فينكوا يا بنات يا مصريات ؟؟؟؟؟ ( الجزء الثالث )

@ green apple @ 02-09-2007 753 رد 91,265 مشاهدة
.
كوفى روز والله العظيم انتى عسل تولدى بالسلامة يارب
وايه نظام العروض فى ابريل عاملين تخفيض على ايه فى الكتالوج؟
عروسة البحر منورانا
م
بنات مصر الحلووين

انا من السعوووديه وبموووت في مصر والمصرين

وحبيت اسئلكم سؤال

مين فيكم زارت سيفورا الي في المهندسين جنب كوفي سيلنترو

عاوزه اعرف ايه الماركات كلها الي هناك
P
طبعا الحمام المغربى جميل جدا بس القصودو انو متتوقعوش سحر منو اى مقشر و بعدى مرطب بيعمل نفس مفعولو الاهم من الصابون الطمى المغربى لانو بيقفل المسام و بيحسن البشره و الافضل بعد حمام بخار او سونا

و كريم العنين بشل الهالات بس المش مسببها امراض و راثيه و مده استخدامو من شهر ل 3 شهور حسب الحاله مره واحده يوميا مع كمدات ماء ورد و اراحه العينين
m
شكرا ياكوفى على العروض الحلوه دى وشكرا على الموضوع الحلوده وياريت تشرفونى فموضوعى
http://www.3roos.com/forums/t319088.html ونتبادل الخبرات
.
كوفى روز القفى دى بسرررررررررررررررعه:21_140:

ايه العروض الجامدة دى:21_195: بس بجد الحلو يجيب الحلو

بموت فيكى ياقمر والله :9_33:






















يارب تنسى حكاية العروض اللى بفلوس دى :21_131:
l
حبايبي المصريين عاملين ايه انا اول مرة اجي هنا

عندي سؤال لاني ميح في الميك اب

عايزة كريم اساس جامد يكون مش بيجير واستغني عن البودر
وبكام والاقيه فين؟؟؟
m
انا بحب اماندا فى اى محل ميكب و43,5 كنت جيباه
l
حلو يعني يامارو؟؟؟؟
l
مرسيي ياقمر علي ردك
y
محبه روشه
بنات مصر الحلووين

انا من السعوووديه وبموووت في مصر والمصرين

وحبيت اسئلكم سؤال

مين فيكم زارت سيفورا الي في المهندسين جنب كوفي سيلنترو

عاوزه اعرف ايه الماركات كلها الي هناك


هلا ياقمر انا مش مصرية بس انا رحت سيفورا اللي بجامعة الدول وهو لاعلاقة له بسيفورا الاوريجينال
يعني هم مجرد مقلدين الاسم
برانداته مش كاملة يعني ماهتلاقي شي كامل عنده من اي براند ولكن مقتطفات من عدة ماركات

يعني ماهتلاقي مثلا ستاند كامل ل جيرلان او او و بالتالي هم مجرد استنساخ
ب
تسلمى يا قمر ..... تحيا مصر
s
coffeerose;5388723:
دلوقتي انا عايزة افهم انا رحت فتح الله
ووقفت قدام ستاند الكابتن ولقيت نوعين زيت لوز
واحد مكتوب عليه زيت لوز حلو وواحد مكتوب عليه زيت لوز خام او اصلي
حاجة كدة المهم الاتنين مكتوب عليهم للبشرة.....وحمايتها من حروق الشمس والالتهابات والاستخدام في الصيف وكدة مش جايبين سيرة الشعر خالص
طيب يعني النوعيني دول ماينفعوش للشعر؟؟؟؟


كوفي روز ازيك يا جميل
زيوت الكابتن حلوه جدا ونضيفه جدااااااااااااااد
زيت اللوز الحلو للشعر لانه خفيف شويه علي الشعر وعن تجربه حلو اوي بس نصيحه تحطي منه ك حمام زيت مش استعمال يومي زي الكريم فهماني
اما زيت اللوز الخام علي ما اعتقد انه المر لانه بتبقي رحته بذره اللوز جدااااااااااااااااا وبيبقي تقيل شويه مينفعش يتحط علي الشعر ومش شرط يكتبو للشعر اسال مجرب ولا تسال طبيب ههههههههههههه
s
loveway;5377405:
حبايبي المصريين عاملين ايه انا اول مرة اجي هنا

عندي سؤال لاني ميح في الميك اب

عايزة كريم اساس جامد يكون مش بيجير واستغني عن البودر
وبكام والاقيه فين؟؟؟


انا جربت اماندا الصراحه الحق يتقال هو كان حلو معايا في الاول جه في الاخر وخررف معايا والا انا بقي اللي بشرتي اتنيل اكتر مش عارفه والله بس انتي مينفعش تستخدمي اساس لوحده انا كنت بستخدم معاه لوس بودر من اورفليم كان الاتنين مع بعض جامدين ااوي
وهتلاقيه في كل محلات الميكب ان شاء الله وسعره في حدود ال 43 جنيه
s
coffeerose;5376891:
:15::15::15::15:اميرة :15::15::15:
العروض بتاعة شهر ابريل
(g)(g)(g)
(*)قلوس اسمه بوستر قلوس 29ج
(*)كريم اليد والاظافر جديد 50 مل .....14ج
(*)الكريم ده بنواع السنبل.....النرجس.....السوسن

(*)شاورجيل بالمانجو والزبادي.....واللي بجوز الهند ولبن الارز الواحد ب34ج
(*)مجموعة جديدة عبارة عن سوفليه((كريم الجسم ....كريم الاستحمام....كريم سكرب ))))
الكل 200 مل
بالحريروفتامين ج الاسعار بالترتيب 39ج....29...39ج

(*)كريم ملطف للقدم 150مل...19ج
(*)كريم مزيل لعرق القدمين 100مل...24ج
الاحجام دي الجامبو

(*)اسبراي رجالي سجنتير .....34ج
كريم بعد الحلاقة نفس النوع ....19ج
(*)حمام القدمين...24ج
فرشاة تدليك القدمين....14ج



(*)قلوسات جديدة من جيورداني جولد....44ج ((شكلها حلو)))
(*)ظلال الجفون الكريمي اللي بتبقى شبه القلوسات في الشكل ب39ج
(*)مزيل مكياج 3*1...29ج
(*)ميتاليك ليب ستيك جديد...24ج
(*)محدد الشفاة 19ج
(*)كريم اساس سائل خفيف 34ج
(*)ماسكرا فيجنز 14ج



(*)ماسكرا ومحدد العين عيون القطط نفس العرض الشهر ده 39ج
(*)قلوس اللي في انبوبة من فيجنز خمس درجات 17ج
(*)محدد القلوس 14ج
(*)كونسيلر فيجنز 14ج
(*)جيل للبشرة فيجنز 24ج

:15::15::15::15::15::15:

يا كوفي روز يا جامد تسلم ايدك يا قمر بس انا لسه هشتري برفان سيرين العرض جامد الصراحه والا انتي شايفه ايه
.
shadow of love;5389262:
كوفي روز ازيك يا جميل
زيوت الكابتن حلوه جدا ونضيفه جدااااااااااااااد
زيت اللوز الحلو للشعر لانه خفيف شويه علي الشعر وعن تجربه حلو اوي بس نصيحه تحطي منه ك حمام زيت مش استعمال يومي زي الكريم فهماني
اما زيت اللوز الخام علي ما اعتقد انه المر لانه بتبقي رحته بذره اللوز جدااااااااااااااااا وبيبقي تقيل شويه مينفعش يتحط علي الشعر ومش شرط يكتبو للشعر اسال مجرب ولا تسال طبيب ههههههههههههه


تمام ياقمر كل اللى قالتهولك مظبوط ياكوفى روز
a
بنات لو سمحتوا عاوزه اعرف اجيب منين ماركه بينكى زون واسعارها ايه وياريت لو مكان قريب من المهندسين
s
aseel 22;5397093:
بنات لو سمحتوا عاوزه اعرف اجيب منين ماركه بينكى زون واسعارها ايه وياريت لو مكان قريب من المهندسين


بينكي زون متوفره في كل مكان في المهندسين ممكن تلاقيها في بلاتنيوم مول
l
بصي يااسيل هي احلي منتجات بينكي زون هي الاياشادو واحمر الخدود والروج حلو اوي واسعارها حلوه وكريم الاساس انا سالت عليه لقيته ب 28 جنيه بس لسه ماجربتوس مستنيه حد يرد عليه ويقول انا استخدمته وطلع حلو لان بشرتي دهنيه ودايما بتطرد الماك اب
l
يابنات بلدي عاوزه مشاركه وجدانيه اخويه منكم ياقمرات باذن الله فرح اختي 1 شهر 5 اوكي عايزه ننسق مع بعض عن مستلزمات الماك اب الي تشتريها وكمان كريمات العنايه بالبشره والجسم وياريت الي تقولي علي حاجه تكون عن تجربه هي بشرتها دهنيه وحساسه جدا وجزاكم الله خيرا
.
lolycat;5404460:
يابنات بلدي عاوزه مشاركه وجدانيه اخويه منكم ياقمرات باذن الله فرح اختي 1 شهر 5 اوكي عايزه ننسق مع بعض عن مستلزمات الماك اب الي تشتريها وكمان كريمات العنايه بالبشره والجسم وياريت الي تقولي علي حاجه تكون عن تجربه هي بشرتها دهنيه وحساسه جدا وجزاكم الله خيرا


بصى حبيبتى هارد عليكى على حد علمى وان شاء الله البنات هايفيدوكى
بالنسبة للكريمات هاتى1- كريم البشرة الدهنية بتاع اوريفلام روعه اسمه اوبتيمالز وهاتيه بتاع الليل مش النهار عشان بيزيت الوش شوية وهايناسب بشرتك عشان انا كمان بشرتى حساسة ودهنية
2-منظف تى ترى حلو جدا برضه من اوريفلام
3- ماسكات الخميرة تحفة اعمليها كل يومين بتنور الوش وكمان بتخفف الحبوب
4-سكرب البشرة الدهنية اللى قالت عليه كوفى روز بتاع اوريفلام برضه بس مش اوبتيمالز واحد تانى
5-لوعايزة بقى تونر جامد حاجه مش هاتصدقيها هاتى خياره واضربيها فى الخلاط وحطى العصير فى التلاجه وامسحى وشك بقطنه منه كل ماتحسى وشك دهنن
6-كريم للجسم وانصحك بدوف عشان فيه لمعه حلوة للجسم كمان بيبى اويل بتاع جونسون بعد الحمام
بالنسبة للميك اب نصيحتى ليكى بلاش كريم اساس كتير عشان نوع بشرتنا الحساسه بيعمل حبوب بسرعه على فكرة احلى لوك الناتشورالممكن تعملى ايه
للنهار
روج اجو برجوا الخوخى عشان انا قمحى مايل للسمار
ماسكرا من اوريفلام فيجنز رقيقة ومش بتوقع الرموش
مفيش اساس بس ساعات اولاى للبشرة الدهنية
جلوس خفيف

الليل
روج اجو اوريفلام كرات اللؤلؤ
ماسكرا ماكس فاكتور
اساس كريولان او كفر ديرم
جلوس ثابت من اوريفلام او لوريال بس هايبقى غالى شوية

وطبعا ماتنسيش البرفانات وانصحك الهادى بيبقى لاوضة النوم على فكرة انا لسة بنوته بس اصحابى قالولى كده
ولو زهقانه من البرفانات عليكى وعلى المسك هاتية السايل واخلطية مع بيبى اويل واتفرجى على ريحتك تبقى روعه
ده اللى فاكراه دلوقتى لو افتكرت حاجه تانى هارجعلك معلش انا رغيت كتير
ربنا يهنيكى انتى واختك يارب
X