
بنكهة الكاكاو ((لوس بودر))) بودرة حرة يعني كانت بلمعة مرة لمعتها حلوة
:flower::flower::flower:
في كمان من اوريفلام مجموعة البيرل فيها بودرة تلك بلمعة للجسم وفي نفس المجموعة
حتلاقي لوشن الجسم ريحته روعة ولمعته تجنن بس انتبهي اللوشن لان الكريم اللي في المجموعة اعتقد مافيه اللمعة وممكن تسالي وتتاكدي
:flower::flower::flower::flower:
اسفة على الاطالة واتمنى افدتك

مرسي ياقمر الله يخليكي بس اتعبك معايا هو كريم الاساس بتاع الوجه ينفع للجسم
l
coffeerose;4714257:
والله ياعسل ما اعرف يعني
ماسبق وجربت اني استخدم كريم الوجه للجسم
هي فكرة لوجربتها اقولك....
ممكن تجربي بس على منطقة صغيرة من جسمك
عشان تتاكدي الاول انه مايسببلك حساسية لاسمح الله
عامة في كريم اساس من ميكب فور ايفر للجسم والوجه معا
لكن غير كدة الانواع اللي جربتها مكتوب عليها للوجه


مرسي ياحبيبه قلبي ممكن اسالك هو البودره المضغوطه افضل ولا البودره السايله وامتي استخدم دي او الاخري وايه احسن انواع البودره المضغوطه وانا بجد اسفه علي تعبك معايا
l
coffeerose;4727938:
اولا ولا اسفةولاشي
احنا اخوات وانا افيدكم على قد ما اقدر
وكمان اتعلم منكن اشياء
لوالبودرة السائلة هي السائبة((الحرة)))
انا بحسها افضل من البودر المضغوط لانها بتدي لوك
طبيعي للوجه والمكياج ......وبرضهحسب اللي يناسبك
ممكن المضغوطة تناسبك
شوفي بعد الاساس تحطي البودر السائبة او المضغوطة
البودرة السائبة الافضل لها تنحط بالفرشاة بتتوزع احسن
والمضغوطةممكن بالفرشاة او الاسفنجة
:flower::flower::flower::flower::flower:

البودرة السائبة بتحطي منها تحت العين عشان الشدو اللي
بينزل على الوجه مايخرب الاساسخاصة لو حاطة الشدو بفرشاة
وبعدين بتشيلي البودرة الزيادة
:flower::flower::flower::flower::flower:

اتمنى افدتك


اه والله افدتني كتير اوي ربنا يخليكي ليه بس ايه احسن بودره سائبه لاني جربت كتير اوي وكله كان خصوصا في الصيف وحش اوي بس انا بستخدم البودره المائيه السمر كيك بتدي لوك طبيعي اوي معايا ومابحطش لا تحتها ولا فوقها شئ ايه رايك فيها ولو هاجيب بودره سائله ايه احسن نوع
m
lolycat;4733949:
اه والله افدتني كتير اوي ربنا يخليكي ليه بس ايه احسن بودره سائبه لاني جربت كتير اوي وكله كان خصوصا في الصيف وحش اوي بس انا بستخدم البودره المائيه السمر كيك بتدي لوك طبيعي اوي معايا ومابحطش لا تحتها ولا فوقها شئ ايه رايك فيها ولو هاجيب بودره سائله ايه احسن نوع



شوفى زى ما قالتلك الخبيره الجميله كوفى روز :shiny: بودره اوريفلام السايبه حلوه اوى (y)

و فيه بودره سايبه فى ماركة سيبيل Sebel على فكره الماركه دى حلوه اوىىىىىىىىى (y) و اسعارها حلوه اوىىىىىىىىىىى :whistling:
m
coffeerose;4740946:
الله يسعدك ياجميل
بس خبيرة لسة بدري عليها شوية
انا كمان بتعلم منكم
وانا عايزاكي تديني معلومات عن ماركة سيبل
هي مصرية والا اجنبية؟؟؟؟
والاقيها فين؟؟؟؟انا ماشفتها قبل كدة
وايه اللي جربتيه منها وكان حلو؟؟؟؟
واشكرك جدا


لا صدقينى يا قمر انا مش بجاملك انتى فعلا خبيره ، ارائك حلوه اوى و كمان ذوقك راقى جدا

بصى يا ستى ماركه سيبل اول ما ظهرت كان مكتوب عليه المانى لكن دلوقتى اعتقد انها بتتصنع فى مصر و سورى انا كتبتها بالانجلش غلط هى بتتكتب Cybele

بالنسبه لاسعارها يعنى يمكن نفس مستوى اسعار لونا و اماندا و سارا ، يعنى اسعارها معقوله جدا و حاجاتهم حلوه انا بحب الروجات بتاعتهم اوى فيه روج جلوس الى هو عباره عن اسفنجه و انتى تلفيه فيظهر اللون على الاسفنجه فيه درجتين واحده اسمها روز بيج او بيج روز مش فاكره بالظبط و الدرجه التانيه موف الصراحه كل مااخلصهم اشتريهم تانى حلوين اوى و لمعتهم تحفه لانهم روج و جلوس فى نفس الوقت

و جربت البودره السايبه بتاعتهم حلوه اوى و جربت الايشادو جميل و الماسكرا بتاعتهم مريحانى جدا

شوفى يا ستى انا بلاقيها فى اماكن كتير بس انا مش عارفه انتى منين ، انا من مصر الجديده فيه واحد فى روكسى اسمه سمير وليم ده عنده مستلزمات الكوافير و فيه كمان فورتشن ده له فروع كتير فيه منه فى سيتى ستارز و فى كمان فى اركاديا و فيه سوبر ماركت اولاد رجب الى فى ميدان سانت فاتيما فى مصر الجديده فيه فرع له متخصص بس ميكب و برفانات ، مش فاكره اماكن تانى بس هو موجود كتير ، ارجو اكون افدتك يا جميله
d
السلام عليكم يامصريات

انا عايزة اجيب مشط حرارى منه يسرح الشعر ومنه يسشوره
الاقيه فين فى مصر؟؟؟
l
مرسي ياكوفي مرسي ياميرا ايه رايكم في كريم اساس اوريفليم
l
coffeerose;4752827:
ان شاء الله البنات يفيدوكي
اناماعنديش فكرة بصراحة
:flower::flower::flower::flower:


بالنسبة لكريم اساس اوريفلام انا جربت
الاساس اللي في انبوبة اسمه تي بالانس
للبشرة المركبة والدهنية عجبني وكل حاجة بس بحسه
مناسب للنهار اكتر لانه خفيف وبيبين طبيعي.....واظن انه كمان في عامل
حماية 8 حاجة كدة.....
بس انا ماجربتش كريم اساس جيورداني
هي حاجة جيورداني جميلةجدا بس انا مجربتهوش الصراحة
اتمنى افدتك
:flower::flower::flower::flower:


مرسي ياكوفي اوي ربنا يوفقك
s
للرفع
م
السلام عليكم يا حلى بنوتات
انا كنت عايزه اسالكم على اقلام تحديد العين الجديده اللى من اوريفلام اللى منها 6 الوان
موف ورصاصى واخضر وازرق وبنى واسود
انا كنت جربتها فى محل ولقيت انها بتثبت فتره طويله جدا فضلت على ايدى كتيييييييييييير حتى لما بقيت اغسلها
لو حد جربها يقولى رايه فيها لانى ناويا اشترى منها الشهر الجاى شهر واحد وهل هيا بتنفه داخل العين زى الكحل

وسؤال تانى نفسى اعرف اجابته من زمان بس ما تضحكوش عليا
ايه فايده بودره التلك للجسم بالظبط سواء العاديه او اللى لها ريحه زى البرفان؟؟؟؟؟؟؟؟
وياترا ليها اضرار زى سد المسام مثلا؟؟؟؟؟؟؟؟؟؟؟؟؟

وايه رايكم فى كريم جسم فريا لانه عليه عرض ياترا حلو ولا فيه احلى منه

وكفايه كدا النهارده وانا حتابع معاكم وحستنى ردودكم ان شاء الله
ربنا ما يحرمنيش مكن مقدما
m
انا بصراحه أول مره اعرف ان فى هنا تجمع للمصريات
انتوا منورينا و رافعين راسنا كده فى كل مكان
انا بقى عايزه اعرف حاجه
دلوقتى انا مش فاهمه اى حاجه فى اى حاجه من كل كلامكم ده
انا اعرف مكياج العين و هو ده كل اللى انا بعمله
كحل و شادو و بس

انا بستعمل كحل سي بيل و شادوا و مسكار بجيب بينكى زوون

محدش فيكم خالص سمعته بيقول بينكى زون دى
بالرغم ان هى حلوة اوى و رخيصه
و الروج بتاعها و الجلوسات حلوة أوى
و المسكارا فظيعه بجد
في منها ازرق و أسود و أبيض و بنى
و الأبيض بالذات بيعجبنى أوى
و المهم يا بنات
ان انا بخاف من الميك أب جدااااااااااا
لأن بشرتى حساسه
عمرى ما حطيت اكتر من مكياج العيون
و كمان بحس ان بيخلى جفونى أغمق
سمعت ان فى من فير اند لفلى حاجه كده بتتحط زى كريم الأساس لمكياج العين عشان مش تحليه يأذى العين؟؟
أدونى نصاايحكم يا بنات بليز
لأنى بحس ان وشى كده أقرع و حاجه كده شاذه ان انا مش حاطه حاجه غير على عينى
l
ايه زون دي اول مره اسمع عنها
m
هسمها بينكى زون
pinky zone
بس بجد حجات حلوة أوى
ودمها خفيف
و سعرها رخيص أوى
ب
طيب ما تعرفونا بينكى زون احلى المنتجات فيها اية انا قريب اعلانات ليها بس ياريت اللى جربت تفيدنا وكمان ياريت بالاسعار
v
waaaaaaaaaaaaaaaw , ana awel mara a3raf en hena f tagamo3 lel masreyeen
kol sana wento tayebeen ya banaat ana mesh 3arfa eza kont 2a2dar asa3ed wala la2 bas ana ma3rafsh la f as3aar wala amaken f masr bas law halaa2y nafsy 2a2dar asaa3ed ay banoota walahy ma hat2a'7ar 3anha ...
e
ازيكم يامصريات داماعين راسنا كده
ايوه ياجماعه ياريت تقولولنا على بينكى زون
وكمان ياجماعه عاوزه اعرف اجيب ايه فى مكياج للجهاز
الانواع الكويسه وياريت متكونش غاليه قوى علشان انا اساسا مش بحط وانا خارجه بس عاوزه برده حاجات نضيفه
واجيب ايه بالظبط والانواع لو هتعبكم معايا عاوزه اجيب ورقه وقلم واكتب اجيب ايه بالظبط عاوزاكم بمعنى اصح تجهزونى من ناحيه الميك أب
m
eman787;4844228:
ازيكم يامصريات داماعين راسنا كده
ايوه ياجماعه ياريت تقولولنا على بينكى زون
وكمان ياجماعه عاوزه اعرف اجيب ايه فى مكياج للجهاز
الانواع الكويسه وياريت متكونش غاليه قوى علشان انا اساسا مش بحط وانا خارجه بس عاوزه برده حاجات نضيفه
واجيب ايه بالظبط والانواع لو هتعبكم معايا عاوزه اجيب ورقه وقلم واكتب اجيب ايه بالظبط عاوزاكم بمعنى اصح تجهزونى من ناحيه الميك أب


اولا الف الف مبروك يا قمر و ربنا يسعدك :flower:

بالنسبه لبينكى زون Pinky Zone
انا اول مره كنت اشوفها امبارح فى مول اركاديا و لقيت انها موجوده كتير فى المحلات الى فى معظم المولات الى هى بيكون عندهم ميكب و برفانات و اكسسوارات و حاجات كده متنوعه ........ مش عارفه فهمتوا قصدى و لا لا ، و هى فى مستوى ماركة ساندى مثلا و اسعارها حلوه اوى يعنى لقيت الايشادوهات و البلاشرات ب5 جنيه بس انا الصراحه مجربتهاش لكن شكل منتجاتها حلوه و عبوات كريمات الاساس و البودر شكلها شيك

شوفى بالنسبه لانواع الميكب الكويسه انا عن نفسى بحب جدا بورجوا Bourjois بس الاصلى و حتى التقليد بتاعها حلو بس انا عندى من الاصلى منها البودر و كريم الاساس و ايشادوهات و بلاشرات و ماسكرا و اقلام كحل و الصراحه كل حاجاتهم تحفه و انا مرتاحه عليها اوى

كمان فيه حاجات فى اوريفليم حلوه اوى خصوصا اقلام الكحل بتاعتهم تحفه و كل الوانها حلوه الاسود و الاخضر و الازرق و الروجات حلوه و خفيفه و البودره السائبه جميله

بس برضه قبل ما تشترى خدى اراء تانيه

:flower: :flower: :flower:
ح
ماشاء الله عليكم بنات...موضوع حلو قوي

بصي حبيبتي انا جربت الروج من بينك زون...هزا خامته حلوة لكن اللون كان فاقع حبيتين علشان كده ماحبتهوش علشان انا بحب الروج الهادي...انما ده لونه زاهي جدا

انما روج برجوا كريمي وألوانه حلوة لكن مابيثبتش وبيروح بسرعه

انما البودرة الحرة من برجوا حلوة قوي وبتنور ومابتبنشي

شادوهاتهم والبلاشر يجنن والوانهم ماحصلتش
والكحل جميل جدا وسواده فاحم لكن ساح في عيوني علشان بتدمع كتير


وفيه يابنات ماركه مكياج اسمها مايبلين جميله قوي جربت كريم الأساس بتاعها حلو ولوك طبيعي للصبح

والبيس بتاع ميكب فور ايفير....اكتر من رائع انا استخدمت الموف والأبيض حلوين
s

هاي
ازيكم يا بنوتات انتم اول مره تعرفو ان في هنا جزء للميكب انا بقي كنت صاحبه الاقتراح ده وانا اللي عملت الجزء الاولاني واستفادنا منه كتيرررررررررررررررررررررر اوي حاولو تشوفوه هو والتاني
بصو بقي احلي حاجه انا جربتها من الميكب كريم اساس اماندا كنت جايباه من سنه كده ب 60 جنيه بس بجد وهم وكمان اللوس بودر من اورفليم ديه بقي مش بقدر استغني عنها ابدااااااااااااااااااااااااااا وانا بشرتي دهنيه ف دول اللي ناسبوني
ايه بقي يا كريز البييس بتاع فوريفر فهمينا اكتر بيعمل ايه؟؟؟؟؟؟؟؟؟؟؟؟؟؟؟
انا فعلا شفت مركه بينكي زون كتير في المولات بس خوفت منها لانها رخيصه اوي فخفت علي بشرتي اللي بشرتها دهنيه وجربتها ومحصلهاش حاجه تقولنا هههههههههههههههه
e
coffeerose;4847461:
اوريفلام حتبقى معاكي كويسة لانك زيي مش بتحطي وانت خارجة
وفي نفس الوقت عندهم حاجات نظيفة
وكمان ماركة ريميل اسعارها حلوة بس شوفيها بنفسك خصوصا الشدوهات
لان ساعات بحسها خفيفة

وبرجوا لايعلى عليها
بس الكحل بتاعها بحسه بيسيح رغم ان عيني مش بتدمع
ولا انا بخرج حاطةكحل يعني مش بتعرض بيه لجو حر او برد بس بحسه بيسيح

في ماركة الكحل بتاعها ووتربروف ب59ج اسمها بالاديو بس روعة وسواده رائع ومش بيسيح


طيب ممكن تقوليلى ماركة ريميل
الاقيها فين
واسعرها اية اخبارها
X